Wing Nin Noodle (Carnarvon Road)

星期五晚約了朋友到尖沙咀永年士多吃車仔麵。幸好六點到，剛好有位子，不然很快就要排隊了。自選三餸車仔麵選了豬紅、牛筋、蘿蔔，配米線，招牌咖哩辣醬微辣，份量超級多，吃完很飽。豬紅甜甜地又滑嫩，蘿蔔沒渣，牛筋軟腍，米線好吃。大碗麵有豬腸、魚蛋、蘿蔔、豬紅、豬皮、雞翼、雞翼尖、魷魚、紅腸、菜，配油麵，所有配料都很入味，一次滿足所有願望。斑蘭咖央多士多士厚身，喜歡沒有牛油的咖央多士，不會太油膩。蝦醬通菜通菜挺爽口的。跟餐飲品叫了熱檸水和凍檸茶走甜，另外叫了支樽仔奶茶。…查看更多

作為元朗人, 永年真係細個食到大, 見證住佢由一間無咩裝修的平民小店 變成咁多分店嘅車仔麵, 今次第一次去尖沙咀店食, 都保持到元朗店的水準, 不錯!三餸+油麵蘿蔔 係每次食永年必點 ! 好清甜好入味又夠冧, 仲有雞翼十分滑嫩!自家秘製辣汁係重點，但留意返小辣都好夠辣, 好惹味, 可以話係整碗車仔麵嘅精髓！大碗麵一碗麵有10個餸，男仔食都夠飽, 有齊魷魚、豬皮、豬大腸 份量都好多, 特別係豬腸、紅腸, 好軟嫩唔會太硬, 抵食!腐乳通菜腐乳都係永年自家調配出來, 配埋通菜好味!咖央多士多士外層金黃酥脆，內裡夾有濃郁的咖央甜而不膩 , 鍾意食咖央要試 !!抹茶紅豆冰永年飲品一向都係好有誠意, 以前一直都鍾意飲凍檸茶 ! 但抹茶紅豆冰賣相好吸引, 一直都想試好想試! 有淡淡的抹茶味、好多紅豆 滿足!!樽仔烏龍茶一樽樽好方便, 仲係可循環再用樽仔, 茶味香濃微甘，仲可以解辣…查看更多

永年車仔麵勝在秘製湯底，配料多樣豐富。尖沙咀店經常排長龍，尤其係做緊香港有禮優惠，所以有大量遊客大碗車仔麵（單點$72），轉咗烏冬做麵底+$2；有雞翼尖、大腸、豬紅、豬皮、蘿蔔、魷魚、菜芯、雞中翼。豬皮食落好入味、菜芯味道清甜、豬紅軟硬適中，容易掛汁、蘿蔔夠大件又清甜、大腸質感軟腍.重點當然係個醬汁啦，辣得嚟又好有層次，醬汁濃郁，好惹味呀！…查看更多

去左尖沙咀Body check就係附近搵埋嘢食， 冬天大家想食下麵暖下個胃， 見到永年士多好多人食喎， 評價又好， 入去食喇先點餐俾錢後取餐，叫左一碗大碗麵，配料多多係招牌菜，有豬紅，蘿蔔，魚蛋，魷魚，豬皮，菜心，豬腸，紅腸等等，湯底好正，係懷念既車仔麵味道，大碗麵如其名好大碗我食蝦子撈粗麵， 揀咗三款配菜有枝竹球，蜂巢豆腐同魚蛋，仲配有菜心，一樣大大碗，撈麵都係必試，好鐘意食枝竹球，類似素鴨咁好食，鐘意食素都揀得仲叫左蠔油菜心同生菜魚肉，菜心份量都幾多，生菜魚肉有胡椒粉辣辣地唔錯，魚肉整到成個魚蛋咁好有口感，好岩我地口味飲品係好立克同柚子蜜，唔會過甜店員落單同上菜都超有禮貌，餐廳又新又乾淨，所以多人幫襯係一定有原因的…查看更多

