養心殿台式養生鍋 (Closed)

打邊爐是無分季節的，香港人一年四季都喜歡打邊爐，當然我都唔例外，上星期打完，今個星期又要再打了，真的會上癮。旺角去了n 次，今日來到位於佐敦的養心殿，食物水準真的間間都keep到。環境舒適整潔，裝潢亦古色古香，私隱度高，適合傾偈。不過椅子就沒有椅背，老人家可能會累一點。養心殿的湯底很岀名，識叫的當然會點鴛鴦鍋啦，可以一次過試兩款。美人鍋有半隻烏雞，很鮮甜，還有南棗，藥材和桃膠，滋補又養顏; 養生鍋陣陣人蔘味，以其他藥材肴成，喜歡人蔘的朋友不能錯過。這兩款餃都很岀色，餡料十足，粒粒飽滿，食落爽口兼彈牙。本身想點拼盤，但因為沒有墨魚丸關係，所以就轉點以下兩款丸。牛丸配芝士味道很夾，但吃的時候小心爆漿，小心燙口；蝦丸則新鮮彈牙。豬大腸，用以打邊爐都很正，很甘香軟腍，讚👍🏼這個菜第一次吃，有驚喜，強力推薦鮮嫩脆綠，非常好吃。這個必點的QQ麵，非常好吃，麵質煙韌，附湯能力驚人，不需再加醬油調味🤭簽到和like facebook 還有飲品送最後還有芋圓糖水送，芋圓有嚼勁，打完邊爐吃一碗凍凍的甜品揀直透心涼。值得一讚的是侍應會主動加湯和水，而且親切有禮，。我們今次是吃正價時段，門口寫某時段前離座的話有半價，我們沒有詳問，但如果是的話，性價比真的好高，下次一定會再來…Read More

今晚同朋友補祝生日，黎左朋友工作地方附近，我地book左6.30pm，黎到已經有一堆人等入座啦，養心殿果然係人氣爆燈嘅火鍋店。裝修方面係古代風，以竹林作主題，利用通花屏風分隔，地方闊落，私人空間充足，好岩邊食邊傾。醬料方面自助，有芫荽、紅辣椒、香蔥、香醋、豉油同蒜泥汁。我地點在美人鍋同麻辣鍋$188，美人鍋用左烏雞、桃膠、紅棗，一睇就知夠晒滋補，飲落幾清甜，打邊爐都唔洗有罪惡感。麻辣鍋鴨血軟滑口感保持到 ，冰豆腐索左個湯，好惹味，越食越上癮！之後點少得配料呀手切肥牛(大) $338每塊牛肉既脂肪紋分佈平均，厚薄適中，食落唔會有筋。牛肉味夠，淥到微微粉紅就食得，再淥就可能over了。炸午餐肉 $58 即炸外表香脆，味道鹹香有致，但個人來講輕輕一碌就好，香脆既午餐肉唔係間間有！寬粉條 $38 幾爽口，帶點煙韌，有d似薯粉，煮到半透明可以食，但佢比平時食既粗薯粉薄身，可以吸多d湯汁，越食越有趣。切片年糕 $38第一次年糕遇上麻辣湯底，開頭還是有點心驚膽跳，但當我第一次入口嘅時候，煙煙韌韌，係喜出望外，有如忌廉溝鮮奶一樣，兩樣格格不入，但又咁Perfect池。台灣水晶冰菜 $78冰菜就係我哋嘅最愛，呢度既冰菜好新鮮，鐘意爽脆就早d夾起，喜歡食淋少少既朋友可以碌耐d!總結一下，我地成晚都坐得舒服，空間好闊落，安全又夠晒私隱。食材方面就最中意寬粉條，薯粉雖然係我最愛，但黎到養心殿，我個心就只有寬粉了。湯底方面，美人鍋湯頭夠甜，又滋補，下次要再encore！…Read More

