Kindness Vegetarian

雖然唔係素食人士，但覺得呢間素食餐廳好有創意完全打破我對素食觀念🌱可以稱得上係素食界Fine Dining菜式有點心類、意粉、韓式炸醬麵、日式刺身、泰式串燒等▶️ 素食三文魚拼盤 ($68)賣相太精緻啦吧😍連三文魚刺身條紋都模仿埋食落口感都差唔多，應該係蒟蒻整咬落似啫喱但又冇蒟蒻咁彈牙🍣另一個食落有豆乾味，口感有趣加埋豉油同Wasabi更似▶️ 燒賣 ($42)以為燒賣得豬肉／魚肉餡？原來可以用素菜整成感覺似蘿蔔蓉但夠紮實，加入咗少少香菇同紅蘿蔔粒味道口感上90%還原😋旁邊仲有辣油點▶️ 北京片皮鴨 ($128)呢個都唔輸蝕，超有儀式感外皮煙韌🫓素鴨香脆，入面軟淋包埋紅黃青椒🫑落埋甜醬好夾味即使冇鴨味依然好食▶️ 越南法包三明治 ($88)素banh mi🥖餡料有素火腿、素肉碎、醃蘿蔔、芫荽🌿層次豐富唯一法包唔夠脆，但好飽肚▶️ 胚芽奶茶 ($38)奶茶奶味比較重相對甜，似足台式飲品尤其鍾意胚芽配搭🫶🏻▶️ 栗子烤奶 ($38)👧🏻’s▶️ 紐約芝士蛋糕x2 ($58x2)每人一件甜品🍰店舖自家製好耐冇食過一個好食嘅new york cheesecake!!曲奇底脆口帶少少鹽鹹味👍🏻芝士蛋糕creamy厚實，富芝士香甜而不滯💕旁邊仲有藍莓醬可以點🫐自己控制甜度-絕對係令人對素食改觀嘅一餐😍個人推介「素燒賣」同「紐約芝士蛋糕」！北京片皮鴨亦值得試好欣賞呢度肯創新，嘗試令素食多樣化環境舒服，用湖水綠同粉紅色服務態度好，店員好有心🥰性價比合理，話晒佢都賣手工，素食fine dining咁素食朋友一定要試 (唔素食都可以去，會有驚喜)…Read More

一餐食到多國菜式🍽️唔係Buffet呀係素素素💚中 西 日 台既菜式都有🤩創意健康素食💫Let's Go Green🌱~•~•~•~•~•~•~•~•~•~•~•~•~•~•~•~•~•~•~• ▪北京片皮鴨 ($128)脆脆面內少煙韌既片皮鴨🦆青瓜 • 甜椒 • 甜麵醬，同平時一樣用餅皮包住食🌯.▪珍貴苜蓿芽手卷($38)因為紫菜放耐左會淋，店家係即叫即包，好有心💕配素三文魚 • 牛油果🥑 • 沙律醬，好清新.▪素食三文魚拼盤 ($68)素三文魚彈彈口感🐟帶少少甜，鮑片就比較有咬口🤓點埋Wasabi • 豉油食，都幾得意嫁😝.▪台式滷肉飯 ($98)肉臊個汁甜甜地🤎岩撈飯呀仲有件厚厚既"肉"，舊肉有分層做得好真😳.▪香菇竹笙菜膽翅湯 ($68)湯料唔係做樣得一舊，好足料🍲有竹笙 • 素翅 • 香菇 • 菜膽 • 圓肉...飲落清甜又潤潤😚.▪燒賣 ($42)唔會實的的 • 咬落有汁，點埋辣油🌶️我覺得好食過"肉版"，正正💛.▪香芋鮮奶 ($38)有台式野食， 點少得台式野飲。芋蓉係即打嫁！唔會好甜💜🤍.▪手沖咖啡 ($60)有幾款可揀☕️我揀左PANAMA巴拿馬🇵🇦日曬 (風味 : 酒香發酵/可可/ 桃子/ 柑橘)另外2款 - ETHIOPIA 埃塞俄比亞🇪🇹日曬 (風味 : 菠蘿蜜 / 榴槤 / 葡萄乾 / 紅茶) - HONDURAS 宏都拉斯🇭🇳厭氧日曬 (風味 : 香草 / 百香果 / 菠蘿蜜 / 乳酸). ~•~•~•~•~•~•~•~•~•~•~•~•~•~•~•~•~•~•~• …Read More

