ZITHER GARDEN (QRE Plaza)

工作壓力如山，腦中迴盪著舊上海的霓虹與小調推文推薦一拒速食，堅持新鮮手工慢熬的京滬菜館玻璃眺望灣仔夜景，不吵不鬧，低天花吊黃燈搖曳座位間距寬敞，隱私感強，適合一個人靜思或小聚東坡肘子皮層油亮，肥瘦相間的肉塊浸在琥珀般的紅燒汁中！筷子輕戳，肉即化開，口感軟糯卻不散南翔小籠包如嬌羞的燈籠包裹著湯汁，薄皮彈牙不破中和著肉餡的細膩上海雲吞湯外觀樸實卻誘人，餡料鮮嫩多汁，味道是家常的鮮甜，喝完一碗，渾身舒暢…Read More

古琴雅苑 (QRE Plaza)，位於灣仔皇后大道東202號QRE Plaza 19樓。 店內裝修風格中式雅緻，環境舒適。▪️烤北京填鴨$228 ～ 鴨皮口感脆身，肉嫩油香，配上五款配料 (青瓜、京蔥、哈蜜瓜、烤鴨醬和蜂蜜黃梅醬) 與鴨卷餅一起吃， 非常美味 。 一口酥鴨皮，口感酥化， 入口即溶，滿口酥香😋。 ▪️招牌擔擔麵$92 ～ 麵條煙韌彈牙， 湯底濃厚香辣，幾惹味。 ▪️南翔小籠包$85 ～ 小籠包皮薄餡靚， 湯汁爆滿， 入口有鮮嫩的肉香味。 每次到古琴雅苑都是食烤鴨， 金秋蟹逅套餐亦好抵食， 餐廳有訂位優惠和生日優惠提供。🏷️溫馨提示～ 整個用餐體驗均屬個人分享意見， 只作參考😊。 …Read More

早已並非首次到古琴雅苑，可謂是在香港品嘗片皮鴨的不二之選，除了灣仔QRE Plaza之外尖沙咀及銅鑼灣亦有分店。南翔小籠包 ($82)餡料肉汁豐富，外皮不會過分透薄易破但亦不至過於厚實。津白雲吞湯 ($145)雲吞皮薄餡靚蝦肉爽彈，加上豆腐及津白湯頭清甜但性價比較低。蟹粉蓋飯 ($198)飯底加入蛋及青豆炒得粒粒分明，淋上蟹粉澎湃滿瀉，濃郁醇厚不過整體而言鹹度稍高。荷葉杭州雞 ($360)由於製作需時故此道菜式約等了整整一小時，雖然荷葉香氣並不如想像中滲入雞肉，但雞肉皮滑肉嫩之餘細緻多汁實在令人喜出望外，味道香甜近似瑞士汁。意大利黑醋骨 ($98)排骨加上黑醋汁煮得入味，酸甜開胃。烤北京填鴨 ($428)全隻烤鴨連皮帶肉分出兩大盤之餘每盤滿滿當當並非只得表面一層。是次肉質較瘦配上傳統京醬、京葱、青瓜、自家製蜂蜜黃梅醬及哈蜜瓜份外清爽。不得不提精髓所在正是鴨胸皮「一口酥」，蘸上砂糖入口油潤鬆脆。…Read More

