今日男朋友嚟大埔搵我 即興想打邊爐揀咗呢間未食過嘅試吓 比佢裝修震驚裝修感覺好似古代皇帝出巡去嘅高級客棧係以金同紅色為主 紅色燈籠好喜慶感連打邊爐個爐都係龍紋金鍋 係幾有氣派嘅門口個張龍椅+聖旨好啱比小朋友打卡XD呢度仲有比小朋友睇嘅影院同夾公仔機- - - - - - - - - - - - - - - - - - - - - - - - 1. 醬介一坐低後 店員就將九格醬料拎到面前 九格醬料包括醋、芝麻、香油、辣椒、醬油、炸蒜、蒜蓉、芫茜、香蔥好係好在可以坐住咁任調醬料嘅份量2. 涼拌拼盤(秘製涼拌爽口魚皮/香辣無骨鳳爪)每次去餐廳叫涼拌魚皮都係一種賭注因為有啲未必真係爽口 好在佢冇令我失望魚皮爽滑彈牙 浸晒秘製麻辣醬汁係好香口無骨鳳爪都好夠香辣味 食完兩樣覺得開胃3. 櫻唇半開 · 特色卜卜蜆鍋上鍋個陣見到底下用咗好多芽菜舖墊面頭就有好多食極都仲有嘅大沙白蜆跟住會係我哋面前加湯 等到滾起食得想講蜆嘅份量真係好多 食完都有半飽同埋都好欣賞食晒全部都冇食到有沙湯底滾到最後 愈嚟愈有海鮮鮮味4. 大滾友牛肉拼盤(細)唔知係咪因為食咗好多蜆已半飽XD雖然話係細份 但我都係覺得大份有成7款牛嘅唔同部位 每款4-6件拼盤包括牛胸尖、澳洲和牛金錢展本地手切牛頸脊、牛舌花、牛黃喉牛肉粒同埋美國頂級雪花肥牛最鍾意係牛頸脊同金錢展 好有牛味5. 手打蟹子鮮蝦丸(四粒)/芝士獅子狗/大滾友響鈴拼盤 · 各三件手打丸真係唔同啲 比較有鮮味同彈牙加咗蟹子 會食到卜卜脆嘅感覺好得意本人超鍾意食芝士獅子狗 每次火鍋必食濃郁芝士喺脆皮度湧出嚟嘅口感好正響鈴拼盤包括原味同鹹蛋黃味各三件即炸夠正 鹹蛋黃味雖邪惡但超級好食6. 大滾友雜菜拼盤/竹笙拼盤包括油麥菜、生菜、娃娃菜、金菇蕃茄、蓮藕、萵筍、黑木耳同粟米年紀大咗 打邊爐必須叫少少蔬菜XD樣樣都食少少 覺得可以吸收唔同營養同埋鍾意蔬菜經過海鮮湯底烚完收汁好正不過呢盤蔬菜份量真係好多 有剩少少另外叫咗本人鍾意食嘅竹笙 正常發揮7. 自家製足料竹蔗茅根估唔到係用咗古代陶土茶壺裝住大約倒到三杯左右 都幾清甜打邊爐飲呢個係好滋潤 舒緩熱氣…Read More
職員服務好，有禮又主動，貼心留意有冇需要加湯👍🏻 先上調味料九宮格，然後坐定定等開餐～“玲瓏浮凸花膠雞湯鍋”秋天要進補，叫咗花膠雞湯湯底，湯頭雞味濃，入口好膠，淥嘢食前先飲啖湯，骨膠原爆燈！半隻雞都好大份，雞肉嫩滑，高質！花膠厚身兼大大塊“伊比利亞橡果豬”打頭陣上枱係呢份豬肉，脂肪分佈平均，入口即溶有驚喜！豬味突出！“大滾友牛肉拼盤（細）”有齊唔同部位嘅牛肉，包括頂級安格斯牛小排，本地手切牛頸脊、澳洲和牛金錢𦟌、美國頂級雪花肥牛、和牛粒、牛黃喉、牛舌，大片兼份量十足，紋路幾靚，食落牛味夠，又嫩又甜、油花稍多👍🏻👍🏻“脆鯇腩片”略帶粉紅色，非常新鮮，口感好脆，肉質結實，夠鮮味，好得“大滾友雜菜拼盤”有唐生菜、油麥菜、粟米、蓮藕、蕃茄、金菇、木耳等，每樣都新鮮乾淨，最特別係有紫淮山😍“火焰焦糖豆腐花”職員加入黃糖同酒之後會即場點火，好有儀式感🔥焦糖脆皮配入口滑溜嘅豆腐花，好味！
