Thai Chef Thais Restaurant

尋晚同朋友去咗旺角近太子嘅「泰廚」晚飯🤤其實以前喺太子返工時，耐唔耐都會去呢度食lunch，佢係抵食又好味嘅指標🤭最抵就係需家有「一蚊」優惠，下午6時後凡惠顧小菜滿$300可任選一款！泰式生蝦有4隻，隻隻都冰涼爽甜，點埋個泰式醬汁勁食正！泰式海蜇外貌平平，但食落爽脆彈牙酸咪咪好醒胃👍🏻二人套餐🩷🍕泰式咖哩白貝+薄餅份量超大嘅咖哩香濃得嚟又帶啲椰香，白貝鮮甜厚肉👍🏻我地用薄餅點滿咖哩汁嚟食，真係要大讚呢度嘅薄餅，從未食過煎得咁香脆嘅薄餅，你一定會忍唔住食多幾件！🍲 冬蔭海鮮湯湯底飲得出係足料熬嘅，香茅同南薑嘅味好出，酸辣味剛剛好唔會一味死辣，係慢慢喺個喉嚨度滲出嚟😍🥬 泰式炒通菜夠鑊氣味道濃郁得嚟又唔會過鹹，仲帶微微嘅辣味，水準之作令人食唔停口！🧆小食拼盤、肉碎生菜包 (另加)拼盤樣樣都炸得香口，魚餅彈牙、春卷香脆！沙嗲串燒更加喺呢度嘅王牌！生菜包嘅肉碎炒得夠香，用新鮮生菜包住食，口感豐富又唔膩。🍬芒果糯米飯芒果又大又甜，暖粒粒嘅糯米飯軟糯，淋上椰奶，完美結束呢頓飯👍🏻 …Read More

心思思想食泰國菜，朋友推薦話有間泰國菜館平靚正 ， 今天就去試下。門面裝修很有傳統泰式風格 ，共有兩層。泰式小食拼盤有兩串串燒，蝦餅，鯪魚餅 ，春捲， 還有蝦片伴碟。乜都有啲，最啱我style。 首推蝦餅， 大大件而且十分彈牙， 真材實料。 串燒也燒得好好味。豬頸肉豬頸肉肉質不錯，有焦香的效果。泰式炒金邊粉份量足，材料夠，啲蝦大大隻十分新鮮，炒得夠曬鑊氣。鮮椰青十分清甜， 剛剛吃了那麼多煎炸嘢， 可中和一下熱氣。泰式椰汁糕這是食滿200蚊加一蚊的， 很多西米，甜度適中， 好有椰汁味。門口位有個地方外賣串燒， 見住嚟燒，大多數是12蚊都幾抵食…Read More

