Moon Juk

唔係下下要一家人出動嘅， 單對單， 可以聽下孩子嘅心聲 尋日同完家姐開餐，今日到細佬， 佢話想食打邊爐， 仲話邊個話一定要冬天先可以打， 一於奉陪到底記得電視介紹過呢間舖頭， 就試一試。 鋪頭喺新蒲崗Mikiki商場後面 ，好易搵， 地方唔大但幾骨子，大概坐三十人左右。book咗枱七點去到， 到八點左右已經爆棚了 。一人一個海鮮餐，七款時令海鮮，肉蟹， 基圍蝦， 鮑魚， 扇貝， 沙白，細蜆，魚。等粥水底滾，店員幫我哋先放肉蟹，然後叫我哋 按照檯面嘅牌嘅烹調時間指示制作。根據指示，海鮮的確又鮮又滑，一啲都唔過火仲有自選火鍋配料， 我哋揀咗肥牛， 黑毛豬腩片 ，滑雞件，醬爆貢丸，響鈴同花膠片最後 ，佢哋攞出一碗飯， 蛋漿，豬油渣，芫茜，菜脯，冬菜，蔥花製作一鍋海鮮粥。湯底已有濃濃海鮮甜味，加上各樣配菜，真係好味到不得了奉送雪糕糯米糍。每位$198, 唔使加一。我哋叫咗汔水，都唔使加一…Read More

難得今晚老婆有野做咁Free，梗係要約老友撐枱腳吹下水啦。由於我放得比較早，所以我地約定放工後係老友公司附近開餐，老友推薦係佢公司隔離街的滿粥順德粥底海鮮火鍋，呢間店推廣緊$198位的粥底海鮮火鍋套餐，已包哂粥底海鮮及所有配料，而且不需加一及任何雜費。👍新蒲崗我唔太熟路，不過我按老友指示落左巴士穿過Mikiki商場就見到滿粥順德粥底海鮮火鍋，位置都幾就腳。門口除左貼有推廣緊的$198粥底海鮮火鍋宣傳之外，仲貼左好多藝人黎開餐的照片，香港、台灣同韓國都有。店入面唔大，裝修都幾有個性，一煲煲粥底火鍋同海鮮配料放哂係牆上面做裝飾，十分有趣。😆由於我地已經訂了枱所以唔需要等位同埋，雖然好多組客人都是兩位，但感覺店員會優先將比較大的枱安排給有訂枱的客人。😍枱面的塾枱紙有詳細介紹粥底火鍋的食法。(我原以為係直接用個粥底打邊爐🤣)$198粥底海鮮火鍋已預設左7款海鮮，我地只須按自己心意揀選6款食材配料。我地揀左肥牛、花膠片、娃娃菜、滑雞、鴨肉丸同黑豚肉腸。上海鮮前，店員會先提供配料用來自行調配豉油。7款時令海鮮會用三層塔分式上枱，賣相一流。大蜆真係幾大隻。肉蟹亦好大隻，睇黎好肥美飽滿。預設時令海鮮(鮮、細蜆、沙白)。上海鮮時店員提示我地唔好打開盛載基圍蝦的碗蓋，不過我都偷偷開少少影左張相，原來要蓋上基圍蝦因為佢地真的太新鮮，跳動得好厲害。😆店員放基圍蝦時小心翼翼，慎防因基圍蝦跳動彈出熱湯。店員會計算各海鮮烹煮時間，夠鐘會幫忙拿起俾我地享用。首先食得的係只需烹煮30秒的大蜆，蜆肉彈牙，肉質鮮甜，完全不需要添加豉油。👍鮑魚同基圍蝦都好新鮮，尤其係剛剛仲跳跳紮的基圍蝦，蝦肉超爽口彈牙。肉蟹真係好飽滿，肉質超鮮甜，蟹膏香濃。食完海鮮後，店員會將南瓜、芋頭同栗米放入鍋煮。跟住就可以放之前揀左的肥牛、花膠片、娃娃菜、滑雞、鴨肉丸同黑豚肉腸煮黎食。其他配料水準都唔錯，尤其係花膠同肥牛，下次黎都一定要再點呢兩樣。食完唔夠可以額外點，價錢都唔貴，不過仲有個主角海鮮粥未食，食完應該會好飽。食到差唔多店員會將煮好的食物盛起，之後加入粥膽、蛋漿、豬油渣、芫茜︴菜脯、冬菜同蔥花製作海鮮粥。用上咁多海鮮同材料製成的海鮮粥又點可能唔好味。最後仲有甜品送。不需加一雜費，如果唔另點其他野，埋單價$198一位相當超值。…Read More

