Master Low-key Food Shop

係唔係高手我唔敢講，係唔係低調我都唔敢講，因為我只係見到好長條龍。星期六下午經過呢間就跟筲箕灣東大街嘅雞蛋仔，就急急買一底試吓（原味$24），點知原來叫號碼都已經坐第30底（人）喺我前邊，等候大概20分鐘。一般人主要係買格仔餅同雞蛋仔，以原味較多，因為買其他未等候時間再會長一啲。雞蛋仔即叫即製，所以倒數時候當然熱辣辣，而且脆嘅程度係超乎想像，大力少少都會碎，但咬開中間個窿比較大，而另一半一啲都唔煙韌，比較糊狀。如果鍾意食脆嘅絕對可以是，但以價錢來講性價比就未必太高。…さらに見る

今日地鐵有半價優惠🤩大家有冇去邊呢小妹就過海去咗筲箕灣掃街😛呢間雞蛋仔雖然叫低調高手但一啲都唔低調😂條人龍長到呢 我哋都等咗一段時間先有本身想試埋格仔餅嘅不過想留下肚食其他野 最後就淨系試咗雞蛋仔🤭-♥︎ 原味雞蛋仔 $24攞上手系暖笠笠嘅 唔會太熱又唔會凍咗咬第一啖真系有啲驚喜😳超級脆😛仲有佢唔系空殼架 唔似嗰啲空心雞蛋仔入面半空半實 真系做到外脆內軟嘅口感😙就算食到最底都仲有少少脆排隊都值得食😋下次試埋格仔餅!!味道: 9/10性價比: 7.5/10回頭率: 7/10-…さらに見る

位處筲箕灣地鐵站B1出口， 註定不會低調到哪裡🤣得到地利之便之餘，還要懂宣傳。小小的檔口前有個Mon, 連播小店同國泰X Rubby Seven的宣傳片。介紹雞蛋仔的單張旁，貼滿與紅星如發哥、謝霆鋒等的合照。見到呢個牌面，心內一沉，覺得還是名不於實的打卡店吧。一場嚟到，都叫了一底原味雞蛋仔試吓佢功力。因為人多，一底雞蛋仔等左20分鐘。我等。見到等的顧客都是街坊客，也有區外人。開始覺得小店應該有點實力吧。名氣太大而街坊客比例少的小店，多數「伏特加」。NP雞蛋仔的疑似化學味、MM雞蛋仔稔過毛巾... 所謂人氣店，真的怕了。終於到手！一陣蛋香撲鼻，食落口，不得了！外脆內軟，不太甜但有濃郁蛋香，好好食！之前的疑慮一掃而空，好食又識宣傳，啲客真係俾你賺晒啦！兩三下就KO成底雞蛋仔。有下次！格仔餅No.1 是天后臨記的話，雞蛋仔No.1就係呢個不低調的高手了。…さらに見る

雞蛋仔緊係即叫即製最好食，呢間「低調高手」絕對做到即叫即製💛～因為門口長期超多人等🤣 之前都睇過好多人介紹呢間雞蛋仔，所以上次同朋友去完鶴嘴出返筲箕灣就去咗買嚟試吓～當日係星期日下晝4點去到，都要等半個鐘以上😥•🥢 原味雞蛋仔 $22原味就可以食到蛋味，但呢個又未至於好濃郁🤔 入面係半空心，仲有少少蛋糕嘅質地，所以做到少少外脆內軟嘅口感👍🏻 好食過普通小食檔賣十幾蚊一底嗰啲，所以去開嗰頭都可以一食，但又未至於要專登山長水遠去筲箕灣食🤣•🥢 蘋果格仔餅 $33蘋果格仔餅用咗蘋果片+梅果醬，梅果醬酸酸甜甜，加埋爽脆嘅蘋果片，味道其實都幾夾嘅，但唔知關唔關加咗梅果醬事，成個格仔餅好腍，一啲都唔脆😖 個格仔餅嘅口感真係扣咗好多分😢但值得一讚嘅係店員有主動問使唔使切開一半，方便同朋友share食👍🏼…さらに見る