📍古琴雅苑𝒁𝒊𝒕𝒉𝒆𝒓 𝑮𝒂𝒓𝒅𝒆𝒏🧭灣仔皇后大道東202號QRE Plaza 19樓人均消費: HKD351QRE有好多餐廳，今次試#古琴雅苑 食北京菜 @zithergarden 師承北京好出名嘅#全聚德 #北京烤鴨！就試吓係龍定鳳！ ⭐️花雕醉雞 Free𝑪𝒉𝒊𝒏𝒆𝒔𝒆 𝒊𝒏 𝑯𝒖𝒂 𝑫𝒊𝒂𝒐 𝑾𝒊𝒏𝒆 𝑺𝒂𝒖𝒄𝒆 係OpenRice 訂枱送價值$88嘅花雕醉雞！份量可以，味道正常，但無乜雞味⭐️烤北京填鴨 $218𝑹𝒐𝒂𝒔𝒕𝒆𝒅 𝑷𝒆𝒌𝒊𝒏𝒈 𝑫𝒖𝒄𝒌比我想像中好味，拍得住大陸烤鴨！個皮幾脆幾香，鴨味都濃，好味過香港普遍水準，唔錯唔錯⭐️南翔小籠包 $82𝑺𝒕𝒆𝒂𝒎𝒆𝒅 𝑷𝒐𝒓𝒌 𝑫𝒖𝒎𝒑𝒍𝒊𝒏𝒈 一籠6隻熱辣辣，入面嗰湯好熱好熱，味道中上啦，但好快凍，要快食👎🏻蟹粉撈麵 $188𝑵𝒐𝒐𝒅𝒍𝒆𝒔 𝒘𝒊𝒕𝒉 𝑪𝒓𝒂𝒃 𝑴𝒆𝒂𝒕 𝒂𝒏𝒅 𝑪𝒓𝒂𝒃 𝑹𝒐𝒆 𝑺𝒂𝒖𝒄𝒆相就好靚，但個麵又凍又一餅咁撈都撈唔均，蟹香味唔算好濃，食左一半已經唔想食⭐️青島啤酒 $18坐得太唔舒服啦，張枱細過茶餐廳一人卡位，啲位好迫好迫，行都無位，二人枱叫三樣野已經無位放😅 食物水準中等高啲啲，唔係話好出眾！餐廳唔夠人，漏單嚴重，連埋單都揾唔到人#MFJ灣仔 #MFJ中菜#mfoodjournal #foodie #hkfoodie #foodblog #hkfoodblog #chinesecuisine #chinesefood #wanchaifood #相機食先 #灣仔美食 #中菜…Read More

因為第一次來，就先不選套餐，試試想試的菜式。服務友善，不收切餅費。意大利黑醋骨- 非常惹味，酸甜味適中，相信是靚醋，有肉質有肉味。至尊拼盤- 5款小食都好味，尤其是醉雞，賣點就是試試5款小食，全是上海菜的代表小食。無錫脆鱔- 炸得完美，如果對鱔糊沒好感的人都可試試這個。烤北京填鴨 (半隻)- 兩百蚊不到，必叫之選。皮脆油香、不太肥，餅皮夠薄夠軟，配菜醬汁豐富。沙鍋雲吞雞- 合格。南翔小籠包- 湯汁肉汁足，皮加薄。…Read More

母親節👵🏻過咗冇耐，話咁快就要踏入六月，係時候準備定父親節🧓🏻食咩啦！同雙親食嘅話食中菜就安全，古琴雅苑主打京菜同滬菜，菜式唔油膩，份量適中，人少少都可以食到多款菜式，而且環境清幽，坐得舒服，幾適🈴️同兩老黎用膳。🌖烤北京填鴨（半隻）$188呢度嘅北京填鴨🦆有純鴨皮同皮肉相連嘅食法，純鴨皮係全隻鴨最厚皮嘅鴨胸位置，半隻北京填鴨只有五件鴨胸皮，店家建議蘸砂糖/蜂蜜黃梅醬食用。鴨皮烤得鬆化無肥膏，配上砂糖口感特別，入口即溶🤩；皮肉相連部份唔會乾柴亦唔會太肥，放於薄薄嘅鴨卷餅上，配上青瓜/京蔥/哈密瓜等配料，加入京醬或蜂蜜黃梅醬，多種配料同醬汁可以配搭出多個組合，令每件鴨卷都可以有微小嘅分別唔會食到悶。以上配料同醬汁均可免費添加，就算放曬所有配料都唔怕去一件鴨卷上都無後顧之憂🤪。🌖至尊拼盤 $198拼盤由五道冷盤前菜組成，分別為花雕醉雞、雞絲粉皮、烤夫、青瓜、肴肉，每道分量少少，食多幾款都唔怕食唔落其他菜式。花雕醉雞表皮偏薄又爽滑，雞肉嫩滑，酒味適中唔會太重；雞絲粉皮醬汁充足，粉皮順滑，雞絲唔乾，如加入清瓜絲加添口感會更好；烤夫入味，味道恰到好處，唔會過鹹；青瓜爽脆，外皮唔會巉口；肴肉晶瑩，果凍嘅質感內又帶有咬口。🌖南翔小籠包 $68皮薄多汁，一上枱就可以放入口，唔會過熱；一籠六件，下面有甘筍墊底，避免小籠包黐住底紙，美中不足係蒸籠太細，容易與相鄰嘅小籠包交疊，夾起時有機會整穿小籠包致湯汁漏出。🌗風味松子魚 $238桂花魚去骨後，以花刀切肉，撲粉後油炸，炸後膨鬆成瓣，狀如松果；味道偏酸，放耐左醬汁會變得杰身稍為黏口，記得要趁熱食。🌗蟹羔蓋飯 $198炒飯粒粒分明，炒得乾身唔油膩，蟹羔芡汁濃稠度適中，唯味道容易被炒飯蓋過，較適合配搭白飯。🌗杞子桂花糕 $48超！級！大！件！一碟共有三件桂花糕，每件較平常size大三份一！質感挺身，甜度較輕，另附桂花糖漿可自行調配甜味👍🏻。🌖羅漢凍 $38羅漢果茶就飲得多，羅漢果凍真係第一次食！果凍晶瑩剔透，放係短腳扁身玻璃杯上更顯高貴：羅漢果味濃郁，甜度恰到好處，質感輕柔，放入嘴後用舌頭輕抿一下即散於口腔內；面頭鋪有火龍果粒同哈蜜瓜粒，為果凍增添色彩及口感。整體味道清爽，適合夏天食用。…Read More

