Ichiraku Udon

因為朋友住喺呢頭，所以揀左呢間就近佢既日式餐廳食野，一入順寧道就見到呢間門面充滿日式風格既小店，大大張寫住＂烏冬＂同＂燒烤＂既旗幟擺放喺門口兩邊非常吸睛。店面唔算太大，只有廖廖幾張枱，如果滿座時間會坐得有啲擠逼，我地去既時候係兩點半鐘，過左lunch hour既關係人唔算好多。除左包餐飲同沙律既午餐之外，仲有唔少散嗌既小食，包括沙律、炸物、一品料理、串燒等，價錢亦好合理，每份都係二十至三十零蚊不等。沙律跟餐送既，主要材料係青瓜絲、蟹柳同蟹籽，清新開胃。沖繩煮豬軟骨烏冬配鰹魚湯底湯底鮮美清甜，入口滑順，配料豐富，除常見既紫菜、木耳、昆布外，仲有蘿蔔、嗚門卷，烏冬彈牙，食得出係出面舖頭賣需要冷藏、品質佳果隻。豬軟骨份量頗多，軟骨位雖然不至於入口即溶，但軟嫩多汁，非常入味。日式醬燒肥牛烏冬配血池地獄湯湯底顏色好紅，但味道無想像中"地獄"，唔算太辣。肥牛口感唔會太肥膩，煮得唔韌，但連湯上感覺味道有啲沖淡左。一樂厚燒玉子口感濕潤綿密，味道剛好唔會太甜膩，如果製作過程加埋高湯會更味美炸一口芝士配藍莓醬幾特別既一款，本來以為搭配會有啲怪，但酸酸甜甜既藍莓醬中和左炸芝士既鹹膩，食落好夾完全唔覺得漏，值得一試汁燒安格斯一口牛牛味濃郁，醬汁調味恰到好處，夠惹味，火侯略嫌過左少少，有啲啲乾身。汁燒鰻魚串鰻魚肉質軟嫩，入口即溶，外皮烤得香口略帶微焦。沖繩黑糖蕨餅賣相相當精緻，好有日式風味，影左好耐相都唔捨得拆開食蕨餅軟身彈牙，好似食梗啫喱糖咁，好香黑糖味，配搭既黃豆粉落得好重手雖然環境唔算太大，但喺香港地細租貴既壓力下食物製作仍非常用心，喺香港已經買少見少，希望店主繼續加油…Read More

出開去長沙灣做嘢，唔覺唔覺已經到咗晚飯時間，當諗緊食咩嘅時候，就見到呢間烏冬店，於是同同事一齊去醫吓肚先。烏冬有好多不同配搭，湯底已經有7款，而主菜配料又有10款，選擇都算全面。調味料同天婦羅粒供個人喜好加落烏冬度一齊食。我哋揀咗2款唔同嘅湯烏冬，同事叫咗<<赤>>日式醬燒肥牛烏冬，<<赤>>湯底係一樂秘傳蕃茄豚骨濃湯，湯底有淡淡豚骨加少少蕃茄味，唔係好濃嗰種湯底，肥牛惹味，烏冬彈牙，呢款湯底好清爽。我就要咗<<黑>>日本產黑毛豚肉烏冬，<<黑>>即係日本黑蒜油墨魚汁豚骨濃湯，呢款湯底味道較濃，食到蒜香味，黑毛豚又淋又多汁，好味! 食完主食，就緊係到甜品時間啦! 2款甜品都包裝得好精緻。我哋分別叫咗十勝紅豆宇治綠茶奶凍，啲紅豆大粒得嚟，但又好綿，奶凍嘅奶味好香濃，同時帶有微微綠茶味，整體感覺剛剛好，少甜好啱我哋。另外就係沖繩黑糖蕨餅，蕨餅好軟熟，食到黑糖嘅清香味道，配埋灑面嘅黃豆粉，又係少甜，好清新。最驚喜係喺食烏冬嘅專門店，都食到高質嘅甜品，而且店員都親切有禮，樂於介紹各款食品，同埋會主動加茶，下次行開都會再 encore! …Read More

