泗益

下午3點前到著都好驚無得食本來諗住試埋菠蘿包 (及所有包類) 都全部賣晒所以只叫了招牌咖央西多士($𝟑𝟎)搭多兩杯熱奶茶!其實去到見到檯檯都係一個人嘆緊奶茶西多士識食既緊係跟啦果然與別不同! 完全唔需要任何額外糖漿麵包外皮煎到脆卜卜炸到起絲入面咖央醬甜度適中剛剛好『我從來未食過咁好味既西多士架架架架!』熱奶茶夠熱幼滑正宗有茶香飲到尾都係熱辣辣特登入赤柱好彩仲有西多士食咋!⭐⭐⭐⭐⭐⭐⭐⭐⭐⭐小編十星推介‼️…Read More

呢間係赤柱嘅懷舊大排檔，仲係鐵皮檔嘅格局喺赤柱呢個西式餐廳比較多嘅地方，好難得搵到呢一類嘅大排檔👍🏻招牌嘅咖央西多士雖然好邪惡，但真係好好食🤤呢個西多士蛋香味好濃，中間又有甜甜地嘅咖央醬而且仲配咗一大嚿牛油，牛油鹹鹹地，同咖央醬嘅甜味好配合👏🏻👏🏻沙嗲蛋牛菠蘿包，呢個配搭好特別菠蘿包個皮好脆，入面嘅蛋熱辣辣咁，好好食👍🏻鮮油多雖然唔係啲咩特別嘢，但係入面真係有好大好大嚿牛油，勁邪惡熱奶茶好順滑，而且唔會有苦澀味擺耐咗亦都唔會凝結物飄浮係表面，唔錯唔錯菜式：- 咖央西多士：$30- 沙嗲蛋牛菠蘿：$23- 鮮油多：$13- 熱奶茶：$15味道：🤤🤤🤤🤤🤤/5性價比：🤤🤤🤤🤤🤤/5…Read More

難得入黎赤柱，又點可以唔試下呢間五十年老字號嘅鐵皮茶檔！除左超受歡迎嘅咖央西多，仲有最基本嘅五香肉丁麵、豬扒包等等。▪️咖央西多士 $30西多士賣相就唔算好吸引，但食落有驚喜喎！西多士即叫即製，炸得金黃。咬落超軟熟！蛋味濃郁！仲幾濕潤添~入面咖央醬調味恰到好處，完全唔需要落糖漿，甜度適中，唔會搶咗蛋嘅風頭。略嫌有少少油溢味，外層亦唔算好脆。整體來講，味道無想像中咁驚艶，但其軟熟程度確實有驚喜。路過不妨一試，不過就唔值得專登入嚟食…Read More

每次假期諗住入赤柱🌅都一定會想去泗益食個西多士🧈🍞但係通常呢啲小店餐廳營業時間都好短好早收鋪所以記得記得一定要好早起身入去食⏰適逢今次打算入赤柱行聖誕市集🎄泊車都搞咗成個半鐘終於入到去🚙本身預咗3點半應該已經收咗鋪但原來仲有人排緊隊🤩🤩所以即刻唔理3721排咗去龍尾🏃🏻‍♀️🏃🏻‍♂️等咗大概九個字⏳啱啱好講得切食收鋪前最後2份西多🤩果然係回憶嘅味道😋😋必嗌既咖央西多士好香🥰軟綿綿到好似食緊疏乎厘咁😚只有泗益先會做到 咁多年味道不變☺️配杯凍奶茶 絕配但嫌稍為有少少過甜🤪真係好感動想喊😢因為次次入赤柱都太遲無得食🥺…Read More