星期六同朋友晚飯，喺灣仔區冇book枱原來都幾難搵位😅誤打誤撞上咗去呢間食片皮鴨嘅北京菜，咁啱又有人cancel咗張大枱😋整定我要試一試佢😜店員非常熱情不停推介我哋叫四人餐，因為免茶芥好抵食😂但因為菜式唔太啱胃口，所以決定都係散叫自己鍾意食嘅😌🦆 烤北京填鴨(全隻) ($368)另外有得揀半隻($185)，不過我哋五個人share一隻啱啱好，總共有兩碟鴨皮同埋兩大籠卷皮🤤鴨皮入口即溶，豐富嘅油脂感覺，外皮非常之脆，包住青瓜、哈蜜瓜、大葱同京醬、黃梅醬捲起嚟食，會比較清新，邪惡感大減🤗 記得趁熱食，好好享受入口即溶嘅感覺🤤🐥 花雕醉雞 ($79)平時食醉雞好怕酒味太濃會苦，佢嘅酒味恰到好處，雞肉嫩滑入味，雪到好冰凍好正😋😋🐣 雞絲粉皮 ($68)芝麻醬濃淡啱啱好，個醬好食😌粉皮厚薄軟熟硬適中😋撈埋其實都唔會差得去邊，不過略嫌份量有啲少🤣如果可以大碟啲就更加好😋🍖 意大利黑醋骨 ($98)又係我最鍾意食嘅黑醋骨，新鮮滾熱辣上枱，味道酸酸甜甜，肉質唔會太硬，好香濃好惹味😋🥟 南翔小籠包 ($62)新鮮出爐熱辣辣，但係外皮略厚，肉汁亦唔算太出色😅🦀 蟹粉撈麵( $168)蟹粉嘅味道比較淡，唔係我expect好香濃嘅蟹粉味，撈麵亦都偏淋同比較濕，而且價錢偏貴唔推介😓🥬 蒜子干貝時蔬 ($82)食完咁多油膩野，要食返個菜清下腸胃😜個湯濃淡適中，顯得菜心份外甜，份外好味😋總括嚟講餐廳都幾闊落坐得幾舒服，片皮鴨係出色嘅，係一間幾啱帶長輩嚟試嘅餐廳🥰…Read More

