Uniya

上環地鐵站旁邊有間魚生店成日人頭擁擁。

放工落到黎搵嘢食呢，就試試佢囉。
店舖細細，樓面嗰位女士呢，
相信都係老闆娘嚟架啦。
一入去都幾好笑容招呼你架。
不過感覺都有啲cool cool地。
所以費事係人哋個鋪入邊周圍影啦。

三百幾蚊咁多嘢食

係咪好壯觀呢？叫咗咁多野先至三百幾蚊咋。

超值之選有半版加拿大海膽非常之好味！

$59

因為有名你叫海膽屋，咁梗係要叫下海膽試下啦。

紫菜獨立包裝脆博博

$59

超級足料

$59

咁我老公話：一係唔試、一試試最貴最好嗰個啦。
加拿大海膽手卷係＄59一個。
佢話有半版海膽。的確係足料嘅！
而且啲海膽係好新鮮，唔會有一陣噏味。
係咁甘甜甜而且係好多汁。
真係超正！推介俾你哋！

新鮮！

跟手就食佢個前菜螺肉仔啦。
新鮮彈牙，個汁都好好味。
定比起你去迴轉壽司食嘅新鮮，唔會雪到啲汁杰撻撻。

超級新鮮加埋柚子汁好開胃

$48

鍾意食蔬菜嘅我梗係要整返個芒果沙律啦。
佢呢個沙律嘅份量非常之大，兩公婆食都夠啊。
芒果呢又好新鮮，而且佢比好多蟹子係面。
所以＄48係合理。

一啲都唔眼肉質好juicy 

$80

呢個八爪魚sushimi呢不得之了!
好驚喜係呢個八爪魚肉係好彈牙煙韌！
一啲都唔係食緊擦子膠、香口膠嘅感覺！
喺出邊從來唔鍾意食八爪魚sushi, 係因為未食過好食嘅。呢次食完真係令我改觀，原來新鮮嘅八爪魚係咁好食

鍾意食蝦嘅你必定要叫

呢個大蝦，都係非常之咁新鮮。
食完呢個唔會再想食超市嗰啲。
因為佢蝦肉好靚，而且佢起晒蝦腸非常之乾淨。
食得放心又開心！

呢個都唔錯不過有啲貴因為得五隻

$39

所以我非常之鍾意食蝦，所以試埋呢個虎蝦。
都非常之唔錯，雖然我覺得有少少貴因為＄38得五隻。如果可以俾埋泰式辣醬，就覺得一流啦。
不過話晒人哋日本店，當然都係俾返Wasabi豉油你啦。

三百幾蚊有咁多樣嘢試，而且食魚生食到飽！
真係好合理價錢。

絕對會再返嚟叫外賣呀。

呢個就係上次介紹嗰間日本餐廳飲過。喺餐廳裏面飲呢就要叫三百幾蚊。呢度就咁買返屋企呢，先至百幾蚊好抵。而且呢個菠蘿酒係幾好飲嘅。

$149

佢哋雪櫃仲有大量唔同嘅日本酒。
有機會會買來同朋友飲。
因為我之前介紹另一間日本餐廳時飲過嗰個菠蘿酒，呢度只係買＄148。真係好抵因為餐廳飲要三百幾蚊。不過當然明白餐廳有鋪租、有人工、有地方坐，一定係要賣貴啲先至賺到錢嘅。

所以如果屋企可以攞出嚟同朋友傾計嘅話，買一支返屋企慢慢㗳，就真係更加抵啦。