B+BC Cafe (TKO Plaza)

收工後響屋企附近食飯，對上一次嚟已經係一年前了，唔知品質有冇唔同呢？😋🔸紅燒牛三寶麵(牛筋、牛腩、牛肚)🐮 $85熱辣辣上枱嘅紅燒牛三寶台灣麵，湯底好濃郁，係台灣嘅味道😋 牛肚份量好足，牛腩好入味又夠腍，牛筋好似啖啖骨膠原放入口咁🤩🔸麻辣鮮茄牛筋腩麵🍅 $85必須要讚餐廳好細心，辣油係分開上！對於唔太食得辣但又想有少少辣調味嘅朋友而言實在太貼心喇，可以自己控制辣度🥹 蕃茄湯底非常濃郁好開胃，牛筋好滑又夠腍😋牛腩肥瘦適中，痴住少少筋位，好食😋🔸桂花雞翼🌼 $28 (3隻)大大隻雞翼炸得好香脆，配埋清甜嘅桂花糖漿，甜甜脆脆嘅雞翼特別又好食🤤🔸台灣烤香腸 $35台灣小食唔少得烤台灣腸，表皮煎香，內裡充滿台灣腸嘅油香，好邪惡🤭🔸紫菜魚丸湯 🍲 +$16紫菜湯內有花枝丸，有墨魚粒響丸內好有咬口。紫菜湯亦係穩陣之選。特飲跟餐正價可減$5，品質拍得住大部分茶飲店，唔錯喎😋🔸十勝紅豆奶茶 $23🔸芝士奶蓋炭燒烏龍茶 $27夜晚食飯時間餐廳坐無虛席，大慨等咗15分鐘左右店員就安排入座。QR code落單以及電子支付都好方便。上菜速度好快，落完單大慨10-15分鐘內已上齊所有主食、小食、飲品，店員效率確實值得一讚👍🏻 已經可以諗定下次嚟食咩喇😋…Read More

成日經過都見到呢間餐廳幾多人排隊下好彩可以撳飛等叫no.坐低之後記住自己嘅檯號就可以出去叫野食俾$然後等店員上菜就開動喇每次去台灣店必叫!!!紅燒腱心牛肉麵$59牛腱夠腍又入味牛肉湯底微甜麵嘅粗幼度岩岩好麻辣紅燒肉麵$56麻辣醬油會另上,好細心留意番紅燒肉係豬肉台灣烤香腸$28普普通通,勝在份量夠多桂花雞翼(3隻)$26炸到脆卜卜嘅雞翼再點上清香甜甜嘅桂花汁幾清新,又幾夾鹽酥花枝丸(3粒)$26大大粒,好彈牙凍芝士奶蓋桂花烏龍茶$23熱鐵觀音珍珠鮮奶茶$23大杯兼抵飲,用茶包沖泡,茶香味濃,珍珠岩岩煮好,新鮮滾熱辣,煙煙韌韌好有咬口呢個價錢真係幾抵食,又大份,唔洗成日茶記,仲可以”偽”文青一下…Read More

今晚太夜收工費事返屋企食，就同同事一齊食完晚飯先至返屋企，見呢間台灣食店開左好耐都未試過，現在又冇得去旅行，就一於入去試吓已解相思之苦，店內嘅環境都幾寬敞舒適，即刻睇吓餐牌都幾多唔同款式嘅食物，我哋叫左幾款美食和兩款特飲來品嚐一吓鹽酥雞排滷肉飯：雞排外脆，鹹度剛剛好，好惹味，滷肉好入味，撈飯一流另外跟餐加15蚊要左兩個小食，滷水豆腐和涼拌黑醋茄子滷水豆腐：普普通通，好處一啖一粒:)涼拌黑醋茄子：茄子軟滑，酸酸尾尾，食完胃囗大開三盛紅燒牛肉麵：腱心牛肉炆得好腍滑，牛腩一層筋膜 一層肉，一咬即開，牛丸咬落爽囗味濃，台灣麵入囗煙煙韌韌，紅燒牛肉湯底好香濃牛肉味，飲完唔囗乾椒鹽花枝丸：大大粒香脆爽囗彈牙台灣烤香腸：台灣香腸真係特別美味可囗夏日水漾鮮果茶：有藍莓、火龍果、士多啤梨、青檸、檸檬和西柚呢幾樣鮮果，好香茶味，入口味道似百香果蜂蜜檸檬蘆薈：甜甜地，好多蘆薈粒增加囗感以後返工或收工都可以來呢度醫肚…Read More

