Sous Vide Factory

慢煮成近年熱潮，用低溫將肉類用長時間煮至熟透，但內裡其實看起來仍然粉嫩，肉汁得以保留。不過正牌的慢煮棒價值不菲，煮的時間也很久，在家吃倒不如外出吃。觀塘工廈果然甚麼也有，包括主打慢煮的這家慢煮工業。餐廳位於駱駝漆大廈三期，工廈來說算是較企理，有像辦公室大樓的大堂和客。每一層地方很大，要找一會才能找到這家餐廳。餐廳分吧枱和梳化兩邊，入內也有大一點的圓枱。天花的氣喉和沒有加以掩飾，只是將燈光稍稍調暗，帶點工業區的感覺。開放式廚房沒有太強烈的油煙味道，但看到一些紅膠籃和不太整齊的用具，是有點減分。餐牌簡單，晚餐一張A4紙全都是set dinner，後面還有一張飲品的餐牌。4-course dinner來說價錢也不算貴，最便宜百多元已有意粉的set dinner。不過來吃慢煮，當然要試試肉類，所以點了肉眼和羊架。有趣的是這裡set dinner只包果茶，反而不包咖啡或茶。冰紅茶有蜜桃和檸檬的味道，上面還放了片薄荷葉，味道清新不過甜。法包烘成香脆多士，塗上蒜蓉牛油，味道不錯，不過若然再熱一點會更好。Set dinner包的沙律是雞肉沙律。稍嫌雞肉粒有點乾，因全雞胸所以也有點鞋口。沙律菜基本上是紫生菜和羅馬生菜，還有車厘茄，都算新鮮夠爽脆，配上芝麻醬是最穩當的做法。這個南瓜濃湯做得非常好，真的是用南瓜蓉打成，夠稠杰也很濃味，但仍有細滑口感。濃湯帶南瓜的天然甜味和香氣，絕對不人工。主菜終於來到，先是肉眼扒。餐牌上寫20oz，應該是煮前的重量，端上來這個size目測頂多只是12-14oz左右，但也算大塊。配菜是法式焗忌廉薯，先用忌廉煮過口感更為滑溜也帶點奶油味，再焗就不會太熱氣，口感頗為特別。 另有紫生菜，幸好牛扒rest的時間得足夠，不會有油在碟中浸淋生菜。慢煮過後再用大火香煎，肉眼內裡尚算粉紅，外層則帶焦黑。肉質略嫌有點乾身，若然慢煮再慢一點 (更低溫但長時間一點)，而香煎則可以短時間一點，應該會更有肉汁。自家製羅勒汁用切碎羅勒葉混入橄欖油，比較油膩，蘸肉眼扒沒有很配。雙骨羊架相對地較出色，先是賣相已經令我們驚豔。一大一小的羊架直立於忌廉薯蓉上，薯蓉很是香滑，不錯的吃。新鮮番茄和醋醃紫洋蔥味道很清新，配較多油的羊肉很適合。羊架內裡粉紅，肉質嫩得來也很有肉汁，但不會有羊騷味。帶一層香煎過的脂肪散發出羊油香，能帶出羊肉的優點。最後在Facebook like餐廳專頁會送甜品，是日甜品是朱古力慕絲。喜歡它的朱古力濃度較高，味道重得來不會太甜，帶點微微的苦澀味。慕絲不走滑溜路線，煮溶魚膠片還留下些氣泡和魚膠粒，也算口感的一種。若喜歡吃甜一點的可以蘸伴碟的士多啤梨醬，隨自己口味調配，味道也頗夾。喜歡吃慢煮的話真的可以來試試，畢竟4 course set dinner也很豐富。…Read More