一家人食飯最開心🥳佢地鍾意食鴨子🦆今次就揀咗灣仔嘅古琴雅苑 先來茶 $13/位 可揀普洱、香片、玫瑰荔枝、桂花烏龍 😋😋😋揀咗玫瑰荔枝，荔枝香味馥郁，好fresh 好清新☕️古琴酒糟烤北京填鴨 $185 半隻烤鴨皮脆肉嫩，油分甘香。除咗京醬、京蔥同青瓜，特別嘅係佢配埋砂糖、蜂蜜黃梅醬同哈密瓜，呢個食法好西式，法國菜嘅油封鴨都係配橙/黃苺醬，哈密瓜令我諗起Parma Ham..感覺好Fusion，好新穎，我鍾意❤️醬料配料完全中和左油膩感覺，做到肥而不膩👍🏻 （4.5/5）風味松子魚 $238 用嘅係鱸魚🐟絕對係功夫菜魚肉尚算嫩滑，不過鱸魚魚肉始終比較實，配埋糖醋醬酸酸甜甜，幾好味😋一定要趁熱食，再食第二舊已經凍咗淋咗（4/5）清炒鱔糊 $168 呢個真係要讚👍🏻鱔條好粗，好肥美，識落真係好爽口彈牙，呢個唔會有太多醬汁張住，但又好入味，真係有驚喜 （4.5/5）蝦苗鹹肉炆蘿蔔 $138好驚喜😋蘿蔔充滿着蝦嘅香味，好入味，鍋子好多蝦乾同有少量鹹肉，只有六件，有點不夠喉 （4.5/5）蟹粉撈麵 $168 兩位用蟹肉好細碎，蟹膏油香就好夠，但膏香就欠奉，我諗緊係唔係因為未到食蟹嘅季節呢🤔加咗少少浙醋就即刻有feel, 頂下癮先 （3.5/5）南翔小籠包 $62/ 6 粒小籠包嘅皮比較厚，但入面好多湯，肉汁鮮味 （3.5/5）甜品：羅漢果凍 $38幾特別，用羅漢果整果凍，甘甘甜甜，唔落糖漿其實係唔甜😂啱晒我 （4/5）記得book位，佢哋都幾旺場下真係值得一試！佢仲有個雙親節套餐添…Read More

首先，未去到食已經一肚氣.話說同朋友諗住去試下呢度嘅片皮鴨，想訂個平日晚飯嘅位，但電話打極都冇人聽.講緊嘅係無論咩時間打去都係冇人聽，剛開門，午飯時間，晚飯時間，總之唔明點解淨係打電話訂個位都咁難。直到最後，諗住再打都冇人聽就唔食嘅情況之下，電話響到天荒地老咁，終於先有位小姐聽電話.晚飯分6點同8點兩場，好啦訂了8點, 心想佢應該係分好左時間同枱.點知準時8點到達竟然門口有好多人等緊位，而餐廳裏面有好多位. 理應所有人都有訂位，如果係因為要等準時8:00先放人入去，我覺得不大可能，因為大家都等左好一陣子，過晒8點都未有人安排入座。門口的職員好似唔知自己做緊乜咁對住個booking list 畫畫畫，一時問人姓咩訂左幾多位幾點，一時又問另一班人人齊未，跟住我就唔明佢安排座位嘅原則，註：我地一早到齊晒，究竟等緊咩呢？.如果接待姐姐就係負責聽電話的員工，咁就立即馬上可以明白點解電話響極冇人聽了（因為佢真係唔知自己做緊乜）.安排差到一個點.店內的裝潢是新式而特別的, 尤其是有填鴨做display 嘅位置..，很是重手的菜單，可見店的標誌正正就是「古」+「琴」了.還有很可愛嘅公筷匙羹筷子座，見到它不可能不點填鴨吧.值得一讚是茶的種類很特別，一聽到是玫瑰加荔枝就想試，而同枱不喜歡花茶的朋友也覺得ok.. 因為有優惠卷這是免費的，驚喜點係份量冇少到.想不到松子魚也不算細，味道也算不錯，只是略嫌炸粉太厚.想不到例牌酸辣湯都可以有7碗 不過就係因為咁飲湯飲到填鴨黎之前已經飽左整體都算足料，味道偏酸沒甚麼辣味.看別的評價說南翔小籠包不錯，可惜一開籠蓋已知不妙，皮過厚，雖則是有湯汁，但皮過厚嘅小籠包不用說也是失敗.跟住就係等主角的到來：.值得一提是餐廳貼心地準備了膠手套和濕紙巾..鴨卷餅跟其他店的片皮鴨夾餅不一樣，比較薄同煙韌、另外就是一從蒸籠中拿出來就馬上變涼.....填鴨一到，一開始就片了鴨胸的皮出來給我們，說是特別脆的部份，只是點砂糖醬汁來吃就好。 這個食法很少見，由於是第一下切下來的，新鮮熱辣味道非常好！..其他填鴨片得很薄，每一塊厚度一樣、皮和肉的比例如是，可見師傅功架加上特別可愛的鴨型碟加了分（沒有影相：一隻填鴨是兩碟）.味道不俗，這個價錢來說性價比是夠高的。要說就是配料嚴重不足，青瓜哈蜜瓜京䓤都是不夠，吃到一半已經沒有配料了..甜品點了拔絲香蕉,見到實物已經打定輸數，怎料味道竟然不錯，拔絲的糖皮順利結成，炸粉不算厚，整體不錯.除了訂位及其他安排，總括來說食物質數都算是水準之作，唯一是以8點場次來說，2個小時晚飯用餐時間略嫌有點趕.…Read More

