Hanjuku Kobo (Cameron Road)

半熟芝士蛋糕🧀 $75半熟芝士蛋糕真係好好味🥰佢唔係勁軟身嗰啲cream cheese cake 好似食緊一pat忌廉咁🧐都唔係硬身嘅芝士蛋糕 冇嗰種好實在飽肚嘅感覺😋口感介乎兩者之間 似係輕芝士蛋糕💓半熟嘅狀態真係好正😎既鬆軟又好綿密幼滑‼️-呢到話係用咗北海道特濃奶油芝士去整 食落芝士味真係好濃郁😍但係一啲都唔膩✨好輕盈嘅感覺😝細細舊 自己一個都可以食晒五件😚雖然除翻開每一舊嘅價錢都有啲貴🤣 十幾蚊得咁細舊🙈但係真係抵買👍🏻…Read More

早幾天媽媽表示於親戚家吃到一個芝士蛋糕頗為美味，問及她是什麼品牌，她當然沒有留意未能答出；再要她形容一下蛋糕的模樣，大概想得到或許是這家的，便給她圖片讓她確認一下，終於知道確是此家出品無誤。既然媽子喜歡，有一天放工路經此處，便買來一盒給媽媽再次回味，順道讓自己也能品嚐一下。一盒半熟芝士蛋糕($80)有五個，一件10多元，其實價格不算低，故且再看看質素如何。蛋糕拿上手有一定重量，聞下去香氣十足，蛋糕質地豐盈軟熟，芝士味香濃軟滑，底層是綿密鬆軟的海綿蛋糕，不要看它小小一件，吃下去相當有飽肚感，絕對是足料的!不論芝士撻，布蕾，半熟芝士蛋糕，生日蛋糕都吃過，味道確實很不錯，希望如繼續推出新產品質素能繼續保持著。…Read More

之前講到我對佢哋嘅半熟芝士撻十分鐘內最大郵俾我發現到佢哋原來有半熟芝士蛋糕 對於我對蛋糕嘅沉迷同喜愛所以我決定試埋佢哋個半熟芝士蛋糕 芝士蛋糕一個一個細分開方便食之餘更方便你 雪藏 一咬落後質感好軟綿好軟熟 芝士味好濃郁 雖然冇流心芝士嘅狀態但係食完一啲都唔濟 重要好味到食不停口…Read More

店內放置多個蛋糕櫃，陳列出多款不同的店內產品，令人目不暇給，並且燈光明亮，地方尚算寬敞。半熟芝士蛋糕($150)十個裝，今次決定先試試這個蛋糕仔，下次再試試半熟芝士撻。還好這次不用排隊等候太久，賣相方面，芝士蛋糕表面烘焗十分平均，呈現金黃色，打開盒子，飄逸著濃濃的芝士香味，包裝有點像紙包蛋糕。味道方面，蛋糕的質感十分軟熟，蛋糕的中心慢慢流出芝士流心，蛋糕本身已經有濃郁的芝士味，再吃在芝士流心的時候，芝士味倍感濃郁，在口腔中揮之不去。這次終於品嚐到什麼叫半熟，下次還會光顧。店鋪評分:7/10甜品評分:7/10…Read More

是日年廿七，大少遲收工，所以約大少中間點-尖沙咀等，搵食時行經半熟工房，見無人龍，即問大少想唔想試，因為每次都排長龍，因為無人龍，大少當然非常想試~其實我一向都唔係太愛食芝士類食物，只係大少咩都想試，就陪佢食吓~當大少排隊買撻，我當然行行企企，最後俾我見到有芝士蛋糕買，年廿八婆婆屋企團年，反正次次大少上去都係買生果，我就提議佢不如今次買蛋糕上去做甜品，佢都話好，不過我開頭係想買10個裝原味，點知……賣晒，最後就買左5個綠茶、5個原味，屋企人話味道都幾香濃，但係唔係最好食，而且綠茶味完全食唔到有芝士味~綠茶半熟芝士撻 - 呢個綠茶味濃過芝士味好多，我比較鍾意呢個，不過……比較苦，無原味咁流心原味半熟芝士撻 - 呢殼比較流心，當然，我係最唔鍾意呢啲質感，大少話唔係太特別，唔知咩原因可以賣到$22一個，佢唔覺得特別好食，佢啲朋友個個食過都話好食到震我就覺得個撻底唔錯，幾香，另外芝士我都有食到少少，鹹鹹地，其實唔係太濃烈芝士味，其實唔錯，不過，如果唔係咁流心……我會覺得好味啲~…Read More