去完將軍澳廣場的Uniqlo掃減價貨後約八時左右便到附近吃晚餐沒有資料搜集下，唯有選擇有人排隊的餐廳這間小店「桂花小幸」門外有不下十人排隊等位在門外取了籌號等了約五分鐘便有位店內幾乎滿座，幸好有一批客人離開這麼快有位鹽酥雞排滷肉飯 - $76配上湯浸時菜+烏豆山藥栗子燉排骨湯是香港最常接觸到的台灣傳統菜式台式雞扒就是鮮嫩多汁，口感軟嫩，表面酥脆是日時菜是娃娃菜，味道鮮秋季非常貼心地燉煮了適合時節的湯水，滋潤養生腱心牛肉麵(養生清燉牛肉湯) - $58腱心牛肉是牛腿的一束束肌肉，紋理粗糙、質地結實、佈滿牛筋但店家燉煮得入口即溶，美味多汁濃郁的牛肉味，變成了嫩筋肉湯底也是非常適合秋冬的補湯，味道鮮美配菜還有幾條小白菜、白蘿蔔及紅蘿蔔桂花雞翼(五隻) - $38醬汁另上的桂花糖和桂花，自行加到雞翼中淡淡的桂花香，帶有甜甜的清香炸雞翼跟鹽酥雞排一樣，炸得十分爽脆而不油膩台灣烤香腸 - $28台灣腸有豬肉、雞肉和牛肉加起來色澤誘人，烤得外酥內嫩，香氣襲人，味道獨特脆脆阿華田 - $23底部和CREAM面上有OREO碎碎阿華田味濃郁超濃郁可可 - $13濃郁的朱古力味…Read More

天氣漸涼，興起想飲一些滋潤湯水補一補，諗起將軍澳廣場 的「桂花小幸」有養身湯飯，今日相約了家姐一齊去試試。二人點了一個 蟲早花杞子豬肚雞湯飯和三個小食- 桂花雞翼(5隻、鹽酥花枝丸(5粒)、台灣烤香腸，再配了兩杯飲品 – 幸福紅豆與豆乳(熱)、生薑奶茶，埋單$220，價錢算實惠。餐廳裝修極具文青風格，簡約自然，地方不算大，氣氛很悠閒。蟲早花杞子豬肚雞湯飯$73，材料十足，藥材味芳香濃郁，滋陰養胃，食後感覺很溫曖。桂花雞翼(5隻)$38，色澤金黃，賣相很靚，味道也很好，桂花味很香，配甜甜的蜜糖，更加美味！鹽酥花枝丸(5粒)$38，咬開有細細的墨魚粒，爽口彈牙。台灣烤香腸$28，很有台灣風味，香腸肥瘦比例適中。幸福紅豆與豆乳(熱)$24，豆味香濃，不太甜，真係有幸福感覺呀(家姐話)。生薑奶茶$19，薑味濃郁，很暖胃，非常足料，杯底有很多生薑絲。餐廳整體感覺很舒適，價錢合理，服務不錯，交通方便，食物有台灣特色風味，而且沒有加一服務費，值得推薦！…Read More

餐廳除左有入座位置，旁邊仲有外賣飲品。餐廳座位數目都唔少，裝修風格文青，最有特色係入面嘅位置。要留意呢到叫野食需要去到門口比錢，之後再由侍應送上野食。今次叫左三小食一麵一飲品，每人平均$90。台灣烤香腸 $28皮位微脆，內裏中間軟身，唔油，最鍾意台灣腸甜地嘅味道。桂花雞翼 $23有桂花蜜糖比你點黎食，桂花花香味好出，配炸雞翼好清新。塔香三杯雞 $48好惹味嘅一道菜，雞肉味道濃，配飯食一流。酥炸排骨麵 $58揀左牛肉湯，個湯牛肉味好濃，麵質剛好，唔會太淋。排骨大塊，而且炸粉簿唔油膩。芝士奶蓋阿里山金萱 $23奶蓋有濃濃芝士味，味道無平時個啲咁咸，茶味較清新感覺，有淡淡似花茶嘅香。…Read More