片皮鴨係我最愛嘅菜式之一，不過如果想食全隻並由師傅新鮮熱辣切出嚟香港選擇確實唔多，而且亦要夾到成班朋友一齊分享亦唔容易。難得一班舊同學飯局聚舊，我約埋大家一試呢間「古琴雅苑」，齊齊「片片去」。因為OT搞到去到大家已經拍版點晒菜，好彩坐低有啖茶飲，極鍾意政瑰茶嘅我估唔到呢度有瑰荔堂煌 ( 玫瑰荔枝茶 )，相當驚喜之餘味道亦不錯。坐低無耐前菜即刻上場，呢道揚州水晶肉係我第一次食，口味偏鹹，適合「重口味」朋友。呢道 花雕醉雞不過不失，雞肉能展現出醇香酒味，雞肉亦算滑。名物上場！人人即刻相機食先！每隻鴨都係用明爐烤製，一出爐就會即刻去到大家枱上然後師傅即席片皮。第一碟係先食燒到透身嘅「一口酥」，點埋砂糖可算係入口即溶。然後師博足足片咗大約10-15分鐘先「片完」整隻鴨，當然大家等唔到，師博完成一碟後已經俾班餓鬼連皮搶食。每塊皮都極薄，而且貼心地配上薄紙等你唔洗用手拎皮。醬汁方面，除咗傳統嘅烤鴨醬、京葱、青瓜，餐廳更有自製黃梅醬，配哈蜜瓜食口感非常香甜。食完主打又嚟一道我的最愛 - 「風味松子魚」，外型不但美觀，甜酸汁做得極度出色，加埋外層炸到恰到好處，內裡能夠保持魚肉鮮嫩，唔洗3分鐘即刻被大家清空！小籠包每籠6個，底層貼心地加上蘿蔔片令夾起時唔會痴到張紙，內裡湯汁豐富，不過不失。紅燒肋排不但賣相好睇，而且非常入味，燭火保溫令冬天食嘅時候更暖入心。另一推介醬炒年糕蟹，蟹肉肉厚有鮮味，配埋惹味醬汁，連年糕都即刻被大家搶食一空。…Read More