難得朋友今日早放工，就緊係約埋食餐飯傾下計飲兩杯啦，今日又黎我去開嘅養心殿啦。有睇我文章嘅朋友都知我係養心殿常客，因為佢個麻辣湯真係令人食上癮呀。佐敦分店係吳松街都算就腳，地鐵站一出行幾步就到。裝修維持一向作風，古色古香，獨有嘅屏風設計，稍為暗淡嘅燈光，營造出非常好嘅私隱感覺。門口有一個自助醬料區，自己出去隨便混個適合嘅醬啦。打邊爐點少得啤酒，難得Asahi都有買2送1，$64就有3支，超值呀今日我同朋友就叫左個鴛鴦鍋 - 麻辣鍋 x 美人鍋 $188。麻辣鍋方面，用左多種香料同藥材，面頭鋪滿辣椒，裏面配上鴨血同凍豆腐，叫左小辣，唔算辣，但係麻嘅感覺十足，味度岩晒我地。美人鍋就用左桃膠、烏雞、南棗熬製而成，養顏佳品呀，食之前飲啖湯打個底，補一補先。配料方面: 手切肥牛(大) $338牛肉色澤紅潤，食落有牛味，油脂分布比例啱啱好，放入湯裏輕輕滾佢十秒就食得啦，一陣就清碟。即炸脆響鈴 $68響鈴都可以話係打邊爐必備嘅配料，養心殿既即炸脆響鈴個人特別推介，份量足之餘，佢個面就算你淥左耐左都仍然好脆，唔似一般響鈴一淥就淋。手工丸類拼盤(12粒) $108黎個雜錦，一次過試哂全部味。手打的確唔同，係彈牙D！6種丸包括黑松露蝦丸、芝士牛肉丸、鵝肝墨魚丸、梅茶豬肉丸同蝦丸。個人最愛鵝肝墨魚丸，中間真係有粒鵝肝，油香陣陣呀。寬粉條 $38其實就係平時食到嘅薯粉，口感煙煙韌韌，煮到半透明就可以食用。吸晒麻辣湯嘅寬粉條，啖啖都充滿住麻香，越食越過癮。翠絲水蓮 $88台灣水蓮外貌有d似蔥，要用較剪剪開一段段去煮。食落口感幾特別，爽爽脆脆，冇痴牙，菜中既極品。芝麻湯丸 (6粒) $48最後甜品搞下新意，叫左個湯丸預祝元宵。湯圓煙韌有芝麻香，好味。最估唔到係放落美人湯係幾夾，入口微咸，咬落又甜，幾過癮。至於放麻辣湯就不予置評，哈哈。總括來講，養心殿個湯底真係令人食上癮，麻辣湯依然係我最愛。配料方面，各分店水準一致，維持高質嘅，加上坐得舒服又有個人空間，都會同朋友繼續黎。…Read More

這個冬天忽冷忽熱，寒冷的日子不多又回暖，當然要趁天氣還凍的時候打邊爐，所以早一晚吹雞約朋友到養心殿，話咁快就約齊腳了。能夠咁快齊腳，除了因為天氣凍令人想打邊爐外，也因為之前大家都食過養心殿，對於它的濃味藥膳湯底非常回味，所以今次又再encore。＊＊＊＊＊＊＊＊＊＊＊＊＊＊之前光顧過旺角店，今次我們就試佐敦店，平日晚上的滿座，幸好我們已經一早訂座。養心殿主打台式養生和美顏的藥膳湯底，湯底貴精不貴多，只有六款選擇，但全部湯底都很足料，飲得又食得。火鍋料選擇反而幾豐富，港式的和台式的都有，肉類、海鮮、豆品、丸類、餃類、滑類、蔬菜和小吃除了常見的，也有比較刁鑽的，如豬天梯、牛胸爽、鴨舌......等等。茶芥醬料每位$20，醬料可在自助醬料區自取。