炳記茶檔

唔知大家去過大坑炳記未呢？ 陳奕迅就曾經講過一句：「無食過炳記，等於未嚟過大坑」，連美國CNN都品評過炳記嘅奶茶係香港四大奶茶王之一，身為香港人嘅你又點可以唔試吓呢？.凍奶茶 $20首先介紹下佢哋嘅奶茶🧋，茶底香濃富茶味，茶味濃而不澀，淡奶用囍牌淡奶，為奶茶增添濃厚奶味同口感。甜度不會過甜，建議大家唔好少甜/少冰，反而影響奶茶嘅完美比例。.豬扒麵 $28 雙併雞蛋 $34除咗奶茶之外，依度嘅名物仲有豬扒麵🍜。黑椒豬扒滷過再拎去煎，質感鬆軟，唔會太韌，豬扒亦醃得夠入味，帶有少少黑椒香氣，唔錯。.雞翼麵 $28 雙併香腸 $34另外就叫咗個雞翼香腸麵，滷水雞翼都幾大隻，滷水味正常，雞翼都煮的好嫩滑，但就唔算特別岀色。.奶醬多 加咗煉奶同花生醬嘅烘底多士🥪，味道正常，唔算話太驚豔，當係試吓香港嘅懷舊情懷。.如果有太高期待過嚟試炳記，有可能會令你失望。奶茶固之言係出色，食物味道其實都唔差，但當然出面嘅食物會有好多茶記會比佢做得好。但係，依種舊香港🇭🇰💭嘅鐵皮屋已經買少見少，趁佢哋仲喺香港🇭🇰，點解唔珍惜依種本土文化呢？…Read More

門口冇寫明排隊位置，平日去到未見有好多人排以為等緊外賣。豬扒麵，$28，湯底同麵底都同平時茶餐廳冇乜分別，我覺得出色同埋有驚喜嘅係豬扒，醬油同黑椒都好入味，肉質又唔會話好柴，而且都有4-5舊，數量唔會話好少。凍奶茶，$20，茶味十分香濃，口感亦都順滑，略嫌價錢有啲貴。個味道好特別，喺出邊暫時未飲過。奶醬多，$13，真係好抵食，大大件，啲花生醬同埋煉奶又好夠，唔會食食吓覺得好乾。本身用個包都好厚，而且兩邊都有烘底，口感香脆。…Read More

趁住天氣未係好熱，就入黎大坑呢個既近鬧市又遠離煩囂嘅地方嘆個午餐。週末訓晏d。差唔多1點先黎到炳記，已經見到長長嘅人龍轉左彎。由於排隊嘅位置冇瓦遮頭，所以如果天雨去食炳記要留意～食物比較出名嘅係豬扒同雞翼麵同多士，加埋必點嘅奶茶。通常都係叫個combo 麵+多士+奶茶。炳記以懷舊茶檔嘅形式營業，喺香港已經買少見少，員工同老闆見到熟客會好友善地傾幾句寒暄一下炳記牆身貼滿茶檔嘅介紹，包括Eason嘅簽名同提字============================== 奶油麥多 $11提子麥多已經喺茶餐廳比較少見，好好奇究竟炳記用咩多士爐去烘，麥多烘到金黃色非常鬆脆，加埋奶油好吸引！ 豬扒麵 $25豬扒用黑椒醃，有啲屋企嘅味道，食落黑椒味非常濃郁。生菜嘅份量非常多，好似屋企人驚仔女冇菜食，麵底用上出前一丁麵，落埋麻油，正！  凍奶茶 $17奶茶都係炳記另一個特色，茶味非常香濃，叫少甜仲更加可以飲到茶底嘅濃，就連CNN都報導過呢～ 炳記茶檔📍大坑施弼街5號側…Read More

約咗朋友一齊食，就由荃灣嚟到大坑呢度。見到排晒長龍，排到我嘅時候，有個阿叔行埋嚟，問我哋食咩，但係其實我連餐牌都未睇，佢又冇俾我，個餐牌又要喺入面。🙄🙄。而且佢嘅每人最低消費都要$20 ，我不如自己整。🤥😑個阿叔又好唔耐煩啦，就喺度吹💨💨，又揼晒腳咁樣。之後就快快咁嗌左一杯凍奶茶同埋一個油多同奶油多。首先佢就俾咗杯就寫嘅凍奶茶 🧋，「揼」！一聲，好驚佢倒瀉係我身上面。之後過咗陣就嚟咗嗰兩個多士。…Read More