小編以前細個都唔係好記得自己去過赤柱😂所以去到都大開眼界好似去咗異國咁🙈今次帶了個台灣的朋友去佢仲查曬資料強調一定要去食呢間嘅西多士🤤個重點係佢好早就關門😱平日就下午2:00關門假日就4:00😢所以去到赤柱就二話不說咁衝過去排隊一排就排左多過半個鐘😂🐤一句總結：口感挺特別嘅西多士🤩去到赤柱就係必食‼️😎會回訪嗎: 再去赤柱嘅話會再食🥰等候時間：>30 mins （星期日大約2:30到）≋-≋-≋-≋-≋-≋-≋-≋😍咖央西多士 $30 ▶️ 9.5/10 可能大家見到個賣相都真係麻麻地🙈同埋個皮都冇快餐店嗰啲咁脆😮‍💨甚至個西多士都切成不規則形狀😂不過所謂「食物也不可貌相」其實真係好好食😆等左好久都值得🤪佢地西多士最特別嘅地方係唔會加糖漿就算冇糖漿入面咖央都可以帶出香甜當然也不會有種死甜/太甜嘅感覺😻食落去個口感軟綿食到好濃郁嘅蛋味🤩啲麵包都唔會好淋同濕🙆🏻‍♀️配上裏面夾住嘅咖央同上面嘅牛油仲要新鮮滾熱辣咁拎出嚟俾我哋～食嘅時候都忍唔住哇一聲😚係我食過最特別同時最好食嘅西多士😉唔同大家講都唔知原來佢地已經有50幾年歷史了😍凍奶茶 $15 ▶️ 9.5/10 也是很高分的一個❤️茶味係非常之濃郁🤤同時奶味都好突出可見茶味同奶味都好平均😌冇叫佢杯奶茶少甜都唔會好甜甜度適中口感都好滑👍🏻😚環境 ▶️ 🐤🐤🐤🐤/5 赤柱通常以好多異國餐廳為主唯獨這個角落係懷舊大排檔會有啲違和感😂不過對我嚟講真係幾特別的🤤個位可以望到廚師流曬大汗整西多士還有一個籃載住好多蛋掛係上面很有舊式香港嘅感覺而裏面只係有幾張枱仔所以會等得久🙈😚衛生 ▶️ 🐤🐤🐤/5 衛生都真係差左啲嘅🙈啲枱都會有啲黐立立😢而且仲將啲餐具放係上面... 😚服務 ▶️ 🐤🐤🐤🐣/5 的確真係要等好久😬人手只係得一個幾乎都等左20幾分鐘🥲仲有少少漏單情況出現😗誠實啲咁講第一次嚟有少少比個人嚇親因為佢講嘢真係有啲大聲😂同埋唔係好有禮貌😮‍💨😚推介指數 ▶️ 🐤🐤🐤🐤🐤🐤🐤🐤🐤🥚 (🐤為1分；🐣為半分）Overall兩個人夾埋食左$90幾🙉不過價錢同出面差唔多但好食過人而且同屋企食嗰啲真係好唔同既然都好少去赤柱排幾耐隊都值得啦😍🙋🏻‍♀️自費食評🙏🏻食評只供參考≋-≋-≋-≋-≋-≋-≋-≋🤤𝙿𝚕𝚎𝚊𝚜𝚎 𝚏𝚘𝚕𝚕𝚘𝚠 @eat.with.hen𝕀𝕟𝕤𝕥𝕒𝕘𝕣𝕒𝕞 | 𝔽𝕒𝕔𝕖𝕓𝕠𝕠𝕜 | 𝕆𝕡𝕖𝕟𝕣𝕚𝕔𝕖 𝕃𝕍𝟛 | 𝕋𝕣𝕚𝕡.ℂ𝕠𝕞 𝕃𝕍 𝟠💛 記得like & save低以便日後再試❤️☆☆小編推介指數表☆☆7以下：好似被人伏左🤮7/7.5：非常普通唔推介🥴8：可以試但可能會令你失望😬8.5：值得一試應該唔會令你失望😚9：幾好食wor推介👍🏻9.5或以上：深刻難忘一定要試😍…Read More