🥰尖沙咀一間超有心嘅素食餐廳《慈素小聚》，環境溫馨舒服，滿滿花花元素點綴，浪漫又充滿生氣，仲有啲靚靚打卡位，影相一流！📸 餐廳主打新派素食，創意多國菜式，味道同賣相都好有驚喜，連唔係素食者都一定會愛上！😍 同朋友聚會或者想同另一半食得健康又Chill，呢度真是一個好選擇！♡素食三文魚拼盤❥真係以假亂真！三文魚刺身口感同味道同真嘅好似，上檯仲有乾冰煙霧效果，超有打卡Feel！📷 入口鮮甜，食落完全唔覺得係素食，絕對係必試之選！♡珍貴苜蓿芽手卷❥呢個手卷好清新！用營養豐富又低熱量嘅苜蓿芽，配上牛油果、素三文魚同沙律醬，口感層次分明，清爽又開胃，健康又好味！🌿♡京都片皮鴨❥冇諗過食素食都可以食到片皮鴨！好驚喜🥰熱辣辣嘅素鴨皮香脆可口，夾埋青椒、紅椒、黃椒同甜醬，味道豐富又唔會膩，食到停唔下來！😋♡黑松露蘿蔔糕❥外脆內軟嘅炸蘿蔔糕，熱辣辣上檯，配上濃郁嘅黑松露、甜醬同辣醬，香氣爆棚！每一啖都係味覺享受！🤤♡印度咖喱佐手抓餅❥咖喱香濃順滑，配上手抓餅嘅香脆惹味口感，味道好有層次！微辣嘅咖喱帶點異國風情，令人回味無窮！♡素食串燒拼盤配秘製沙嗲醬❥呢個串燒真係呃到人以為食緊真肉！有素肉丸、魚蛋同似羊肉嘅素肉，炭燒香氣十足，配上秘製沙嗲醬，惹味到停唔倒口！🔥♡酸辣湯❥酸酸辣辣好開胃，湯底濃郁，飲落暖胃又舒服，如果冬天嚟食更加適合戀胃！♡山楂Cocktail❥店員即場用器皿擠出Cocktail，上檯時用氣酒杯呈現，氣氛感滿分！山楂味清新微酸，飲落好醒神！🍹♡青梅子氣泡特飲❥青梅子嘅酸甜配上氣泡，口感清爽，係一試難忘嘅飲品！…Read More

尖沙咀的慈素小聚以創意素菜掛帥，這次享用的四道菜與一道飲品及甜品，原沒期望素食也能如此出色，實在驚喜！📌意大利香草忌廉天使麵天使麵彈牙細滑，忌廉醬菇味濃郁帶香草清香，口感絲滑。素豬扒亦十分入味，質感和味道，幾可亂真！📌北京片皮鴨素鴨皮酥脆可口，搭配青瓜與紅黃椒，再蘸上片皮鴨醬，色香味仿真度都極高，滋味層次豐富。📌台式叉燒刈包刈包鬆軟微溫，素叉燒甜鹹適中，夾入酥脆素炸魚柳，咬一口就要豎起大拇指畀 like 👍。📌香芒天婦羅炸豆腐豆腐嫩滑，外層天婦羅酥脆，芒果攪拌成香濃果醬，甜味與鹹味完美交織不違和。📌山楂蜂蜜梳打山楂酸甜開胃，蜂蜜滋潤清甜，氣泡清涼，解膩一流。📌花生鹹蛋湯丸湯丸軟糯，沙糖花生碎與鹹蛋出乎意料之外的夾，甜中帶鹹的甜品，創新又好味。慈素小聚將素食昇華為藝術，每道菜都令人回味！…Read More

