日本過江龍🇯🇵😍 由百年歷史嘅日本醬料品牌Otafuku聯乘嘅御好燒專門店，主打廣島燒同鐵板燒料理‼️
環境
部份餐牌
佢有午市定食餐廳，但好搞笑唔係食廣島燒/大阪燒😂所以我地都係散叫。
廣島燒 $98 
廣島燒係將食材一層一層咁加上去，最底係麵漿，然後一層層加上木魚粉、椰菜、炸麵花、蔥花、豆芽、五花肉、麵條，最尾舖上雞蛋🍳，再灑上青海苔及淋上醬汁，過程中要將麵餅反面，所以都好考廚師功夫，製作過程比大阪燒複雜得多，所以唔一定間間日式餐廳都有。呢間話明食廣島燒嘅專門店，口味不少，仲可以揀餸，我就加咗$15要帶子。廣島燒口感層次豐富，我個人鍾意食廣島燒多過大阪燒。
大阪燒 $98
而大阪燒就簡單得多，係將所有材料包括麵漿、蔬菜、肉類等配料撈匀之後拎去煎，最後加醬汁就完成。所以食起上嚟我形容為有啲似食薯餅嘅質感咁，軟糯帶蓉，比廣島燒分明嘅口感好大分別。同樣可以加配料，海鮮都係加$15。
歐姆蛋包麵 $138
既然出名鐵板料理，再試咗個歐姆蛋包麵，都幾大份🙈蛋皮厚薄度適中，麵條上色均勻，炒得好香，全枱澱粉好飽吖😂
