URBAN Cafe (彌敦道)

Open Now

Now Closed

朋友黎過食，咁果日係附近行街，就book下試吓啦。我哋都有心理準備有貓貓，都驚佢哋會唔會阻住食嘢，但結果係一路食一路叫「貓貓好得意呀😍」，忍唔住拍埋片🥰至於食物方面我哋覺得係好食，可以再嚟過。2人餐 $278是日餐湯及沙律🥗南瓜忌廉湯好creamy，味道好喜歡，飲多碗都仲得。沙律就普通，沒什麼特別。即磨芝士黑松露野菌大啡菇忌廉意大利飯黑松露和啡菇味好濃，煮到杰撻撻，好creamy，飯係淋既，非常喜歡食意大利飯既我比讚，比一般食既係好食啲，估唔到有啲質素。安格斯牛肉手工竹炭漢堡配薯角牛肉既味道係唔同啲架，唔係好濃味也不咸，食落覺得味道好適中。竹炭包就覺得係黑色嘅包囉，味道冇大驚喜，但就好軟熟。薯角好食😋朱古力心太軟 （另加$25）影完相蛋糕仲係暖既，好味😋雪糕好似蕉糖+麵包，第一次食唔抗拒呢個味道。芭菲杯 $48雪糕同心太軟果個一樣，脆片好食冇淋到，但太多食唔晒，結果引左「小丸子」貓貓過嚟搶食，你唔食得架！乖！芒果荔枝梳打 （另加$4）味道清淡易入口，適合唔鍾意甜的人。水蜜桃蘋果醋梳打（另加$4）濃味啲，甜啲，蜜桃味好出。入坐前要著鞋套，店內環境乾淨，但位與位之間會迫啲，不過有透明膠板阻

旺角樓上cafe好選擇，又多貓貓玩，食物種類又多。2人套餐 ($278) 已經包左2份餐湯、沙律、其中一款飯或意粉、一份主菜同埋2杯飲品！坐喺餐廳一路食一路玩，真係幾抵啊，又食得開心！ ➡️ 滋味2人小食拼盤 (+$28) ⭐️⭐️⭐️⭐️ 加個2人小食，唔驚食唔飽，雖然份量唔多，但都包括左法蘭克福腸、唐揚雞塊同薯角，一次滿足三個願望！ ➡️ 安格斯牛肉手工竹炭漢堡配薯角 ⭐️⭐️⭐️⭐️ 竹炭漢堡好特別，好過食普通嗰d包。牛肉都算幾入味，整到幾淋而且唔會好碎，再食埋薯角，飽到上心口。 ➡️ 温泉蛋煙肉野菌黃金卡邦尼扁意粉 ⭐️⭐️⭐️⭐️ 温泉蛋都幾成功，有流心效果，意粉軟硬程度適中，啲汁都幾creamy。 ➡️ Oreo脆脆特濃朱古力 (+$20) + 意大利榛子咖啡 (+$13) ⭐️⭐️⭐️⭐️ 真係超多oreo碎，勁大杯又唔太甜，幾好味。咖啡就甜左少少，我覺得oreo味吸引好多😂 .............................. URBAN Cafe 地址📍: 旺角彌敦道566-568A號僑建大廈2樓 總評分: 8/10 .............................. 味道😋: ⭐️⭐️⭐️⭐️

訂左位, 喺門口等安排時店員俾餐牌我地睇住先, 選擇太多, 最後決定叫個二人餐食。入門口前先著鞋套, 唔洗一早著定, 鞋套機好方便。叫完野食好快就有沙律。餐湯: 忌廉南瓜湯，好多南瓜蓉，奶味較重。安格斯牛肉手工竹炭漢堡配薯角: 大大個包, 漢堡扒都好厚好香。薯角好熱好脆。日式青蟹子大蜆大蔥忌廉扁意粉: 忌廉汁好香, 蜆同意粉都好彈牙。洛神紅莓荔枝梳打、水蜜桃蘋果醋梳打: 唔會好甜, 酸酸地, 幫助消化。同行朋友志不在食物, 拿拿林食飽飽執走枱面啲碟，冬菇就自己坐左埋黎。隔離仲有隻係咁嗲店員的貓貓。

我喺網上訂座 , 仲以為唔會多人 , 按時上樓出lift已有5..6個客喺門口陸續入座 , 喺門口先有職員為客人量體溫 , 職員提客人噴搓手液 , 然後地下有部機 , 只要踏腳入部機就自動有膠袋套住隻鞋 , 相當衛生....入到室內竟然好多人 , 枱枱都有客 , 而視線範圍總有隻貓喺左近 , 職員帶入座 , 枱上已有隻爛瞓的貓 , 我地齊人落單 , 轉頭職員向我碓認 , 睇我網上資料我對蝦同蟹敏感...夠細心!! 期間好多貓都好動咁行來行去 , 我地隔離枱2位少女 , 食完自已order既食物後 , 仲餵貓貓食零食 , 佢地話D零食係喺店內購買...每包$18....我貪玩問佢地拎幾粒試下餵貓貓 !    D貓貓都不時跳上我地枱 , 我地有食物到佢地只會好奇哄近臭味道 , 然後鍾意就繼續留喺枱上 , 一係就跳去另一方向.....用餐期間我只驚D貓毛會飄落食物 , 不過我地食到尾聲時見門口仲有人龍等枱 , 所以食完都埋單走LU !