唔使再直入元朗⤵️ 尖沙咀都有1️⃣間既永年士多👏🏻<大碗麵🍜>車仔麵🍜樣樣餸都好似好好味😋 黎到永年士多揀<大碗麵🍜>就唔怕選擇困難既煩惱🙈 <大碗麵>總共1️⃣0️⃣個餸👀 可以1️⃣次過試曬咁多味道😍: 陳皮魚蛋🐟 (陳皮味道出眾😮) 🐽豬腸(乾淨軟腍)🐽豬紅(質感幾厚實)🐽豬皮(索曬湯底味道😳) 蘿蔔 (清甜無渣) 魷魚🦑 (幾爽口但無咩味道) 仲有雞翼🐔 (用左滷水汁調較好入味)雞翼尖🐔 紅腸同菜湯底🥣方面帶點微辣🔥 濃郁得黎又幾惹味😋 車仔麵黎講，價錢方面會少少偏貴<斑蘭咖央多士🍞>網略大推既斑蘭咖央多士😳 薄薄既斑蘭香味👃🏻 配上微甜既味道👅 略嫌份量偏少唔夠喉👉🏻👈🏻 用上厚身麵包🍞 只輕輕烘過未算脆口難忘☁️ 斑蘭醬算唔吝嗇🙂叫彌補返不少失去既分數👀…查看更多

為食報告:🍲🍲🍲🍲🍲🍲🍲永年士多 - 港式車仔麵諗唔到食邊樣餸好?🤔唔緊要，永年有個《大碗麵》可以叫黎食 大碗麵餸有: 紅腸 雞翼 雞翼尖 陳皮魚蛋 豬紅 豬腸 蘿蔔 魷魚 豬皮 菜餐廳點餐 取餐是自助營式簡直滿足到我呢啲成日選擇困難症既朋友♡價錢對比平時車仔麵偏貴少少 不過車仔麵啲餸好入味😋😋😋 配埋秘制辣醬惹味提升~ 麵份量都適中飲品方面不過不失啦另外仲有app可以儲分換下餸底咁*唔太食得辣既朋友們就叫少少辣好喇*車仔麵餸推介: 豬紅（彈牙） 豬腸（濃味唔臭） 唔想入到元朗咁遠先食到?一於去九龍區尖沙咀試試吧…查看更多

之前試過港島分店。今次就黎左試下尖沙咀呢間分店。星期六中午時間唔算太多人。可能天雨關係。等左一陣就有位。店內裝修都乾淨。不過座位都比較窄。叫左大碗麵。$62有成10個餸。河粉+$2。魚旦係最鍾意嘅陳皮魚旦。夠煙韌。豬腸豬皮豬紅入味爽口冇雜味。蘿蔔甜冇渣。其他餸就正正常常。河粉厚身得黎滑口。幾特別。細辣對唔食得辣嘅人都係有啲辣。+$15加左杯紅豆奶茶冰。茶香奶濃。口感十分厚身。最後成餐差不多$80都係覺得有啲貴。不過食完10個餸個感覺非常滿足。…查看更多