係冇得去旅行嘅時期，赤柱絕對係一個放假chill下嘅地方，赤柱出名好多連鎖店，但當中都有一啲小店值得一試。今次去赤柱食既係萬惡之首西多士，西多士由細食到大，絕對係香港人既comfort food，係茶記下午茶既數一數二美食，但其實西多士最初係來自法國，用牛油煎香麵包，嚟到香港個時先變咗做油炸，而且變成茶記嘅名物。呢個年代既西多士已經越黎越多口味，好似咖央西多士就係傳統馬來美食咖央同西多士既結合，香港唔算有好多地方可以食到。而今次赤柱呢間小店，正正可以食到咖央西多士。呢間泗益係赤柱一間50幾年老字號既街坊茶檔，牌檔檔主係赤柱原居民，茶檔吸引咗唔少唔係住赤柱嘅人慕名而來，小店藏身喺赤柱市場道迴旋處旁既寮屋群入面，周邊有赤柱市政大樓，門口隔離有一個生果檔，旁邊就係赤柱市集，食飽仲可以行吓。小店茶檔內，西多奶茶咖啡粉麵基本上都有，最受歡迎嘅就係佢嘅主打咖央西多士，亦都成為赤柱嘅名物，營業時間好短，有時都要排隊，要食西多士要好有恆心先得。我前後嚟過兩次，第一次係星期六嘅朝早，因為知道餐廳好早收所以12點就嚟到，嚟到先知原來星期六、日、紅日係冇西多士，因為個師傅放假，老闆娘同我講要平日先有，所以第二次我就星期五朝早再去。西多士每朝11點就會開始有得供應，平時差唔多12點幾可能就會賣晒。兩次嚟到餐廳都接近滿座，好彩嘅係兩次黎都唔使等位就有得坐，座位唔多，所以如果一個人嚟有機會要搭枱，兩次食完大概12點幾，已經見門口有人排緊隊。餐廳係港式茶記懷舊格局，外型設計同六十年代既牌檔相約，係一個鐵皮屋，有綠色帳篷遮蓋，入面嘅枱櫈都好似街市嘅熟食中心咁，以紅綠色為主調，檔身內係煮食空間，後面係儲存空間，檔身嘅左右兩邊會見到堆起左黑白啖奶同金多植脂淡奶，中間嘅空位就係老細遞嘢食上枱比客人嘅地方，檔頂都有一個已經生鏽嘅金漆招牌。用餐區就係牌檔既前面，地方唔算大，得四張枱，都係一啲摺枱同膠櫈。餐廳因為冇冷氣，所以夏天佢會有少少熱，只會有幾把風扇，雖然環境唔理想，但依舊客如輪轉，無阻大家一試懷舊風味既心情。特別一提既係其實呢個鋪位係有兩間餐廳，正門行入黎既就係泗益，而後面個間係民益，民益係食中式粉麵同車仔麵為主，同大家慕名而黎食西多士既泗益係兩間唔同既餐廳，枱櫈唔係共用，如果一心想食西多士記得唔好行過龍，避免尷尬。Menu得一頁紙，都係提供一啲茶鐺大排檔嘅常見嘢食，當中最熱門嘅一定係西多士，觀察周圍嘅食客，應該只有山長水遠嚟赤柱嘅人先會食西多士，赤柱嘅街坊反而只會叫一般嘅豬扒麵、沙嗲牛肉麵等等。-1️⃣ 咖央西多士 💰30（👅: 9/10）咖央西多士落單等咗10分鐘終於上菜，西多士外表炸到金黃色，新鮮整出嚟所以熱辣辣，聞到啲香味，西多士會切成六塊，外表睇落偏圓，同出邊四四方方嘅西多士唔同，個樣係不規則，西多士係幾厚身，而且脹卜卜。呢個西多士同出邊嘅做法有啲唔同，師傅首先會將蛋白同蛋黃分開，然後將蛋白人手高速發打打到起泡，挺身之後先會將啲蛋黃落去溝埋一齊，再沾滿兩片本身已經搽左自家製咖咉醬既白麵包羅去用高溫油炸，所以呢度嘅西多士口感同出邊係完全唔同。西多士最特別就係佢咬落非常軟綿，非常鬆軟，綿到好似棉花糖同疏乎厘一樣咁，完全唔覺得自己係食緊麵包咁，軟綿程度係我食過咁多個西多士最軟綿既一間，冇一間西多士可以媲美到呢一間，麵包同咖央外層已經融為一體，麵包食落偏濕潤，而西多士嘅外層咬落會有少少脆口，呢個特別嘅口感絕對係佢嘅賣點。