食客只要在餐廳的Facebook專頁打卡，即可免費一杯咸檸七或無酒精飲品，當然不可錯過，但記得要在所在正確的分店打卡才有喔！咸檸七夠大杯，一杯都夠飲一餐，右邊是烏梅汁，酸酸甜甜很開胃。火銅湯底可以選單鍋或鴛鴦鍋，後者只以較高價錢的鍋底收費，而不用另加錢，最抵當然選兩個價位相近的鍋底，所以我們就選了美人鍋拼養生鍋($188)。左邊是美人鍋，上次都食過，食過翻尋味，內有原隻烏雞和桃膠，養顏又滋陰，重點是湯底很濃味，所以下火鍋料前一定要飲返兩碗；右邊白色的則是養生鍋，內有人參、豆腐和鴨血，湯底味道沒有美人鍋濃郁，但味道同樣不錯。烏雞都幾大隻，體肉亦嫩滑。桃膠含豐富膠原蛋白，女士食完皮膚彈性肯定up！up！up！養生鍋內的人參，特別是那些幼身的，參味都幾濃，豆腐和鴨血份量都多，兩者都帶點彈口。炸午餐肉($58)炸午餐肉炸得香口，不會太油和太鹹。御選梅花豬($118)梅花豬捲成一卷卷放在碟上，擺盤都算有心思。梅花豬因為入得薄身，所以都不用灼太久就食得，入口非常嫩滑。手工丸類拼盤($108)手工丸類拼盤可以一次過試勻六款不同丸類，每款兩粒，包括鵝肝墨魚丸、黑松露蝦丸、芝士牛肉丸、墨魚丸、蝦丸和梅菜豬肉丸。芝士牛肉丸是其中一款我比較喜歡的，牛肉丸夠彈牙，入面還有流心芝士。另一款我喜歡的是鵝肝墨魚丸，墨魚丸夠爽彈，入面還有大大粒鵝肝。即炸脆響鈴($68)響鈴鬆化得來又不易散開，在湯內浸一浸就吃得。寬粉條($38)無論點幾多火鍋料總覺得最後要加個麵作結，寬粉便宜又好吃。輕灼至半透明就吃得，煙煙韌韌，最適合放在較濃味的美人鍋內，粉條吸滿湯底，超好吃！買單還有糖水送，是芋圓糖水，入面超多芋圓，甜度適中，只是芋圓略嫌煮得不夠腍，但免費都不能要求太多，吃完糖水已經超飽。總結，湯底和火鍋料都非常高質素，在Facebook專頁打卡有飲料送，買單又送糖水，人均三百元已經吃到飽，性價比高。…Read More

超愛呢間養生鍋，因為湯底夠曬滋補，而且食物用料靚所以間中又要黎醒一醒去打一打邊爐是晚約了三五知己到佐敦分店。一入座先醒我地幾杯沙冰醒下胃先有柑桔有青檸味，又冰凍又開胃點了鴛鴦鍋，一款是美人鍋，入面有大量桃膠、准山、烏雞，夠曬滋補另一款是養生鍋，大量人蔘、鴨血、紅棗，正拼盤丸子，有多款口味，每款有兩粒粒粒都彈牙，而且款式又多，同朋友每人幾粒咁，可以食到幾款唔同口味餃子都是點了拼盤，每款有兩粒，大大粒好足料，好鍾意食雲吞，大粒又彈牙一流，每一款都有獨特的驚喜肉類好靚，看到脂肪分佈得好平均肥瘦適中最鍾意佢薄薄地，一放到鍋內很快就熟透可以進食羊肉卷羊肉味很香喜歡吃羊肉的都要一試，一涮就可以放到口中打邊爐點少得霜降牛肉質好靚，牛肉味又重，而且入口即溶一片又一片咁，肉類都好快被我地一一掃光呢款炸豆皮，之前食完一次便愛上因為很厚切，而且很大片，所以吃的時候好緊緊鎖到湯的湯汁，每一啖咬下都很惹味外軟內又帶點點脆，而且仲好似湯包咁，好正點了一份蔬菜盤又係貪咩野都有點，唔洗心大心細咁諗想點邊一款菜類，所以我都幾鍾意呢間餐廳有拼盤，因為咩都有點，咩野都可以試到少少入面有菇、粟米、金菇、生菜、椰菜等等新鮮呢款麵食份量都不少而且放到湯內烹調，完全能吸入湯的鮮味超入味，又彈牙又吸味，值得一試最後仲有碗芋圓甜品作結，真是大滿足芋圓超Q彈滋味正…Read More