朋友在官塘apm上班，話駱駝漆大廈有間慢煮的西餐廳好吃，他試過食午餐但未有機會試晚餐，既然他想試和老公便一完他的心願嚐試慢煮菜式。餐廳位於工業大廈內，距離官塘地鐵站約5分鐘路程，很易搵到。店內面積不大，以開放式廚房設計，予人輕鬆的感覺。餐牌有幾款慢煮菜式，豬牛羊雞也有而且不設加一，附加飲品收半價。我們四人選了四款慢煮菜式：牛脷、牛扒、豬鞍和春雞。蒜蓉包香噴噴的蒜蓉包烘得香脆，蒜香味夠濃而且熱騰騰。雞肉沙律沙律的蔬菜很嫩很新鮮，配麻胡醬和烤雞肉很夾，份量不少😊南瓜湯很濃南瓜香味，又甜又綿，入口很舒服，濃濃的湯中還能吃到南瓜茸，口感很厚。夏日果茶跟餐的飲品，甜甜的有果味。慢煮法式小鍋燉牛脷•墨西哥玉米餅•鮮蕃茄沙沙鍋內的牛脷切粒和紫洋蔥、紅蘿蔔、薯仔、紅腰豆一起慢煮，整鍋都充滿蔬菜的清甜味，牛脷非常軟腍入味，配料也都煮得半溶化於湯汁中，用來點墨西哥玉米餅吃一流！入口玉米餅外脆內軟，煙煙韌韌吸汁後吃真的欲罷不能！慢煮20oz美國安格斯肉眼•自製意大利羅勒汁•法式焗忌廉薯20安士的安格斯肉眼很大，很厚，驟眼看還以為是斧頭扒😂肉眼扒表面有燒焦的坑紋，切開後看到粉紅色的嫩肉，入口先感受到炭焦的香味，接著一咬肉汁慢慢從肉眼內滲出，濃厚的牛味充滿口腔，配上羅勒醬吃別有一種清新的味道，多吃幾件也不會膩。慢煮西班牙伊比利豬鞍•北印度乾果飯•蘋果薄荷慕斯嘩~😍好靚的豬鞍，最愛吃西班牙豬鞍，沒有慢煮棍的我平時都是買回家自己煎，每次見到有慢煮豬鞍都一定會試！豬鞍外面煎很香脆，肉汁鎖在內很juicy。西班牙伊比利豬的肉本身有陣陣的果香，不用特別調味已很好吃，而蘋果薄荷慕斯的薄荷味不太濃，配豬鞍吃很清新。北印度乾果飯甜甜綿綿，感覺好似吃意大利飯，creamy 而不膩。慢煮迷迭香烤法國春雞•香脆薯角•烤蕃茄洋蔥春雞烤得嫩滑多汁，雞皮的油脂都被烤走，剩下的只是香脆，這真是慢煮才能做到。朱古力慕絲好濃朱古力味，不會很甜。餐後我們都附加了飲品，我點了這杯：陳年老桔釀氣泡礦泉水好創新的配搭，用氣泡礦泉水來代替汽水感覺很健康，兩粒醃製的老桔很出味，甜甜咸咸酸酸的味道增加口水分泌，正！另外三杯飲品是玫瑰拿鐵、焦糖拿鐵和凍檸茶，他們都說不錯。餐廳老闆很熱情健談，除了每道菜介紹給我們外又會和我們交流意見，感覺很溫暖😊…Read More

觀塘工廠區愈來愈多高質食店, 其中一個原因可能因為工廈租金比較平, 餐廳可以將慳到的租金成本採購更優質的食材吧。星期日同老婆閒逛駱駝漆大廈時留意到呢間慢煮工房, 定價比好多標榜慢煮的餐廳平, 菜式亦好吸引, 所以我地決定今晚約埋朋友放工來食返餐慢煮新派菜。😙慢煮工房位於駱駝漆大廈三期, 呢幢工廈大部份單位已改成食店或商舖, 由於價錢比其他地方便宜又近地鐵站, 我同老婆經常於假日去呢幢工廈選購食材。慢煮工房係4樓, 門面同餐廳裝修都有一點美式簡約工業風格, 桌子同座位都寬闊, 空間感充足, 坐得好舒服。晚餐有4個Course, 主菜一共有9款選擇, 不設加一另外Like Facebook專頁仲會加送甜品，我地一行4人揀左4款慢煮菜式Share食。😁餐前會提供餐包, 味道都可以, 不過唔算好特別。前菜胡麻醬雞肉沙律份量頗多, 雞肉嫩滑, 新鮮沙律菜配上胡麻醬非常清新醒胃。餐湯南瓜濃湯味道濃郁, 口感綿滑, 不需添加忌廉都非常Creamy。👍慢煮燉牛脷好入味，牛脷好軟腍，配料亦好惹味，尤其以紅腰豆最突出。👍🏻牛脷份量都好多，我地4個人Share，每人都可以食到好多件。墨西哥玉米餅好香脆，略帶微微粟米甜香，配上鮮番茄沙沙和牛脷汁，非常可口。