由士多變成車仔麵的永年士多在尖沙咀開了分店，不用特地到元朗，就已經可以吃到很多人慕名而去的車仔麵。店內乾淨企理，以車仔麵來說程序很井井有條。店員會建議客人分工排隊及買車仔麵，節省時間，結帳後客人可以直接到旁邊等餐點。等麵食的時候，可以看看報章解悶，了解店家的歷史。餐牌餸菜選擇沒有到很多，比較特別的是特飲較多及可購買咖央。餐點斑蘭咖央 $16比想像中的份量少，麵包有烘過，但也沒有到很脆。不過餡料可以補足缺憾，醬料充足，所以不會很乾。甜甜的味道及淡淡的斑蘭香氣，不錯吃。三餸一麵 $41大碗麵 $65包括十種菜式：豬腸，魚蛋，蘿蔔，豬紅，豬皮，雞翼，雞翼尖，魷魚，紅腸及菜。湯底及餸菜都是車仔麵的靈魂所在，加了辣的湯底比較惹味，令味道更有層次，也可以帶出餸菜的味道。辣汁與湯底很搭，單吃粉麵及湯底也不會單調。無辣湯底也不會不好吃，因為湯底本身很濃。各種餸菜蘿蔔清甜，份量很多，可以充份吸收湯汁，好吃。而且質感偏向腍身，應該滷了很久，才這麼入味。一口大小的豬紅，鎖了很多湯汁，吸收了辣味感覺更刺激惹味。魷魚本身好像沒怎麼滷過，單有爽脆的口感，不太能吸收湯汁，相較之下比較遜色。牛筋與魷魚的味道差不多，都是不太入味，只有牛筋軟腍的口感。帶點膠質的牛筋，也是一口大小，味道普普通通。溏心蛋跟水煮蛋無異，看起來也像沒有滷過，但熟度剛剛好，會有蛋汁流出。整體餸菜方面，值得推介的是滷過的食材：雞翼，雞翼尖，蘿蔔及豬紅，因為吸收了湯汁，都很入味！雖然菜是附送的，感覺很健康。但它是一個很扣分的「敗筆點」，可以看下圖來視力檢測一下。仔細一看會發現有菜蟲在裡面，反映食材處理不足。而且這也不是偶然，上次吃的時候，也發現有菜蟲在漂浮所以今次比較有戒心，果然有花蕊的菜心都不可以吃。其他部份則沒有這個問題，希望店家多加注意。看來下次吃要放棄菜心了。…查看更多

永年開到尖沙咀了，十分方便我們這些九龍人。店舖跟銅鑼灣分店差不多大，座位不多，但感覺銅鑼灣分店比較光猛及開揚，座位都闊落一點。下午2點多，餐廳門口仍然有人龍，要先排隊下單，後找位。幸好，大家食完都會快快離座，所以都不用等位。大碗麵是我們必點的，$65 有十個餸(豬腸，魚旦，雞翼，蘿白，豬皮，豬,紅，雞翼尖，紅腸，菜及魷魚)，餐廳的主打通通有齊，不用煩，份量足。最鍾意餐廳的陳皮魚旦及雞翼，夠淋夠入味，另外要讚他們的豬腸做得十分乾淨。另外一碗就要九菜餃，支竹球及牛肚配粗麵，支竹球比較特別，牛肚再淋身一點會更好。車仔麵的湯底比較清甜，原來是他們加入藥材一齊熬製的。永年除了有車仔麵提供，還有多士餐，班蘭咖央多都是很出名的。今次更點了永年出名的樽仔奶茶，雖然加$17，有點貴，但味道真的不錯，甜度剛好，茶味濃，奶夠滑。…查看更多