小店舖位唔算太大 晚市6點幾已經full咗記得要book位!!食完就明點解咁多人嚟 因為佢的確有質素不論系食物定系服務👍🏿👍🏿素食三文魚拼盤 $68拼盤下面有乾冰 嚟到嘅時候店員幫我哋加水令到佢出煙 好有仙氣嘅🤣賣相已經好似真系三文魚😳不過佢系特厚😂食落有少少似䈮篛質感口感勁正 有咬口半䈮篛半啫喱狀態 點埋wasabi豉油真系好似食緊三文魚除咗冇魚油香之香 其他嘢都做得好足😝另外用咗菇片去代替仿鮑片食落幾爽彈 同樣比到滿足嘅口感🥰味道: 8.5/10性價比: 8/10👍🏿北京片皮鴨 $128媽媽👩🏻食咗啖已經即刻話好好食叫史努比都快啲試下餅皮同真正片皮鴨嘅荷葉餅非常相似嚟到熱辣辣 而且用個蒸籠裝住 所以keep warm能力好好😚餅皮軟熟 帶少少濕潤唔會乾鯁鯁素片皮鴨食落好似鴨肉咁 有啲咬口黃金嘅顏色似乎上面舖咗腐皮炸香所以先做到香口嘅效果~配搭青瓜條 黃椒 紅椒同片皮鴨嘅靈魂醬汁雖然實會同一般片皮鴨甜醬有啲出入但味道非常相似 甜甜地咁吊到片皮鴨嗰種香味估佢唔到又幾好食🤭味道: 8.5/10 (媽媽👩🏻比值9分🤣)性價比: 7/10👍🏿台式叉燒刈包 $68麵包鬆熟濕潤素叉燒好有口感 有啲彈牙🤣雖然明知佢系面筋 但食落又真系有幾分相似~可能因為加咗叉燒醬醬汁比較杰身 味道非常濃郁鹹甜皆重 史努比略嫌佢重口味咗啲不過正因為咁先做到似叉燒嘅效果🤣另外仲有塊素扒 炸到金黃色即使夾喺中間都依然keep到好香脆😳口感好特別 好似爽嘅芋頭咁 同時又帶少少雞塊嘅質感幾樣嘢加埋 連埋包 雖然味道系重啲但食起上嚟其實又唔會話好甜好油 唔膩而且幾好食🤣味道: 8.5/10性價比: 8/10👍🏿椒鹽白靈芝菇 $88雖然加咗辣椒 但味道唔算好辣 反而椒鹽味重 白靈芝菇炸到好香口除咗惹味嘅椒鹽 仲食到菇菌嘅香氣不過有啲太幼嘅就冇咁好食同埋椒鹽菜式通常都比較重口味 所以食完都會有啲口乾~但味道確實唔錯 share食都系個幾好嘅option😚味道: 8/10性價比: 7/10👍🏿琵琶豆腐(5件) $88傻更更嘅史努比起初以為琵琶豆腐系琵琶形狀嘅豆腐經過一輪嘅research之後先知道原來琵琶豆腐主要食材系布包豆腐同鯪魚肉加入冬菇同蛋之後整成一個 “豆腐漿” 再攞去油炸雖然就唔系好啱史努比口味但公平啲講 佢又炸得幾香脆 而且炸漿好薄食落又唔油膩~餡料軟綿綿嘅口感 帶啲芹菜嘅香味其實唔差 只系相比起其他出色嘅菜式佢就冇話好令人surprised味道: 7/10性價比: 7/10🔸西瓜氣泡特飲 $38同媽媽👩🏻食飯 每次都不忘嗌都嘢飲比佢佢話好飲又解渴😚*另設加一服務費*呢間確實有質素 我哋走嘅時候已經滿座即使唔系食素嘅 佢都絕對唔會令你失望!仲為你嘅味蕾帶嚟新奇嘅刺激感🤭另外不得不讚嘅系服務店家好nice 每個客入到去佢都好好笑容咁打招呼聽到店員佢哋自己傾偈嘅時候都好似好開心咁就好似同frd一齊做嘢咁🤣雖然地方唔算大 但坐入去有一個好warm嘅感覺成個vibe好舒服🥰所以overall我哋嘅用餐體驗都好好~整體評分：味道: 8.1/10環境: 8.9/10服務: 8.5/10衛生: 8.5/10抵食: 7.4/10…Read More

