Aidan Cafe (Kwun Tong View) (Closed)

今日周六，同friend一起去觀塘逛街，中午friend話去上次小火焰食韓國料理，我哋就再次去幫襯。因為週六，人流都多，等位等10分鐘左右。我嗌左泡菜燒牛扒拌飯，分量好足，泡菜酸酸辣辣，好開胃；牛扒又大塊量又多，牛肉味重，新鮮；牛扒下鋪滿海帶，醬燒汁，撈埋白飯，好好味。friend要份大醬黑豚粉絲鍋，湯底好甜，粉絲好嫩滑，又多，配料都多樣。還俾碗白米飯，淋上豚肉湯，都好好吃。小食係蜂蜜提子脆米炸雞（半份），雞肉嫩滑，雞皮香脆，抹上層蜂蜜，甜甜哋，幾好味。韓國料理少不了吃年糕，年糕好彈牙，醬料甜甜辣辣，好美味。…Read More

好耐無黎呢間位於觀塘既小火焰韓式咖啡廳，今日去開觀塘個頭，就決定黎呢度食個lunch。一如既往，呢度餐牌選擇超多，包括咖喱，拌飯，烏冬，水冷麵，大醬湯粉絲鍋，湯麵，淮山麵，焗泡菜炒飯，甜品等等，免收加一，都幾抵食。跟餐包幾款熱飲，亦可以加錢要小食或特飲，有好多款選擇。如果無記錯，今次應該係第三次黎，上兩次試過烏冬，冷麵，粉絲，淮山麵同甜品。我地今次一行三人黎食，每人揀左一個午餐。温泉蛋燴牛肋拌飯 $58牛肋有大概八舊，有大有細，炆得都可以，個拌飯汁好正，少少甜，辣辣地，夠哂汁撈飯，加埋d温泉蛋蛋汁，紫菜絲同少少泡菜，個飯幾好味。配菜仲有一舊茄子。好惹味既一個拌飯。鰻魚燒蕃茄湯烏冬 $78鰻魚有半塊，分開用碟上，啖啖肉，肉質彈牙，燒鰻魚汁超多，加埋白芝麻粒增添香味，質素絕對合格。連伴碟既新鮮椰菜絲都食得。烏冬份量唔算太多，但係非常滑溜同彈牙，個蕃茄湯好香甜，好濃茄膏，完全唔油，仲加左昆布，粟米粒同白芝麻粒，健康既選擇。大醬黑豚粉絲鍋 $62粉絲鍋用石鍋上，保證熱辣辣。大醬湯可轉豬骨湯底，豬骨湯底好清，居然有胡椒味，粉絲都好滑。黑豚肉有六大舊，用鹽調過味所以微咸，超彈牙脆脆地好正！其他配料仲有兩塊脆玉瓜，菇菌同芽菜。白飯一碗另上。呢個選擇都幾健康。跟餐熱飲都有好多選擇，份量大大杯，飲完實飽。凍飲加$3或可再加錢升級飲品。蜂蜜紅棗茶（中）最唔甜，甜味自然，下沉有好多紅棗塊。蜂蜜柚子茶（左）甜度適中，柚子味好香，下底超多柚子皮。蜂蜜生薑茶（右）只有熱飲，甜度較高，咁先可中和生薑既辣味，冬天飲呢個超正，食埋d辣薑成個人暖笠笠。我地三個人霸左個四人卡位，座位都幾舒服。周日午飯時段超多人，記得早d黎。一路食一路見到電視介紹佢d招牌菜，下次再黎試下先。…Read More