😙慢煮20oz安格斯肉眼真係超大件，熟度剛剛好，美國安格斯肉味濃郁，肉質軟腍多汁，4個人分享都好滿足。😍慢煮法國春雞肉質非常鮮嫩，如果唔係慢煮好難可以咁鮮嫩多汁，外皮香脆，混有迷迭香清香，味道非常配。👍🏻老婆最愛呢個慢煮西班牙伊比利豬鞍，西班牙伊比利豬鞍係超市買一枝都已經要$100左右，呢份豬鞍有兩枝而且非常厚肉，以慢煮烹調，非常鮮嫩，伊比利豬鞍油脂豐富而且肉質彈牙又多汁，結果我分到的一部份都貢獻左大半俾埋老婆。🙈配搭豬鞍的乾果飯味道唔會太咸而且Creamy之餘不過太膩。跟餐除了有一杯果茶，仲可以半價再加配一杯飲料。Like Facebook專頁送的朱古力慕斯都唔馬虎，唔會過甜，朱古力味好香濃。😋全日免加一，埋單每位$288已品嚐到4款高質慢煮菜式，性價比好高。👍🏻…Read More

近年流行低溫慢煮，唔單止成日係雜誌同網上見到唔同既介紹之外，好多人都有係屋企嘗試烹調。慢煮係一種真空烹調方法，好處係用低溫而長時間煮理，呢種方法能慢慢分解肉身纖維而令肉質更鮮嫩同保留更多肉汁，帶到食材最佳效果出黎。位於觀塘駱駝漆大廈既Sous Vide，餐廳名稱正正係法文慢煮既意思。是日星期六，同朋友係大廈到行完街買完超值既戰利品後就黎到餐廳。傍晚七點幾到，餐廳已經坐左唔少人，好彩我地預先book定檯，如果唔係真係分分鐘空歡喜一場。坐低後店員就為我地送上menu，價錢由百幾蚊到三百幾蚊不等，有湯，前菜，主菜，甜品同埋夏日果茶。夏日果茶落單之後果茶好快就送上，果茶味道唔太甜，入口好有茶香味，好舒服。前菜係雞肉沙律，嫩滑既雞肉配上車厘茄同我最喜歡既芝麻汁，味道好夾，沙律菜亦都好新鮮。是日餐湯係南瓜湯，南瓜打成蓉整成既湯，味道香濃，質感幼滑，仲可以配埋焗得香脆既蒜蓉法包添。主菜分別係西班牙伊比利豬鞍/北印度乾飯/蘋果薄荷慕斯同埋烤帶子大蝦/青口/鯷魚蜆肉海鮮意大利飯。豬鞍/北印度乾飯/蘋果薄荷慕斯豬鞍外層香脆，肉質鬆軟，無經太多醬汁醃過既豬鞍，原汁原味，配埋伴碟既薄荷醬，味道清新，不過建議可以考慮試用純蘋果醬, 可能會更加夾。伴碟既北印度乾飯都係第一次試，賣相有少少似意大利飯，裡面混了提子乾同乾果，好有口感。大蝦/青口/鯷魚蜆肉海鮮意大利飯意大利飯入口creamy, 材料豐富，賣相吸引。除左大蝦同青口之外，意大利飯裡面亦都加入左鯷魚同蜆肉碎，非常有創意。食完主菜，係時候食甜品，只要like facebook 就可以享用朱古力慕絲。朱古力慕絲味道香濃，朱古力味重，一d都唔苦，值得一讚。晚市套餐可以用半價享用特色飲品一杯。我地叫左玫瑰拿鐵同抹茶拿鐵。玫瑰拿鐵入口帶陣陣玫瑰香味，加埋咖啡香味都幾好味。至於抹茶拿鐵，抹茶味都相當香濃，唔會過重，唔錯。以每人二百幾蚊黎講，可以食到咁多野，有前菜，湯，麵包，主菜同飲品，算係性價比高。…Read More