📍 低調高手大街小食 Master Low-key Food Shop 🎗📍 筲箕灣 𝗦𝗵𝗮𝘂 𝗞𝗲𝗶 𝗪𝗮𝗻 • 東大街76A號B3號舖地下-When you come to Shau Kei Wan, be sure to eat around Shau Kei Wan Main Street East!There are a lot of restaurants and snack bars around here so you will find something that appeals to you.One of the popular snack bars here is < Master Low-key Food Shop >, which specialises in the Hong Kong traditional egg waffles (格仔餅) and egg puffs / eggettes (雞蛋仔).Would recommend to people who are searching for some light and delicious traditional Hong Kong treats! 🇭🇰-Food is made to order so it will remain warm when served! Of course, you may have to be prepared for a queue. 😆-Tried their [ egg puffs ] ($22/serving) and it certainly did not disappoint!Crispy on the outside, soft on the inside. ♡Sweetness was just right, not overly sweet, so the rich egg flavor stood out - Delicious!Would definitely visit again if I come to Shau Kei Wan some day.-(𝗦𝗲𝗲 𝗽𝗶𝗰𝘀 𝗯𝗲𝗹𝗼𝘄! ☟☟)=來到筲箕灣，一定要來東大街找吃的~不只是餐廳，就連小吃店也很多瓊山里這裡小吃店林立，不時看見站在街頭吃東西的食客～其中很受歡迎的一家是《低調高手大街小食》-每次聽到這個名字都覺得他們好可愛誰會叫自己是「高手」啊🤣不過，試過一次，你就知道他們的確是高手了！-小小的門面，白底紅字八字店名，尤其出眾店員分工簡單：一位負責下單、結帳；其他的負責準備食物餐點即點即製，確保新鮮熱辣視乎人流，等候的時間也會較長～-這裡主打兩款港式傳統小吃 - 雞蛋仔、格仔餅滿滿的港式味道🇭🇰原味雞蛋仔、原味格仔餅 各$22購買兩底或以上，每底減$1所以看見不少顧客買兩底跟朋友分享～還有不同味道系列，如巧克力、蘋果、辣肉腸，蠻特別的-原味雞蛋仔 ($22)拿上手，暖乎乎的一顆顆，容易剝出來味道重蛋香，不會過甜，令蛋香味更出眾🥚表面質感酥脆，中間位置半空氣半蛋糕狀，十分平均，剛剛好 ( ´ ∀ `)ノ♡每一口都吃到外脆內軟的口感～弄得出色～的確稱得上是「高手」 (*˘︶˘*)-Menu:…さらに見る

🤔幾年前還在東區工作的時候，路過東大街搵野食的時候，見到有間雞蛋仔，見個舖頭名咁得意，又肚餓，就試下。點知就係咁試到我食過最好食的雞蛋仔。低調高手整的雞蛋仔的是每一粒都可以食到外脆內軟🤩，它的脆又不會是脆到食落口的時候邊邊會界口同時裏面會食到軟軟的蛋糕和滿滿的蛋香🥚🥚🥚😋。如果和朋友一齊食的話會叫埋格仔餅🧇，order 的時候可以叫他幫忙分開兩份，方便食。我通常都係落哂所有醬，相對雞蛋仔就缺少了外脆的口感，但就多左砂糖，花生醬🥜煉奶牛油🧈的滑和香，是另一種享受。感謝老闆一直有經營，落手落力親自出馬，讓我可以繼續食到咁好食的雞蛋仔。***餐牌如下好多名人都食過😋…さらに見る

