炳記茶檔

@kan.teen相信中意飲港式奶茶嘅你一定聽過炳記茶檔～有睇開我都知我係超愛奶茶的><!!!無論係台式珍珠奶茶奶茶🧋定港式茶餐廳奶茶☕️我全都要❤️炳記係足足有70幾年歷史，呢一種用傳統茶檔鐵皮屋風味嘅門店設計係依家已經係碩果僅存。係呢度食野無冷氣，食自然風，同人搭枱，好懷舊嘅港式風味。🤎佢哋嘅招牌奶茶更被CNN評為香港四大奶茶王🌞基本上每一枱都會叫翻杯。去嘅當日天氣好熱 先叫左杯凍奶茶！結果飲過返尋味 忍唔住要試多杯熱奶茶 睇吓係咪一樣咁好飲...飲落口茶香奶滑 呢四隻字講就簡單但要真係做到並唔係咁容易～飲落去唔會覺得條脷”鞋口”，茶味香濃而唔澀 奶茶質地厚身。即使係熱奶茶嘅話一樣咁滑 唔似得其他茶餐廳嘅熱奶茶飲落會有少少酸酸地。凍同熱都好飲，悉隨尊便😆另外食左豬排米，醃得夠味 唔係用鬆肉粉醃到啲肉爛晒嗰種 咬落仲有豬排一絲絲嘅肉質。調味就好重黑椒味 仲帶點蜜糖味甜甜地。食港式野當然唔少得西多士 奶醬多呢啲😌多士薄身非厚切 花生醬塗滿滿 食落啖啖醬 邪惡啊！！如果再烘脆啲更佳👐🏻整體來講我覺得佢哋嘅奶茶係必飲 鍾情飲奶茶嘅大家 不坊整翻杯試下✌🏻但食物方面就唔需要話特登過嚟食。.💸人均消費：$50左右———@bing_kee📍炳記茶檔 (大坑)大坑施弼街5號側#kanteen銅鑼灣 #kanteen茶記…Read More

有次試過兩點多少少去到已經截龍唔做生意。今次出開銅鑼灣特登早少少去排隊，好好彩排左五分鐘就有位！二話不說order左好多人慕名而來嘅熱奶茶一償心願！茶底唔算太濃，唔會好澀口，但略嫌欠缺小許回甘。有別於一般茶餐廳慣常用嘅淡奶，炳記採用植脂淡奶 。 茶奶比例剛好，口感幼滑。仲有經典豬扒米粉同奶醬多。大大碗豬扒米粉只售$25，豬扒肉質爽嫩而且滷得非常入味，誠意滿滿嘅滷汁簡直令湯底昇華！奶醬多烘烤得微燶，奶醬再多D就perfect~ $11真係抵到爛，做人唔可以太貪心 夏天嚟雖然會有D熱，不過地道風味搭救，都是一個唔錯嘅體驗！…Read More

難得今日放大假 我依個新界仔梗係試吓係大坑依間出左名奶茶的炳記茶檔啦！可能係平日去啦 一點幾去排左十分鐘都無就入得啦👍🏻平日黎講都算多人喎鎮店之寶 奶茶係無得輸既！一飲就知茶底濃 基本上不用加糖見到d留言話難飲 都唔係呀！都有叫左其他嘢食 都ok啦 個豬扒蛋麵都幾好味 個奶油多煎得岩岩好 食就食依d特色原有香港茶檔風昧嘛如果個餐單可以多啲野叫會好好多囉 下次會再黎架 現在依d茶檔仔真係賣少見少 真係有得食好食啦 遲啲都唔知仲有無！…Read More