炎熱的天氣總覺得沒甚麼胃口，逛了一會心血來潮就想說來吃個泰式料理 ，心想酸酸辣辣應該比較吃的下飯，而每次在旺角掃街都會留意到一間好多人幫襯既餐廳，而佢門口既串燒我都試過幾次真係好好食，不過晚餐就未嚐過所以都是一直是我的私房名單。說到這就是旺角區都算人氣的【泰廚泰國菜館】。.作為人氣泰國餐廳，呢間真係名副其實，Openrice好評極多，門面售賣的串燒無人不愛，就連入面都是經常座滿客人，太神了，相信通菜街無人不知吧。店內有分上下層上層相對好像闊落一點，但畢竟是小店，都不是闊落的說。佢個Menu，真係吸引，太多野都想食啦，提供多種自家研究的泰式出品！呢度主打包括《泰式生蝦》、《串燒拼盆》、《泰式海南雞》及《菠蘿炒飯》等等。說連店舖門面既有各式各樣的泰式燒烤都可以叫黎堂食。依家仲有個優惠好抵食呀，說係點滿$200以後就可以加$1換購一碟食物。🔹生蝦刺身：一蚊有四隻生蝦，生蝦肉不算太厚但非常新鮮，經冰鎮後肉質緊實富彈性，沒有雪藏的味道。將它伴汁吃更能帶出生蝦既爽甜鮮美，又香又甜，挺驚喜的，雖然是一蚊但沒有一蚊的質素。🔹馬拉盞炒通菜 $67對於泰國人，馬拉盞炒通菜應該是一道超級快速的家常菜，十五分鐘上桌，零難度，而我們香港人對馬拉盞亦都有一種情人獨鐘既感覺。以馬拉盞作調味整體夠晒香辣惹味，通菜鮮嫩翠綠炒完都夠晒爽口配白飯應該很不錯的。🔹小食拼盤 $85「串燒沙爹雞，各一串一堆炸蝦片，兩件炸春卷、兩件炸蝦餅，兩件炸魚餅」串燒沙爹雞推薦指數5星，雞肉串的份量蠻多，四塊雞肉串為一串，燒得剛剛好呀，夠爽口又不乾，邊位還是脆脆的，肉汁沒有吃到，因為被沙爹醬蓋過了，超級惹味，微微的辣味，味道濃好加分。炸蝦片和炸蝦餅、魚餅均點上醬汁就會帶來酸甜口味，望上去賣相挺美的，應該是將慢火炸至上色，再轉中火炸至金黃及脆身。入口香脆感增加，幾樣炸物都可以做到膨鬆酥脆的口感。不錯呢。小的小食拼盤其量剛剛好是兩個人的份量，唔知食咩小食，食呢個岩晒啦！正呀！🔹乾咖喱炒雞 $80香氣濃郁、色澤金黃的咖哩對於許多人來說有著令人深深著迷的魔力。 平時香港食慣的咖哩雞多數都是有咖哩汁，今次轉轉另一口味，雖然「乾咖哩雞」無咖哩汁，但咖哩味已經入哂雞肉入面，再配埋四季豆和菇一齊食又真係唔錯，我諗乾咖哩其實配咩都好食。🔹薄餅一份 $30薄餅新鮮熱辣送上，加埋乾咖喱真係完美組合，價錢又平，但一點也沒有馬虎喔！🔹椰青 $38泰國菜又怎少得一個椰青？椰青汁非常可口，新鲜椰青特別甜呀！椰青的肉均很腍身，既解渴也解辣，對於喜歡吃泰國菜但又不能吃太辣的人來說，這是最好不過的飲品。每次路過也是來去匆匆，沒有機會停下腳步品嚐。今次終可以一試啦，【泰廚泰國菜館】餐廳裝潢雖普普通通，但價錢方面非常合理，口味也很道地，可以從平價中的嘆到這麼美味特泰式地道料理，真是一個三五好友聚餐的好地方。重點是地點很就腳，營業時間又夠長...方便夜鬼去夜宵嚕。…Read More

開頭食呢間係諗住佢好就腳，跟住入到去就覺得啲嘢食真係又平又好味，而且上枱上得好快。一次叫咗兩個特價野食，面前呢個4號嘅泰式生蝦，1蚊咋同埋泰式明爐烏頭魚，今日做特價！啲蝦好鮮甜，條魚就真係好大條，個湯底後期煲到滾晒時真係好夠味！仲有叫咗個炒飯，裏面有幾隻蝦，整碟炒得好混合，好甜好好味。呢個小食拼盤好夠份量，啲蝦片好有蝦味， 而且好脆，啲醬料好惹味，總之整碟來說都好滿意！最後都想講埋杯飲品，同出面茶餐廳價錢差唔多，但味道好足，凍檸茶好有茶味，香茅冰又好有香茅味好喜歡，唔怪之入嚟食嘢佢有限時間又同時勁多客人食，正！…Read More

成日經過呢間鋪頭聞到好香但都無食過 早幾日有朋友提出聚會話去呢間食 去到先知係我一直好想試嘅泰國菜 食物又幾好食 好滿意 大家都食到飽飽的呢個係叫滿$200可以選兩樣指定食物嘅沙律味道有d辣同酸 我對酸野麻麻地 所以無試到 但同行5位朋友都好少食 我諗都應該唔係咁好食上面鋪咗肉鬆好香 但份量會較少 洋蔥份量多 一個人食都未必夠 何況share 不過又係好食嘅走咗花生 原本睇佢個樣咁紅應該會好辣 但原來唔辣 味道唔差 只係唔知點解會痴埋哂一嚿呢個我又係無咩點食 因為佢個肉碎都係又酸又辣 但包埋生菜口感幾刺激 幾好食嘅 不過唔啱我食炒到好香好入味 我地5個人會爭嚟食 我都食咗好多 除咗有個好似炸鯪魚塊嘅野唔好食 其他都好好食 唔知蝦餅有無得單嗌呢呢個又係叫滿$200送嘅 唔係唔好食 不過加咗粟米我就麻麻地 覺得有dd怪 我都係鐘意分開食…Read More