「慢煮」（真空低溫烹調）依一種煮食技巧相信唔少人都已經知喺咩嚟，以往晌唔少餐廳都品嚐過以此煮成嘅菜式，而大多數做出嚟嘅效果都唔會差得去邊，可以講喺萬無一失嘅方法。最近，有食友報料話觀塘有一家餐廳以慢煮為賣點，聽落好有興趣，所以，專登走訪一下呢間「慢煮工房」。餐廳位處有唔少Outlet及食肆嘅駱駝漆大廈，呢幢廠廈都算喺「環境」企理嘅廠廈，上到樓層都唔會太殘舊。晌門口已見有慢煮嘅介紹，又有好精緻嘅大型晚餐菜底介紹，務求多一點吸引。單睇門面真喺一啲都唔似開晌廠廈；而走到餐廳內籠，格局喺一字長形，一眼睇晒，左邊有開放式廚房加吧位，右邊喺挨牆用餐區，裝修簡約，空間感十足，再配以柔和嘅燈光，感覺輕鬆無拘束。此外，睇到頭頂架設咗投影機，再望望開放廚房下有活動屏幕，就知有包場服務。整個場唔太大，又無柱位遮擋，最適合二、三十人嚟包場。晚市只提供四道菜晚餐，包夏日果茶、前菜、特製餐湯及主菜，定價介乎$118-$398，讚好其臉書送甜品一客，而額外點其他飲品有半價優惠，更全日唔收加一服務費。夏日果茶依度好得意，一開始上一杯冰涼果茶俾客人，你可以當佢喺餐飲，不過，味道就無得揀，個人就覺得俾客人揀餐飲喺好啲，始終有啲人唔喜歡飲茶品或凍飲。不過，話說回頭，杯夏日果茶飲落應該喺桃味烏龍茶，清甜有茶香，感覺唔錯。雞肉沙律前菜嘅沙律，唔算話好特色，雞肉加上沙律菜、車厘茄配胡麻汁，但勝在穩陣，雞肉夠嫩滑，沙律菜新鮮爽脆。南瓜湯餐湯佢店家標示喺特色餐湯，嚟到只喺南瓜湯，似乎無咩特別，但入口有種輕微嘅唔同感，就喺唔多覺加入忌廉，朕南瓜味好濃郁，質感幼滑，好有原味嘅感覺；蒜蓉法包亦焗得香脆，充滿蒜香。主菜共有9款選擇，但並唔喺樣樣都喺慢煮菜式，但過半數喺慢煮嘅，亦有清楚標明，我哋一心嚟試慢煮，當然以此為揀菜準則啦。此外，菜式嘅用料同醬汁配搭，都頗有心思。西班牙伊比利豬鞍、北印度乾果飯、蘋果薄荷慕絲 $288友人竟然喺因為個北印度乾果飯而相中依道菜，所以，人人味道唔同，喜好不一。豬鞍非第一次食，但做到咁大件，咁厚切，就真喺第一次，所以，道豬鞍一上道，賣相有少少震撼感，而且，燒得好靚仔。切開豬鞍睇睇，落刀已感覺到肉質嗰份軟腍，色澤呈粉紅。先試一小口，外層焦脆，細嚼肉質仲有份爽脆感，呢個正正喺豬鞍嘅特點，加上以真空慢煮嚟做，未煎之前已熟得八八九九，再煎封外層，令肉汁豐盈，又好有豬肉味，不愧西班牙黑毛豬種；伴醬嘅蘋果薄荷慕絲亦好好味，清爽中滲出絲絲果香清甜。至於個飯，有別於平時食印度飯嗰種長米，口感似意大利飯，內裡混有好多乾果及果仁，令飯粒有微甜，感覺真喺好特別。紐西蘭雙骨羊架、自製薄荷醬、忌廉薯蓉 $208所謂雙骨羊架，就喺每件羊架裁成兩支骨嘅份量，再配上薯蓉、紫洋蔥、蕃茄粒，整體真喺唔少嘢。經過慢煮再燒，支羊架超好食，外脆內嫩，肉質軟腍到不得了，極富肉汁，微微嘅羶香，唔太食羊嘅朋友都應該OK，沾上自製嘅薄荷醬，點點冰涼感襯托出肉香；幾樣伴菜，薯蓉打得幼滑，薯味濃，紫洋蔥炒得仲有少少爽口感，蕃茄粒酸香減膩。試咗兩款慢煮菜式都好有水準，而且，份量頗多，慢工唔一定出「細」貨，好似今晚所點嘅兩個晚餐，計落3個女生都夠晒食，而沙律同餐湯，亦都無迤做。招呼方面，做足基本咁啦，但上菜節奏唔錯，亦都做到同步，整體，友人非常滿意今晚嘅介紹。…Read More

