Uniya

上環地鐵站旁邊有間魚生店成日人頭擁擁。放工落到黎搵嘢食呢，就試試佢囉。店舖細細，樓面嗰位女士呢，相信都係老闆娘嚟架啦。一入去都幾好笑容招呼你架。不過感覺都有啲cool cool地。所以費事係人哋個鋪入邊周圍影啦。係咪好壯觀呢？叫咗咁多野先至三百幾蚊咋。因為有名你叫海膽屋，咁梗係要叫下海膽試下啦。咁我老公話：一係唔試、一試試最貴最好嗰個啦。加拿大海膽手卷係＄59一個。佢話有半版海膽。的確係足料嘅！而且啲海膽係好新鮮，唔會有一陣噏味。係咁甘甜甜而且係好多汁。真係超正！推介俾你哋！跟手就食佢個前菜螺肉仔啦。新鮮彈牙，個汁都好好味。定比起你去迴轉壽司食嘅新鮮，唔會雪到啲汁杰撻撻。鍾意食蔬菜嘅我梗係要整返個芒果沙律啦。佢呢個沙律嘅份量非常之大，兩公婆食都夠啊。芒果呢又好新鮮，而且佢比好多蟹子係面。所以＄48係合理。呢個八爪魚sushimi呢不得之了!好驚喜係呢個八爪魚肉係好彈牙煙韌！一啲都唔係食緊擦子膠、香口膠嘅感覺！喺出邊從來唔鍾意食八爪魚sushi, 係因為未食過好食嘅。呢次食完真係令我改觀，原來新鮮嘅八爪魚係咁好食呢個大蝦，都係非常之咁新鮮。食完呢個唔會再想食超市嗰啲。因為佢蝦肉好靚，而且佢起晒蝦腸非常之乾淨。食得放心又開心！所以我非常之鍾意食蝦，所以試埋呢個虎蝦。都非常之唔錯，雖然我覺得有少少貴因為＄38得五隻。如果可以俾埋泰式辣醬，就覺得一流啦。不過話晒人哋日本店，當然都係俾返Wasabi豉油你啦。三百幾蚊有咁多樣嘢試，而且食魚生食到飽！真係好合理價錢。絕對會再返嚟叫外賣呀。佢哋雪櫃仲有大量唔同嘅日本酒。有機會會買來同朋友飲。因為我之前介紹另一間日本餐廳時飲過嗰個菠蘿酒，呢度只係買＄148。真係好抵因為餐廳飲要三百幾蚊。不過當然明白餐廳有鋪租、有人工、有地方坐，一定係要賣貴啲先至賺到錢嘅。所以如果屋企可以攞出嚟同朋友傾計嘅話，買一支返屋企慢慢㗳，就真係更加抵啦。…Read More

小女第一次寫食評就獻給這一家高質的日本壽司刺身小店平常下班後都會到上環做gym, 有時經過這家食店都會給他們店外超大張的海膽照片吸引, 今天終於有機會一試了! 我和男朋友點了13款壽司其中包括有赤貝,北寄貝,玉子, 白肉豚, 三文魚腩, 劍魚腩, 芥末八爪魚軍艦, 馬刀貝 - 味道不錯, 跟其他連鎖壽司店差不多, 但價錢又相對便宜而我個人極推介北海道帶子 - 大粒又新鮮 ($16/pc) 重點來了! 海膽! 這裡有三款海膽, 分別是普通的韓國海膽, 加拿大海膽 和 日本馬糞海謄 我們分別點了海膽軍艦($28/pc), 日本馬糞海謄軍艦($68/pc), 加拿大海膽手卷($56/pc)店員貼心提醒我們要先吃日本馬糞海謄軍艦 然後再吃韓國海膽味道馬上高下立見 - 日本馬糞海謄十分鮮甜令人回味無窮~有見及此我們馬上再點加拿大海膽手卷試試雖然沒有日本馬糞海謄好, 但又在韓國海膽之上值得一吃總括而言, 在香港以這樣的價錢能夠吃到這個質素的海膽和壽司真的很正值得再來~ 溫馨提示: 這家店應該是主打外賣, 所以他們只有少量座位…Read More