雖然已經夏至,但友人依然喜歡打邊爐,但今次去這間,又同別的不同,首先裏面的間格,大部份都是用屏風隔開,可以好有私穩。感覺好有中國風,再看下餐牌,湯底果然有別其他餐館。這裏的湯底好保身,有6款,由128-168 元不等,可以選擇鴛鴦鍋,會計較高價錢的湯鍋。我和友人揀了秘製薑母鴨鍋拼寧神養心鍋 等了一會,湯底送到。一揭開,有點嘩一聲,因為湯料十足,養生鍋有半隻竹絲雞,仲有其他藥材。秘製薑母鴨鍋,有好多鴨件,又有千層涷豆腐和台灣炸豆皮。涷豆腐索晒湯汁,好好味。火鍋嘅餸我們就叫咗霜降肉眼肥牛 每塊都是卷著的,雖然望落數量不是太多,但原來每塊都好大件,食一,二塊已經好夠,牛肉味道好香，唔會好肥,滾兩滾就食得。這個酒香白肉好特別,不是每間火鍋店都有得叫,所以,好奇心驅使咗我叫了。嚟到見到好似一碟肥豬肉咁,有點失望。但滾完後,吃下去又有點驚喜。豬肉好香酒味,肥的部分嘅脂肪已溶化,食落有點入口即溶的感覺,皮還帶點爽口即炸脆響鈴 size 比一般響鈴大,滾兩滾就食得,好香豆味,感覺新鮮,響鈴索了湯的精華,更加好食。寬粉條 嚟到係一碗白色的粉條,應該比起食烏冬或者公仔麵嚟得特別。這款很得意,滾幾滾食得,滾完之後係完全透明的,好特別。口感好滑,啜一聲就吞晒落肚,哈哈最後還有甜品,有兩款味,榴槤和益力多,味道都好正雖然今晚叫火鍋的餸不是太多,但因為湯底的用料實在太真材實料,所以食完已經好飽了。…Read More

旅行回來, 第一餐出外用餐就選擇呢度無他嘅, 就係掛住佢呢度嘅特色養生湯底, 款款都吸引, 依加設有雙拼湯底, 以較高價錢湯底收費, 同一時間可以試2款湯底, 咁就掂啦!麻辣鍋以多種香料及藥材, 香夾惹味, 加入鴨血及凍豆腐, 辣度任你選 (小辣級岩我), 仲加送多一份鴨血比你, 抵呀! 每次黎食鴨血都口感嫩滑, 似食緊果凍咁, 但又唔會一夾就散開, 配麻辣湯底真係好鬼正架, 呢度嘅鴨血係我食過咁多間麻辣火鍋最正嘅!  仲要加埋"索湯尤物"凍豆腐, 咬時小心被熱湯燙到呀!另一邊為寧神養心鍋 ($168), 以川芎, 白芷, 天麻, 當歸, 鮮鷄, 豬肉及鮮魚淆成, 滾起時已聞到好香藥材味!  當然先飲頭啖湯, 飲落有藥材香味, 入口舒服又好味, 真係好似一碗補身湯咁, 最緊要飲完唔會口渴嘛!"湯渣"有竹絲鷄及魚頭, 鷄肉烚完都仲算滑; 另外個魚頭煎香左一D都唔會腥, 魚雲又夠滑, 煲到D骨都腍晒, 通常"湯渣"都無人會食, 但呢兩樣都被我地食晒.........