【初嘗遠在筲箕灣馳名雞蛋仔🧇】低調高手大街小食 呢個名應該大家都聽過 太長都up唔晒😂 東大街名物 好日唔出一次遠門 筲箕灣應該係去過最遠嘅地方，但好在都近地鐵同叮叮，地方好易揾🫠___ ___ ___ ___ ___ ___ ___ ✨原味雞蛋仔 $22 即叫即整 要等～5-10分鐘 ～12點去到都要等左陣 陸陸續續好多人買😂街坊同遊人都多蛋香味濃🍳 超級脆 外脆内軟 一粒一粒甘食好快食晒 小食黎講好正 👍🏻👍🏻 同出面比呢個好食又脆啲 比$22性價比ok 有唔同味道簡小編覺得原味性價比高啲下次會試埋格仔餅🧇🥴🥴…さらに見る

去得東大街 點會食完個晚飯就走呀😂梗係去買底雞蛋仔啦(其實我鍾意格仔餅多啲 但無人同我share🧇 同上次食過)都唔好話 夜晚8點鬆啲都要等幾個之後仲陸續有嚟🚶🏻‍♀️🚶🏻🚶🏻‍♂️🚶🏻‍♀️🚶🏻🚶🏻‍♂️因為都係即整 所以交到我手嗰陣都仲係熱辣辣但因為真係有啲飽 就叫佢比袋入住返屋企先食我喺車度已經偷食咗幾粒果然嘢係要熱辣辣食一開始食真係會停唔到口但喺街就收斂少少🤏🏻原味雞蛋仔 $21 🙆🏿‍♀️落嘅漿啱啱好 唔會太多或太少調味亦剛好 唔會死甜亦無燶 而且外脆內軟原底齊齊整整咁入袋 又無甩皮甩骨所有嘢都係我鍾意嘅方式咁呈現💛❎ 加一服務費…さらに見る

低調高手大街小食📍筲箕灣💛🍳原味雞蛋仔 $21做傳統雞蛋仔嘅舖頭越來越少，好食嘅就更加少🧐呢度嘅雞蛋仔皮薄而且脆，入面個心軟綿彈牙，食得越耐就越有蛋香🤤係童年回憶嘅高端版🤩推薦程度：★★★★★★…さらに見る

近排鍾情於雞蛋仔同格仔餅，不斷物色唔同店舖。呢間已經聽咗好耐，今次終於有時間試。所有野都係即叫即整，如果可以即食會更好，可惜。。。原味格仔餅。厚度適中。因為愛吃醬的我，多口問咗句可唔可以多醬，結果店主話ok🤣佢就真係唔手軟，落咗勁多醬，小編表示好幸福🥰個餅就真係脆既，仲要我係拎走食，不過就真係要快食，都快‘淋’。原味雞蛋仔。都係脆既，正正常常。黃金雞蛋仔。據說呢間係出名呢個味。佢係每粒都會有鹹蛋黃，所以個味好rich。不過唔知點解會有啲腥，但係鹹蛋黃本身就腥腥地，可能因為咁。鍾意食鹹蛋黃又唔怕腥的朋友可以一試。…さらに見る

呢間小食店人氣極旺，雖然好多人排隊，但出餐速度都幾快，唔洗等好耐就食到。🧡原味雞蛋仔（$20） 雞蛋仔新鮮出爐熱辣辣，外脆內軟超好食，外面個皮似薄餅咁脆，好香口！裡面軟軟但都煙韌有噍頭！人生第一次食到咁脆嘅雞蛋仔，值得推介！…さらに見る

