Teppanyaki Sessyu

季節沙律  前菜 擺碟精美的豆腐滑滑的 刺身三款  刺身有魚生有蝦，鮮甜肥美 餐湯 這個湯很驚喜有加了蔥花的魚湯，濃郁味美 鱈場蟹腳 蟹腳份量適中，就是吃的時候麻煩一點要挖出蟹肉來吃 季節海鮮 有極為鮮甜的煎魚，皮脆肉嫩很好吃的一道 和牛薄燒  以烤很脆脆的方包再放上蔥花和牛卷，因為和牛十分濃味，跟方包一起吃可以中和一下 季節野菜 和牛炒飯 和牛切粒再煎香，配上蛋炒飯可以更突出和牛的咸香 味噌湯 香之物 甜品 密瓜十分甜 …Read More

📸 鐵板燒雪舟由於男朋友真係好中意食鐵板燒為食妹一搵到鐵板燒優惠就會帶佢去今次搵到既呢間係銅鑼灣地鐵站行3分鐘就去到有一張長鐵板燒枱如果想私隱度高 亦都有包房架今次試曬兩款午市套餐廚師推介套餐 $398精選商務套餐 $628就有埋龍蝦🦞🤭✔️前菜絲海蘊+日式醋汁沙律🥗兩樣都係酸酸 夠開胃✔️刺身玉子燒｜蟹腳｜油甘魚蟹腳一食就知係新鮮蟹肉絕對唔係蟹柳黎架油甘魚夠爽口又唔會腥✔️鮑魚鮑魚夠新鮮 食落爽口彈口配以海苔醬汁提鮮✔️龍蝦🦞用上龍蝦蝦膏炒勻啖啖肉夠彈口之餘 加入蝦膏令龍蝦味更濃郁有層次又唔會蓋過龍蝦既鮮味✔️大蝦估唔到咁彈口大蝦無用蝦膏炒 但反而食到鮮味如果唔中意食大蝦 可以揀銀鱈魚/帶子✔️和牛薄燒廚師推薦5成燒係最啱和牛薄片包入香蔥及乾蒜一咬落去爆曬汁香蔥中和咗和牛既油膩😍✔️蛋炒飯加入咗櫻花蝦炒比起出面食既蛋炒飯 更香更鮮✔️麵豉湯✔️炒蔬菜🥬黃椒｜紅椒｜杏鮑菇｜椰菜作為最尾一道菜 味道會稍微清淡中和翻成餐飯既油膩✔️哈密瓜✔️咖啡或茶⬆️ 食落之後 男朋友已經話雪舟係最好食果間🤣📍 銅鑼灣開平道1號Cubus 8樓#wwh食勻銅鑼灣 #wwh鐵板燒…Read More