慢煮？咩來嫁？係咪近來好潮的慢煮？本身廚藝只是三腳貓功夫，平日放工後回家預備晚餐，最緊要是咋咋林，快快趣，搞掂佢。在家玩慢煮？咪搞我。＜慢煮美食＞，還是到餐廳享用吧！　今天到觀塘工廈區購物，雖是周日，但依然人潮湧湧。尤其是開源道，排滿了易拉架，各種商店，有食物，美容用品，衣服，家品，旅行喼，真的花多眼亂。而我們的目標是澳洲的產品，因為不想再花時間等電梯，所以順道在商店的同一樓層午餐。加上餐廳客人不多，可馬上入座。就座下單後，先到洗手間清潔雙手，特飲及餐湯先來到。夏日果茶　豆丁看到凍冰冰的飲品，已經急不及待要獨佔一杯。　特製餐湯　配蒜蓉牛油多士　　　餐湯很濃稠，粘度高。而多士很脆身，所以浸在這濃濃的餐湯內，待其變軟。慢煮 特級美國安排斯牛仔肋 那不勒意大利麵Premier U.S. Angus short ribs Napoli Pasta這款主菜，在很短時間內呈上。差點忘了這是慢煮的餐廳，食材早已是長時間低溫慢煮。牛肋骨的肉質當然是滑溜，但因為慢煮的關係，肉質有點似香港的清湯牛腩。不過慢煮最大的優點，就是令肉質久煮而不老。肋肉間還夾雜著牛脂，就可同時嚐到牛的肉味及甘香。Napoli意粉的茄汁不太酸，也有香葉。　　童心未泯～意粉與牛仔肋都識得笑！　原來改變食材的擺位，又可變為＜兒童餐＞！　　慢煮 厚切豬扒 蘋果醬 香脆薯角Pork chop Apple sauce Fried potato wedges視覺：厚切豬扒，表面是粒粒的蘋果醬。嗅覺：鼻子感覺不到豬肉香氣，或蘋果醬的水果味。也許二者的溫度不高，減慢香氣散發。　　手感：豬扒較厚身，落刀之時，需要用點力。大大力鋸呀鋸，同時把墊底的香脆薯角壓扁了。雖說自己不喜歡硬掘掘的食物，但壓扁的薯角，有失美態。如果豬扒和脆薯角攤開擺位，減少重叠的面積，切豬扒的時候，也不會影響到脆薯角的原形。味道＆口感：豬扒因為厚身，加上是慢煮，不會要求有粉紅色半生熟的色澤和口感，但豬肉味卻很濃郁。聽說慢煮是以密封食材再低溫慢煮，保証原汁原味！配上微微酸的蘋果醬，又可以提升豬肉味。個人覺得這蘋果醬的酸度，有點似咕嚕肉／五柳甜酸汁，有港式小炒的風味。直到最後一口，也摸不透這蘋果醬是用上什麼材料。　然後，就要面對扁扁的脆薯角了！　　BODY REPORT：餐後無需狂飲水。　　　這餐刀可以這樣垂直擺放，使用上十分方便，即係好渣手。…Read More

觀塘工業區向來「禾稈冚珍珠」，這間主打慢煮菜式的餐廳菜式選擇不多，只有套餐而沒有單點菜供應，不過晚市套餐價錢合理，所以我們二人共點了三個套餐，分別每人各一個飯餐及另外再點了一份羊架套餐。首先送上沙律、南瓜湯及牛油法包。南瓜湯份量雖少卻真材實料，香甜軟綿。另外配上一杯清爽甜蜜的夏日果茶。慢煮•法式小鍋燉牛脷•番茄醬紅米飯 ($198)雖說是「小鍋」但其實份量之大不容小覷，牛脷煮得軟腍入味，醬汁鹹度拿捏得宜，配上略帶意大利飯之濃稠感的酸甜蕃茄飯，絕對會令人有意不斷添飯。慢煮•紐西蘭雙骨羊架•自家製薄荷葉•忌廉薯蓉•鮮番茄沙沙 ($208)兩大件巨型羊架肥美肉厚，嫩滑多汁，極之出色絕對令人喜出望外，性價比奇高，與平時常於日式放題中吃到的羊架質素毋庸置疑更是差天共地，另外配上軟滑的忌廉薯蓉倍添飽足感。烤帶子大蝦•青口•鯷魚蜆肉海鮮意大利飯 ($228)這裡的意大利飯飯粒質地與別不同，非屬煙韌類別卻反而是偏向湯飯飯粒般的口感，煮得濃厚稠密，海鮮及意大利飯份量亦相當充足。最後讚好Facebook更會奉送是日甜品，不過當天的朱古力慕絲則較為失色，朱古力味略假。單是羊架質素之高絕對足以令人有意再訪，暫時仍是我們畢生嚐過最為出色而性價比最高最划算的羊架。…Read More