回頭指數：⭐️⭐️⭐️⭐️食物質素：🌮🌮🌮🌮服務質素：☺️☺️☺️☺️消費指數：💰💰（TTL $498，人均消費＄249）環境質素：☘️☘️☘️食素會健康啲，我相信大家都聽得多，但如果唔習慣食素菜嘅人會覺得味道較淡，未必吸引。但發現呢間餐廳既fusion又有特色既素菜，味道唔錯，而且人流幾多。。 素食三文魚拼盤 ($68)外觀同真正三文魚冇乜分別😍混合左蒟蒻製作，口感會比平時真正三文魚更加實，柔軟唔易散，味道會較淡，但仍然都帶左少少油脂感。。 北京片皮鴨 ($128)片皮鴨賣相一樣係金黃色脆皮，口感好感少少似實少少既海綿蛋糕，味道甜甜地，夾埋旁邊既配菜&醬，感覺同真正既片皮鴨味道冇乜分別。 台式叉燒刈包 ($68)叉燒包包皮好似中東菜既包一樣，帶有淡淡既麵包香味，而餡料鹹甜適中，仲有少少煙熏香味，係我最鍾意既一個菜式。 日式芥辣蝴蝶蝦（蜂蜜） ($78) 炸皮好薄，而蝴蝶蝦既餡料口感好似絞碎既紅腸+有咬口既肉粒，但外型仍然保持住蝴蝶蝦既造型，外脆內軟。 越南法包三明治 ($88)法包外殼好脆口，而內裹好足料( 有牛油、酸蘿蔔、仿扎肉 )，啖啖肉，好飽肚。 香菇竹笙菜胆翅湯 ($68) 清甜既湯帶有少少薑味同類餐廳#cocofood_素菜同區餐廳 #cocofood_尖沙咀如果你鍾意我既分享，按右上角🔔，就可以睇到我所有既 update…Read More

位於港鐵尖沙咀/尖東站 N1 出口，步行僅1分鐘即可抵達的純素餐廳 - 慈素小聚。這家餐廳坐落在尖沙咀的優越地段，為區內知名的多元化純素食府。餐廳採用大片落地窗設計，店內部自然明亮，營造出優雅舒適的用餐環境。菜單上琳琅滿目，每道菜式都富有創意。海鹽焦糖拿鐵細膩綿密，濃香順滑。百香芒果烏龍入口清新酸甜，隨後烏龍茶既香氣同回甜感逐漸展現。日式芥辣蝴蝶蝦（蜂蜜）外皮香脆，素蝦肉Q彈可口，口感絲毫不輸真蝦，芥辣蜂蜜醬好好味。鮮竹蒸牛肉的口感扎實，肉質綿軟入味。北京片皮鴨的香酥可口，包裹色彩鮮艷既３色椒，配菜新鮮爽口，仿鴨肉賣相逼真。酸辣湯酸甜剛好，開胃開味；香煎腐皮卷外脆內軟，入口酥脆鮮嫩；日式長春卷餡料豐富，酥脆可口。椰汁芒果布丁鮮香滑嫩；花生咸蛋湯丸Q彈有勁。服務人員非常細心周到，整體用餐體驗非常美好。…Read More