無變廚餘!"LIKE佢Facebook及打卡仲有無酒精類飲品一杯請你飲" 呢個優惠仲有, 當然要拎個電話比個LIKE先啦, Cheers...............落好火鍋配料單就正式進入火鍋環節御選梅花豬 ($118) - 切成薄片捲成一圈圈, 肉色靚仔, 脂肪分佈唔算太多; 無需烚好耐已經食得, 配埋少少肥膏一齊食, 肉質出奇地滑, 一啖一片岩岩好, 肉味都幾出!餃類點了自家製極品水餃 ($42/半份), 隻隻飽滿, 烚完都成隻匙更咁大隻, 而內有大半隻蝦及饀料食到好香麻油味, 果真皮薄餡靚! 墨魚丸夠晒大粒又彈牙本來想叫牛胸爽, 但可惜無貨返, 改叫蜂巢牛肚 ($88) - 以五香料煮腍左, 烚熱返基本上已食得! 放入兩面湯底都夾到, 尤係另一款索湯尤物!雜錦蔬菜盤 ($68) - 有幾款蔬菜, 份量都幾對眼, 又有雜菇及金菇菜, 樣樣有D唔駛煩惱! 但每次都有少少唔同, 今次有秋葵就無粟米芯!寬粉條 ($38)係我每次黎呢度都必叫嘅, 無需烚好耐, 烚至透明色就食得, 快過煮個即食麵, 口感煙韌, 同咩湯底都做到好朋友!有D食物食完會另你忘記唔到, 耐不耐會去搵佢, 呢間應該都係.........除非唔係!…Read More

最近天氣非常反常，一時好熱一時又涼，襯今日有少少涼意，朋友就推介食依間好出名嘅養身火鍋 - 養心殿台式養生鍋 。因為有book枱，所以唔洗等位，而且一入座就覺得裝潢好有心機之餘，餐廳俾每座嘅空間都好大，可以坐得舒服又同朋友有自己嘅小天地高談闊論。服務員都好有禮貌而且一入座就準備熱茶俾我地飲。睇睇個menu，食物嘅選擇都好多，而且醬料可以自己fill，最特別嘅係依度有蒜泥汁，真係第一次見我地就叫咗 養身鍋加麻辣鍋 $188，另外我地雖然得兩個女仔，但好眼闊肚窄地叫咗8樣配料‥包括有手切牛肉(小) $238 、黑毛豬梅花肉$168、即炸嚮鈴$68、千層凍豆腐$48、即炸午餐肉$58、寬粉條$38、蟹棒$48、蟹籽墨魚滑$88。飲品就叫咗烏梅汁。湯鍋落完單好快就上，一見到就心心眼，真係好香而且好足料，入面有好多鴨血、豆腐同藥材，而且養身鍋人蔘好多，襯未放其他食物落去前飲咗幾啖，湯頭好清甜而且無味精，絕對唔會飲完就口乾，好有誠意。嚮鈴同千層豆腐好索湯而且不得不讚個黑毛豬梅花肉，肉質好爽口，而且煮得耐都完全唔會硬所有菜都好精緻，而且依碟牛真係一睇已經好想食，脂肪分佈得好均勻，份量都唔少。煮完就更加睇得出依個牛肉有幾靚，牛味好濃而且因為脂肪分佈得好，所以口感真係好好，非常軟滑，好快就俾我地清晒另外午餐肉都好有驚喜，真係炸到表面好脆而且好厚切，所以煮完之後外面香口但入面又保持到彈牙嘅口感，同埋份量真係好多，好抵食。而食麻辣鍋一定要食嘅薯粉都令我喜出望外，非常索湯，但又唔會太軟，口感非常煙韌，食到幾飽都想將佢清晒。最後埋單一共$1155，價錢唔算平，但食材同環境都咁好，我就覺得物有所值嘅…Read More