今日是星期一，為了一星期有一個好的開始，決定食好少少！*特製餐湯是日的特製餐湯是南瓜蓉湯；湯的溫道夠熱；味道偏甜了一點。*慢煮刺身級挪威三文魚配英式碗豆飯($158)因為魚皮和魚的表面用上了鹽醃製，所以偏咸，可以先整走上面的鹽；刺身級挪威三文魚，中間熟與不熟之間，比起平時食到的更嫩滑，有點在吃刺身的口感；飯粒粒分明，帶點硬身，更加入了紅米，是我喜愛的口感；繪飯用上了忌廉汁，但比起想象中的質感不會太稠。*厚切煙肉卡邦尼意大利麵($118)朋友點的*夏日果茶朋友點的跟餐夏日果茶*玫瑰拿鐵($21)拿鐵底有玫瑰糖漿，但是裝飾上少了一點玫瑰花花瓣；味道甜了一點。…Read More

在觀塘逛逛覓食之際，偶然望到一個廣告拉架介紹一間西餐廳，被展示的美食吸引，再加上我正打算今餐想食扒。所以決定連同友人不坊上去一試。坐下一心打算點叫美國安格斯牛仔肋，但服務員卻跟我們說今天不供應。聽到的時候，心感失望。但既然一場黎到，就唯有試下其他。我們最終點叫一個挪威三文魚英式豌豆燴飯餐和一個厚切豬扒薯角餐。點餐後無幾耐，服務員分別奉上蒜蓉包，南瓜湯和夏日果茶作開端。以南瓜湯作為特製餐湯這個主意都不錯 ，餐湯味道濃。我都幾喜歡這款夏日果茶，爽涼又帶點甜甜蜜桃味。之後陸續奉上兩款主餐。挪威三文魚吃落幾滑，豌豆配燴飯就增加咬感。另外一個厚切豬扒卻令我有點失望。豬扒難切，靭又粗糙。不過有蘋果醬同生果粒鋪滿係扒上，食落就會冇咁乾同多d口感，而且增加視覺上色彩，略為挽回分數。總捨來說，不過不失。…Read More

觀塘工廈入面一向都有好多隱世美食，所以平時同朋友都會鍾意尋下寶，睇下有冇機會撞中一D好味既餐廳，呢間慢煮工房就係我地咁岩入中既一間高水準餐廳。因為我地去到既時候已經3點，LUNCH HOUR都就完 （好似去到3點半），所以係冇咩人既，唔洗等位都有得入。呢間野顧名思義係食慢煮菜，LUNCH MENU都相當吸引，我地掙扎左一陣最後揀左三文魚同牛仔肋果個SET。首先上台既係跟餐既水果冰茶，水果冰茶飲落好FRESH又唔會太甜，好適合咁熱既夏天飲。餐湯係南瓜湯，飲落好甜同堆勁有南瓜香，比較杰身，好味！個包係法國面包，搽左一層好厚既牛油係上面，焊到脆卟卟咁，好好食。呢個三文魚排賣相已經好吸引，味道亦都非常唔錯。三文魚排非常厚身，表面有一層鹽，表皮煎得十分香脆，而入面的三文魚肉則未有煮至全熟，食落十分嫩滑，亦保留左三文魚既鮮美。個飯既軟硬程度剛剛好，唔會好似一般risotto咁太硬，入口亦有香濃既忌廉味，好味！牛仔肋set亦都非常唔錯~牛肉比想像中軟腍而且味道非常突出，重點係佢係無骨，所以唔洗驚要切咁麻煩。除左牛肉個set仲有napoli意粉作為伴菜，意粉雖然份量無牛肉咁多，但係醬料味道十分特別，有別於平時食開既napoli意粉。整體而言雖然呢間餐廳價錢唔算平，但係食物水準高，係值呢個價既下次應該會再黎試堆佢其他野食…Read More