前排新年大魚大肉，今次想同朋友食清少少，一於就試下素菜近年越嚟越多新式素菜興起，呢間就喺尖沙咀K11 Art Mall附近，位置近地鐵站，對於我呢大路痴嚟講都容易搵到餐廳入面偏細，但裝修都幾舒服。星期六嚟講都唔算好多人，我哋一早預先喺OpenRice book定位，一入去就有位我同朋友都有參考下OpenRice睇下大家食啲咩，大家不約而同都想試「三文魚刺身」同「片皮鴨」，睇落好似好得意我哋今次Total叫咗8樣嘢～素食三文魚拼盤 $68店員一上菜問我哋使唔使拍片，原來係會有煙霧彌漫嘅效果(應該係乾冰?)，好彩有拍片哈哈一份有3塊素三文魚，再另外配豉油，側邊有少少配菜伴碟。素三文魚外觀好厚身，食落口似蒟蒻咁爽彈，口感有別於真三文魚。但味道又幾似真三文魚，尤其點咗豉油更似(當然唔會有嗰種油香味)。呢個菜式都幾特別，亦都好打卡able，值得一試日式半煎炸餃子 $48每粒餃子都好飽滿！外皮脆口，入面包住菇同菜，口感都偏爽脆。即使係半煎炸，都唔會十分油膩。餃子算係common嘅菜式，嗌一碟都無妨。香芒天婦羅炸豆腐 $88呢到啲豆腐都係偏軟身，食落口都好嫩滑~外層包住脆皮，加上香芒醬，口感同味道都好豐富。外脆內嫩，有少少芒果嘅酸甜，balance咗脆皮嘅油膩。同埋嗰層炸皮同豆腐唔會散開或者分離，值得推薦北京片皮鴨 $118嚟到我哋好期待嘅片皮鴨喇!!!外表同真嘅片皮鴨都有7成似，配上餅皮、醬汁同配料(燈籠椒絲)。「片皮鴨」口感似麵素/麵筋之類，味道偏淡，要靠醬汁調味~打卡一流，味道不過不失忌廉蘑菇濃湯佐菠菜苗 $98呢個菜式雖然平平無奇咁，但我十分欣賞！啲菠菜苗吸晒忌廉蘑菇濃湯嘅味，食落好creamy，加上菠菜苗又唔會有澀味，成碟餸配搭得好好。黑松露蘿蔔糕 $48蘿蔔糕會配上甜醬、辣椒醬同黑松露。蘿蔔糕外皮似炸多過煎，食落唔會好粉，同埋唔會散開晒~不過味道唔算好香，配搭3款醬食會比較好。秘製茄汁配搭三重奏芝士天使麵 $118食落去就係濃濃嘅芝士味，果然係三重奏芝士。茄汁配芝士本身都係好classic嘅配搭，味道絕對無得輸。天使麵口感適中，唔會太淋或者太硬。芝士控絕對要試~意大利香草風味酥皮pizza $138酥皮都幾鬆脆，面頭又係滿滿嘅芝士，口感都幾豐富。作為呢間餐廳唯一一款pizza，都值得一試！呢間餐廳雖然只得素食，但餐種都幾豐富，日式、中式、西式都有~仲有好多款飲品食物味道十分好，環境都幾舒服幾chill，十分推薦嘅新派素菜…Read More

餐廳：慈素小聚地點：尖沙咀麼地道菜式：素食餐牌：點心，小食，主食，湯，沙律，意粉，麵飯，麵包，限時優惠套餐，飲品，甜品。選擇多元化，寫明有蛋奶等，方便敏感素食人仕。北京片皮鴨 $128估唔到素食都食到北京片皮鴨。片皮鴨一客五片，賣相絕對似片皮鴨。食落似健康素食卷，唔係脆皮油膩鴨皮口感。伴有紅黃燈籠椒絲同青瓜絲，顏色奪目，可以沾另上甜醬食用。當然有薄薄蒸包皮包住食，一共五塊。食落爽脆唔油膩。牛油果雜菜沙律 $98牛油果雜菜沙律超大兜，係雜菜沙律底加上新鮮牛油果同車厘茄，用黑醋同油調味。味道調得好啱，甜甜哋好開胃。香菇竹笙菜胆翅湯 $68香菇竹笙菜胆翅湯用燉盅上枱，湯入面有一條菜胆，一隻香菇，一件竹笙，素翅同龍眼肉，足料又健康。個湯又清又夠味，飲到淡淡胡椒味，養生之選。忌廉蘑菇濃湯佐菠菜苗 $98嫩滑菠菜苗加喺忌廉蘑菇濃湯度原來係咁正，滑上加滑。個忌廉蘑菇湯份量唔少，好暖胃，伴有燈籠椒，添少少新鮮感。香芋鮮奶 $38香芋鮮奶用玻璃杯上，大大杯，色水呈淺紫色帶白。飲落係香滑鮮奶中帶少少芋泥，香甜滑溜，飲完好似食咗甜品。花生鹹蛋湯丸 $28花生鹹蛋湯丸一客5粒，滑溜湯丸外皮入面花生鹹蛋餡少鹹有少少咬口，都唔錯。糖水底係薑汁，配湯丸好夾。餐廳用綠色配白色裝修，感覺好green。入面大概有七八張枱左右。服務員態度友善。估唔到素食都做到咁好味，特別鍾意忌廉蘑菇濃湯佐菠菜苗同牛油果雜菜沙律，價錢唔貴，今餐食得開心。…Read More

