雲家小鍋米線 (328廣場)

Open Now

Now Closed

見到佢係OpenRice開飯熱店專登約朋友嚟試吓嚟到發現超多人喺門口等位本身唔太鍾意排隊等位開頭係有諗過放棄但又會諗係為咗佢而嚟所以最後都係排隊XD好在食完覺得排隊係值得嘅同埋其實只係等咗大概10分鐘兩個人超肚餓 叫咗好多嘢食但我哋全部都有清晒咖～- - - - - - - - - - - - - - - - - - - - - - - - 1. 小鍋米線(雞絲、金菇、豆卜)+熱西洋菜蜜平時食米線都會叫2-3樣餸今日都唔例外 叫咗上面3樣嚟到發現碗米線超足料多到有種食極都食唔完感覺應該食咗一包金菇落肚另外雞絲、芽菜都係好多筷子一夾 實有米線雞絲芽菜或者米線金菇芽菜湯底仲有少少豬肉碎小小細節位都唔會放過咁樣價錢都係$49 超抵食啊辣度方面叫咗BB辣好微好微嘅辣 酸味比例較重仲有小、中、大、勁辣可揀2. 小鍋米線(墨魚丸、肥牛、響玲)+檸檬可樂呢碗一樣足料 因為肥牛關係價錢就係緊係貴少少啦$64但都可以食到好飽好飽難怪咁多人排隊啦同埋食緊過程係會見到外賣訂單源源不絕同埋我哋本身想叫薯粉但好賣到7點已經賣晒聽到豬腩、豬排都係賣晒真係好多客人幫襯3. 涼拌墨魚頭見到呢個好多人推介過嚟到緊係試吓

呢間小店提供地道米線如酸辣湯小鍋米線、重慶酸辣粉等🍜另有多款小食，價錢經濟實惠😍💗小鍋米線+炸醬+豬脷+ 冬菇 ($58)米線煮得啱啱好，順滑又索湯，今次揀咗酸辣BB辣，湯底濃而不油，超夠味🍜配料非常豐富，有超多肉碎、芽菜、韭菜、酸菜、蔥👍🏼炸醬份量好多，少少微辣好惹味🌶️；冬菇厚肉夠彈牙，吸湯力十足🍄；豬脷爽口有嚼勁👅💗小鍋紅薯粉+雞翼+蟹柳 ($52）紅薯粉屬於粗身狀，口感滑溜煙韌😋呢個揀咗麻酸辣小辣，麻香同酸味都好突出，兩者好平衡🌶️炸雞翼皮脆肉嫩🐥；相反蟹柳份量較少🦀💗蒜泥白肉 ($42)蒜泥白肉底層放上豉油，長長嘅腩肉薄片置中間，肥瘦勻稱🐖最上層就係超誇張嘅蒜泥，超重口味，入口滿滿蒜香🧄💗醬拌皮蛋 ($24)皮蛋食落係溏心，甘香滑潤，加上秘製蒜蓉醬汁超惹味🥚💗秘製豬頸肉 ($47)豬頸肉外層燒得焦香，肉質爽脆嫩滑，再點埋泰式甜辣醬食一流🐷