🧡🤍❤️鐵板燒由廚師發板🔥最近鍾意咗食廚師發板，因為唔使諗食咩唔使煩🥰又可以追加少少要求，舒舒服服咁品嚐美食😛久唔久一次已經好滿足！依間鐵板燒…想食好耐㗎啦🤭初時係俾佢精緻嘅擺盤吸引住，其次就係依度嘅環境💕驚walk-in 要等位，所以預早一個星期訂枱😛❣️𝗦𝗲𝘁 𝗗𝗶𝗻𝗻𝗲𝗿 𝗠𝗲𝗻𝘂❣️ 晚市套餐 $1388一個價錢由餐前酒到甜品都有，如果對 刺身 有興趣，都可以另+$200😙Hatty就冇加啦，今次想focus返喺燒物上🔥💛𝗔𝗽𝗲𝗿𝗶𝘁𝗶𝗳💛 餐前酒是日餐前酒係 柚子味燒酌 🍊味道酸酸甜甜，好清新😛成個人精神晒 味蕾瞬間打開！💙𝗦𝘁𝗮𝗿𝘁𝗲𝗿💙 先付前菜就係沙律，味道正常發揮啦🤣不過個人幾鍾意佢topping上嘅麵包粒粒，脆卜卜有口感！🤍𝗝𝗮𝗽𝗮𝗻𝗲𝘀𝗲 𝗦𝘂𝗿𝗳 𝗖𝗹𝗮𝗺🤍 日本產北寄貝第一次見咁新鮮咁大塊嘅北寄貝，擺盤成個藝術品咁💕北寄貝唔使做過多嘅調味都已經有好鮮甜嘅味道😛肉質都幾厚身，師傅會將北寄貝切開，連埋旁邊嘅三文魚子一齊食 口感滿滿🥰❤️𝗜𝗦𝗘 𝗟𝗼𝗯𝘀𝘁𝗲𝗿❤️ 伊勢海老新鮮嘅龍蝦燒完之後，依然肉汁豐富😙食落口啖啖肉，喺鮮甜上加一分火烤風味！海老肉質鮮嫩，當中嘅龍蝦膏 份外香濃🦞旁邊仲有佢哋自家製青醬(食得到入面有羅勒、芝士香)感覺幾特別🧀🤎𝗝𝗮𝗽𝗮𝗻𝗲𝘀𝗲 𝗕𝗹𝗮𝗰𝗸-𝗵𝗮𝗶𝗿𝗲𝗱 𝗕𝗲𝗲𝗳 𝗦𝘁𝗲𝗮𝗸🤎 和牛厚燒和牛可以揀薄燒或厚燒，鍾意有口感嘅建議揀厚燒😛師傅會將和牛輕輕調味，再放上烤多士上🍞除咗口感豐富，多士上牛肉質細嫩，而油脂香都為整體增添風味！🥩💚𝗙𝗿𝗶𝗲𝗱 𝗩𝗲𝗴𝗲𝘁𝗮𝗯𝗹𝗲𝘀💚 炒野菜野菜都係椰菜、菇菇依類🍄就算冇過多調味，都已經好好味啦😏野菜清甜帶火氣，入口除咗有野菜自身香味，仲有上一道和牛嘅香😛不禁回想厚燒和牛嘅味道！🧡𝗦𝗲𝗮 𝗨𝗿𝗰𝗵𝗶𝗻 𝗙𝗿𝗶𝗲𝗱 𝗥𝗶𝗰𝗲🧡 海膽炒飯食完肉肉菜菜，就係時候食炒飯啦！炒飯嘅份量都幾多🤤除咗有海膽，仲有蔥粒、櫻花蝦、雞蛋🦐為味道更上一層樓！💛𝗠𝗶𝘀𝗼 𝗦𝗼𝘂𝗽💛 味噌湯味噌湯味道唔會太鹹，啱啱好🥣入面就有昆布、豆腐等等😙💜𝗣𝗶𝗰𝗸𝗹𝗲𝘀💜 香之物就係一啲醃製類蔬菜，食返一兩件剛好解膩🥢❤️𝗗𝗲𝘀𝘀𝗲𝗿𝘁❤️ 甜品甜品嘅部份係靚靚櫻花水信玄餅，夢幻晶凝剔透嘅和果子🌸入口即化🖤𝗗𝗿𝗶𝗻𝗸𝘀🖤 飲品最後飲返杯檸檬茶，清新滿足🍋餐廳佔地面積都幾大，雖然平日 但都幾乎full house🫣即使係咁，廚師們都可以照顧到每位食客嘅口味，同埋服務態度好貼心🤣依點真係值得一讚嘅🥰當然食物質素都好高，有機會再食😝📍鐵板燒雪舟📍銅鑼灣開平道1號Cubus 8樓…Read More

終於完成左公司一個大Project，於是約埋同事去食餐好既慰勞下自己！我們都好鐘意鐵板燒，可以一邊食一邊望著師傅表演，傾下計咁，感覺特別寫意，所以今次揀左公司附近既鐵板燒雪舟。餐廳有幾款套餐選擇，講得係慰勞自己，今日一於食豪啲，揀左商務午膳。套餐包括有季節前菜、刺身、茶碗蒸、法國產鴨肝、南非鮑魚、澳洲和牛胸內膜、炒野菜、蒜蓉炒飯、味噌湯、甜品、飲品等等，非常豐富！　好可愛既筷子座季節前菜刺身刺身有三文魚和油甘魚，兩款同樣新鮮，油甘魚入口回甘，唔錯！茶碗蒸用鐵板蒸出來既蒸蛋真係第一次食，估唔到可以整到同蒸蘆既一樣，整得超滑！蒸蛋上放左啲菇，菇既汁在蒸既過程中同蛋溶合，超好味！法國產鵝肝口感creamy，咬落去軟綿綿咁，外脆內軟，配埋香桃一齊食，感覺更fresh！南非鮑魚鮑魚鮮甜富鮮味，口感爽口彈牙，配埋師傅煮既汁好好味！澳洲和牛胸內膜牛肉味明顯地比普通的濃郁好多，肉質鮮嫩，入口即溶，軟綿綿咁，十分美味炒野菜食左咁多肉，係時候食返啲菜中和下蒜蓉炒飯賣相好特別，尤其係果塊米餅，又香又脆廚師將部份既飯壓碎而成，真係大開張界！炒飯內有紫菜、芝麻同埋酸菜粒，簡簡單單既一個炒飯，但食落幾惹味！甜品最後以美味既凍餅做結尾，好滿足！P.S. 餐廳環境氣氛都好好，廚師亦會關心客人，會問客人意見，所以我鐘意食鐵板燒，可以一邊食野，一邊傾計，又可以望住廚師表演…Read More

