尋日同完家姐開餐，今日到細佬， 佢話想食打邊爐， 仲話邊個話一定要冬天先可以打， 一於奉陪到底:)
記得電視介紹過呢間舖頭， 就試一試。 鋪頭喺新蒲崗Mikiki商場後面 ，好易搵， 地方唔大但幾骨子，大概坐三十人左右。book咗枱七點去到， 到八點左右已經爆棚了 。
1
一人一個海鮮餐，七款時令海鮮，肉蟹， 基圍蝦， 鮑魚， 扇貝， 沙白，細蜆，魚。等粥水底滾，店員幫我哋先放肉蟹，然後叫我哋 按照檯面嘅牌嘅烹調時間指示制作。根據指示，海鮮的確又鮮又滑，一啲都唔過火
1
仲有自選火鍋配料， 我哋揀咗肥牛， 黑毛豬腩片 ，滑雞件，醬爆貢丸，響鈴同花膠片
最後 ，佢哋攞出一碗飯， 蛋漿，豬油渣，芫茜，菜脯，冬菜，蔥花製作一鍋海鮮粥。湯底已有濃濃海鮮甜味，加上各樣配菜，真係好味到不得了
奉送雪糕糯米糍。
每位$198, 唔使加一。我哋叫咗汔水，都唔使加一