《雲家小鍋米線🍜》📍荃灣站 💜 小鍋米線(清湯)🥢 💰$62配料: 芽菜、酸菜、韮菜、蔥、芫茜另加配配料: 豬軟骨，蘿蔔，金菇，紫菜一放上枱望到就超多紫菜食一啖米線就有好多材料一齊食到 會有少少酸味應該有酸菜雞絲識落幾有雞味 但係有少少鞋同乾身豬軟骨比我想像中淋同易咬口，唔痴身亦都唔會太乾身 同時食到陣陣酸味 應該有落陳醋 另外，軟骨都係淋嘅同易咬爛白蘿蔔夠嫩 好甜同一點都唔老而且冇渣估唔到餸菜份量可以咁大，餸同米線嘅比例可以話最少有一比一(*☻-☻*)幸福指數：😻😻😻😻😻/5💜雲家米線(BB辣)🥢 💰$60配料: 腐竹、冬菇、雞絲、雞翼、魚春卷、螺旋草、腸仔、芽菜、酸菜、韮菜、蔥、芫茜一開頭有少少花生醬嘅味 之後慢慢又辣嘅口徑出嚟有少少辣但係冇我想像中咁辣有成粒蒜頭 但係食落完全唔苦冬菇超鮮甜，應該有炆過黎估唔到會有四大條魚肉春卷 好似食緊墨魚卷的口感幸福指數：😻😻😻😻😻/5💜生菜🥢 💰$15💜凍豆漿(加$8)

每一次去雲家都要排隊不過都值得架因為個米線真係好味同朋友每人叫咗一個小食店員會問你辣度 可以自己選擇麻辣金錢肚 $46涼拌墨魚頭 $46墨魚頭次次都會點嚟食因為佢真係好爽脆加埋啲蒜蓉 辣汁 好好食架金錢肚係第一次試都好有水準呀金錢肚好爽 又入味叫咗兩碗小鍋米線 小辣 $31第一碗叫咗豬大腸$10 腩肉$10豬大腸洗得好乾淨腩肉好入味令一碗叫咗腩肉$10魚肉春卷$9 蘿蔔$7魚肉春卷都幾彈牙蘿蔔就好甜米線份量超級大連埋啲配菜酸菜芽菜好似食極都食唔完不過由於店舖人手唔多所以如果要叫嘢食都要耐心啲等候店員呀見到佢哋都好盡力想好快招呼到每一位客人

荃灣米線推薦 必食墨魚嘴🐙-The sour and spicy noodle is definitely the Hongkongers’ comfort food. The portion is huge and the taste is strong. A super high rating one and I will come back for sure!-🍉 炸醬 豬大腸 墨魚頭 BB酸辣 小鍋米線 ($63)湯底酸辣味好味道! 湯底跟埋好多配料 芽菜 酸菜 韭菜 葱 芫茜!! 重口味代表表示食得好開心😂 每款餸都好多 好足料 炸醬香口有粒粒肉碎 豬大腸夠煙韌 唔會有內臟嘅臭味 墨魚頭一樣份量唔少 我見網上好多人推薦涼拌墨魚頭做小食 不過我一個人去叫唔到小食 所以就加$15叫呢一個餸 果然值得推薦 彈牙有咬口!! 必食!!必食!!😆******************************😋 雲家小鍋米線📍 荃灣沙咀道328號328廣場地下G01號舖 #雲家小鍋米線#foodietummy_tw #foodietummy_noodles #foodietummy_ch

香港人很喜歡食米線，因此米線店在香港亦非常普及！ 我也非常喜歡吃米線，幾乎隔天便會去吃，香港大大小小的店子也有我的足跡，今天初嘗雲家米線，這店子地方不算大，但卡位很多，坐起來很舒適！看看餐牌，發現價錢也很貼地，可以貪心點吃豐富些！ 最愛小鍋米線，自己選了一碗冬菇米線，湯㡳是米線的靈魂，這裏的湯底濃郁之餘亦不會只有鹹酸辣！而是帶有炸醬鮮味的湯底， 冬菇非常大隻和厚肉，亳不吝嗇！冬菇鮮味得似花菇，回本之選！有選擇困難症的朋友則選擇了一碗雲家米線！ 因為雲家米線的配餸豐富，腐竹，冬菇雞翼，魚春卷，雞絲，螺旋草和腸仔， 足足六款餸！ 以為每款只有很少，米線上桌朋友不禁說了句「嘩！咁抵」！而且食物質素很高！ 豉油雞翼很入味，雞絲軟綿綿，吸收湯底精華後，口感入口即溶的！ 螺旋草爽口，而且聽聞營養豐富！餐牌推介這款拌墨魚頭，很獨特的菜式，有濃厚的蒜香味而帶點微酸辣，墨魚頭爽脆，很好吃，果然是推介食物！炸春卷，即炸的魚網外層爽， 很鬆脆，餡料不確定是甚麼肉， 但咬起來外脆內軟的！ 吃起來也不會感到油膩！最後上桌的是炸雞翼，肉質Juicy, 看起來脹卜卜，肯定是即叫即炸的！這小店所有食物吃得出，全部用心