啱啱喺附近做完嘢， 突然間想食麵。。 就醒起尖沙咀呢度附近有一間出名嘅車仔麵舖， 但係平時都好多人排隊， 所以一路都冇試過。 加上心諗， 已經就嚟三點， 相信已經冇咩人龍， 所以就行咗去食 去到門口， 估唔到2點幾仲有人排隊！！ 但係人龍唔算長， 所以照排。 望一望menu， 三餸一麵 $41， 另外再加餸就另外加$8！ 有選擇困難症嘅我， 最後揀咗佢個$65大碗麵， 一共有10個餸 另外再配多一杯新出嘅抹茶紅豆冰 （ 原價$25， 跟餐 $15）。 所以最後埋單 $80， 對我嚟講午餐呢個價錢都唔算平， 已經係平時出麵食一碗麵嘅2倍 但係值唔值得要食過先知！等咗一分鐘左右就有麵攞啦！ 呢度係全自助， 所以要自己走去攞 聽講呢度辣汁出名， 所以都有嗌小辣。撈一撈啲麵之後就會見到全部餸， 有 蘿蔔 ，豬紅，雞翼， 土魷， 豬腸，魚蛋 ，雞翼尖，紅腸 ，豬皮 ，菜心。 分量好夠多！蘿蔔好甜好正， 3舊 ，冇渣！我平時唔鍾意食豬紅， 成碗有五六舊， 但係佢嘅豬紅一啲都唔腥， 反而仲甜甜地， 有少少掛佢哋嗰啲辣汁， 好味！雞翼雖然得一隻，但係大隻。土魷三四塊，夠爽，唔會咬到牙都甩 但係個人就覺得冇乜味， 所以不過不失。 豬腸滷得入味， 有六條， 亦都剪得唔細， 唔同外面嗰啲車仔麵舖咁， 剪到勁細就當係一樣餸 魚蛋都有幾粒， 係陳皮魚蛋， 但係陳皮味唔會太重， 夠彈牙！ 雞翼尖， 有兩隻 ，同雞翼一樣嘅味道， 同樣都係鹵水 ， 就算浸咗落湯都仍然好入味！ 紅腸， 兩塊， 同平時紅腸味道差唔多。 豬皮就有兩大塊， 好爽 好掛汁！！ 菜心就一條幫你點做三塊， 一口過嘅size ，都幾細心雖然佢啲辣汁又真係幾好味， 但係我嗌咗少辣都覺得有少少太辣， 可能下次我會嗌返微辣， 食得舒服啲。食咗四分三之後已經覺得有啲飽， 啲餸多到好似食唔完咁 個抹茶紅豆冰都唔錯！ 唔會太甜， 亦都足夠我解辣😂 整體嚟講， 呢間車仔麵唔算係市面上最平嗰間， 但係食物質素唔錯， 個份量亦都對得住價錢 😂 我會返嚟再食！…查看更多

之前呢間車仔麵岩岩開到黎尖沙咀的時候，每次經過都會見到好多人在排隊，現在都開了一段時間了，晚上7點幾的時候行過都仲係要排隊的，但今天晚上等埋朋友去到已經不用排隊了。餐廳唔算有好多位，所以大家都係食完就走，唔會坐係到傾計的。先排隊買野食，然後搵位坐，聽到叫NO.就可以去拎啦!大碗麵($65)，呢碗大碗麵共有10款小食，包括牛肚、陳皮魚蛋、蘿蔔、豬紅、豬皮、雞翼、雞翼尖、魷魚、紅腸同埋菜!而麵底我就揀左我最愛食既油麵，點了小辣。原來小辣個辣度都幾辣，唔太食辣的話睇下可唔可以再叫小D辣啦!豬紅都幾入味，咬落去唔會淡口，雞翼同雞翼尖都整得好入味，雞翼尖仲炆到好淋添!整體黎講小食同湯底味道都幾好!咖央多士($16)，咖央味都幾出，但我個人覺得又未至於係佢地既必食的食物!菠蘿冰($15)，都真係幾多冰，反而因為太多冰，令到飲品唔夠甜，菠蘿肉都唔係好多!總括黎講，車仔麵係真係好食既，但係其他野食我個人覺得又未至於係必色，不過都係係尖沙咀食車仔麵的一個不錯的選擇，因為始終係尖沙咀較少這類麵食。…查看更多

想試永年士多好耐 但元朗太遠終於捉到男朋友陪我去尖沙咀個間首先就叫左#煉奶多士 ($13)煉奶配任何包類都係無敵但其實我想食咖央多 下次試👻之後就叫左#大碗麵 ($61)有10種食物係入面 唔使自己揀佢嘅醬係令到個麵好食左但配料略嫌普通左啲 不過車仔麵係咁😂最後呢 叫左杯#抹茶紅豆冰同#紅豆奶茶冰 ($25)我係飲紅豆奶茶冰 不過可能飲唔慣呱..我覺得兩者唔太夾🙊_________________________裝修環境：✨✨✨✨服務態度：✨✨✨食物質素：✨✨✨(5個✨為滿分)________________________唔信我嘅可以自己去試試😂…查看更多