在一個月前經過上環永樂街，見到上環地鐵站 A2 出口左手面，前身為手提電話配件專門店的舖位，開了一間新店子<海膽屋>！店子主打供應的海膽來自日本馬糞海膽 (時價)、韓國馬糞海膽 $88、韓國紫膽 $138、加拿大海膽 $168、加州海膽  $168；另有原個活海膽售賣！ 海膽迷肯定好興奮！ 此外，還有供應：壽司 $6~$78、花之戀壽司 $12~$48、軍艦壽司 $6~$68、卷物 $16~$88、手卷 $12~$98、火灸系列壽司 $8~$80刺身 $36~$68、魚生丼  $78~$98、沙律 $48~$68、法國生蠔...等。 有平有貴！為保持食物新鮮又衛生，保存方面很恰當！設有堂食及外賣，開業初期只得靠牆的好幾張椅子，相信堂食客多而增至 3張桌子吧！第一次幫襯，就有張迷你版會員咭，打後幫襯都有9折優惠！ 個同事都喜歡食海膽，於是我跟她一齊幫襯！由於為保持食物新鮮，即叫即製！我會提早起碼半小時致電或 what's app 落單！第一次幫襯正價，第二次幫襯 9折價！加拿大海膽手卷 $48份量十足又大大件的海膽，看到都滿足！  新鮮海膽軟滑濕潤！入口非常甘香又夠鮮甜！令人很回味！半板海膽手卷 $38第二次幫襯，同事選擇另一款海膽手卷！選用來自韓國的海膽，正所謂一分錢一分貨；同事稱，這款手卷不及前者加拿大海膽手卷好食！ 細細件的海膽，軟滑濕潤之餘！入口更細膩，卻是不太鮮美！熟海膽手卷 $38 份量已經交足貨，熟海膽好似熟蟹膏，鮮黃色又帶出鮮香！ 夾雜一些青瓜絲，帶出清新不膩的感覺！海膽玉子手卷 $12我不能吃生食，只好侷限了熟食的選擇！手卷密封包裝，保持新鮮、衛生及食物最佳口感！珍珠米飯仍帶微暖，粒粒飽滿而富彈性，加入壽司醋粉，略帶酸味更開胃！ 嫩滑的炒蛋食出原汁原味！炒蛋與海膽混合起來烹調後，海膽的質感變得截然不同！ 好似煮過的魚籽而變得硬身，仍帶有鮮美！整體不過不失！勝在價錢非常抵！火灸芝士原條海鰻魚 $28原條薄切鰻魚令我食得滿足！ 甜美的醬汁與芝士鰻魚壽司真是絕佳的配搭！比例上，看起來飯量很少！ 牛油果鰻魚反卷 $38/ 6件我以為反卷細細件，見到實物覺得自己眼闊肚窄，最終食完手卷加反卷及兩件壽司，肚子脹卜卜！ 飽到行唔郁！表面的蟹籽大約八成，並非黏得均勻！ 食落微脆，口感過癮！ 牛油果與鰻魚都夾得來，師傅特別加入沙律醬，口味即時精彩了！海膽吉列蝦反卷＄58蝦炸得剛剛好名夠脆，與鮮美的海膽整件放入口，口感豐富又滋味！熟帶子壽司 $10熟帶子連裙邊看起來很大件，份量十足！ 與甜美的醬汁配合得天衣無縫！同時提升鮮美度！北寄貝壽司 $6不知是否將貨就價的關係，北寄貝鮮味稍遜！ 仍有著些微的嚼感！由此可知，我的食量比同事較大！ 介乎五、六十元的午餐，足以填飽肚，我也可以接受！本身我腸胃較敏感，食過店子的食物，肚子沒有投訴！証明這裡的貨色新鮮又衛生，保存方面很恰當！ 小店值得繼續支持！…Read More