折禮日果然收到禮物，同班知心好食友是日聚一聚食餐晝賀聖誕，好友C竟然送上半熟工房嘅半熟芝士蛋糕作為聖誕禮物，實在太客氣喇 ！當然，小弟都早有準備，否則失禮死呀！半熟工房嘅半熟撻賣到開行，反而依一款半熟芝士蛋糕較被人忽略。盒內有張小卡，喺咁樣介紹個蛋糕：「北海道特濃奶油芝士，配上日本幼滑麵粉和法國鮮香牛油，再以特製的烤焗方法 」製作，又睇睇喺咪咁犀利。每盒半熟芝士蛋糕有5件，賣$85，橢圓形嘅蛋糕小巧的骰，件件更以牛油紙獨立包裝，方便取出食用，既美觀，又實用 。味道方面，當打開盒蓋，已散出淡淡芝士香味，個個烘得金黃，猶如小金磚，面面帶點焦香感，未食都已有所期待 。雖然細細個，但拎上手都唔會太輕飄飄，入口口感非常輕柔軟熟，軟綿綿嘅感覺，有少少似食綿花糖咁，然而，芝士嘅味道頗香濃，用料十足，論質素絕對做得上乘有水準 ，真喺好多謝食友嘅禮物。無論賣相、口感、味道，都令我回想起曾晌香港紅極一時嘅田中家日本芝士蛋糕，亦喺嗰時令小弟認識到依一款軟綿綿嚟自日本嘅烘焙芝士蛋糕，只喺半熟工房嘅變成迷你版。但講到尾，要話佢喺「半熟」，小弟覺得根本唔喺嗰回事 ，不過，你話「半熟」喺指店名，即喺好似「乜乜」招牌芝士蛋糕，咁就當別論啦，哈哈 ！…Read More

今晚我們喺尖沙咀食完飯之後，經過見到「半熟工房」有超多人排隊買人氣半熟芝士撻食，所以我們都排隊買嚟食，點知排到我們半熟芝士撻就全部賣晒，所以我們轉咗買半熟芝士蛋糕同綠茶半熟芝士蛋糕！雖然買唔到半熟芝士撻，但半熟芝士蛋糕絕對無令我們失望！半熟芝士蛋糕嘅質感非常軟綿綿同幼滑，味道相當香甜濃郁！係本人嘅必食推介！綠茶半熟芝士蛋糕，雖然綠茶嘅味道好香濃，但本人都係比較喜歡原味半熟芝士蛋糕！…Read More

        曾經有朋友在FB留言:“和芝士撻最近的距離是一條長長的人龍……”雖然半熟工房的人龍不比銅鑼灣BAKE的，但每次經過也都人潮如鯽，一直提不起勁為一個小小的撻去擠﹑去排。最近托朋友們的福，終於一嚐三大潮食!半熟芝士撻($22)      先來原味半熟芝士撻，撻面呈誘惑的金黃色，捧在掌心可以感覺微熱的溫度，傳來陣陣極濃的牛油味。細嚐，發現這牛油味來源自撻皮，雖然不像港式蛋撻的千層酥皮，卻是極酥鬆，脆脆的，必須小心輕放，一不小心小小的芝士撻就有分體之虞。芝士未致於流心，但鹹香的芝士混和香滑忌廉，口感滑溜，香濃之中可以嚐到檸檬的微酸，令味道更添層次之餘，正好解解膩。綠茶半熟芝士撻($22/件)       綠茶味是11月15號銅鑼灣分店開幕後才公開發售的，還沒開盒，抹茶味已是陣陣撲鼻而來。店家選用了京都的宇治抹茶，較之綠茶的青綠，宇治抹茶一向是偏黃偏暗的，也許是由此之故，芝士撻面顏色較濃。撻邊部分呈微焦狀態，看來火候控制還有改善空間。味道方向，抹茶味甘，個人覺得反不若酸酸的檸檬能提昇芝士的味道，不知道是不是時間放久了一點，撻餡也不若原味的軟滑，不過總的來說也是很好吃的。半熟芝士蛋糕($75/盒)      半熟芝士蛋糕一盒5件，每件大概就是半掌大小，小巧玲瓏，多吃也不礙事。以前曾吃過諾亞的半熟蛋糕，感覺有啲太甜，這家的甜度適中。不同於諾亞爆漿流心的效果，這家的半熟蛋糕是可以輕鬆整個提起放在手心的。味道類似芝士撻的餡，同樣是鹹香的芝士混和忌廉，配合淡淡的檸檬酸，質感鬆軟輕盈，個人大愛。      雖然半熟工房以芝士撻聞名，不過個人還是比較喜歡輕淡的芝士蛋糕。嘴裡吃著潮食，心裡很是感恩，謝謝各路好友，百忙抽空排隊還不忘小妹，謝謝大家千里送名物!…Read More