朋友是海鮮控, 紅肉及澱粉類食物一概不愛, 早前帶其去吃牛肉火煱已招其不滿. 這次便想到這家早前在電視介紹的順德粥底火煱. 由於電視介紹過, 所以提早一點來光顧避開繁忙時間, 到達時間大約6點, 時間早的關係只有2枱客, 埋單8點時則已客滿. 店子內裡空間不大, 若是2人光顧坐2人枱的話, 會比較擠逼. 幸好店員會待客人吃光海鮮才繼續上食物. 值得一讚的是這裡的餐具, 較外頭的火煱店要精緻許多, 所用的火煱亦是瓷質, 較不易黐底, 用來做粥底火煱是最好的選擇. 上面有寫好粥底火煱的吃法, 其實也不需多看, 店員都會親切的提示吃法. 免加醬料費用實在該讚, 不得不罵為何有好些店子, 幾粒蒜蓉, 辣椒也要斤斤計較? 何不像這裡免收加一免醬料一樣大方一點?每枱均有秒錶計算灼海鮮時間, 讓海鮮不再灼得過熟, 非常周到. 牌子更寫了各種海鮮的建議烹煮時間. 向來不愛喝可樂, 有烏龍茶及竹蔗茅根最清熱氣了. 先送上的是海鮮塔, 裡頭有7款海鮮, 鮑魚, 蚌, 蟹, 貝類, 蝦, 魚等. 蚌有點嫌瘦削了一點, 但鮮味十足又彈牙. 鮑魚則非常新鮮, 飽滿又彈牙, 全晚最喜歡的海鮮. 蟹雖然不大件, 但一人能分到半隻, 肉質鮮甜新鮮, 雖沒什麼蟹膏, 但完全沒投訴了. 兩款貝類有點意想不到的高質素, 清甜無沙, 肉小小的但頗彈牙. 可以預想湯底加上蜆及蟹會非常鮮味. 多寶魚算是不太常見的火煱料, 但魚肉頗滑身, 啖啖肉. 基圍蝦新鮮彈牙, 但相對其他海鮮較普通. 這裡的牛肉只是普通的美國肥牛, 質素不過不失.相對肥牛, 豬腩片質素較高, 肉嫩而沒豬酥味. 不錯. 山藥是每次火煱必點的食材, 纖維既豐富, 吃法又多, 稍為灼熟吃能吃到爽脆口感, 灼久一點則有較為粉糯的口感.墨魚滑頗滑嫩彈牙, 平常外面的火煱店會有蟹籽, 其實沒有亦分別不大. 個人喜愛炸魚皮頭多於魚蛋, 喜其較彈牙. 吃至尾聲, 店員便送上滿粥的材料, 有豬油渣, 菜脯, 冬菜, 蔥及芫茜等. 可惜的是同行朋友並不吃芫茜. 先將煮得軟身的飯落至鍋內, 再將以上材料及雞蛋混合便成海鮮粥, 煮粥前, 店員會先問客人喜愛稀或杰底的粥. 做出來的粥有灼火煱的各種海鮮鮮味, 配料亦脆身可口, 份量上有差不多3大碗, 吃上兩大碗粥, 飽上心口. 餐後送上的是雪米滋, 冰冰涼涼, 甜甜的正好一解火煱的熱氣. 埋單2人只需大約$450, 算是抵食. 沒加一服務費但有服務的餐廳.翻食指數: 85分.  價格不貴,  收費清晰, 食材新鮮份量不大但非常飽肚, 正方便人少時可多選款式, 交通上正方便我前往, 但不鄰近地鐵站, 店子座位略窄. (此指數平衡店舖交通, 味道, 環境, 價格... 等等, 個人作出的評價.) …Read More

秋意漸濃，天氣也慢慢轉涼，又到了吃火鍋的好時機！🌬 身為吃貨的我，佐敦粥底火鍋名店食得多， 但近日發現有間粥底火鍋新店在小編所住的小區附近開張，當然要帶小妹一試啦！😏  和普遍的粥底火鍋店一樣，全店熱賣粥底火鍋套餐，每位$198，醬料全包，又免收加一， 唯飲品另計，有汽水、啤酒、涼茶等。  這個套餐由沙律到甜品有共18款食物； 包1款特色沙律、7款不同海鮮、5款其他自選配料及3款蔬菜，1個粥底火鍋和1份精美甜品， 每晚有三個時段可以選擇， 而我和小妹二人選擇了8pm時段。 一坐低，餐廳就會提供調味醬料給我們自由調配出個人口味的醬油， 有蒜蓉、蔥粒、莞茜和紅辣椒， 不過如果有炸蒜就更好了！