「筲箕灣東大街」著名街頭小食食店「低調高手大街小食」裡面的「五味」小食食品和飲品系列，隨著食店最近終於正式推出了「酸」味系列的「雞蛋仔」、「格仔餅」和飲品之後，終於劃上句號。不過以前「低調高手大街小食」預告會推出的「酸」味系列「雞蛋仔」小食食品實際名稱，本來叫做「草莓雞蛋仔」，至於原來版本的「酸」味系列「格仔餅」小食食品實際名稱，叫做「草莓格仔餅」才對。結果「低調高手大街小食」終極推出版本的「酸」味「草莓雞蛋仔」小食食品，名稱變成了叫做「蘋果雞蛋仔」，至於原本的「酸」味「草莓格仔餅」食品名稱，也變成「蘋果格仔餅」。不過傳統的「蘋果」味道一向都偏向比較甜，為什麼「低調高手大街小食」反而會把「蘋果」系列「雞蛋仔」和「格仔餅」，列入「酸」口味裡面？結果我再三重看「低調高手大街小食」裡面，擁有比較詳細介紹和解釋版本價目表之後，才知道「蘋果雞蛋仔」和「蘋果格仔餅」實際味道裡面的「酸味」來龍去脈。所以我決定了，分別購買甜味的「原味雞蛋仔」，還有酸味版本的「蘋果雞蛋仔」，看看「蘋果雞蛋仔」實際製成品的「酸味」在哪個部分的配料裡面。結果我發現原來「低調高手大街小食」的「蘋果雞蛋仔」材料裡面，原來不只包括有新鮮「蘋果肉」，還另外加入實際味道偏向比較酸的「梅粉」。所以即使「蘋果雞蛋仔」裡面的「蘋果」肉質實際味道偏向比較甜，至於口感則來自「蘋果」的爽脆感。但是「蘋果雞蛋仔」加入酸味的「梅粉」調味之後，「蘋果雞蛋仔」實際製成品原本的甜味，才開始變成了酸味。所以即使購買「蘋果雞蛋仔」後因為需要攜帶長途運輸，導致「蘋果雞蛋仔」實際製成品口感變腍，但是「蘋果雞蛋仔」裡面的「梅粉」酸味，卻仍然存在於「蘋果雞蛋仔」裡面。不過「低調高手大街小食」製造「蘋果雞蛋仔」的人，始終需要在每一粒「雞蛋仔」裡面，逐步加入切粒切皮「蘋果」果肉以及粒狀形態的「梅粉」。所以「蘋果雞蛋仔」實際製成品裡面的每一粒「雞蛋仔」的「梅粉」酸味感覺強弱程度，都會因為「低調高手大街小食」實際製作情況而各有高低不同。我覺得實際上享用「蘋果雞蛋仔」的時候，最好從「蘋果雞蛋仔」實際製成品表面上，逐粒撕下來慢慢享用，細心感受「蘋果雞蛋仔」，宜慢不宜快，不要一開始就大大口咬「蘋果雞蛋仔」。否則直接大大口粗枝大葉地享用「蘋果雞蛋仔」，就只會食到「蘋果雞蛋仔」裡面的「蘋果」甜味，而感受不到每粒「蘋果雞蛋仔」裡面的「梅粉」酸味了。…さらに見る