⋇灣仔抵玩新鴨場⋇•••••••••••••••••••••••••同事說好了的升職請食飯。我哋book好咗唯一嘅廂房，裝潢毫不花巧，只是以深淺的木色和玻璃、鏡材搭配，簡潔、俐落，眼睛看了舒服。跟店員八一八廂房有冇Min Charge，原來午市時段2500，晚市就3500，同事大呼好抵，店員提醒，諗住用房要盡早預訂，附近寫字樓有咩喜事升遷都鍾意book房，所費無幾，privacyupgrade！  店員提起佢哋啲果汁全部現點鮮榨，好似幾正，而我都大愛西瓜，不過，正所謂不時不食，西瓜都係留畀夏天啦，我嘅選擇係冬瓜薏米水，色水雖然沉實啲，但感覺夠晒正氣，飲落仲非常之咁真材實料，濃稠得很，糖水咁嘅質地，糖冬瓜咁嘅味道，飲完又潤又暖，準備好食豐富嘅晚餐。雖然話裝修係木調為主，實而不華，但有啲細節係睇得出用過心思。你睇呢個擺公筷公羹用嘅托幾咁別緻。枱上除咗濕紙巾都準備好咗即棄手套，拆蟹食片皮鴨，抹完手再帶埋手套，乾手淨腳，堪稱安全第一，萬無一失。有時落手食好嘢，食到手指都啜乾淨埋，又係一種享受嚟嘅，呢個無疑係店方嘅細心位嚟。店家好客，傾得興起，人又未齊，先請我們吃碟小吃，青瓜沒有一點苦澀味之餘，更是爽脆得嗦嗦作響，跟海蜇絲的闢闢啪啪互相呼應，我等幾個追求嚼感之輩，樂此不疲的大咬大嚼。請看前菜加埋填鴨佐料嘅陣容。醉雞肉質是滑的，賣相也得體。咦，望真啲點解有個香港區徽嘅？主角填鴨出場，大家都不其然舉機，selfie的selfie，story的story。師傅都見慣鏡頭，唔會怕醜仔，只係提醒大家唔好掛住影，記得要趁熱畀佢落刀同埋趁熱品嚐，唔好嘥咗隻北京直送嘅靚鴨。・・・・・・・・・・・・・師傅仔劈頭幾刀先起咗個鴨胸皮，稱之為一口酥，係脆卜卜嘅鴨皮，蘸上砂糖放入口，酥脆而入口即溶，無以尚之。 ・・・・・・・・・・・・・店方一早準備咗兩個大碟，切好一碟我哋就聽話趁熱食，食到咁上下，第二碟又已經準備好，啱晒重視高效率嘅香港人。  ・・・・・・・・・・・・・汁醬佐料方面，除咗齊返大路嘅青瓜京蔥同甜醬，竟然仲有哈蜜瓜添，除咗顏色更靚，其實少少甜味唔落甜醬咁食都好清新。  ・・・・・・・・・・・・・味道有啲似杏子果醬嘅自家黃梅醬仲驚喜，記住要落多啲試真啲個味！  ・・・・・・・・・・・・・好有功架之餘，師傅擺碟仲真心靚靚，整齊又誘人，相都忍唔住影多兩張。但最後都冇數到佢片咗幾多塊，不過見佢鋪到兩碟都滿滿的，就算唔夠108片都不遠矣。  鴨鬆生菜包又係正嘢，啲鴨呀、香芹、菇同筍，全部切成大小相若嘅小丁粒，加埋啲松子，和味又有豐富口感。新鮮西生菜都揀過又裁好晒，塊塊冇穿冇爛，食起嚟特別得心應手。 ・・・・・・・・・・・・・醬炒年糕蟹，隻蟹夠新鮮，啲醬帶少少甜，夠濃郁惹味！留意係手套出場嘅時候喇。年糕件件都沾滿晒個濃醬，五分鐘內清碟之作。・・・・・・・・・・・・・紅燒肋排做得精緻又好食，紅麴嘅色調煞是好看，肉已經煮到離骨，鬆化入味，仲有小小嘅燭火保溫，馬上又安歌咗一份，不過諗深一層，最好都係唔好等太耐先食，否則汁又愈煮愈杰，肉都可能會乾，都係趁熱食啦大家！個松子魚一眼就睇得出做得靚，魚肉又嫩，炸漿又薄又脆，個汁份量啱啱好，唔會過甜過酸，而且仲好上鏡添，真係有姿勢又有實際㗎。出嚟食飯冇理由嗌青菜咁齋啩，整個雪裡蕻毛豆百頁，味道比較家常啲，清清哋都可以的。小籠包做到皮完整唔爛，而且湯汁都唔少，不過個人始終鍾情臺式嗰啲質地黏身啲，一放開筷子就穿嗰款小籠包多啲。   甜品有高力豆沙香蕉，香口又味道不俗，但如果可以再脹卜卜啲一定更加上鏡。  ・・・・・・・・・・・・・小總結:北京填鴨作為招牌菜，真係必食，$300幾一隻係抵嘅！記得食埋個生菜包。松子魚同紅燒肋排都係賣相味道俱皆嘅項目，啱食就唔好錯過喇！喺房聽到大堂都好熱鬧下呀，推薦大家可以嘅話就book房食更Happy啦。 •••••••••••••••••••••••••古琴雅苑灣仔皇后大道東202號QREPlaza 19/F…Read More