每個月總有幾日好想好想食米線之前有朋友話荃灣有幾間米線好食，一直都好想試！咁岩去開荃灣終於可以去試下！因為真係唔識路，去錯另一間叫云x米線，坐低左之後覺得點解同網上D相唔同先知道去錯左立即起身走人，勁唔好意思🙈好啦終於搵到，當天係平日約三點幾，所以唔洗排隊☺️，我眼闊肚窄叫左4個餸！有大腸、牛肚、墨魚、籮白小鍋米線唔~~~牛肚好韌，咬唔到！大腸有D淋有D韌，味道是可以的！墨魚算是新鮮，但完全沒有味道，韌到咬唔到，好似夾硬吞落去咁😑籮白甜，冇渣，好食💜喜歡湯低及米缐，但食到一半夾到張膠紙😱就同伙記講，伙記立刻講唔好意思話換過一碗俾我，因為我都食到一半，另外覺得牛肚及墨魚根本我都咬唔到只係食咗少少，叫佢扣錢俾我，佢都好好即刻話冇問題，然後都有換過一碗全新嘅俾我！覺得服務算係咁👍🏻不過就算佢換咗全新嘅一碗俾我我都只係食咗少半，整體來講米線及湯底係好食的，但我就唔覺得墨魚好好食，因為真係冇味道同埋好難咬！但我都會再嚟，試吓其他的餸

今日去左荃灣行街，聽講有間米線鋪出名，而且響我附近，於是去食午餐😂去到餐廳門口，見到真係好多人，好彩岩岩有張抬既客人走左，所以唔洗等位就入到去，坐位都唔迫，幾舒適。 聽講有幾個小食好好食，亦都好多人食，所以我地叫黎試下😂🌟 涼拌墨魚頭（$42）響出面既米線鋪好少見，蒜蓉炒過好香，加埋紅油浸住，味道相當唔錯，墨魚頭好爽，好新鮮，必點小食之一😋😋🌟蒜泥白肉（$39）即叫即整，蒜泥既份量好多，白肉都好大塊，肥肉唔算太多，紅油適中，唔會有太多油浸白肉👍🏻👍🏻🌟炸春卷（$22）炸春卷都係即叫即整，做到外脆內軟，做得好出色，炸完上碟到唔會有油響脆皮出面，整得好好。就算放左響抬好耐，都仲係好脆，而且都你油響底，必點小食之一👍🏻👍🏻除左3個小食，咸檸7，仲有主菜，就係小鍋米線🍜，一個點左豬紅，豬肚小鍋米線，小辣。豬肚醃得岩岩好，好入味，豬紅配埋辣既湯底，好夾味。另一碗點左雞翼，腩肉小鍋米線，少少辣。雞翼醃得都好入味，無雪櫃既味道，腩肉唔肥，切得長身都厚身，唔會散哂，真心唔錯😋😋

大概在一年多前有試過這間的米線覺得不錯，所以趁有空再與家人一起來試試！今次我們叫了三款米線！不過沒想到都挺失望！比起另一家荃灣吃米線的店，價錢便宜，份量更是沒得比，這家之後也不會再吃了。雲吞熱拌米線 $33味道不錯，不過米線份量真的完全不足！一般男士吃肯定不夠飽！麻辣魚肉春券米線 $33味道不錯，喜歡吃麻辣湯底米線的朋友應該會覺得ok！小鍋米線 $26芽菜跟米線的份量差不多，米線份量完全不夠，要是直接不要芽菜，相信整碗也沒什麼看頭！餐牌