今年想做點新嘗試，改變一下心情和鍛練身體，碰巧看到D2 place 有舉辦大型集體運動，這晚是Funky Muay Thai，結合了泰拳和健身舞的運動，運動後渾身汗水💦，而且肌腸轆轆。但無阻我為了去這家在深水埗的烏冬店的決心，走了十五分鐘才到卻也不枉此行門面很有日本街頭特色，店子小小因為實在太餓，除了烏冬另點了兩款前菜，鹽燒安格斯一口牛和松葉蟹膏茶碗蒸鹽燒安格斯一口牛$28賣相不俗，一上桌已有陣陣牛柳粒飄香牛肉剛熟不會靱，撒上黑椒很香口，調味也剛好想起曾在葵廣小食檔吃賣幾十元的所謂安格斯牛柳粒又乾靭又羶，簡直是天淵之別！ 松葉蟹膏茶碗蒸$38嫩滑茶碗蒸，材料豐富，本身咸味已足夠，配上帶有咸香的松葉蟹膏，味道偏咸，個人認為單吃已足夠日本產黑毛豚肉·每日鮮製鯛魚清湯烏冬 $88好好味奶白色清湯湯頭有濃郁鯛魚香，加了大量薑熬煮，一點也不覺腥，也不過辣，還很暖胃☺️手打烏冬彈牙，吃得出不是超市廉價貨最喜歡它蔬菜量足夠配料有蔥花、赤坂魚蛋、木耳絲、碎昆布、紫菜、什菌、大根和菜而主菜黑豚肉片也很美味，薄薄的黑豚肉煎得香香的很快就吃光了原本想就此結束，店家細心問湯頭會否太辣，是否合胃口，還介紹了飯後甜品，原來只要$25 就吃到師傅手作甜品，當然不可錯過沖繩黑糖蕨餅$25賣相很吸引～鋪滿黃豆粉的蕨餅上有一棵裝飾用的植物，有如沙漠中的綠洲🌵一啖咬下去，軟綿綿甜蜜的滋味襲來傳統日式蕨餅多是當茶點，配抹茶吃，所以會很甜，這款甜味適中，很舒服😌不自覺地多沾了些黃豆粉慢慢吃可以說是我吃過最好吃的蕨餅還只賣$25，再來一定Encore!其實是日甜品還有另一款選擇吃罷才發現剛剛揮發掉的汗水💦和耗損的卡路里，已隨這頓豐富而美味的晚餐全數補回來了😱😱😱😱（說不定還有突...）…Read More

放工後去長沙灣探朋友，去開宇宙商場附近，諗住搵啲小店幫襯下，行到美寧中心就見到依間日式烏冬店喇。店鋪係比較醬細，大約有10個位左右。我地黎既時候比較早，有兩枱大係度。店鋪裝修得唔錯，最重要既係感覺乾淨。依間係主要食烏冬既地方，所以有好多款唔同既烏冬可以揀，仲有7款湯底，實有一款啱你。小食都有好多選擇，都好吸引，仲有埋甜品，但飲品就普通啲，有可樂汽水烏龍茶咁。因為我太熱氣所以無試到依度既皇牌A4鹿兒島和牛烏冬，但我見人地既食法都好特別，係要自己放湯汁去整熟佢，好似生滾粥咁，咁樣牛肉一定唔會太熟啦。我今次叫咗依個日本黑豚肉烏冬，配咗赤湯，睇落去可能你會覺得好辣，但係食落其實啱啱好，湯底唔油膩，加上豚肉肥瘦適中，成個都約配合，配菜又多，個白蘿蔔如果再大舊啲就更好喇，值得推薦。另外我地都俾啲小食吸引住咗，依個玉子燒蛋味濃郁，熱喇喇，好味。明太子雞翼，咬落去無骨既，雞翼裡面塞滿明太子，明太子咸咸地既味道同雞翼都幾配合。依個炸蠔俾想像中讓好食，無諗過會係度食到咁鮮味既蠔，由於每樣野都係即整既，所以都新鮮熱喇，由其是依個炸生蠔，我強烈建議點咗沙律醬，會升咗去另一個層次，會令個生蠔更加鮮味同個皮無咁油膩。最後仲食埋依個特色甜品，黑糖蕨餅，用黃豆粉包住軟棉既黑糖蕨餅，唔太甜口感都好好。價錢唔貴但有質素，好值得食試下。…Read More

今天一早同靚女去找黃鈴花，可惜花落哂啦！聽到有人話漢花園有亭台樓閣，咁我地未帶著希望去睇，不過都是失望，行到又攰又餓，遠見到間以藍白色為日式餐廳，見價錢合適便入去試試，內部裝修更加日式，掛了日式燈菜單圖文並茂，簡單易點，湯種類分得非常仔細，並用顏色分清楚，餐具套以櫻花作設計我地點左日本產黑毛豚肉配赤湯(即是一樂秘伝蕃茄豚骨濃湯，日式餃子(4件)，一樂手打烏冬加明太子胡麻沙律汁先遞鴨胸芝麻蟹籽沙律，很多蟹籽，沙律菜新鮮，芝麻醬多日本產黑毛豚肉配赤湯烏冬：很多黑毛豚肉，烏冬彈牙同滑，配菜多日式餃子(4件)：煎得皮脆肉嫰，一口咬下立即有肉汁流出一樂手打烏冬加明太子胡麻沙律汁，冷烏冬更突顯出烏冬彈牙同滑，蟹籽、青瓜絲、蟹柳絲同粟米多，配埋明太子胡麻沙津汁同紫菜，非常好味最後我地想點紅豆宇治綠茶奶凍作甜品，侍應姐姐介紹我地試沖繩黑糖蕨餅，因為堂食特價15蚊，外賣就25蚊，不過嗰靚玻璃樽在堂食就回收返，外賣則不用。甜度適中，蕨餅煙韌彈牙…Read More