得閒無事都可以要對自己好啲嘅 今次一行六人黎到雪舟食鐵板燒由前菜到甜品都好滿意，無論服務態度、食物質素及味道、廚師手藝都令人拍哂手掌開始睇表演、等食！見到大大隻帶子、鮮蝦、黑豚肉等都已經未食先興奮嘩..... 仲要擺到靚一靚～咪以為啲黑豚肉好肉乾乾地咁，其實一啲都唔鞋仲好淋添！貌似食左好多野.... 壓軸甜品（雪芭）真係好好味！…Read More

It was my boyfriends birthday and we only booked it that day. It wasn't a public holiday so it was still ok for us to book! We ordered the 2100 meal for two with crab and beef. The meal was really good! I will visit again if there is another chance. One thing I really appreciate was that the 師父 will teach us how to eat which one to eat first and ask us about how we wanted the meal! Lastly we spent around 2100 + 10% and it's very paid off! …Read More

今天生日，想食我最鍾意的飛騨牛。結果在OpenRice找到這家。訂了六點半，我們一家三口是第一枱客。看過餐牌，決定點了兩份雪舟晚膳，老公喜歡吃鵝肝，我喜歡吃大蝦，兩個都加錢轉了飛驒牛。飛騨牛必定是我的最愛，但我以前一向不喜歡在香港吃刺身或鵝肝，今次是第一次吃到這麼美味的拖羅和鵝肝。整晚，只有炒飯味道不太喜歡，但其餘的都非常滿意，是我在香港吃過暫時覺得最好的鐵板燒店。KIN師傅很用心烹調，調味很合我口味，我很欣賞! 他們都很貼心很友善。因為我女兒只有歲半，他們都很貼心額外給了我們一些白飯，又幫我們將其中兩片三文魚刺身燒熟。不負所望，誠意推薦!…Read More

每間日式鐵板燒都有自己的特色，呢間混入了少許懷石料理feel，擺枱又有少許西菜的感覺。坐位不多，師傅都可以專注serve 一枱客人。   ●　前菜都有三款，細細件很精緻，而且每款都很用心，各具特式：　　～～有煎小魚伴青椒，青菜日式沙律，混入蝦米醬油等食材，清新美味，而我最欣賞的是這個蒸蛋，蛋必然嫰滑，上面米粉狀的是帶有淡淡梅子味的，可見廚師是花了很多心思和時間。單是前菜已經令你賞心悅目，是一個很好的 Starter。●　首先出場的鵝肝，配以密桃及少許油醋菜沙律，鵝肝表面煎得很脆，裡面依然軟滑，再淋上十分濃郁的黑醋汁，依個人口味而言，所有配料都略為重了一點，而單吃鵝肝亦沒有鵝肝的油香，雖算不上出色，但也有其獨等之處。●　鮑魚是十分大的南非鮑，一人一大隻，啖啖肉，鮮甜爽口，很享受啊！汁頗酸及濃，掩蓋了鮑魚的新鮮，後來索性撥開醬汁，我和朋友也覺得其實有少許牛油味已經足夠，後來師傅問覺得味道如何，我便說出自己的感覺，他尷尬地說，那是老闆指定的。。。。●　和牛：雖然不是最貴的品種，但己經十分好味，而且份量也不少，足足有平時成份牛扒的份量，牛味香濃，口感細嫩，還用心配以蒜頭和有特別香味的葉（不知道是甚麼），汁料另上，這個就比較洽到好處，有海鹽和清淡的醬油，隨個人口味自己配搭。此時，己經飽到。。。。。　●　海膽炒飯：這度菜的特色是將米飯技巧地壓成薄片，塗上海膽，造成海膽薄脆，很特別。　　●　泡菜炒蛋：是一個敗筆，只有很咸，別無其他。●　最後端上甜品和飲品：牛奶布丁＋熱檸茶　　～～　牛奶布丁比較實，算不上一個合格的甜品，相比之前所有新鮮的菜肉以及用心的配搭，就好像忽然墮下懸崖般的感覺，再加上一個突然的西茶，並非太相襯，印下一個不完滿的結局。…Read More