好多唔同派別既菜式都有日式、粵式、上海菜、印度、串燒、意大利菜等等… 一間餐廳就滿足曬你幾個欲望🥰鮮竹蒸牛肉球 $48推介👍🏻👍🏻👍🏻👍🏻由2種素肉做成，加上馬蹄、果皮、莞茜，淋上喼汁好好食 像真隻極高 幾乎令我以為食緊真既牛肉球珍貴苜蓿芽手卷 $38推介👍🏻👍🏻👍🏻👍🏻今次應該係我第一次食苜蓿芽佢同一般既大豆芽唔同，少左陣青草味用蒟蒻做成既三文魚非常迫真 配牛油果、苜蓿芽，refreshing 北京片皮鴨 $128推介 打卡一流 👍🏻👍🏻👍🏻用素豆做片皮鴨，加上配料醬汁，令我又以為自己食緊真既片皮鴨食呢個片皮鴨仲唔會痴牙 😝椰汁雪耳無花果燉湯 $48燉湯都係偏清澈，不過估唔到素湯可以咁濃郁又清甜香芒天婦羅炸豆腐 $88豆腐外層脆，驚喜既係入面係滑豆腐👍🏻清新香芒汁一流 唔係芒果啫喱果隻味🫢日式芥辣蝴蝶蝦 $78蒟蒻係素菜入面真係扮演左重要既角色，佢做到彈牙既感覺不錯座位緊張 繁忙時間建議先打電話book位…Read More

説到素食，大家可能會覺得過於傳統沒新意，其實現在香港有不少風格創新，而且味道不錯的新派素食店，例如這次介紹的慈素小聚，精挑細選了不同國家的菜餚，用素食將這些菜式重新呈現，非常有驚喜！日式芥辣蝴蝶蝦（$78）這道菜是我最喜歡的~ 樣子有點像蟹鉗，口感則很像蝦肉，使用了魔芋製作，爽口而且帶嚼勁，而且炸粉不會過厚。蘸上蜜糖芥末醬，甜辣開胃，用來作第一道菜一流~北京片皮鴨（$128）沒想到片皮鴨 也可以是素菜~ 素鴨片的樣子很像真，加上用蒸籠盛上的包餡皮，還有黃椒、紅椒和青瓜，加上甜麵醬，包起來之後根本跟真正的片皮鴨沒分別嘛~ 但素鴨的口感比較軟，跟鴨肉較硬的口感還是有點分別的，但整體好玩又好吃~忌廉蘑菇濃湯佐菠菜苗（$98）湯頭蘑菇的味道超濃郁，質感濃稠，應該加了很多忌廉，邪惡但好喝🥴 加上鮮嫩的菠菜苗，吃了幾道炸物之後需要吃點蔬菜平衡一下～香芒天婦羅炸豆腐（$88）豆類製品控表示喜歡這道菜～這道菜可以同時作為鹹和甜點，香脆飽滿的天婦羅外皮，包裹著軟嫩的豆腐，配以酸酸甜甜的芒果醬，清新的口味很適合夏天～紅豆壽桃（生日贈送）因為是慶祝媽媽生日，店家送上了一籠壽桃～小巧精緻的一個，作為甜點為這頓飯劃上句號✨…Read More