昨日同媽咪行將軍澳廣場，陪她買定旅行日用品， 呢度真係好方便， 有幾個商場連埋一起可以行足一日。 行到咁上下都係時候食午餐， 我們到桂花小幸吃台灣菜。 唔知大家有冇一個習慣， 我好多時經過店舖門口想入去食嘅時候都會睇一睇openrice嘅評論， 見到桂花小幸都有好多讚好， 一於同媽咪入去試下。店內裝修風格以文青概念為主， 配上以木為主的傢俬特別有文藝氣息。 首先點了兩杯台灣特飲夏日水漾鮮果茶$30， 芝士奶蓋桂花烏龍茶$28。然後就點餐～台灣烤香腸$28， 椒鹽花枝丸$23， 滷水豬手飯定食配上湯浸時菜及白飯$65， 加配小食手拍小黃瓜$12， 三盛紅燒牛肉麵$68。滷水豬手飯定食配上湯浸時菜及白飯～ 一碟有四大就豬手，炆得好淋又入味，絕對可以補充骨膠原。手拍小黃瓜～ 清新的小黃瓜配上醋汁， 很喜歡這個餐前小吃，特別令我開胃。上湯浸時菜～ 清清地非常健康。三盛紅燒牛肉麵～有腱心牛肉（金錢展），牛腩，牛丸，腱心牛肉和牛腩雖然炆得好腍，但唔夠入味。 牛腩比較大舊， 如果可以切細少少就比較好。 牛丸味道普通，但口感算彈牙。 點了清燉湯底可惜唔夠熱， 麵的質地偏軟，唔夠彈性。椒鹽花枝丸～ 沒有椒鹽味道，但花枝丸煙韌彈口。台灣烤香腸～ 很喜歡吃台灣香腸， 每次到台灣餐廳必點。夏日水漾鮮果茶～ 有很多新鮮水果向裏面， 但味道偏甜， 我唔記得叫少甜呀！芝士奶蓋桂花烏龍茶～ 飲到桂花烏龍茶的 茶味， 芝士奶蓋的味道唔夠濃郁，但清清地還可以接受的。整體來說對桂花小幸的印象幾好，食物質素中上，款式多，店內環境舒適，價錢平民化，最開心係冇加一服務費。…Read More

今日去左將軍澳廣場，順便食野，之後就黎左呢間＜桂花小幸＞。呢間野好多時都好多人，裏面裝修風格很有台灣文青feel，牆上寫了很多很有意思的句子。他們點餐是先到收銀落單，然後就會有人送到你的枱號。下午茶選擇頗多，最後選了T14＜滷水蛋滷肉飯配上湯浸時菜＞，另外叫了一個小食，＜台灣烤香腸＞。＜滷水蛋滷肉飯＞滷水蛋很有滷水味，滷肉肥瘦均勻，加埋少少既冬菇，拌飯吃一流。😋＜上湯浸時菜＞湯底比較清淡，明顯沒有落味精，d娃娃菜食落清甜，唔錯＜台灣烤香腸＞賣相幾靚，食落口甜甜地，唔咸。下次試下食其他野先😋…Read More

近排真係冇乜心機，就算年紀仲算輕，對住近來嘅環境，都已經變得有心無力，就連吃喝玩樂都冇心機，都係嗰句啦，飯都係要食，食吓滷水嘢調理吓心情囉跟set加$6就可以有小食喇，第一炮就係滷水豆腐其次係滷水雞翼，好肥嫩呀循例食啲手拍青瓜當食咗菜啦蛋都係滷水，問你怕未？好喇好喇，咁多小食，都要食吓主菜嘅台灣麵都幾好咬口，湯都夠濃雞扒終於唔係滷水，係鹽酥喇好大碗麵呀台灣腸都幾惹味，肥瘦剛好查實美人茶點解叫美人茶呢？大胃點都要嗌有芝士嘅嘢先過到癮除咗滷水，喺咁文青風嘅環境下用餐，心情點都回復年輕啲啦…Read More