西多士入口係非常之重蛋味，蛋味重到係我食過咁多間西多士最重嘅幾間之一，同上環瑞記咖啡既西多士差唔多，唔多唔小係因為用既係土雞蛋，土雞蛋同雞蛋外觀睇落唔大分別，但超濃既蛋香味確實令人留下深刻印象，而且可以見到小店上面有裝滿雞蛋既籃。而西多士上面有兩塊大牛油，牛油好快就融左，帶有少少鹹香，令到蛋香味更出。呢度西多士標榜唔使落糖漿，即使西多士唔放糖漿或者煉奶其實都夠甜，因為入邊嘅咖央味好突出，咖央醬主要用砂糖、椰奶同椰汁製成，所以食到小小椰香，而且已經夠甜，淨係普通牛油已經同西多士好夾，整體食落唔會太甜，入面嘅咖央醬都唔會話搶咗啲蛋味，咖央醬香甜可口，甜味同蛋香相輔相成，甜度同各方面嘅味道都平衡得幾好。西多士要挑剔嘅就係佢食落比較油膩，因為佢個西多士都佈滿左油，會有少少油溢味，略嫌西多外層可以再脆啲。要總結依個西多士就係，如果你鍾意食超鬆軟嘅西多士，或者你鍾意食蛋味好重嘅西多士，咁呢一間非常適合你。-2️⃣ 咖央多士 💰13（👅: 7.5/10）呢一個咖央多士係我星期六第一次去嗰時冇西多士而叫嘅多士，佢就係烘左嘅多士不過搽咗咖央醬。多士等咗唔使10分鐘就上枱，多士食落夠脆，入面有咖央醬，嫌牛油味唔夠，同埋西多士相比下無咁出色，因為無左西多士既超鬆軟口感同蛋香味。-3️⃣ 凍奶茶 💰17（👅: 8/10）奶茶係用絲襪泡製，飲落好香好濃滑，即使係凍奶茶但都會飲到茶底帶落嘅小小苦澀味，但飲到嗰一刻同時就會俾佢嘅奶中和左，茶味會比奶味重一啲，整杯奶茶飲落夠甜，飲到最後茶味唔會話減淡，可見茶味有幾濃郁。略嫌可以再滑啲，但夏天飲到夠凍唔苦既奶茶，已經係涼透心，一大樂事也。-🌟味道來講，佢嘅咖央西多士係幾出色，但星期六、日同紅日食唔到，如果要平日特登放假去食呢個我覺得就未必值得，除非本身想去赤柱放假，咁順路就好值得一試。價錢來講係非常合理，份量充足，雖然赤柱算係遊客區，但野食都唔會定價定到好進取，反而係主要做街坊生意。餐廳入邊得老細兩公婆，落單完全唔使寫低非常好記性，但因為得兩個人人手可能唔係話好充足，唔會好得閒咁特登行過黎同你落單，反而可能要佢經過時舉手，或者特登行去近門口既老闆娘度落單。佢地主要做街坊生意，見佢地同一啲赤柱街坊有傾有講，我係第一次嚟，唔知幾時有西多士所以第一次幫襯完有特登問老闆娘，佢都好有耐性解釋，唔會係澳牛串串貢語氣，老闆唔會因為人潮洶湧而黑面。第二次黎呢度係自己一個嚟，食食吓有個食客搭枱，佢見我係咁用手機同相機影相，就問我係唔係foodie，見佢同老闆娘輕描淡寫咁落單，應該係赤柱居民，傾咗幾句佢祝我成功，食完碗麵就走咗。係唔係個個赤柱居民都咁熱情，定係因為係呢個有人情味嘅小店食野，大家都稍為放低社交距離？係呢個食野偏貴、連鎖店同外國西方餐廳林立既赤柱，泗益就好似一間清泉，一間好似格格不入既大排檔，定價親民，而且唔係食外國菜，而係香港本土既味道，係香港人既人情味。食下西多士、感受香港市集文化、去海邊吹風，係香港慢活既好方式。-👅味道: 8.5/10🍴環境: 6.5/10💰消費: $47 (服務費: NA)…Read More