呢間台式火鍋好火紅, 短短日子已開左幾間分店, 證明相當受歡迎, 今次食到黎佐敦分店地點都算易搵, 出左港鐵行幾分鐘就搵到!店內一貫深木色裝飾, 配以紅紅燈籠, 幾古色古香FEEL設有醬料區, 自行出去"混醬"火鍋食材夠多選擇, 台灣獨有食材呢度都有, 想食正宗台式火鍋無難度幾款特色養生湯底比你選擇, 仲有雙拼選擇麻辣鍋拼寧神養心鍋 (以較高價錢湯底收費)麻辣湯底以多種香料及藥材調製, 配以鴨血及凍豆腐, 辣度由大中少小可選擇)呢度嘅麻辣湯底係我食過咁多間台式火鍋當中最岩口味, 湯底夠香之餘辣度又岩岩好, 內裏配鴨血同凍豆腐, 兩者同麻辣係好岩數, 鴨血紮實得黎入口夠嫩滑, 唔會一夾即散; 凍豆腐索入湯汁, 一咬即爆汁, 絶配!驚喜仲有送你一客追加鴨血(腰果眼MODE出現)!!寧神養心鍋則以川芎, 白芷, 天麻, 當歸, 鮮鷄及魚頭調製, 好香藥材味, 有半隻竹絲鷄及魚頭, 材料非常豐富, 未火鍋前先飲碗靚湯先, 鮮甜味美, 飲完感覺舒服!LIKE佢地facbook同打卡, 即場送你咸檸七, 咁著數當然咪執輸啦火鍋時間正式開始: 嘉美農場鷄肉 ($108) - 鮮嫩無骨鷄肉, 去埋皮等你食得健康D!肉質幾滑, 鷄味比較出! 即炸脆響鈴 ($68) - 一條份量唔太大, 唔驚食一條太油膩, 放落湯幾秒就食得, 幾重豆味!墨魚丸 ($40/半份) - 除返一粒要成$10, 好在口感確係彈牙, 食到墨魚粒, 真材實料呢!自家製極品水餃 ($42/半份) 及 自家製韮菜餃 ($42/半份)水餃皮薄餡靚, 有原隻鮮蝦, 豬肉及木耳絲, 食起黎幾重口感及味道, 果然係極品!而韮菜餃夠飽滿, 皮較水餃為厚, 咬落有滿滿韮菜味, 菜同肉嘅比例亦都恰當!雜錦蔬菜盤 ($68) - 一盤有幾款菜 (娃娃菜, 小棠菜, 生菜等)及菇, 粟米夠甜, 娃娃菜烚完仲甜!寬粉條 ($38) - 入口夠滑, 口感煙韌, 烚至透明色就食得, 每次黎都必叫!怕熱氣?! 唔駛怕喎, 送上甜品, 之前食過沙冰, 今次係雪糕球, 冰火二重奏, 掂晒!…Read More

友好生日飯梗係要食好野啦,補補身飲靚湯打邊爐黎到叫兩樣小食醫醫肚先先黎過鹽酥柯仔,鹽酥雞等野食就望下個環境都唔錯鹽酥柯仔,鹽酥雞--炸物都幾脆身,唔會太油膩食完都唔會好膩既感覺送既沙冰,生日快樂飲杯打邊爐最緊要當然係個湯啦,今日叫左美人鍋拼養生鍋美人鍋拼養生鍋--一鍋兩味人蔘龍眼肉豆腐乾鴨血,鴨血唔腥好咬口..