今日行開將軍澳，就諗住搵埋野食先番去，係將軍澳廣場中銀禁完錢一岀黎，就見到左邊依間「桂花小幸」排哂隊，就諗住係番openrice睇下佢啲食評再決定等唔等位，一睇就見到好評佔大半數，就即刻拎飛，拎飛其間睇完食咩好就手痕係Openrice search埋將軍澳，先發現依間原來排第二名，佢啲價錢又好平，唔怪得咁多人食喇！😯😯.我8點鐘拎飛，要等7個號，見佢叫一個號都成8分鐘先一個，就去行下先，點知8點20分番到黎就過左3個號😂，飛到有寫「如超過五個號碼，需要重新拎票」，好彩未過5個號，同番普通職員講，佢下個就比我地入喇。.服務方面，普通侍應全部都好好態度同禮貌👍🏻，而職位同年齡較高個啲就不是太好態度👎🏿，有一人説話和行為有點沒有禮貌，但當時是繁忙時間，所以能理解，但繁忙時間過後，另一人甚至沒有眼神接觸(就算冇其他事要忙，她也只看前面)，打發了我後，她把身邊轉向另一邊（另一邊廚房都是沒有發生仼何事），表示得不想理會人。😢...我就叫咗個 「番茄鹽酥雞排麵」($61)，不得不讚既就係佢個番茄湯底無敵濃味🍅，淡淡都係蕃茄味，一啲都唔似係溝左好多水，蕃茄迷必叫！而個麵係台灣麵，唔會偏軟同硬身，口感適中，有咬口！😋😋😋雞排好夠鹽味，又唔會好鹹，炸粉唔會過厚，就算係怕肥嘅，都會接受到會連皮照食埋🤣入面都唔會乾身，好juicy!💦.我朋友就叫左個「蕃茄酥炸排骨麵」($61)，酥炸排骨麵原本係$58，但加左$3轉番茄湯，相比起我嗰個雞排，呢個排骨就冇咁出色，比較乾身，咬入去有啲硬又冇味，個沙律醬就救番佢小小，但係食到一半都會有種感覺唔想再食落去🌚.我哋小食分別叫咗「桂花雞翼」$23、「台灣烤香腸」$28、「鹽酥花枝丸」$23.「桂花雞翼」，雞翼係用炸粉炸過，但係佢入邊都會有啲汁一咬就岀黎，再點個桂花汁，好特別，估唔到都幾好食，唔係將個汁夾硬配埋一齊，又襯番個名「桂花小幸」以桂花做主題。🌸🌸.「台灣烤香腸」，我開頭以為係岀面買十蚊條個啲台灣腸黎，但食得岀係用蒜烤過，好多陣蒜香味，比岀面個啲更重味道👍🏻.「鹽酥花枝丸」，就只係普通炸過既墨魚丸，一食就覺得冇台灣咁好食，但都可以接受.飲品我地就叫左「黑糖珍珠鮮奶」$29、「芝士奶蓋白桃烏龍茶」$28「黑糖珍珠鮮奶」🥛，我係岀面排隊個陣都見到有人唔入去食野，只係買依杯黎飲，一睇落就深深吸引左我，好似同xx堂個啲有得揮咁，就叫左！但係一飲落去好小黑糖味，我連個杯有黑糖既地方都搞到冇，都只係飲得岀係鮮奶，珍珠就幾有咬口既，唔會爛哂「芝士奶蓋白桃烏龍茶」🍑，我一向鍾情於白桃，一有白桃既野我就會試，加上我又好中意奶蓋，飲落依杯又係搞極都冇味，奶蓋又唔係飲開個種重芝士味既奶蓋，似係飲緊cream同綠茶好味指數:8/10回頭率:7/10服務:6/10…Read More