同朋友見到湯底poster覺得好吸引同特別就點左，湯頭用左自家浸製雞湯上加入大量新鮮豆漿用慢火熬煮而成再加入蜜瓜提鮮，估唔到湯底加埋蜜瓜無違和，充滿豆乳香味之餘鮮甜唔膩，龍躉魚片好嫩滑
🍡大滾友肉丸拼盤·十粒（$158）
有櫻花蝦豬肉丸、手打鮮牛丸、手打鵝肝墨汁墨魚丸，手打蟹子鮮蝦丸同龍蝦墨魚丸，可以一次過試哂佢哋手打丸嘅款式；每款丸好彈牙足料
🥟大滾友餃子拼盤·八粒（$138）
有韮菜豬肉餃、黑松露蟹肉餃，蟹黃餃同牛肉餃，粒粒都皮薄餡料足
🐮 大滾友牛肉拼盤（細）($428)
有肉質柔軟、肉味濃郁嘅封門柳，油花分布平均嘅本地手切牛頸脊，口感軟Q有嚼勁嘅和牛牛展，牛肉粒，牛舌，同花雕酒浸牛肉；用左花雕酒浸嘅牛肉聞落好香花雕酒香，食落好嫩滑之餘帶有淡淡嘅花雕酒味
💛大滾友響鈴拼盤($88)
有鹹蛋黃醬響鈴同普通響鈴各三件，鹹蛋黃醬響鈴可以即食，酥脆仲有細膩嘅鹹蛋黃香，而普通響鈴涮煮過後索左湯底好惹味
🫖自家製足料竹蔗茅根（$78）
打邊爐必備，清甜解渴，仲用左典雅精緻嘅紫砂壺盛載，非常有儀式感
🫙醬介（$26/位）
🏰 餐廳以中國宮廷風裝潢為主，設有包廂同卡位，有私隱之餘又坐得舒服，仲設有兒童影院，五歲或以下嘅小朋友仲可以免費獲得一份兒童餐，八歲或以下嘅小朋友仲可以免費夾公仔，完美照顧大人同小朋友嘅需要