 香港的素食潮流已經大大超出傳統齋菜，今次就來到位於尖沙咀的慈素小聚。小店面積不大，座位不多，環境比較狹窄，二人枱窄小得只能容納大約兩至三碟菜式。餐牌素食款式供應中、西、日口味，選擇多元化。素食三文魚拼盤 $68一上桌隨即飄逸著仙氣般的煙霧，可說是眼睛與味蕾的感官美饌。厚切魚生刺身造型幾可亂真，原來是以蒟蒻製成，色澤和紋路像真度極高。素食三文魚色澤鮮艷，口感鮮嫩，直接沾芥末醬及醋薑食用，輕盈清爽無負擔。台式叉燒刈包 $68刈包包身軟綿不黏口，平時最常見的配搭是五花腩，轉成素肉款式令素食者有更多選擇，也可讓非素食者多了健康之選。餡料有蜜汁素叉燒和啖啖肉的素炸魚柳，以素代肉，但就沒有肥豬肉的大量飽和脂肪，盡享吃肉的滋味卻不需要有罪惡感。香芒天婦羅炸豆腐 $88豆腐炸至色澤金黃，配合香甜的香芒汁調味，讓原本清淡的豆腐變得清新開胃，中和炸物的油膩感。外層粉漿不算過厚，咬下去口感特別鬆脆，外脆內軟，裡面包著嫩滑雪白的豆腐，入口即化。北京片皮鴨 $128片皮鴨由大豆肉片製成，烤得香脆得來帶點煙韌咬口，帶來全素的新食感。餅皮軟綿煙韌，包著青瓜、紅黃椒和甜麵醬等配料，濃郁風味不減，打破大家對素食寡淡無味的刻板印象。意大利香草風味酥皮薄餅 $138Pizza 即點即焗熱烘烘出爐，餅底變成爽脆蓬鬆的酥皮，入口更有層次感，牛油香氣濃盛。舖滿厚厚的芝士，可以造出拉絲效果，芝味無窮，還有素火腿作內餡，鹹香又惹味。…Read More

裝修以湖水綠為主調 像那些網紅cafe🤣不過其實是素食餐廳! 而且提供中、日、西、泰、印式等多國料理Σ(ﾟДﾟ) 味道、賣相都很有驚喜，職員很友善健談(告訴了我椰汁糕的秘訣🤣)整體很推薦! 印度風味masala咖哩配手抓餅 $78 (另加一)masala香料味濃，而且番茄的比例應該多，所以香而不辣(๑´3｀๑)裡面還有吸滿咖哩的素肉還配有8件手抓餅，不過我是偏愛naan的派別🤣 日式芥辣蝴蝶蝦 $78 (另加一)不論味道、質感，完全就是日式放題中天婦羅蝦啦🤣只是這個大塊點，更有肉感配有蜂蜜芥辣，令它清新點 椰汁雪耳無花果燉湯 $48 (另加一)跟有肉的版本一樣鮮甜😳 燉的時間很足，湯料都變得很軟，可是仍然好吃! 我連椰子片都吃光了🤣 北京片皮鴨 $128 (另加一)賣相有8成像😜 味道當然就沒有鴨香啦，不過調味甜甜的，給你一個片皮鴨的錯覺🤤每張餅皮之間都有隔紙，很細心，要是餅皮薄一點更好 素食串燒配秘製沙爹醬 $78 (另加一)串燒質感也是很像肉丸一路吃一路在想：真的是素？？🤣沙爹醬反而比較像葡汁? 花生味濃些就好😝 椰汁芒果布丁 $22 (另加一)綠豆椰汁糕 $22 (另加一)兩杯甜品有相似但綠豆椰汁糕的絕對更勝一籌。其實它質感不是傳統的椰汁糕。它是固體的，但質感很綿密creamy，介乎與芋泥和雪糕之間的狀態(🤣能想像到嗎？)特意問了職員，原來秘訣是用法國進口的素食魚膠粉雖然價錢較貴，但真的很好吃很值得，吃完後又加點了一杯🤣芒果其實也不錯，只是質感較實一些，和較甜。 素食和葷食者都應該很喜歡這裡🤤一個小小的建議是，餐牌中用上奶制品的菜式都改用植物奶，那素食者就有更多選擇～ …Read More

慈素小聚位置方便，係K11 Art Mall對面。但店舖面積細，大家去之前最好訂定位。北京片皮鴨 ($128)片皮鴨係用大豆纖維製成，表面香脆，整體口感乾身。配菜有黃椒、紅椒同青瓜。香芒天婦羅炸豆腐 ($88/ 6件)炸豆腐用上滑豆腐，所以口感外脆內滑，表面淋咗芒果醬，感覺幾清新。亦有頟外附上一碟芒果醬。素食三文魚拼盤 ($68)打卡菜式。裝住素魚生片嘅器皿，底部放有乾冰，將水倒入器皿內就會有冒煙嘅效果。日式芥辣蝴蝶蝦 (蜂蜜) ($78)蝴蝶蝦用蒟蒻製成，爽口得黎帶有少少結實嘅感覺，沾埋醬汁一齊食，幾可亂真。芥辣醬唔係好辣，仲食到有類似千島醬嘅沙律醬味。日式長春卷 ($58)春卷好好食，好脆口，入面包有蔬菜餡料，例如紅蘿蔔、芹菜、菇粒等。椰汁芒果布甸 (奶) ($22)口感比較結實，芒果部分比較好食，唔會好甜，如果椰汁嘅部分口感再滑身D就更好。西瓜氣泡特飲 ($38)菠蘿氣泡特飲 ($38)有椰汁味嘅菠蘿梳打水。…Read More