看到了「泗益」的招牌就知道這是老字號，裝修都有點殘舊，但非常有舊香港的味道。這邊點餐我是直接向在廚房炒蛋煮麵的老闆或者闆娘點東西，因為他們比較忙，較少顧及樓面，別以為他們服務不好，其實這裡都頗有人情味～餐蛋菠蘿包 |本來想吃最愛的鹹牛肉蛋包，但是鹹牛肉已賣完了T^T～幸好這個午餐肉是厚切，咬下去啖啖肉而且蛋也很滑，最重要是菠蘿包表面很香脆，又鬆軟，也沒有失望～不過午餐肉鹹了一點點。咖央西多士 |多士的咖央很香但較甜，不用下糖漿都夠味。喜歡吃甜的都會很滿足～但整個西多士炸得偏腍身～必飲熱奶茶 |我和朋友都點了茶走～實在是很香滑！茶味濃，奶的份量也剛好，有時覺得用鍊奶沖奶茶，奶茶會更有張力，口感更好，而且不像白砂糖那種單調的甜味～這個真的是必點！但建議大家如果不是想充飢，就不要點麵食了，因為也比較普通～…Read More

.沙嗲牛麵 ($23)麵底係用出前一丁😍😍幾香麻油味沙嗲味唔係好重 但幾鐘意佢個牛肉 唔係茶記用開好爽好滑嗰啲 實一啲 偏重牛肉味.咖央西多士 ($30)呢度嘅招牌食品 就連報紙都有報導過 出名無糖漿西多事關個餡料用左咖央取代花生醬(其實即係椰醬)食落甜度已經好足夠 唔會因爲冇左糖漿而覺得單寡味道仲好似豐富左添😋😋見到老闆前面成枱雞蛋 逐塊逐塊麵包點蛋漿去炸認真製作❤️👍🏼👍🏼上網睇原來唔係成日食到例如假日未必供應 朝早又唔賣所以要留意時間去啊🤤🤤.鴛鴦 ($17)香港嘅特色飲品而且通常只有茶記先飲到🤤其實佢茶味同咖啡味都到位唯一就只係甜度甜左啲下次會叫佢少甜(PS 呢度嘅飲品係散叫 冇得跟餐…Read More

星期六日嘅赤柱會好多人，今次終於忙裡偷閒平日放一日假入左嚟赤柱hea！入到嚟已經15：45，見到openrice寫佢係4點收檔，即刻行快少少諗住試下呢度嘅名物，免糖漿西多士。見到老板清潔緊佢個爐心知不妙，於是問佢關門未，佢話「4點」。心諗即係未收鋪所以同老板落order，老板娘終於插嘴，原來「4點」係指4點後先開。明明佢貼出嚟嘅餐牌都係寫開到4點，於是我地抱住半信半疑嘅心態，4點半左右番到嚟，見到入面已經有一堆食客坐低左，原來有好多人都知佢4點後會開。今次終於可以落order，叫左凍檸樂同埋免糖漿西多士，埋單$49。鋪入面嘅環境好地道，無冷氣有風扇，有少少熱，不過為左食好西熱一陣係值得嘅！凍檸樂係成支大可樂上好夠氣，仲可以自己慢慢斟。老板娘知道我地係兩個人share 仲自動波俾左兩枝飲筒。等左一陣，今日嘅重點免糖漿西多士終於上枱。西多士賣相好吸引，牛油靠西多士嘅熱力慢慢溶化。西多士好厚身，老板亦都好細心已經切好左6件。呢個西多士唔單止免糖漿，仲免切。西多士其實有2塊麵包夾住咖央，所以甜味已經好夠，唔需要再加蜜糖，咖央仲做到流心嘅效果。西多士嘅面有少少鹹，裡面嘅咖央就有甜味，好特別。野食唔錯，老板老板娘同周圍嘅食客打成一片，鋪入面似乎好多都係熟客仔。多口問老板娘呢度幾多點關門，佢竟然答我「是但啦！就嚟唔做喇！」然後就行左去同街坊吹水，之後再開左罐啤酒飲，好隨意但係又好有生活態度。嚟呢度食野，我諗都要有d運仔而咁岩我今日有！走嘅時候老板娘仲同我地講byebye 同埋小心睇車，因為一踏出鋪已經係馬路。老板娘雖然只係講左一句，但係感覺好窩心。…Read More