係Open rice餐廳推介見到雪舟有牛食,我身位牛魔王梗係要拜訪一下.Book左Lunch2人,入到舖装修豪華舒適,舖內有隻大牛非常搶眼,即時與牛拍照座低後,店員笑口滿面地介紹我地算餐前菜到, 茶碗蒸蛋,賣相100分,蛋味重及滑,正前菜,吾記得係乜,不過好好味前菜沙律,上面有好滑豆腐配菜,加Ｄ酸汁好開胃面前鐵板煮帶子及大蝦,香味湧埋黎帶子及大蝦好新鮮及大隻,配特製醬汁更鮮甜,厨師一路煮一路排靚上碟,好有藝術感覺嘩!主角出塲,煮嘅時候已好期待佢嘅香味,賣相不用多講,咬洛肉汁超多,超重牛味,超嫩滑,每一塊我都慢慢咀爵雪菜炒飯 --- 相中一塊紙咁薄嘅係用飯一邊炒一邊壓製而成,令我大開眼戒,用飯變成紙咁,脆口又重飯味鐵板燒中你至得…Read More

經朋友介紹得知餐廳會有飛弾牛的限量menu, 而且價值ok, 即管試試Menu 包括的食物算多樣化, 光上前菜已令我驚喜, 擺設得非常漂亮, 而且新鮮的生飛弾牛壽司入口即完全溶化, 比更多更多日本料理店的和牛壽司好吃很多沙律OK薄燒的以鐵板整作, 方式似春卷, 以薄薄的牛肉包著長蔥、紅蘿蔔和椰菜絲, 口味清新兩款相比下我更愛西冷, 切成一小口狀的牛肉更有口感, 吃得出肉間的油花及油脂滿腔的感覺蒜蓉炒飯亦是佳作, 此話何解 味道不在話, 光看師傅表演飯焦都看得我目不瑕給以五百多的價錢吃到飛弾牛, 都是非常超值的…Read More

母親節食飯, 想食得豪少少, 本來打算去W新開嘅中菜或者Ritz Carlton度食, 但媽咪睇完東張西望介紹, 媽咪又較喜歡日本嘢食, 於是就去咗雪舟.一行四人, 準時到達, 地方唔大, 有一台差唔多食完, 其他都係無人坐嘅, 我諗日災影響真係幾大. 相信雪舟主要食牛, 所以有隻牛擺設來附助介紹食牛嘅部位.母親節梗係食母親節限定set啦. 有前菜, 沙律, 岩鹽焗碟魚, 鵝肝, 牛腹膜, 炒菜, 炒飯, 湯, 茶, 雪糕, 每位$580+20+10% -- 慢慢解釋.賣相精美嘅前菜, 用料, 味道皆.......一般到暈! 波波壽司約五毫子直陘, 分別為三文魚同木魚, 另一件係鴨胸. 圓形果碗係酢菜, 只可以用得意嚟形容, 菜粒有D啫喱包住. 方形果碗係腐皮, 味道係正常.蟹子沙律係勁普通, 所以無影相. 同一般和民呀, 元綠呀果D差唔多.鐵板燒項目開始. 先用塊蕉葉鋪响鐵板, 放舊魚上去, 再用塊昆布蓋住, 之後灑大量鹽上面, 加水, 最後用蓋蓋住焗十零分鐘. 焗起嘅魚淋少少鮑魚汁先上比我哋. 雖然味道清香, 碟魚本身有少少牛油味, 但搞一場大龍鳳去整舊魚, 有D多餘.好味, 但size很細.然後就係牛腹膜, 同埋我地有兩份加錢轉澳洲和牛西冷 ($400) 同牛柳 ($400). 有食開日本和牛就完全感覺到差別, 牛味重D, 但肉質就無日本咁鬆喇. 由於太普通嘅關係, 所以無影相.平時食開嘅鐵板燒剩係得芽菜同蘿蔔絲, 呢度加咗西洋菜.原本餐跟白飯, 轉蒜茸炒飯要加$20. 好奇如果要白飯的話係咪等我食晒餸先嚟碗白飯同埋靠果幾塊醃蘿蔔嚟送飯? 其實個餐成五百幾蚊, 改炒飯加廿蚊個感覺好小家囉, 同埋碗飯份量好寒酸囉......食完飯, 服務員派我哋一人一碗東西, 我以為係茶碗蒸燉蛋, 錯!係熱茶一碗. 話說雪舟係一間懷石鐵板燒食店, 响我唯一一次於京都食懷石料理嘅經驗裡面, 飯後果碗茶係茶道枺茶. 而呢碗用精美container盛載熱茶(唔知係黑豆茶定乜鬼), 成件事downgrade哂. 洗乜搵隻碗連蓋啫, 求其一隻杯得啦, 碗茶要燉咩?雪糕, 不提也罷.呢餐飯唔係唔好食, $280-300能接受. 總括呢次經驗, 有姿勢無實際, 價錢收到貴一貴. 以後食鐵板燒都係食番老牌子啦. PS. 返到屋企肚餓......…Read More