晚飯的時間，我和家人路過這間泰國菜餐廳，應該是食物質素很不錯，所以店內顧客很多，看見門外的餐牌上的食物選擇很多很吸引，價錢合理，便決定入去試一試菠蘿炒飯 ($98)將原個菠蘿的菠蘿肉挖空，再切一半，十分考師傅的功力，賣相有心思，黏口的肉鬆，十分鮮甜的菠蘿，酸甜提子干，光澤誘人的炒飯，整體感覺十分鮮甜，令我十分開胃冬蔭明爐鳥頭 ($150)鳥頭十分清鮮甜美，肉質香稔軟嫩，加上冬蔭公湯底，清甜得來帶點微辣和酸，加上用慢火一路煲住鳥頭，令食物的熱度得以保持小食拼盤 ($75)爽脆的蝦片，軟彈煙韌的魚餅，爽彈鮮美的蝦餅，煙韌的炸春卷，串燒豬的豬肉份量十分充足，豬肉挻彈牙的，串燒雞的雞肉份量十分多，雞肉十分嫩滑細密乾咖啡炒雜菜 ($80)微甜的咖哩汁，菜的種類十分多，清鮮白菜，爽口的西蘭花，彈牙的豆，嚼勁的芥蘭，爽口微彈的菇泰式木瓜沙律 ($1)木瓜沙律十分辣帶點微酸，沙律的份量很多，超級抵食泰式椰汁糕 ($1)很香很濃郁的椰汁味，整體感覺甜膩整體來說，食物的質素很高，價錢相對很合理，店員有良好的服務態度和有禮貌，所以我認為這間餐廳值得再去惠顧…Read More

夜晚上完堂後join朋友食泰國菜，入到去勁多人，朋友又揹住支結他，勁唔想搭枱……但唔搭枱要等半個鐘先有枱，我哋3個都好肚餓，唯有搭枱啦……我飲過咁多間泰式餐廳嘅龍眼冰，暫時最好飲係哩間，味道唔會太甜，清清哋，好舒服。木瓜沙律同粉絲沙律就無乜特別，但哩兩款沙律都只係$1碟！勁抵！因為每滿$200可以以$1叫指定4款食物嘅其中一款！我哋本來係想叫生蝦，但賣晒。食親泰國菜必食椰菜苗，無其他原因，情義結來，同馬拉盞一齊炒真係好好味！菠蘿炒飯雖然我哋哩碟唔同其他客人一樣，原隻菠蘿上，但都無因為咁而味道差咗，仍然好好味，飯每粒都入味，上面勁多肉鬆，而且配合埋菠蘿嘅酸甜味，好開胃，食晒成碟都唔係問題。小食拼盤要咗大嘅，點知真係好大碟……食唔晒……拼盤有雞同豬串燒，春卷，炸蟹鉗等等，都係一啲比較香口嘅小食，但如果你唔係大胃王的話，叫細就夠。青咖哩雞，雞肉係用雞柳，咖哩完全唔辣，但有咖哩香味。有咖哩就梗係要配薄餅！薄餅奶油味好重！我勁鍾意！不過如果再整得鬆化啲就仲好味！3個人食咁多嘢，埋單都係4百幾蚊，都算抵。…Read More

吊頸都要抖下氣，忙完之後緊係要食番d鐘意嘅野獎勵下自己啦，我一向都好鐘意食泰國菜，因為d野食都好開胃，味道都岩我口味。今日閒日差唔多夜晚9點左右食，出面都有人排隊。呢到消費滿200蚊仲有一份小食送，我地就簡左生蝦。生蝦仲配左個汁，酸酸地點黎食都幾開胃，而且蝦都唔會腥，做前菜開下胃都唔錯。我地仲叫左個大嘅小食拼盤，拼盤有蝦餅、蝦片、魚肉餅、串燒、春卷，想樣樣都食d個話就要叫呢個啦。當中比較特別既係個蝦片，蝦味妹濃，同平時食開嘅蝦片好唔同，但個蝦餅就普通，唔夠彈牙。串燒係有豬同雞串，雞串好好食，肉都好滑而且個汁係有d椰奶味，味道好夾又唔會乾爭爭，但個豬就好韌唔係幾好食。平時係出面食泰式嘅燒豬頸肉都好好食，所以今次都叫左，但係呢到既燒豬頸肉就唔推薦大家食啦，有d乾同韌，最重要嘅係一d都唔香，食落去冇咩味。炒金邊粉推薦大家可以試下，甜甜地咁好香好好食，佢仲加左d芽菜同雞肉，食落去口感都幾豐富，而且又唔會有油膩嘅感覺。另外，食泰國野就緊係要叫生菜包肉碎，呢到既就一般，不過不失啦，只係d生菜大得濟，食得有d麻煩。野飲大家都係叫青檸梳打同醎檸梳打最後都係每人100蚊左右，真係好抵食，而且又好味，唔怪得咁多人排隊啦👍🏻…Read More

