榕記車仔麵 (Closed)

同朋友黎九龍城搵食，食個平平地食車仔麵先～～我就揀左食碗仔翅湯底姜汁好立克    $18原本覺得兩樣野大纜都扯唔夾，反而出奇地匹配，而且姜味出得黎又唔會掩蓋到好立克既香。出面好少見到呢款飲品既配搭，值得一試。菜脯煎蛋      $12菜脯份量岩岩好而且好香同好爽口。而煎蛋既熟程度岩岩好唔會太老，記得上左菜之後要趁熱食。雞絲碗仔翅湯底(配一麵底)    $28中意烏冬！不過要加$4，配料就有雞翼尖、蘿卜、雞翼尖、芝心丸、百葉豆腐，個湯底都係比較特別，而且逢星期六日先有。一開始食覺得有啲淡，但係慢慢食落其實個濃度係岩岩好，而且碗仔翅湯底都係好足料所以好飽肚👍🏻而配料方面，芝心丸係特別推介，比出面既芝心丸更加多芝士。而雞翼尖都好入味，至於百葉豆腐反而因為唔夠香口而比較遜色。

連續2日都出九龍城，琴日食左泰國菜，今日想食返清少少，上網搵到呢間車仔麵好特別咁，估唔到食車仔麵都咁多花樣！以為食車仔麵既地方裝修會比較舊式？錯啦！設計以白底為主，望落去幾清新乾淨佢有好多款特色湯底！姜汁咖啡    $21首先餐飲到～咖啡入口先有微微焦香，後勁先帶姜汁味，味道都幾夾姜汁好立克    $18呢個比姜汁咖啡吸引，姜汁同好立克完全融為一體！菜脯煎蛋      $12店員提醒想食呢個就必須於19:30前落單！因為負責菜脯煎蛋既師傅要收工吖～蛋煎得燶而不焦黑，菜脯填滿入面，仲帶少少汁，不錯雞絲碗仔翅湯底(配一麵底)    $28店員指星期六日先供應雞絲碗仔翅湯底！咁岩星期六前來，梗係試下呢個。揀左配烏冬(+$4)，配料揀左蘿卜(+$8)、雞翼尖(+$9)、百葉豆腐(+$9)、芝心丸(+$9)。勁足料，份量都幾多，唔會偏咸，濃稠度適中，可能我重口味，覺得可以再重味啲，或者加少許紅醋調味味道會更佳妃松茸蟲草花湯底(配一麵底)    $30揀左配米線，配料揀左飛魚籽魚蛋腸(+$9)、麵筋(+$9)、沙爹魷魚(+$10)、辣咖哩牛腩(+$15)。清甜味道但又唔會過淡，飲左都冇口渴！雖然話

最近見到朋友post左呢間車仔麵店既相，平時胡椒豬肚雞煲就食得多，胡椒豬肚湯車子麵 真係第一次聽！！！今日咁岩經開九龍城，就去榕記試試啦！店員都好有禮貌咁介紹佢地有咩鎮店之寶～首推就係我最想試既胡椒豬肚湯，另外原來仲有酒香藥膳雞湯同姬松茸雜菌湯(素食湯底)店員介紹姬松茸雜菌湯係以姬松茸、蟲草花、冬菇等素菜煮成，適合素食人士！三款湯底都好吸引，可惜今餐兩個人兩個胃，我地 唯有 揀胡椒豬肚湯同酒香藥膳雞湯。 酒香藥膳雞湯 - 魚皮餃 ＋豬皮好濃既藥材味，原來用上川芎白芷，店員話川芎白芷同紅棗行氣活血，對女士好好！全無味精，不妨飲晒佢！魚皮餃同豬皮都好好食！下次再encore! 胡椒豬肚湯河粉 - 墨魚丸 + 蘿白 胡椒味極重！好辣！超正！河粉比米線索味，絕對可以一滴不漏咁飲晒個湯！如果想食多D豬肚，可以叫個胡椒豬肚淨湯！蘿白好食，值得一試！姜汁奶茶第一次飲有姜既奶茶，好好飲！估唔到咁match! 姜汁好立克因為飲過奶茶，相對地好立克就淡味D，不過姜味甚濃！CD有Hidden Track ,  榕記就有Hidden Choice! 蜜糖芥末醬香煎雞排超好食！必試！即叫即煎，微微金黃色，火喉到