今次介紹既係出名多野食既港島其中一個地方東大街，入面有間招牌好特別既小食店，話自己低調但高手，就係係筲箕灣東大街開業11年既低調高手大街小食。呢間小食店不嬲都唔低調，因為次次經過都見到有人等緊，而且係謝霆鋒主持既十二道鋒味節目上有介紹過，被譽為全港最好吃雞蛋仔三甲，獨沽雞蛋仔同格仔餅但好食既野一兩樣已經夠。店主話低調高手係有進可攻退可守既意思，大街小食就係解係東大街賣小食，點解會係度賣小食係因為店主係11年前發現東大街未有鋪頭賣雞蛋仔同格仔餅，所以就決定左做呢門生意。而店主係門外漢，無拜師學藝，配方係係網上食譜做基礎再反覆改良而成。-1️⃣ 黃金格仔餅 💰30（👅: 9.5/10）由落單到羅到大概只等左5分鐘左右，店員見到我三個人去買，就所以提出將格仔餅切開兩份，非常細心，容易進食。溫度足夠，羅上手已經聞到牛油香味，外脆內軟，唔死實，厚薄適中，食落完全係爆餡，打開就見到砂糖、煉奶同埋最重要嘅鹹蛋黃，邪惡感滿分，鹹蛋黃嘅有油香帶鹹，味道冇想像中咁重，可能因為有砂糖、煉奶搶左啲味，反而成為好好嘅配搭同比例，味道有甜有鹹有層次感，口感油潤豐富，鹹蛋黃既味道夠出亦唔會OVER，滿滿既鹹香風味，不過配料分布唔係好平均，有啲位唔夠配料就好似食緊原味格仔餅。呢份格仔餅加左鹹蛋黃覺得額外易飽，一個人食曬成件會幾濟下。-2️⃣原味雞蛋仔💰20（👅: 8.5/10）第一次食佢雞蛋仔所以食佢原味，睇吓可唔可以食到佢嘅蛋香味，製作雞蛋仔既材料簡單，都係麵粉、泡打粉、雞蛋、糖同牛油等，但要做到外脆內軟，外殼和餡比例岩岩好就唔係間間都做到，好考功夫。雞蛋仔都係即叫即整，所以攞上手嗰時都有溫度，但未到辣口辣手個種，賣相就一般，有見過再靚仔啲嘅雞蛋仔。一咬落去外層趣卜卜，咬落去係有聲，真係外脆內軟，見到內涵係呈半實心，唔係空心唔係食緊餅乾，蛋香味夠而且悠長，唔會過甜過膩，要挑剔就係每粒雞蛋仔嘅內涵唔平均，好似外圈比較少餡，中間好似多啲，如果再煙韌會好啲，同埋羅上手要好快食晒，因為佢好快就唔熱。-🌟原味雞蛋仔幾好食，但如果山長水遠為咗試雞蛋仔就未必，但黃金格仔餅就好值得一試，因為係香港未食過依個味道嘅格仔餅，好難有對手，黃金格仔餅優勝之處就係夠重味夠邪惡，想像唔到有咩味可以重得過佢，食完黃金格仔餅就好想下次試埋黃金雞蛋仔！-👅味道: 9.5/10🍴環境: 7/10💰消費: $50 (服務費:NA)…さらに見る

琴日咁啱係電車免費日，所以去左電車總站 - 筲箕灣開始搭就嚟到依間想試好耐嘅低調高手，去到都keep住有人去買🧇原味雞蛋仔 $21佢啲雞蛋仔真係好脆，個餅皮脆得嚟好煙韌我就咁成個食都覺得好正☺️,你話飽肚，佢又唔係啲滿哂餡嘅雞蛋仔，一半空心一半有餡咁有時間我會再去試佢其他雞蛋仔☺️…さらに見る

🐾筲箕灣 사우케이완 低調高手大街小食🐾-難得落到筲箕灣又點可以唔試下呢間鋪頭！相信大家對佢都唔會陌生😏 嗰個都話佢地嘅出品非常出色。自己本身都幾鍾意食雞蛋仔，不過就已經好耐冇食過🙁 落單嘅時候店員已經會提醒你，如果叫雞蛋仔需要等一段時間😢 今次就等咗大概20分鐘。而店員嘅服務態度亦唔錯。🧇原味雞蛋仔 $21雞蛋仔係即叫即製，拎上手已經感覺到熱辣辣🤩雞蛋仔每一粒都漲卜卜，外層顏色亦都好靓😻 咬開可以見到明顯嘅半蛋皮半蛋漿🥰 賣相相當好。外皮食落去好夠脆，脆身得黎仲帶d煙韌感😆 一啖咬落去蛋皮連蛋漿真係外脆內軟，蛋漿入口好軟糯😋 食落唔會好粉，成粒雞蛋仔嘅口感真係好好。蛋漿嘅香味亦好足夠，蛋香味好濃郁🤤 味道唔會太甜，蛋香同甜味配合得好好，食落好夠香🥳 呢底雞蛋仔真係好高質，21蚊雖然唔算平🤔 但質素絕對對得住價錢！不過值唔值得等20分鐘就見仁見智啦🤭 下次如果去筲箕灣都會再買黎食，希望下次去唔洗等咁耐🤣 我下次應該都會揀番原味，因為真係好好食！-📝評分味道 맛 : 5/5 外觀 외관 : 5/5價格 가격 : 4/5服務 서비스 : 4/5環境 환경 : 3.5/5回頭率 재방문 : 5/5📮筲箕灣東大街76A號B3號舖地下…さらに見る