上open rice 睇到啲食評咁高分，所以想嚟排隊試吓🤭排咗陣好快入到去，都係一般茶檔嘅後巷位，坐低5秒都冇個叔叔就即刻問我地食乜嘢，枱面連餐牌都冇我鬼知有咩食咩🤷🏻‍♂️最後淨係叫我哋攞部電話影牆上邊嗰個餐牌睇就算😅最後我叫咗個豬扒麵加杯好出名嘅奶茶試下🤤豬扒麵有黑椒味都唔錯，但味道都比較平凡，似乎未至於好似食評入邊講嘅咁好味，而杯奶茶都真係唔錯嘅，有濃濃嘅茶香，身為奶茶控嘅我表示滿意😌總括嚟講，我覺得呢度嘅奶茶試吓真係無妨，但係咪真係值得咁多正評呢？我會有少少保留，可能大部份都係俾咗杯奶茶，同埋其他茶檔小食好似奶醬多個啲啦，但週末嚟試下我覺得都可以嘅👍🏼…Read More

好耐無去炳記，以前那幾位老人家好親切，食完仲送我炳記postcard,現在的冷冰冰，最大問題係食物保持唔到水準，心痛呀😔瑞士雞翼豬扒米：瑞士雞翼&豬扒分開上，但雞翼凍又唔入味；豬扒好似人食剩的餸尾咁，最大問題係咸到無朋友，仲煮到過哂火....硬餐肉豬扒米：明明話餐肉要燶點，答「得」咗之後無件事；豬扒雖然切咗條方便吃，但一樣咁難食，以前真係好好食㗎，今次很失望😩奶茶：曾經係數一數二香港好飲嘅奶茶，現在真係...唔得喇、唔得喇，而且比一般茶餐廳細杯，如果好飲係無問題，但...真係無下次☹️…Read More

剛巧早上經過大坑有公事要做所以特意和同事去試一試呢間懷舊茶檔，約早上8:30到達等了大約三四個字便坐低一般蒞臨嘅客人看似熟客都唔使睇餐牌就可以點餐，餐牌要行出去店面度睇.叫了一個西多士兩份食，一個兩餸（五香肉丁煎蛋）米粉，一個三餸（餐肉吾香肉丁煎蛋）出前一丁多士烘得剛剛好，麵食方面不過不失(朋友投訴明明標名出前一丁但係唔係出前一丁)，奶茶茶味重，水準好價格是重點能夠體驗到懷舊風味絕對物有所值雖然錯位比較迫但係你見到好多客人同餐廳侍應其實都好熟好有人情味嘅感覺.沒有太多評分因為這間店重點係懷舊同人情味，回頭率唔算超級高但係絕對會定期回來…Read More

難得入大坑，立即search下附近有咩好食⋯見到呢間炳記茶檔好評如潮，決定一試。一個人，叫咗豬扒米（$25）+熱奶茶（$16）。首先到嘅係奶茶，茶香奶滑，怪不得被評為四大奶茶王之一！至於豬扒米，豬扒唔會醃先過龍而失去豬味同質感，配以黑椒汁，都幾惹味。而家呢種舊式茶鐺喺香港真係少之有少，大家經過可以嚟一試。…Read More

今天同男友來到大坑一遊，周圍逛逛，見到有間懷舊車仔麵檔，車門玻璃貼着陳奕迅到此一遊的親筆簽名，又見到有長長的人龍，原來每日下午3點半就會收檔截人龍 ，點都要排隊試一試。好彩等左大約15分鐘就有位，哈哈，餐牌都是單一式的，當然選擇都不多，而價錢都沒有列明出來，這就是車仔檔的小小特色之處吧！我們點了豬扒麵、豬扒米、咖咉多、奶茶，豬扒充滿濃濃的黑椒味，反而豬味不多腌制味較重。咖咉多的確無得輸，烤至金黃色，面鋪滿花生🥜醬，同格仔餅配料一樣。奶茶茶味較重，我自己喜歡奶味重點就更好。雖然食物好普通，但勝在車仔檔已經買少見少有一份懷舊特色，而且性價比高，難怪總見長長的人龍。…Read More