這間嘅西多我諗冇乜香港人甚至遊客會唔識，每逢星期六日假期總是逼滿人，今天放假正好又不是星期六日同假期，人不太多，所以趁這個機會叫咗個黎試下，果然名不虛傳，脹卜卜嘅西多，裏面係咖央，食嘅時候不用再落糖漿，他們嘅咖央做得好好不太甜再配合外面不油嘅麵包，真是perfect,等候嘅時候見到師傅真係用心制作，雖然我唔知佢整梗咩但見佢每個步驟都要花好多時間，發蛋白……等等，我諗而家已經冇咩地方可以食到這樣嘅西多…Read More

初初經過見唔到間舖後來見到長長的人龍就知係呢到地方細小 只有40個座位即使開左風扇都食到出哂汗食物都好平 有不少學生幫襯碎牛和麵都好多很足料 唔怕食唔飽原本以為冇辣椒油所以先叫五香肉丁但原來要問佢拎先有XD蛋是流心的 豬扒有幾塊都好大碗最後到招牌菜 － 咖央西多士不斷都有人order所以等的時間比較耐未食過咁好食的西多~冇誇張面頭有兩大塊牛油食落外脆內軟 充滿蛋香老闆見我地兩個人食都好聰明咁俾兩隻新叉老闆好快手冇寫低都記得每個人食咩仲會催廚房整快d 即使個客未催服務態度良好…Read More

跟朋友入赤柱，怎可錯過赤柱必吃的西多？我們大概4:30pm才到，原來已過了營業時間...感激老闆還為我們即做西多！臨走還提醒我們要小心過馬路~非常sweet!!多士沾上蛋白漿加蛋來煎，入口外脆內鬆軟。咖央醬汁在囗中爆發，甜而不膩。加上老闆的人情味，加分！…Read More

家族祖屋原本在赤柱, 當年鐵皮屋區拆卸重建, 當年的我十歲也未夠,現在已變得面目全非, 我也長大(漲大)了不少!由於家人早早搬了出市區, 我對赤柱, 祖屋的感情不是太深,但今天再次踏足赤柱, 舊日赤柱的影像立即映入腦海中,當年的祖家, 今天已變為赤柱廣場的一部分.舊日的鐵皮屋市集, 今天仍是景色依舊, 泗益, 幾十年來仍迄立不倒.來這裡, 當然要一親招牌咖央西多士($28)的香澤!想吃一親香澤也不容易, 除了要排隊輪候入座,點菜後亦要等, 因為西多士是即叫即炸的,而前面入十張八張單, 都是同樣點了西多士…十五分鐘後, 主角終於上桌了!這裡的咖央西多士, 標榜不用下糖漿本身已經夠甜.外層金黃香脆, 內層蓬鬆, 好軟綿綿啊!麵包本身已經充滿雞蛋香.而且不會吃得滿口油, 證明油溫適中, 沒有太過吸油, 亦沒有油膉味.加上肥霸牛油一磚, 塗勻來吃, 味道超級rich.(請先把減肥大計拋諸腦後吧!)中間的咖央醬, 香滑細緻,有濃濃的椰香及蛋香, 絕不欺場!個人覺得, 這個西多比新加坡的X坤的咖央多士更好吃!配上樽裝可樂(大/ $13)一支, 整件事相當”懷舊”…Read More