今天下午放假3點幾出開尖沙咀, 經過半熟工房未見有人潮, 一個箭步走入去買來食過先叫潮人, 只需用5分鐘便等到剛出爐既芝士撻.  買了半打最潮既芝士撻及半熟芝士蛋糕回家和家人分享.  我急不及待趁新鮮先食一個, 曲奇餅皮較薄脆而不鬆，可能size較大餅皮薄一拎起很易裂開，餡面不夠漲滿，餡料有半流帶有淡淡芝士味。頗像食芝士蛋糕. 再試一個雪凍後食，但餅皮已變軟，芝士餡質地似芝士凍餅。整體味道是好的，熱食較好。包裝袋+餅盒很日式，兩層間格以防撞爛.反而我較喜歡半熟芝士蛋糕$75(5件)，size細細，每個獨立包裝好像日式伴手禮。雪凍後取出即食，像梳乎里軟綿綿入口即融，有點像以往很流行"E虅家"既日式水焗芝士蛋糕，這個質地更溶化，帶著淡淡芝士味不會太濃太膩。獨自也能輕易吃光一件。 包裝很緻細, 寫明用靚料, 北海道特濃奶油芝士, 日本麵粉及法國牛油.…Read More

小妹是個懶懶的為食貓，愛食但不愛排隊，所以每次人氣熱店開幕，小妹一定不是即時去試的～ 這陣子芝士撻大熱，半熟工房雖然在很方便的尖沙咀開了店子，但每次看見它的人龍真的把小妹嚇怕呀！才剛說完不喜歡排隊，轉頭小妹又走了去排隊啦～ 事源今日小妹到尖沙咀做treatment，做完正想回家的時候，看見半熟工房的門口只有三、四人在排隊，跟之前由街頭排至街尾的狀況折然不同，在這情況下，不排隊就笨笨啦！店子每十二分鐘就有新鮮的芝士撻出爐~ 而每人限定只能買六件~ 在門外排隊的時候，也順道偷望一下店子~ 店子頗為寬敞，以白色木色為主調，感覺很和諧~ 店子的盡頭就是賣芝士撻的櫃子，另一旁就售賣半熟芝士蛋糕及其他蛋糕，如果不是買芝士撻的話，就千萬不要笨笨的排隊呀~~ 只買半熟芝士蛋糕及其他蛋糕的話，是可以直接入店內的~排隊的時候，有店員在維持秩序，也有店員問客人要買多少件芝士撻，然後寫張飛仔俾客人，拎住飛仔才可以買芝士撻呀～店員：「小姐要幾多件呀？」小妹：「六件唔該」店員：「Er... 得返最後兩件...」小妹：「....... 兩件啦咁....」難怪只剩下那麼少客人排隊啦.... 懷著失望的心情繼續排隊... 誰知，到小妹的時候竟然還有十多件芝士撻，立刻問問店員可否多買幾件，還好店員讓小妹買～ 最後成功買到六件芝士撻！當然也要順手買一份半熟芝士蛋糕回家啦～半熟工房的盒子跟袋子和風味濃，奶黃色的，跟芝士撻的形象很配合～ 芝士撻一盒可放六件，每件都有一個格格，保護得好好的，所以不用擔心回家途中會弄碎～回到家，芝士撻($22@) 依然是暖暖的，立刻試食～ 金黃色的外表十分吸引，撻皮鬆化香脆，主角芝士餡是半凝固的狀態，味道帶點酸酸的乳酪味，綿密幼滑，味道不錯呀！隔天把芝士撻翻熱一下，撻皮的牛油香更為突出，倍添滋味呀~另外也買了一盒芝士蛋糕～ 一盒五件的半熟芝士蛋糕($15@)，件件都很豐滿的感覺~質感非常軟熟輕盈，芝味濃而不膩，底層的蛋糕亦是非常鬆軟，跟芝士層十分合襯~ 相較來說，小妹喜歡芝士蛋糕多於芝士撻呀!! 感覺上，芝士蛋糕輕柔的質感，真的是令人多吃也不會內疚呀~如果說BAKE 是過江龍的話，半熟工房就是本地薑，二者都是賣芝士撻，但店子的風格及食物都各有各特色~過江龍愛把芝士撻哂冷，全都放出來，吸引大家的視線；本地薑則走低調的作風，把芝士撻放在店子最入面，給人一個寶物尋歸底的感覺~過江龍人手多，但慢工出細貨，包裝一盒芝士撻要花兩、三分鐘；本地薑人手雖少，但分工仔細，店員手腳明快，不消一會就包好一盒芝士撻~過江龍獨沽一味只賣芝士撻；本地薑則有多款選擇~過江龍的芝士撻，芝味較為濃郁，撻身較小；本地薑的芝士撻，芝味較為輕柔，味道近似乳酪味多一點，撻身較大一點點~真的要比較的話，小妹會比較喜歡過江龍的芝士撻、本地薑的芝士蛋糕呀~l…Read More