去旺角行街順便食晚飯，行過通菜街聞到泰廚門口的串燒好香，吸引了我，見唔算多人等，就決定食泰國菜，兩個人大約等了5分鐘就可入座。入到去見到有人食咖哩蟹超正，但兩個食怕食唔哂就叫其他野食。看到餐牌有$1 精選，惠顧滿$200 就有，超抵! 本身想點生蝦，但當天店員說蝦不新鮮所以沒有生蝦，所以點了泰式木瓜沙律。這泰式木瓜沙律酸酸的，很開胃，木瓜沙律充滿了生蟹的鮮味，同我之前在泰國街頭食的一樣味道!$1 可食到真係超抵! 食泰國菜點少得冬陰公，看到餐牌有幾款可選，推薦冬陰大頭蝦湯，所以就選了這個。原個煲上的冬陰公，令湯可保溫更久。驟眼看以為份量不大，但飲落每人都有二至三碗，味道跟平時飲的差不多，帶蝦的鮮味，酸酸辣辣很合胃口，但不會是超級辣。 　大頭蝦的膏都溶在湯裡，只有一點點肉可以食。另一款我必叫的馬拉盞炒通菜，這通菜都很入味，不算很多油，夠爽口。還點了蝦膏炒飯，食咗好多濃味食物之後要吃點飯，這炒飯炒得夠乾身，兩個人食份量OK，味道正常。原本想叫串燒及其他小食，又怕食唔哂，所以點了個小食拼盤，一次過試下幾款小食。個人特別愛食這魚餅，很重香料味道。這雞串燒很香口，肉質也很滑。…Read More

平日經過花園街，總看見附近一家泰國菜館，門外串燒總是香味四溢，今天親身來試一試。價錢合理，人亦頗多。我和朋友於門外等了約15分鐘便有位。食物種類頗多，有點花多眼亂。小食拼盤有豬肉，雞肉串燒，味道香滑炸蝦餅，蝦片香脆，鮮味十足春卷質素非常好，香脆豐口感，味道上佳。青咖哩雞輕微辛口更添美味，食慾大增，難得雞肉滑，還有各種菜蔬於中，非常健康。馬拉盞通菜微辣通菜，新鮮，而且份量多，非常抵吃咸檸七冰底的檸檬，觀裝的七喜加起來，有汽，少少酸，味道不錯。吃完今餐才發現有一元生蝦刺生，今次無緣，期望下次再來吧！…Read More

今年7月真是熱得過份，在烈日底下確實有機會曬到頭暈兼中暑 隨便走入了一間泰國菜館，第一時間要點一杯清涼飲品解暑!龍眼冰 $22一杯多冰的飲品簡直是我的救贖，遲來一步我也可能會暈到街頭。龍眼清甜多汁，雖然不是新鮮用料但味道合格!咖哩軟殼蟹 $220加入了大量蔥段跟洋蔥落鑊炒，軟殼蟹也有大約4、5件，兩個人食剛剛好。撇開金黃咖哩後會看到底下白色的軟殼蟹蟹肉，不用剝殼確實十分方便，不會弄髒雙手之餘亦輕易食到啖啖蟹肉。蒜蓉包 $28咖哩跟蒜蓉包一向都缺一不可，蒜蓉包烘到兩面香脆，面頭有少許蒜蓉味，不會濃烈到搶去咖哩的風頭。比較驚喜的是原來咖哩底層是鋪有伊麵，如此新奇的配搭我亦是第一次見識。不過咖哩的調味有待改進，鹹味方面重手了。小食拼盤 $75由於我們只得兩個人，所以小食拼盤只點了小份，拼盤有串燒、炸蝦餅、炸鯪魚肉、春卷及蝦片，當中就以蝦餅最為出色，外脆內軟，而且蝦膠很彈牙，配上旁邊的甜酸醬味道就更有層次。其餘小食水準都不錯，唯獨是蝦片淋了點點。豬肉串燒除了瘦肉之外還夾雜了肥肉，吃的時候就不會覺得那麼乾了，面頭加了少許沙嗲醬，花生味令整個串燒生色不少。總括，泰廚泰國菜館主要是價錢親民，難怪平日中午會如此多白領幫襯。…Read More