🙈  隨後店員便端上沙律給我們， 沙律裡有青瓜、車厘茄、椰菜和紫椰菜等，配上酸甜的千島沙律醬，爽脆清甜而且令人開胃。😌  之後到主角出場了！🤗 店家標榜選用日本珍珠米所煮的粥水， 主張不用油鹽味精，入口原味清淡， 而且用粥水作火鍋湯底比較健康，又可以突出食物的原汁原味，涮海鮮就最適合啦！😆 店家還很貼心地用上玫瑰煲防煲粥黐底呢～ 不過吃粥底火鍋是有步驟的！  首先涮海鮮， 每日7款時令海鮮用三層架一拼送上，相當精美呢！😍  最高層的是鮑魚和蚌，中層的是肉蟹，最底層的是小蜆、大蜆和多寶魚。  基圍蝦則用碗另上， 因為基圍蝦還是生的，在碗裡不停地生蝦咁跳， 所以要用蓋子蓋著，防止走「蝦」。😂🙈 可見「滿粥」的海鮮真的很新鮮呢！  店家很貼心地提供烹調指引和計時器予食客， 並囑咐適當的烹調次序和每款海鮮的烹調時間， 以確保我們品嘗到海鮮最佳狀態。  先吃的是肉蟹，🦀 原隻肉蟹斬件上枱，驟眼看來斤兩十足，😍 涮熟後啖啖肉，絕對唔係水蟹。 而且蟹肉鮮甜嫩滑，正！👍🏻  基圍蝦都幾大隻， 不用涮太耐，一變色就已經可以食。 肉質紮實而爽口彈牙，鮮甜美味。😋  然後吃的是鮑魚， 口感柔韌有彈性，略帶鮮味，不錯！  蚌大大隻，一睇就知道不是便宜貨！😳 肉質肥美鮮甜，口感嫩滑。  兩種蜆的大細適中， 洗得十分乾淨，完全沒有沙， 蜆肉肥美又鮮甜， 唯份量不多，完全唔夠喉！🙊  最後才吃多寶魚，多寶魚是比目魚的一種，🐟  魚肉肉質十分嫩滑，但對個人來說骨比較多， 但由於魚很新鮮，所以沒有很重的魚腥味，還滲透着淡淡的魚香！😌  食完7道海鮮，就先落3款特選時蔬：南瓜粒、芋頭 和粟米， 要先讓它們熬出味，後來的粥膽才好吃， 之後才下自選火鍋配料。  我們選了鮮滑雞件、墨魚滑、蟹粉蝦子、美國肥牛和黃金響鈴。 美國肥牛 肥牛鮮紅有光澤，肥瘦適中， 涮熟後肉質軟腍，咬落散發出陣陣的牛肉香。 值得一讚的是鮮滑雞件！  小編是愛雞🐓之人，對雞的要求甚高， 而「滿粥」的雞肉就令我相當滿意！ 雞件肉厚，口感嫩滑不嚡口，而且雞味濃郁，一定要試！😋 墨魚滑雖然其貌不揚， 但味道卻相當不錯。  味道彈牙香口，份量不少，值得一試～ 原來蟹粉蝦子係我平時最愛吃的蟹籽包， 燒野食打邊爐必備！😆 黃金響鈴涮完之後外皮微軟，裡面仍然保持香脆， 而且裡面的層數不少，相當有口感呢！😬  所有海鮮或火鍋配料如果食得唔夠喉，仲可以添加呢！  當我們吃完所有火鍋配料後，終於可以做海鮮粥了。😌 店員首先把早前加入粥水裡的南瓜和芋頭粒壓成蓉，然後再加粥膽和粥的配料。 由於粥的配料有雞蛋、蔥、芫茜、菜脯、冬菜和豬油渣等， 所以店員加之前還很細心地問我們有咩粥料唔食。 由於小妹唔食芫茜蔥，所以我們沒有加。🙈 比較與眾同業不同的是， 「滿粥」還把雞蛋弄成朵朵美麗的小蛋花加到粥裡，令粥散發着陣陣蛋香。😌 最後成為呈淡黃色的海鮮粥！  可能煮的時間不夠， 南瓜和芋頭未夠軟腍，海鮮粥也比較稀， 但仍能淺嚐海鮮的鹹鮮， 而且菜脯、冬菜和豬油渣等粥料令粥更有口感。 最後每人還有一粒雪米糍作甜品為今餐畫上一個完美的句號呢！ 整體來說， 「滿粥」的粥底火鍋相當不錯！ 海鮮新鮮之餘，價格又合理， 粥料豐富又鮮味的海鮮粥令我們很滿「粥」呢～ 凍冰冰的天氣最適合食暖笠笠的粥底火鍋了！☺️ 不過看來「滿粥」每晚都很旺場，建議食之前要提早訂座啊！ 值得一提的是仲有宵夜優惠， 10:30pm後全單85折，好抵呀！岩晒我呢個住附近的街坊。😂🙈 …Read More