「全部散叫，隨你自己配。」甫一坐下，店員便送上餐牌，說出了這句簡而清的說話！來到赤柱，泗益絕對是小妹必食之選！儘管它只是一間熱辣辣大排檔式的茶檔；儘管它坐得不夠舒適！但，卻有極美味的西多士綁住了我的胃！星期六的中午時分來到，赤柱遊人尚不多，泗益更不用排隊，妙絕！由於未吃午餐關係，打算從menu中多選一款食物。menu中有湯粉麵、多士/麵包、三文治等。款式亦跟店員所講，任意配搭，不一定要order餐牌中的款式，只要有材料，就可以整到！2人order：咖央西多士 $23沙爹牛肉餐肉出前一丁麵 $22凍奶茶 $14total $59-(不設加一)咖央西多士這裡的名物！即炸咖央西多士，確保新鮮熱辣辣！這裡的西多士，並不是十分的四四方方，四邊呈微微弧形，而且漲卜卜的，頗為特別！由於用上咖央作餡料，咖央本身甜甜的，有椰汁、雞蛋、砂糖等，甜度足夠又美味，故不用於西多士中加入糖漿~~去畫蛇添足呢！西多士用上兩片的白麵包製成，中間夾有咖央醬，把整個外層沾滿蛋漿後入鍋即炸！除新鮮麵包外，那蛋漿亦是鮮製的~~~即炸前，男店主才取下雞蛋以人手高速純熟的手法發起蛋漿來，在店內等候或進食時，總會聽到那 "噹噹噹噹噹" 的發蛋聲呢！炸好即上枱的西多士，面層加有兩片牛油，熱辣辣的西多士快速便能把牛油溶掉及索入了，令西多味道更佳！為方便客人，這裡的西多士預先分成六份，但個人覺得亦是頗大件，要自行再切細才方便進食。咖央醬有點像果醬般，無論是形態跟味道都有點近似，但就多了份椰香及蛋香！雖然咖央相當濕潤的夾於兩片麵包當中，但絲毫無減麵包的厚度，不似得一些坊間的西多士中間部分扁了2/3！且這裡的咖央醬亦塗得相當均勻，就算是邊邊的部分也可以清楚看到咖央的蹤影！一般而言，新鮮麵包偏軟熟，炸後口感依然易於偏軟，但這裡的西多士外層遇上店主"秘發"蛋漿及控制得宜的油炸熱度、時間，西多表層金黃美觀，新鮮麵包亦確切成了脆口多士而非軟腍腍，滋味提升！整件泗益招牌西多，美味極之，令人難忘！絕對要吃！！沙爹牛肉餐肉出前一丁麵屬於餐牌中沒有寫的食物，沙爹牛肉味道一般，雖富有沙爹味，但牛肉偏韌，不過總比一些下了鬆肉粉的牛肉來得較好！而餐肉有一大片，經煎香後口感極佳、餐肉味美，厚厚的一片富咬感之餘，肉質亦軟硬適中，不會十分鬆散！而那微微的沙爹汁混於湯底內，味道相對較淡，有點失色。而出前一丁麵煮得剛好，麵偏向硬身富微微彈牙口感，但味道一般，掛不起沙爹汁的味道。整碗麵未見突出。凍奶茶來到舊式茶檔，當然要品嘗奶茶！奶茶味道香濃亦相當富茶香，而且味道亦不會苦澀。雖然冰的份量不少，有約1／3杯，但亦一點沒有令茶味減淡，可想而知茶味何其濃郁；而且亦夠冰涼，屬大熱天時的解渴良品。服務：店員爽快但沒有催促。下單純粹跟店員／廚房口頭落單即可，有機會發生漏單情況，但店員亦會不時詢問有無食物還未上枱，整體親切、不俗！…Read More

今天赤柱遊, 下午4:00, 已經覺得好肚餓, 又見到這裡咁多人排隊, 於是上來check下有咩咁好食啦~原來這裡的西多士最好味, 排隊都要啦~不過我們一排就等了半個鐘.......未入去食已經係門口食飽風.......終於可以入去啦, 地方好迫好迫, 根本一個人位都比兩個人去坐.......點了奶茶+紅腸+腸仔出前一丁+咖央西多士:奶茶: 好香滑, 我要求多奶, 老闆說一陣比罐奶我自己落, 真係好正~因為係黑白淡奶呢~感覺好似大家樂的奶茶咁(70分)紅腸+腸仔出前一丁: 普通一碗出前一丁而已.....沒甚麼特別(70分)咖央西多士: 西多出面好有蛋味, 但又唔似出面茶餐廳的那些d蛋乾晒~都算ok啦, 不過就無乜咖央味lu(70分):地方坐得迫迫........d野又貴, $14一杯熱奶茶都得.....兩個人今次埋單都要$5x, 只不過食了一碗公仔麵+西多.......排咁耐隊真係唔抵…Read More