ZITHER GARDEN (QRE Plaza)

片皮鴨係我最愛嘅菜式之一，不過如果想食全隻並由師傅新鮮熱辣切出嚟香港選擇確實唔多，而且亦要夾到成班朋友一齊分享亦唔容易。難得一班舊同學飯局聚舊，我約埋大家一試呢間「古琴雅苑」，齊齊「片片去」。

因為OT搞到去到大家已經拍版點晒菜，好彩坐低有啖茶飲，極鍾意政瑰茶嘅我估唔到呢度有瑰荔堂煌 ( 玫瑰荔枝茶 )，相當驚喜之餘味道亦不錯。

揚州水晶肉（餚肉）

$78

坐低無耐前菜即刻上場，呢道揚州水晶肉係我第一次食，口味偏鹹，適合「重口味」朋友。

1

花雕醉雞

$78

呢道 花雕醉雞不過不失，雞肉能展現出醇香酒味，雞肉亦算滑。

烤北京填鴨

$328

名物上場！人人即刻相機食先！每隻鴨都係用明爐烤製，一出爐就會即刻去到大家枱上然後師傅即席片皮。第一碟係先食燒到透身嘅「一口酥」，點埋砂糖可算係入口即溶。

然後師博足足片咗大約10-15分鐘先「片完」整隻鴨，當然大家等唔到，師博完成一碟後已經俾班餓鬼連皮搶食。

每塊皮都極薄，而且貼心地配上薄紙等你唔洗用手拎皮。醬汁方面，除咗傳統嘅烤鴨醬、京葱、青瓜，餐廳更有自製黃梅醬，配哈蜜瓜食口感非常香甜。

風味松子魚

$228

食完主打又嚟一道我的最愛 - 「風味松子魚」，外型不但美觀，甜酸汁做得極度出色，加埋外層炸到恰到好處，內裡能夠保持魚肉鮮嫩，唔洗3分鐘即刻被大家清空！

南翔小籠包

$62

小籠包每籠6個，底層貼心地加上蘿蔔片令夾起時唔會痴到張紙，內裡湯汁豐富，不過不失。

紅燒肋排

$138

紅燒肋排不但賣相好睇，而且非常入味，燭火保溫令冬天食嘅時候更暖入心。

醬炒年糕蟹

$24

另一推介醬炒年糕蟹，蟹肉肉厚有鮮味，配埋惹味醬汁，連年糕都即刻被大家搶食一空。