星期六駕車入大坑，很難有位泊車，剛好在炳記旁邊有位，就可以一邊食一邊看著車免被抄牌。預左要排隊，幸好天氣不是太熱，等二十分鐘就有位。點了豬扒雙蛋丁面、奶醬多、滷水雞翼、當然要飲奶茶。豬扒面的重點當然是豬扒，醃了的豬扒非常入味。丁面看似普通，但重點在於桌上的麻油，丁面加麻油是絕配。滷水雞翼用的滷水依舊好味，多年沒變，到底是否還是10年前的一窩？因為天氣熱，所以點了凍奶茶，但茶味被冰溝淡，沒有熱奶茶般好飲。…Read More

又再一次黎炳記食早餐，今日好好彩，即刻有位，平時要等好耐！！炳記已經食過無數次，次次都會指定叫蛋牛豬扒麵，今次食雞翼蛋麵雞翼霖夠味，凍奶茶茶味夠，好有茶檔feel,奶油多士必食，實在太好食，麵包烘到好鬆脆，加埋牛油奶太正@大家去前記得上ig 睇有無開門…Read More

特別推薦大家✅凍奶茶《凍奶茶》非常香滑❗️奶同茶嘅比例恰到好處，奶味香濃同時有濃郁茶香，飲一啖就會愛上❤️係咁熱嘅天氣，飲杯凍奶茶，好爽😌💰hot $16💰cold $17💰take away $18*長期都要排隊🚶🏻‍♂️🚶🏻‍♀️，唔想等可以外賣😈**聽聞嚟大坑一定要飲😂…Read More

一直鍾情懷舊既鋪頭，雖然呢排太陽伯伯好落力，所以都覺得炳記係街度坐另有一番風味！不過食落都真係幾熱，一路食一路流汗，食完要即刻走！（值得一提，招呼客人既姐姐好好人，知道我地食到好熱，幫我地掉個涼d，有風扇既位。）今次同朋友叫左豬排旦麵，雞翼咸牛旦米同凍奶茶。食物味道依舊，豬排同雞翼都好入味，有咬口，麵係出前一丁，落埋枱面既麻油同辣椒油，係夾既！呢個價錢，有呢個質素，算係有水準既！不過今日杯凍奶茶失色左小小，希望下次再去，會正常返啦！…Read More

聽得朋友講太多次這間茶檔的名字, 好想去試下, 上次嚟到, 2點幾, 老細話要收工, 緣慳一面, 今次嚟好彩冇收工, 仲仍然係一條長長的人龍.  我們當然照排隊啦. 好彩人流好快. 等左一陣就有枱呀.出名的當然係奶茶啦, 朋友們都飲熱奶茶加煉奶, 有一個則飲熱奶茶少奶, 咁梗係茶走好味好多啦. 好夠滑, 又香奶茶的味道, 同埋最重要係好夠熱呀. 因我唔想飲熱的, 所以就飲凍奶茶呀. 凍奶茶夠晒凍同埋大杯, 茶的顏色夠深, 同埋都好滑好香的呀. 好好味. 我們叫左一份奶油多士及一份奶醬多士, 係厚多士的, 好香, 成塊多士都脆卜卜, 但又唔會濃, 好好味呀. 牛奶及牛油都唔會太多, 啱啱好. 唔怪得會咁多人啦, 又平又好味, 又快.…Read More