人蔘夠晒香另一邊桃膠烏雞,隻雞好滑,桃膠足料夠補身PS加湯係加返你飲緊既湯,真係正到暈極上雪花肥牛--入湯碌幾下就可以食,入口牛脂溶在口內,咬落層層牛味出晒黎厚黑毛豬梅花肉--梅花肉有夠林,重肉香味日本牡蠣--都算新鮮放入靚湯度,蠔好肥美幾鮮味嘉美農場雞肉--好正,雞味好濃,肉質咬口都屬一流蒿荀--幾新鮮,食左肉食下菜都幾好即炸脆響鈴--入靚湯吸少少味即食,搞掂啦,個口感岩岩好日本山藥--有益既食物,用黎打邊爐好夾隻味,入口有好香既山藥味寬粉條--硬硬地身但入湯後就有好正既口感,吸埋湯既香味岩晒埋尾每人送一球雪糕,仲要有4隻口味簡直係正…Read More

今日有朋友生日所以要食好D,九龍區選左佐敦養心殿台式養生鍋今日叫左美人鍋拼養生鍋,鹽酥柯仔,鹽酥雞,極上雪花肥牛,厚黑毛豬梅花肉,嘉美農場雞肉,日本牡蠣,即炸脆響鈴,蒿荀,寬粉條,日本山藥有D沙冰送黎飲,正呀鹽酥柯仔,鹽酥雞--鹽酥系列幾好食,唔會太油食落香口美人鍋拼養生鍋--重中之重喇,成個湯飲落正到傻,鴨血好正好好食,個人蔘夠晒味飲完成個人都醒神晒,鳥雞夠滑,桃膠都好多極上雪花肥牛--肥瘦丫丫好,咬落香口有牛味厚黑毛豬梅花肉,日本牡蠣--豬入口重豬肉味,蠔都幾新鮮好味嘉美農場雞肉,蒿荀--雞同平時食既唔同,係好有咬口同好香雞味..蒿荀爽口好新鮮即炸脆響鈴--一入湯就食夠晒脆日本山藥--粉粉地好好味寬粉條--湯入面煮吸晒D味真係好正,爽口…Read More

我呢個火鍋控個個星期點都要食一次，今次試間唔同D嘅~~聽朋友介紹，呢間咁養生嘅台式養生火鍋專門店，湯底應該冇味精，係用真材實料食材天然美味煮成的超好味湯底~~~!一入黎已經覺得環境好好，坐位又夠闊,，好鍾意呢度~MENU入面樣樣野都好吸引, 最正就是個養生湯底，個個都足料炮製~本身想叫個美人鍋，但係見到個酸菜白肉鍋都係店內主打之一，諗佳用黎涮牛肉應該幾正就叫左黎試~~嘩~~好大鍋好濃呀~~其他野食未送到，呢個鍋入面已經有超美味嘅野在入面等緊我地了~~就係QQ寬粉同酸菜白肉片~~真係好味到成煲野都想食哂~~鍾意食酸菜鍋的朋友一定好喜歡索哂個湯汁而Q彈的寬粉，寬粉好味到我要加單添呀!第一樣想推介係鵝肝墨魚丸，用新鮮墨魚肉打成，內面真係有粒鵝肝，非常彈牙的丸，咬到入面鵝肝油滲哂出黎，真係超好食，天作之合~另一重點一定係手切牛肉，佢自動俾左牛頸脊位置，肥瘦度剛剛好，一睇就知道是新鮮靚肉。刀功仲要一流添!!!呢度好貼心，有個兜俾我地涮牛肉，唔怕涮涮下唔見左~~呢度嘅手切牛肉我覺得非常滿意，上品!凈係碟肉已經令我一定會再黎!食到一半都係要整返碗QQ寬粉~~仲有一樣真的不可不點的!!! 呢碟即炸脆響鈴係我暫時食過咁多間入面做得最好的!!!手掌咁大件，脆卜卜, 一夾落去已經有索索聲~~平時要擺落去先食，呢個真係可以就咁食，我老公話仲好味過放落湯度食，我就覺得兩樣都咁好食，如果要俾分, 真係要俾足100分滿分呀!!!!仲有點左鮮韮菜餃同蝦丸，都唔錯~幾新鮮呢間已經入選左我覺得最好食的火鍋店之一了~~ …Read More