在韓國玩了半年的多年姊妹終於肯回港，必定要把握機會見個面呀！最近香港最多最紅的餐廳都是韓國菜，但因為她剛剛在韓國回來，不想再吃韓國菜，就挑了泰國菜。尋找泰國菜的任務就這樣交托了我早前上openrice找其他餐廳的資料的時候，看到＄1食生蝦的廣告，吸引了我的眼球，於是今次就專程來試一試。餐廳地點非常便利，就在貓貓街麥當努旁邊。無論是乘地鐵還是火車都可以5分鐘就走到，走天橋的話一下天橋就到達了！來到的時候是晚上6時半，對於香港人來說是頗早的晚飯時間，但店裡已經人山人海了，所以店員就安排我們坐在樓上的座位。由樓上看下去的景觀是這樣的，非常平民化的泰國餐廳，沒有花過多的成本在裝修上衝著＄1生蝦來的我們，原來每食滿＄200就可以用＄1換購價購入買隻生蝦，這次真的不得了！除了生蝦，還有其他＄1食物可以選事不宜遲，立即一探生蝦真身！其他可以選擇粉絲沙律或者泰式椰汁糕。生蝦的醬汁是綠色的，味道沒有什麼特別，酸味比較少而辣的成份比較多。所以生蝦上的辣椒可以不假思索的弄走它來吃泰國菜，冬陰公都是必食的！餐廳有不少冬陰公的選擇，今次由朋友選了大頭蝦。真身真是原隻大頭蝦放在冬陰公湯裡，湯的味道蝦味夠濃，喝起來有點像蕃茄湯，不算很辣。值得一讚的是，大頭蝦已經開邊，輕易就可以起肉了有豬又有雞的小食拼盤，有大有小，因為我們只有四個人就選了小的一盤，但份量已經不容小看！沙嗲花生醬味較為重，串燒的肉質不錯；朋友一致認為蝦餅炸得不錯泰國菜除了冬陰公，咖哩也是我每次必點的菜之一。今次選了史兩鏡，是黃色的泰文，即使黃咖哩。選了雞肉，另外也可以選豬、牛、或者雜菜；椰漿味好重，所以真是有點像葡汁。不過薄餅一流，厚薄一致，而且夠鬆軟不油膩吃了那麼多煎炸物，當然要懶健康點一些菜來吃。馬拉盞炒通菜的「馬拉盞」味道非常濃烈，帶少少辣，幾香口最後再加多＄1嘗了甜品，＄1可以換得小小的四杯椰汁西米糕。中間的材料絕對沒有偷工減料，作為點甜也沒有過甜，非常不錯…Read More

位於旺角東的泰國餐廳，很適合數位中學同學的聚會 等位人數不少，幸好餐廳有閣樓，不至於眾人企到腳軟 看到最近有這個特別推廣！每$200可加$1點一款，所以我們決定叫$600，那就可以點三款了 冬蔭公大頭蝦湯 ($75)感覺這裡的泰國菜都根據香港人口味，作了適當的調整。本應讓人感覺很辣的冬蔭公，這個反而令人覺得鮮甜味更出，有點像蕃茄湯的感覺 大頭蝦的大小沒令人失望，湯的味道都能確切顯示其新鮮的程度！生蝦刺身用了$1就買了的生蝦刺身，質素卻沒有「一分錢一分貨」，反而是很出色的一道頭盤！蒜片、辣椒、特製汁料，配上新解生蝦一隻，即成為惹味爽口的一道泰式刺身 回味無窮！肉碎生菜包 ($72)必須一讚的是肉碎同生菜的份量十足，足夠六人吃！（而我們只有四個人...）所以可以大快朵頤！這裡的肉碎生菜包跟外邊吃的有點不同，它有挺重的香茅葉味。香茅味帶甘，喜不喜歡它就見仁見智了。馬拉盞炒通菜 ($67)吃太多肉，必須要點一道菜作調劑 泰國菜必吃小菜之一－－馬拉盞炒通菜。很簡單的一道菜。新鮮通菜、惹味馬拉盞、充滿鑊氣的大鍋一炒，色、香、味俱全的菜就能呈上台，亦成為了眾人狂搶的目標 黃咖哩雞肉 ($80)、薄餅 ($30) 薄餅當然不能單點，一定要配咖哩！這裡的咖哩辣味不太重，反而椰汁味比例較高。雞肉軟滑鮮嫩，口感不錯；薄餅鬆脆香口，配上黃咖哩，令味道更上一層樓 小食拼盤 小($75)小食拼盤可謂必點之選！這拼盤剛好足夠四人份。蝦片、雞肉串、蝦餅、春卷…應有盡有。配以甜酸醬，令油膩感降低。特別一讚炸蝦餅，外脆內軟，蝦味濃郁，絕對要試！炒金邊粉 ($68)炒金邊粉亦是泰國菜的「鐵膽」！看到金黃色的外表，伴隨的是濃郁的蛋香，未放進口，都知道這個是兵家必爭之地！ 相機吃完，眾人立刻動筷。果然炒得沒令人失望，炒蛋和鮮蝦均十分足料，醬料均勻地佈滿每一條金邊粉，令每一口都為舌尖帶來刺激 （menu其他菜式）位於香港中心的一家餐廳，價錢大眾化，食物不俗亦份量十足，適合各位辦小型飯局…Read More