📍 小火焰韓式咖啡餐廳 Aidan Korean Dessert Cafe📍 觀塘 • 觀塘道410號觀點中心1樓1號舖這家位於觀塘的韓國餐廳《小火焰韓式咖啡餐廳》好像時不時都有人說起... 終於來試一下了！這天是星期六，午餐時段，人頭湧湧，不少人在店外排隊！午餐菜單內的所有餐點都附送飲料，也可以以優惠價改配特飲，還有追加小吃！原來他們午餐不設加一，那就實惠多了！難怪那麼受歡迎～這裡不像大部分韓國餐廳般會提供小菜，所以我們以$10加配了泡菜還有年糕。大醬黑豚粉絲鍋 ($62)豚肉為黑豚，厚厚的很多片，有嚼口又有很濃豬味🐷配上人人喜歡的韓式粉絲，整個湯十分好吃，又暖胃😋拉絲芝士香燒雞翼伴泡菜炒飯 ($78)味道大爆發！💥 BBQ醬雞翼、泡菜炒飯、mozzarella芝士、忌廉汁，配上多種配菜！Mozzarella芝士的拉絲效果實在太好看啦～🧀雞翼用了超多燒烤汁調味，BBQ味超濃～可是泡菜炒飯的泡菜味不是太突出🤫追加小食卡邦尼小杯年糕 ($10)泡菜 ($10)蜂蜜柚子茶；蜂蜜生薑茶附餐飲料選了這兩杯暖呼呼的養生茶～本來還點了一道甜點，可是等了45分鐘都還沒來，後來才發現廚房漏單了🥺，趕時間要先走，唯有下次再來嚐吧😢-Menu:…Read More

星期六同男朋友黎到觀塘食韓國野，午餐幾抵食又多選擇，亦唔需要加一。我地最後揀左大醬黑豚粉絲鍋同明洞餃子炒粉絲，跟餐加$10要甜辣韓式炸雞同卡邦尼小杯年糕，飲蜂蜜紅棗茶同蜂蜜生薑茶，再要個雪花冰。明洞餃子炒粉絲好夠熱，食到尾都係熱架。有三隻煎餃子，幾香口。炒粉絲略油，但有好多蔬菜配料一齊食可以中和返。大醬黑豚粉絲鍋除咗有粉絲，仲有一碗飯。大醬湯辣辣地，冬天飲好適合。黑豚肉亦夠軟腍。甜辣韓式炸雞$10就有三舊，好抵食。卡邦尼小杯年糕煙煙韌韌，卡邦尼汁撈飯食都好夾。糯米糍3.6牛乳雪花冰磨到勁幼滑，入口即化，糯米糍好煙韌，我好鍾意，仲有球朱古力雪糕添。最後飲蜂蜜紅棗茶同蜂蜜生薑茶暖暖身。…Read More

上次食完小火焰，好想返check，今日又去左呢到食午餐喇！叫左兩碗大醬湯粉絲鍋，滾住上，熱辣辣。lunch set 配白飯及飲品，仲可以+$10追加小食😋#大醬黑豚粉絲鍋依家都幾鐘意食黑豚肉，因為夠豬味呀。用左辣嘅醬料做湯底，醒神暖胃。#大醬牛肉粉絲鍋除左牛肉多，連配料都幾多下，有脆肉瓜、牙菜，滿滿嘅粉絲，送飯一流。#黑醋烤韓國豬肉餅烤得好香口，豬肉軟稔入味，黑醋點綴酸酸地好味美。#朱古力咖啡呢到嘅甜品一向出色，飲品亦滿分。咖啡味香濃，滿滿嘅朱古力口感，再加一座山嘅cream，口感好rich! …Read More

今次係第二次黎食小火焰，上次黎食覺得好抵食，所以再黎返兜！一黎到都等左15-20分鐘位，見到佢都幾旺，Keep住有人嚟攞位。Lunch menu我地叫左兩個套餐再加左份小食，埋單食$130左右，人均～$75。朋友叫左大醬湯，我覺得個湯陣味差少少唔夠正宗，但係d豚肉質都幾柔嫩，所以還好。照燒野菜牛肉蕃茄烏冬啲野菜同牛肉加上燒汁都幾惹味，面頭仲有個溫泉蛋，有少少後悔叫咗番茄烏冬，覺得如果撈飯會更加好食。個烏冬煮霖左，蕃茄湯有啲油同埋但唔係好濃郁。但係成個套餐加埋飲品先$52，好抵食。我哋加$10加咗個小食炸雞，feel到係新鮮炸出嚟嘅，都好食，$10黎講好抵。佢杯即磨咖啡可以提一提，比起普通餐廳食套餐送果杯咖啡要好飲，當然唔係同cafe比啦。叫咖啡佢會送包曲奇俾你，叫其他嘢飲就冇，都幾得意。整理黎講都抵食，如果喺附近返工黎食個lunch都唔錯。…Read More