相信每人總認識一兩間高質而又倘未被發掘的小店，而每次介紹這些小店都處於一個矛盾的狀態 - 既想推介，又想自私獨食哈哈 這次決定無私分享一荃灣的米線小店。·雲家小鍋米線由店主一家小本家族經營，店主更親身到雲南學師，米線風味地道。重！點！是！小店的性價比高得驚人！超大碗米線平均$2x，小食都是大約$30，雖然地理位置不太就腳，但絕對值得支持啊～和朋友一次過試了米線和三款小食大🈵足啊～·圖中： 1. 小鍋米線（$25）完全理解不到為何可以咁平咁抵食😭米線的份量極級多多，大約是平日正常份的1.5倍OMG！湯底分了bb辣、小辣、中辣和大辣，我就點了小辣，比想像中辣呢奉勸不太能吃辣就點bb辣好了。湯底是店主一家每天用新鮮炒辣椒煮成，香濃得來不會太油膩。另一個很出色的配菜是豬腩肉，店主堅持肉類製品要每天新鮮取貨，絕不用隔夜肉。腩肉肉質彈牙，香辣惹味，更重要的是肥膏不多，切成幼條方便入口，不少人都是為了這個腩肉而來的說～建議怕辣的朋友浸一浸湯再吃。還有就是店方特別推介的螺旋草，口感和外貌似足海帶，但營養價值比較高，作為米線配菜挺新鮮。·2. 秘製豬頸肉（$38）好大碟足足有十大塊，又一足料之作！豬頸肉

早幾日我地去左荃灣雲家小鍋米線食飯，點左鋪頭幾樣招牌菜：第一碗炸醬腩肉螺旋草，炸醬係師傅炒左兩個鐘製成，食落有咬口，唔會好腍。而螺旋草其實係類似海帶既食物，估唔到襯埋米線又幾夾。而另一碗豬軟骨腩肉雞絲米線，豬軟骨炆到好腍，而雞絲係手撕既，好有心機。湯底係由豬骨同金華火腿等材料熬製多個小時而成，今次我地點左酸辣，入口唔會好油，比起出面其他米線鋪既辣更多左一份鮮甜香味。小食方面就推介涼拌墨魚頭。老闆透露墨魚係新鮮手切既，入口爽脆。配埋自家製醬汁，食到停唔到口值得一提既係小店係家庭式經營，樣樣食物都食得出廚師既心機

米線已成為香港人的common food，價錢廉宜份量亦飽肚。雖然米線店在香港隨處可見但又有幾多間能夠為花心機去為每一位客人做一碗美味的米線呢?今次在荃灣找到間價格經濟之如製作亦相當花心思的雲家小鍋米線。價錢由$25的小鍋米線起，湯底由師傅用豬骨和金華火腿等熬製十小時而成。有別於其他的湯底，入口味道先香後濃再辣，而配料豬軟骨炆至軟骨腍身，就像啫喱般易咬，完全沒過硬的感覺，就算牙力不太好的朋友亦可一試。另外炸醬也是師傅精心烹調製成， 揉合了孜然、麻辣和豬肉的香味，相當迎合米線的風味。除此以外，我們還點了些小食，印象最深刻的還是涼拌墨魚頭。 縱使小食亦不馬虎，入貨都是新鮮的墨魚再切碎，淋上 蒜汁，碟旁還有自家爆炒的蒜頭紅油，味道非常出眾。喜歡濃味的朋友也可試麻辣豬耳，同樣也配有自家爆炒的蒜頭紅油。米線的份量比其他略為多，加碟小食或飲品已經非常飽肚，而且價錢比較為大眾能負擔的，也是一家值得推介的餐廳。