行完寵物街，經過天橋底嗅到好香既沙嗲味，串燒令人垂涎欲滴! 原來係一間泰國餐廳，望下menu, 講得出既泰國菜都應有盡有，款式豐富，一於試下先! 可惜旺場滿座既關係要等齊人先有得入，企嚮門口等果陣發現，原來藝人麥包都有推介過! 室內有2層，以港式茶記格局配泰式佈置為主。第1時間叫左豬及雞串燒各2串，雞肉嫩滑，豬肉爽口又唔韌，沙嗲醬勁多又好味 食滿$200加$1可4選1款冷盤或甜品，雖然無曬生蝦，但揀左木瓜沙律都好抵，原價$72架!木瓜絲清爽，酸度適中偏辣夠開胃!小食拼盤有5款，雖然春卷炸得較油膩，魚餅好腍帶極濃香茅味，蝦片乾爽卜卜脆，一d都唔油。蝦餅可口有鮮味。泰式金邊粉炒得夠乾身，配料豐富夠惹味!由於朋友唔食得辣，叫左「史両鏡」黃咖喱雞，食咖喱梗係唔少d薄餅啦，1份有5塊，蘸上唔辣但依然保留濃郁既咖喱汁食泰菜我一定會叫馬拉盞炒通菜，咸香微辣夠火候!正宗青檸梳打，原支青檸水同青檸片+碎冰分開上，叫左少冰真做到 果真係正宗泰國菜，菜式用料豐富又抵食!無失望！…Read More

今日逛完花園街經過這間泰國餐廳，被餐廳門外的BBQ串燒香味所吸引，決定試試這間實而不華的泰國菜館。雖然沒有豪華裝修，但地方尚算乾淨企理，加上有不少泰國飾物，增添幾分泰國情懷.首先，來一個細嘅小食拼盤，有雞肉串燒，春卷，蝦餅及魚餅各×2，雞肉尚算嫩滑，配上帶有甜味同花生醬味嘅泰式沙嗲醬，非常惹味！蝦餅內有蝦粒，頗有蝦味同嚼勁。我自己最喜愛的是酸辣椰汁雞湯，白白的湯椰香撲鼻，酸辣味道恰到好處，用料豐富及調味得宜。食泰菜我必點的黃咖哩，今次試吓配牛肉，咖哩汁椰汁味濃兼不太辣，牛肉分量亦多不過不夠嫩滑。扎肉沙律材料雖然簡單，扎肉稔香軟彈，配上泰式酸辣汁，非常醒胃！另外，最令人興奮的是order滿200元可以1元優惠價任選1款小食，我地選了爽口彈牙，晶瑩剔透的泰式生蝦，配上秘製生蝦醬汁，酸酸甜甜，確實美味鮮甜，1元有4隻，真係好抵食！點菜後發覺隔離枱好多都有叫菠蘿炒飯，原來那是“是日優惠”，雖然我地沒有點，但看見賣相也相當不錯兼且多數全部食清，估計也是水準之作吧，下次一定要試一吓！總括而言，這是一間招呼不錯兼抵食嘅泰國菜館，令你食得好滿足，兩個人埋單都是300元左右，仲免加一服務費。不過平靚正就一定人多等位，聽老闆說平日才可以訂位，所以唔想等太耐的話就最好7點前或8點後到喇！ …Read More