憶食尚臘味煲仔飯

Open Now

Now Closed

今日午飯去左一間高檔版既煲仔飯餐廳，係位於佐敦既憶食尚臘味煲仔飯。玄米茶正。玄米好新鮮，米香茶甜。另有鐵觀音同菊花可選。茶介$15一位。如果食午餐可以免收茶位費。川味臘味煲仔飯 $158 小份 另加一川味臘味煲仔飯係用左廣式鮮肉臘腸丶廣式臘肉同南安板鴨三種臘味食材製作既煲仔飯，加入一d花椒醃制變身成四川風味。上碟前加入頭抽丶芫荽同蔥帶出香味。鮮肉臘腸富彈性同香味丶臘肉肥味香口丶南安板鴨皮脆肉厚，啱晒鐘意臘味嘅你。彩蛋在後頭，就係一層飯焦，脆過薯片，香過豬油！甜蜜咕嚕肉 ＄88 例 另加一甜蜜咕嚕肉係用油爆好既新鮮肉排，同三色椒丶紫洋葱同菠蘿一齊炒，完美保留左肉汁，味濃適合送飯。上湯娃娃菜 ＄78 例 另加一娃娃菜一開四上湯灼好，上面加上火腿絲丶姜片丶蒜片同百合，中和口腔油份。呢度裝修企理，枱同枱之間夠距離有私隱度，坐得算舒服。

餐廳內感受到環境乾淨, 寬敞。我到二樓坐下, 侍應員有禮貌地問鐵觀音, 菊花茶, 玄米茶的選擇。廚師推介之甜蜜咕嚕肉配料鮮甜 當中有青椒紅椒紅洋蔥菠蘿 外脆的咕嚕肉炸得剛好 肉身嫩口 每一粒咕嚕肉 都把醬汁包裹住 而且醬汁酸甜適中 係一個開胃的菜式上湯娃娃菜很喜歡娃娃菜上加了蒜片和薑片 金華火腿條調味 而且上湯很鮮甜川味臘味煲仔飯臘味食材集合咗 臘腸 臘肉 鴨肉 吃下去第一時間嚐味到 茅台酒嘅味道 再配豉油 蔥花 更加野味 而米用了東北米(係一個五常米) 聽說肉類是用了 土黑豬 控制臘味不一樣 一年時間放養土黑豬 再用五十三度大曲醬香型茅臺酒調味 而且肉是三分肥七分肉 食到一半可以品嘗飯焦的香脆 可以用剛才的娃娃菜上湯 一起食 非常之襯。 真係製作用心的煲仔飯 非常美味 我會再次光顧的

今日去開佐敦個頭，午飯係憶食尚臘味煲仔飯搞掂。呢間憶食尚臘味煲仔飯係高檔版既煲仔飯餐廳，裝修企企理理，座位隔開好有私隱度，坐得幾舒服架。今次上樓梯坐一樓，原來上面多好多位，都有好多屏風隔開，仲有貴賓房。餐具都唔係普通煲仔飯餐館格局。午餐有四款揀，有炒飯，手工麵同湯飯，亦有2人同4人餐。午餐送咖啡或茶。上次試過瑤柱蛋白海皇炒飯同酸辣湯手工麵，今次試吓另外兩款先。蟲草花燉湯今日慳荷包只係叫左一盅燉湯分享。燉湯係蟲草花。湯味非常清甜，都幾足料，有蟲草花，玉竹，桂圓，紅棗，豬肉，雞肉。瑤柱冬瓜脆米湯飯 $88 另加一瑤柱冬瓜脆米湯飯個湯用個煲仔上，湯好清但係肉味都可以。配料有肉片，乾瑤柱絲，蟹柳粒，冬瓜粒，草菇同薑片。脆米另上，浸左湯一陣都仲脆。一碗白飯都係另上。蝦球撈手工麵 $78 另加一蝦球撈手工麵有四隻蝦球，已剝殼，味道可以。手工麵有d似上海麵，又幼又稔滑。加左青瓜絲增添口感，上面加左肉鬆同少少蝦籽，味道係可以嘅。上湯娃娃菜 $68 另加一另外叫左一碟上湯娃娃菜。娃娃菜份量唔少，上面加左火腿片，蒜片同薑片。今餐冇糖水送，食完轉場食甜品先。

大熱天時，我老公突然話想食煲仔飯，即刻上網找那間餐廳夏天仲有得賣煲仔飯，好在找到憶食尚餐廳裝修非常優雅，餐具尤其精緻，有蝴蝶圖案，餐牌好特別，每版都著名食材來源、如何製造、你身體益處，如服務員介紹，除了蔬菜，無論油、米、魚、臘腸、通通店內有售，都是他們自家製蔥油雞，走地雞比較爽口，加上蔥同油，好嘢味，配上甜甜大白菜，完全唔油膩煎鮮醃海鯧魚，鹹味適中，煎得非常香口，薄薄魚皮尤其香脆主角來了，廣式臘腸排骨煲仔飯，一打開蓋，連隔離枱都讚香，臘腸好特別，滿滿酒香味，提升肉味，又冇乜肥膏，👍🏻，排骨絕不是雪藏肉，好有口感，飯又特別香上湯娃娃菜，蒜子尤其香甜服務員推介糖水御髪膳粥，補腎又烏髮，既然她熱烈推介，當然試試，軟綿綿，加上椰汁，好可口，又唔太甜，非常健康好食得出餐廳師傅用心製作，如此高質素又服務一流，CP 值超高