自從二月初時經過炳記茶檔看到鐵皮屋改建的大牌檔外觀後，一直都很想來這裡試一試，除了想體驗一下碩果僅存的茶檔外，還想一嚐四大奶茶王！這幾天天氣不穩定，幸好在我們光顧時還未下起雨來，不然一定狼狽不堪。平日的中午時段客人意外地多，見不乏身穿校服和西裝的客人，相信是附近上學的學生哥和上班族。牆上有易看的餐牌和一系列的報導，不過最吸引我的是那幅水彩畫。食物未到前當然要為環境留倩影，感覺這裡有點像赤柱泗益，無論環境或是食桌上的擺設，果然是那個年代的產物吧？但日本牌子的麻油又增添了現代感。我們叫了熱奶茶（＄１３）和凍奶茶（＄１４）。來到冠以奶茶王美名之一的炳記，沒有不試奶茶的理由吧！我選了熱奶茶，因為熱更能品嚐到當中的茶味，果然不負期望，熱奶茶的茶味很濃郁，我較喜歡茶佔多奶較少的比例，而且質感幼滑，初嚐的瞬間已經愛上這杯富有人情味的奶茶了。而baka則點了凍奶茶，相對地凍奶茶偏甜，但baka仍讚凍奶茶好喝，不過我們都很喜歡很喜歡這裡的熱奶茶，超級推介！我倆肚子都很餓，所以一人一碗麵！我點了有名的豬扒麵（＄２３）。這裡的豬扒有別於其他茶記，事先應該用了黑椒汁等醃製過，而且送上時已切小件，吃起上來很方便，細心。原以為豬扒的味道不會太特別，但肉質意外地嫩滑，也非常入味。公仔麵則正常水準！baka點了雞翼麵（＄２２）。共三隻，都算入味，不過不太特別。公仔麵當然也是正常水準。結帳後我們到店外拍拍照，雖然跟伙計們沒有什麼交集，但看著他們默默努力傳承港式美食的味道，也不禁想為他們打打氣！這份堅持不容易呢。整體來說除了炳記熱奶茶值得一試再試，也希望大家趁這些老香港產物逝去前好好品嚐感受，留下時代的印記。…Read More

入大坑搵食, 冇食過炳記, 點得ga?!今次再入大坑, 為的就是幾乎無人不曉的炳記茶檔。上次年初九專程來一次卻撲了個空, 今次可謂一嚐心願! 更開心的是大約一時半左右來到, 連位置都不用等, 直入坐下點餐, 爽歪歪。雖然明知豬扒還是跟麵比較正路, 但有見未來三個星期都會有極為密集的「告別系列」, 還是小心謹慎地要了米粉。本以為豬扒會是炸過的, 像炊豕店, 或順景, 沒想到卻是這樣子醃製過、沒有走過油的小塊豬扒, 非常驚喜! 單看已經知道非常的入味呢, 肉質也可保持彈性, 果然不錯。豬扒已經切小塊吃起來非常方便, 就算是身處大排檔也可以輕易吃得優雅吃得lady! (誤)看來, 偷懶不做資料搜集只是跟朋友走, 得到的快樂會是更多呢。再來一個腸蛋米粉。為的就是想要流心的蛋黃去沾米粉吃! 蛋煎得好無難度, 不過呢, 我們蠢了沒有叫雞翼吃! 看到同枱的食客似乎吃得很滋味, 但也只好留待下次了。炳記湯底味道偏淡, 食客可以自由地自行加料: 有辣油、麻油、胡椒粉放在枱上任君選擇。放棄麵要了米粉, 但最後還是忍不住要了個萬惡的鮮油奶多。沒辦法啊! 這東西真的好吃嘛! 多士烘得鬆脆熱辣, 擦上厚厚的牛油(可惜不是一整塊放上), 淋上足夠的煉奶, 噢, 夫復何求!奶茶 熱HK$13/凍HK$14少不了來杯奶茶。聽說炳記得奶茶是奶茶王, 可惜, 真的不是我杯茶, 入口太澀了。我想每個人心中都有自己的奶茶王吧。還是勝香園的出品讓我心折。埋單HK$77, 大為滿足。也謝謝友人對我陰情不定的性格多加容忍。嘿嘿!…Read More