尖沙咀新開咗間人氣餐廳叫「慈素小聚」，位於麼地道嘅 Mody House 8 樓，尖東站一出就到，非常就腳。👣好耐冇同太太找素，今次帶佢一齊嚟嚐鮮。因為太太對食物好有要求，所以今次點嘅菜都係佢發板嘅。😅我哋點咗：🐮 鮮竹蒸牛肉球 $48造型已經無懈可擊，食落仲滾動，爆香嘅果皮味，配合埋喼汁食，還原度好高。不過始終成份唔同，真嘅會落好多肥豬肉所以較結實，素嘅版本就鬆散啲，但其實已經好唔錯，我哋都覺得好好食。🥰🐟 素食三文魚拼盤 $68有三片三文魚刺身同幾片鮑魚刺身，除咗容器夠哂靚，仲有嘢玩喎。倒啲水落啲窿窿度，入面嘅乾冰就會瞬間令飯枱變成仙境喇，唔使問梗係手機食先啦。📱厚切嘅三文魚食落好滿足，即使貌似伴碟嘅鮑片亦好鮮甜。😋🍄 黑松露鮮蘑菇忌廉湯 $78（有奶）呢個湯雖然略貴，但真係好出色，好濃厚又滑，比較好多西餐廳嘅湯還要正。黑松露醬好多所以好香濃，黑松露 fans 要試試。😇🌶️ 酸辣湯 $42好足料，而且酸同辣平衡得好好，太太都話好好味。💯🥕 黑松露蘿蔔糕 $48睇個名以為黑松露醬係主角，但其實另外兩款醬汁 - 甜醬同辣醬，都各有特色。辣醬好香，唔得得個辣字，我自己就覺得點甜醬係最好食，又可以抵銷炸蘿蔔糕嘅油膩感。🥙🦆 北京片皮鴨 $128呢款係唯一我揀嘅 🤭，太太冇揀係覺得多數素食餐廳嘅呢類 gimmick 菜式都係麻麻地。我揀佢因為佢係呢度嘅招牌菜之一，價錢雖然貴啲都想試下。👉👈其實就算未食素前，真漢子都冇幾可食片皮鴨。初初望個樣覺得唔算好似，但拎起塊餅皮包住塊鴨，蔬菜同甜醬捲起嚟食，又真係成件事喺哂度，所以儀式感真係好重要 🤣。味道唔錯，同埋估佢唔到都幾飽肚，所以其實幾適合一班人一人一件開心 share。👯🍢 素食串燒配秘制沙爹醬（有奶）$78兩大串有唔同類型嘅丸/肉，心諗咪又係同一樣味 🤣，但食落又真係每款肉都食得出有啲分別。點啲沙爹醬食好好味，尤其我好耐冇食串燒，可以自己食哂一串好滿足。☺️🍤 椒鹽白靈芝菇 $88見到個菜式名其實冇咩期望，以為淡茂茂果啲，點知食落好驚喜。佢有啲青紅椒一齊煎炸，所以辣辣哋好惹味，好有大排檔/避風塘嘅風味，可以話係素食界嘅椒鹽白飯魚。🔥🪕 琵琶豆腐 $88真漢子以為係蒸豆腐果種，所以初初嚟到以為嚟錯咗。太太以前食過所以知道琵琶豆腐係咁樣嘅，佢話好好食，好食過哂佢以前食果啲。😜👅🥭 百香芒果烏龍茶 $38大大杯，唔會太甜，有茶味又幾解渴。🍹餐廳嘅環境好雅致，坐得幾舒服，同個餐廳名一樣，真係幾適合一班朋友嚟聚吓。不過坐位唔算好多，所以想試嘅素友記得訂定位呀。👨‍🍳…Read More