< Urban Cafe >小編想去貓貓Cafe好耐，終於比我搵到一間評價唔錯，食物又好食嘅！小編去完都覺得好正啊！🥰🥰超多貓貓，而且貓貓好痴人㗎～佢地會坐係你大髀度瞓覺添😍😍😍！- 二人套餐 $268 -由於呢度有minimum charge$100，所以通常都會叫二人套餐😁- 是日餐湯 -當日嘅餐湯係南瓜湯，好足料好香甜，如果湯熱啲會更好！————————————————- 是日沙律🥗 -佢嘅沙律係配上醋同埋橄欖油～正正常常啦😀————————————————- 滋味2人小食拼盤 +$28 -小食拼盤包括薯角、炸雞同腸仔😊薯角炸得香脆可口，炸雞亦都好嫩滑～ 加$28都幾抵！- 溫泉蛋野菌煙肉配黃金卡邦尼扁意粉 -呢個卡邦尼意粉網上好多人都話好好食～小編覺得都幾唔錯！😄好Creamy好多汁，好香！扁意粉亦都好有咬口，煮得啱啱好😇- 安格斯牛肉手工竹炭漢堡配薯角 -竹炭漢堡包好得意😎個包外脆內軟！餡料就正常啦唔係話特別好好食～但係都唔錯嘅😀- 特濃朱古力奶茶 +$20 -朱古力味較濃所以唔係好飲得出奶茶既味道🤣————————————————- Oreo 脆脆特濃朱古力

去開旺角買抽獎聖誕禮物，同男朋友想食西餐，然後我哋就喺OpenRice search到呢間Cafe，好高人氣又好受歡迎，仲見到Menu有二人套餐，啱晒我哋懶得揀嘢食嘅人！仲要好抵食，我哋就決定想去試吓啦～入到去已經坐滿晒人，好多人都係點二人套餐，我哋都點左一份。套餐包括沙律，餐湯，飲品。我哋仲點咗一個小食拼盤，仲每人叫多咗一份雪山心太軟甜品。🥒跟餐沙律同南瓜湯雖然係跟餐，但係質素都好好，南瓜湯好濃郁好有忌廉味。🥘小食拼盤小食拼盤啱晒鍾意食薯角嘅人，啱晒我！只係加$28算係非常之抵仲有炸雞同香腸。淨係嚟咗前菜同拼盤，我哋張枱已經滿晒啦，非常豐富。🍔安格斯牛肉手工竹炭漢堡配薯角好唔錯喎個漢堡包！中間嘅安格斯牛肉好厚同埋好有牛肉味。⭐️重點推介⭐️🍝溫泉蛋煙肉野菌配黃金卡邦尼扁意粉呢個卡邦尼意粉真係一百分！！係食完之後都覺得我好想返轉頭食嘅意粉！意粉軟硬度啱啱好，有好濃味，配埋溫泉蛋每整個意粉都有好嫩滑嘅口感。大讚！！！🍮雪山心太軟朱古力味都夠，唔錯唔錯。岩晒我最鍾意食朱古力嘅人。整體用餐體驗都非常滿意，非常抵食，埋單都係三百幾蚊😋

收工同朋友約咗喺呢間有貓貓嘅餐廳🐱食晚飯我哋一入到去指認就叫我地用消毒潔手液清潔雙手同埋粒上鞋套先至入店 可以見得呢間餐廳比衛生方面有下功夫一入到去 驟眼睇 有超過10隻貓 但係一啲貓嘅體味都聞唔到 空氣清新 環境好闊落 見到好多貓都好精神活潑我同朋友決定咗叫一個二人套餐 👭個套餐係包括一個主菜餐湯沙律同埋一杯$38以下嘅飲品如果叫$38以上嘅飲品就要補返差價 主菜方面可以揀要pizza意大利粉漢堡包或者意大利飯🍛🍝🍔🍛我哋就揀咗即磨芝士黑松露野菌大啡菇忌廉意大利飯同埋安格斯牛肉手工竹炭漢堡配薯角一叫完食咩 侍應就即刻上咗餐湯同埋沙律餐湯係南瓜忌廉湯沙律係平日和風芝麻醬雜菜沙律 食材新鮮 兩樣都好好 個湯好smooth 沙律好fresh 唔馬虎首先講講個黑松露菇忌廉意大利飯 可以見到佢嘅飯面有細細片嘅芝士薄片同埋飯粒上面鋪滿左一點點既黑色係黑松露醬同埋夾雜住有啲大啡菇嘅菌塊 入口有好濃郁既松露味 忌廉令到個飯好creamy不起飯既時候有出現輕微既芝士拉絲 呢個飯真係起色香味方面都深深吸引到我至於安格斯牛肉手工竹炭漢堡配薯角個包有好足份量嘅安格斯牛肉煮得剛剛好 有肉汁調味亦啱啱好 最怕叫