這個週日我下了決心要去一嚐大坑的炳記，只因好幾趟駕車來到大坑， 不是找不到車位，就是炳記排著超長的人龍。炳記是港島區其中一個著名的鐵皮屋排檔，歷史悠久，是個本土飲食歷程的活文化見證。尤其大排檔文化近年被傳媒一次又一次報道，因為大家都害怕數年後，連現在碩果僅存的二十八個大排檔都會「煙消雲散」。幸好，政府凍結大排檔牌照三十多年後，近年終於決定解凍，牌照可由子女承繼，令這個本土飲食文化得以流傳。原來鐵皮檔髹上的翡翠綠色，雖然不是人見人愛，當年以此顏色作為主色，只因易於記認，又襟污糟，染上油煙也看不出。清一色的原因是當年市政局為了易於規管，對檔口外形有劃一規定的原故。星期天的大坑近年成了一個覓食熱門地點，大大小小的車輛在窄小的街上轉來轉去，為的只是找上一個車位。幸好這天很快先找到車位，繼而炳記的人龍不算太長。我們約約等了十來分鐘，可是等位的時候看著身旁的枱上的食物，只好把垂涎的口水吞回肚裡去 店員很有秩序的安排客人就座，我們最後坐到巷裡的位置，正好對著劃上了以茶檔為主題的有趣漫畫。檔裡提供的食物項目清楚列明貼在牆壁上，名物是豬扒及多士。貪心的我點了個【豬扒併紅腸麵】($30)，掌門人則叫了【豬扒米】($25)。豬扒已經分件切好，很方便進食，去除整片吃的麻煩，相信女生會欣賞這安排呢，豬扒肉質香腍軟身，且有彈性，經相當時間醃製後味道一流，有著特製的醬料香氣，是其獨特之味呢。近年的紅腸質素下降，大部份的口感模糊，粉和肉的對比太大，幸而這兒的紅腸加了煎香的程序，口感不錯，麵條的軟硬度恰到好處，爽彈之餘亦帶著點點嚼度，令整碗麵加了不少分數，加上翠綠爽嫩的生菜，確是滿足，怪不得經常大排長龍了。豬扒米的豬扒同樣美味，米粉爽彈煙紉，同是上佳之品呢。竟然在這小小茶檔裡，發現來自日本的麻油，在麵裡澆上數滴麻油後，麵裡透出的麻油香更是小妹的至愛配搭。再來一份茶檔必叫的【奶油多士】($8) 這份厚切版的多士可是真正的"厚多士"吧! 烘得滿佈焦香痕跡的多士塗上香甜煉奶及牛油，兩者永遠是絕佳的好拍檔，多士鬆化脆口，內裡軟綿綿，加上融化在煉奶裡的牛油，做就成極美味的化身。再喝一口冰凍的奶茶，香醇厚實，郁香柔滑，簡直是慵懶的週日的一大享受呢。這個鐵皮茶檔是香港本土飲食發展的活文化，吃到的茶檔食物全是最地到的，冀望它能繼續保留下去，讓我們的下一代能親眼看看香港從前的飲食文化外，同時把這些具港式風味的美食延續下去。…Read More

並不是第一次來炳記，還記得好幾年前來過，但那時候真的沒有太留意它原來甚有名氣，幾天前賭神曾經來過，今天去的時候看到剛出新歌的師兄，好運一些的朋友更有機會看到醫神，不過作為公眾人物出入用膳真的很不便，所以還是勸各位不要打擾他們。說回炳記，可以說是數一數二的老牌舊式茶餐廳，筆者常打趣說男仕們的女友如果不介意跟你坐在這裹用膳，那位女仕必定能跟你一齊捱世界。已記不起對上一次來到這裹點了甚麼來吃，但這一次目標比較明確，就是為了豬扒麵及凍奶茶來，二話不說就點好了。豬扒麵重點並不在麵或湯底上，最吸引每一位食客的在於主角豬扒身上，並不像很多的餐廳整塊豬扒上碟，這一個豬扒是碎上而且每件大小均一非常恰好，而豬扒本身用了秘製醬汁及不少的黑椒處理過，味道非常入味而且很惹味肉質很腍，單是這個豬扒已值回票價。公仔麵和湯底只是普通貨式，單看茶餐廳沒有提供湯匙給食客便知這個湯底沒有預計食客會食用，整體這個豬扒麵可以說是數一數二好吃的。之後來了一杯凍奶茶，筆者是凍奶茶及咖啡的愛好者，這一杯凍奶茶也來得十分出色，凍奶茶茶香茶膽濃，味道不會太甜也不會有任何澀味，配搭組合都做得十分出色，怪不得這般多人為了這杯凍奶茶特地來到大坑。這一個午餐只需要$40，價錢非常大眾化而且性價比高得緊要。大坑除了這一間炳記外，還有不少美食和Cafe值得一試，好像跟他一樣非常有名氣的民聲及順興，下一次放假會再來一吃。…Read More

同小孩子去完中央園書館....行十分鍾就到.... 一心想要食好D 一早印定個地圖...睇定個D食評介紹...就唔會蝕本...今次我點了:1. 凍奶茶2. 豬扒麵 ( 惹味的黑椒味.....)3 .雞翼米 ( 入味雞翼 )4. 凍檸水想來想去...都係唔知點形容....若要真係形容....苦加思量....唯有以 用心 來形容...點解 ?1. 飲品應濃則濃-凍奶茶( 夠滑 ), 應淡則淡 - 凍檸水...不太甜2. 有沒有想過同時候有二款蔬菜在同一碗麵內 ? ( 通菜+生菜 )3. 因有小朋友在場....食物分開上....唔使爭吵4. 因應需要口味, 自己加麻油5. 店員自動自覺提供合適的食具給小朋友用...又有大量餐紙...對小朋友呵護備至...這樣的一間食店....你會去嗎 ?下次一定要食餐勁.....…Read More