呢個半熟芝士撻人氣咁旺係人都想試啦！但講真要排上兩個鐘去買，我又真係唔會囉！今日大約六時經過見仲有人龍，我問問店員大約何時會賣完呢？店員答我大約七時，於是我打算七時再到碰碰運氣，應該開店咁耐，都無咁多人買啦（我心想）。。。結果我七時再到，真係只有十數人排隊，於是我立刻排隊啦！正當我諗緊買幾多的時候，店員叫得返最後一盤供售賣！呀。。。好緊張呀！唔知我買唔買到呢？最後到我的時候只剩一件，唉，好過無啦，買咗之後就地正法！一啖咬落去味道無的想像中濃，芝士係半固體狀態，都可以叫好食啦！但同我想像的差不多，不算驚喜！之後唯有再買佢另一人氣食品，半熟芝士蛋糕，一盒5件 ＄75回家慢慢食。個芝士蛋糕的味道並不陌生，就好似一般日本芝士蛋糕，但佢特別在分了上下兩層，上層係cream狀的，下層係海棉蛋糕，變得有層次，好食。總括黎講，個撻同蛋糕都算好食，有機會會再買，但如果要排長龍買的話，我覺得唔藉得，老實講價錢唔平，已反影咗佢的價值。…Read More

蛋糕係用上日本北海道忌廉芝士，日本麵粉同法國既牛油用料正，但味道又如何呢芝士蛋糕口感幼滑，內裏有如cream般幼滑，忌廉芝士係口內慢慢溶化既滋味真係好正😍依種感覺真係得半熟先有😍超香濃既芝士味，但同時甜而不膩，完全停吾到口平均一件$15，超抵蛋糕今次加上綠茶味，令整個蛋糕生色不少。蛋糕質感仍然十分幼滑，綠茶味香濃。雖好多人話芝士味蓋過綠茶味，但今次依盒又吾會。一輪芝士口感後，甘香綠茶味繼續留係口中散發。綠茶味比原味多了一層口感誘惑。唯一不足係底層海綿蛋糕同上層蛋糕稍有分離，但整體上味道真的不錯芝士撻皮非常香脆，牛油味重，內餡咬開後就見到軟軟既芝士餡，芝士味未算十分香濃，奶香味較突出，食落咸香味為主😋芝士撻食落creamy，但就係較肥膩要食正野就係要付出啊…Read More

半熟芝士撻($22)新鮮熱辣脹卜卜，仲要好香，食落芝士味比想像中好，不過要趁熱食，凍左又另一回事。窮遊指數：6.5/10好味指數：8/10半熟芝士蛋糕($75/5件)，設計呢個Size心機相當重呀，令人唔覺唔覺食一舊，唔覺唔覺食第二舊，有咩咁吸引？佢用日本麵粉、北海道芝士同法國牛油整成，十分軟滑，咬落去仲保持半熟既濕潤度，芝士味更加係齒頰留香，一試難忘呀。窮遊指數：7.5/10好味指數：8.5/10…Read More