On On BBQ (Yim Po Fong Street) (Closed)

呢間串燒店好有氣氛,好似係街邊食咁(當然唔係啦🤣店舖唔係好多位,所以平日8點多之後就開始要排隊了👀價錢都唔係好貴,性價比高🥰🔸溏心波蛋脆脆煙肉碎三重芝士撈丁$63身為芝士控見到呢個當然不能放過啦😍芝士味真係好重,每條味都掛上芝士🧀而且表面嘅芝士有燒過更加香🔥而配料就有水波蛋同煙肉,令成個麵更豐富😆店員有提醒要趁熱食,大家影完相就快快食啦😚涷咗就會乾咗~🔸惹味蒜蓉生燒茄子🍆$48食串燒當然必叫茄子啦🫶🏻 茄子好大條,2個人食都有啲多🤣而茄子上面有大量蒜蓉🧄仲要唔係李錦記蒜蓉!!!呢個組合真係不得了😙🔸蒜蓉牛油焗金菇雜菌🍄$40鍾意食牛油金菇真係必叫❣️上枱係仲滾緊㗎🤩包括有金菇,蘑菇同本菇,蒜蓉味好夠同牛油也十分夾🤝🏻菇都吸晒啲味同埋份量也很多🤭🔸秘製沙嗲醬燒豬頸肉🐷$37豬頸肉都好淋而本身都有調味,但配埋旁邊嘅沙嗲醬會令豬頸肉更惹味😙🔸炙燒雙重芝士丸$25有兩款芝士丸可以選擇,呢款係本身佢就係炙燒過同內饀個人覺得好食d🤣🔸安格斯肉眼牛柳串($58),燒豬軟骨($32)牛柳唔太淋,有少少靭🫢肥肉嘅比例就偏多,呢個價錢都少貴😳而豬軟骨係有2串,就不過不失了🙌🏻🔸燒韭菜$25,燒娃娃菜🥬$21燒韭菜係第一次食,燒得好香,口感也很好😚而娃娃菜就正正常常啦但就少燶🫣🔸甜蜜脆脆糖燒菠蘿🍍$29菠蘿表面係有糖再燒响,脆脆地😙而菠蘿係有浸過糖水嘅所以都好甜🤪菠蘿都好多汁,食咗咁多熱氣再食真係好爽😆🔸甜蜜脆脆棉花糖夾餅$18建議大家襯熱食因為我地係涷咗再食就冇咁好食🤫係梳打餅夾住燒過嘅棉花糖再加上朱古力醬🍫係想像到嘅味道😂🔸華田可力沙冰🥤$33起初望咗好耐可力係咩原來係阿華田加好立克嘅沙冰🤩開頭嘅係阿華田味然之後就有好立克麥芽嘅味😎飲落都好涼爽👅…Read More

好耐無食港式串燒喇，前排食完楚撚記諗起同一集團嘅安安燒，於是預早幾日喺openrice book位。餐牌上有超多選擇，基本上講得出嘅都有肉類有雞牛豬羊，蔬菜選擇都好多，另外仲有海鮮。一坐低好肚餓，咩都唔諗，嗌個招牌三重芝士撈丁先。三重芝士包括藍芝士、巴馬臣芝士同車打芝士，芝士味非常香濃，藍芝士味好突出，同一般餐廳嘅芝士撈丁只得陣奶味好唔同。丁麵煮得剛好，仲有少少咬口，唔會太腍平時燒嘢食最鍾意食燒雞翼，呢度唔使自己燒就有得食，啱晒我呢啲懶人　燒雞翼醃得夠入味，中間雞肉嫰滑仲有肉汁，如果雞皮可以燒得脆啲就更加好。見到滑雞片寫住脆皮所以都試下，雞皮真係烤到脆卜卜雞肉嫩滑，醃得入味但唔會過鹹。雞扒份量都幾多，一份有三件。蔬菜就叫咗燒韭菜同茄子，韭菜搽咗醬汁燒唔會太乾身，食落完全無渣。茄子表面鋪滿蒜蓉，茄子肉燒到好腍而且好juicy，夾埋勁多蒜蓉非常惹味燒粢飯聽落好有趣所以都點咗個試下，係糯米飯中間夾住一層肉鬆。糯米表面有少少微燶，有啲飯焦嘅感覺，幾香口。如果中間有埋油炸鬼同榨菜就好喇，餡料只有肉鬆，味道同口感都比較單調。美國牛小排燒至五成熟剛剛好食落感覺唔太肥膩，牛肉味濃。燒鹿兒島豚肉串係五花腩，肥膏燒過之後變得無咁油膩，但仍然好香豬油味，而且肉質帶點爽口安格斯肉眼牛柳串肉味濃郁，肉質軟腍串燒全部都有落少少辣椒粉調味，食落微辣好惹味。枱上亦有提供孜然粉同辣椒粉，鍾意食重口味可以自己再加。整體嚟講串燒選擇多，食物質素好，幫襯過幾次都保持到水準。…Read More

夏日炎炎，想刺激唔一定韓燒或炸雞嘅！串燒都係個唔錯選擇。門口有餐牌介紹，等緊朋友都可以諗定食乜門面裝飾有味道，好似可以坐到好夜。芝士撈丁有好多味道，第一次嚟梗係要試個傳統D架啦。每張枱都有調味粉，十分方便。三重芝士，麵淥到少少淋，燒焦部份先係精髓，為個撈丁加重分蟶子皇 - size偏細(約手掌咁長)，同扇貝一樣鮮甜，蒜蓉是有調味過墨魚滑同燒魚翅感覺都好新鮮沙茶金菇 - 沙茶味很重，凍咗食偏鹹。燒菜心同四季頭都燒得剛好，保留到菜汁。凍柑桔檸檬係鹹檸同柚子蜜嘅結合，味道清淡。菠蘿啤甜得嚟少酒精，啱晒易醉嘅我係揀嘢食時店員熱心咁提供海鮮價錢。由於串燒都係趁熱食好，所以強烈建議要善用首次/2次/3次分開落單，食到咁上下先再叫，咁就食到最美味…Read More

每次相約友人，總是說一句「吃什麼好呢?」是次就由友人拍板，決定吃串燒。毋懼炎熱，在35度的氣溫之下，在旺角街頭來來回回，最後選址近在眼前、位置最近的安安燒。還記得對上一次到訪已是上年之事了，當時還是處於嚴冬，大伙兒圍著吃串燒環境頗舒服、氣氛頗不錯。而現處於炎夏，雖開大冷氣，但由於小店彷似日式燒物店，以半開放式再用上布簾阻隔，空調像是完全流走，加上通風系統有點不足，感覺特別熱，沒想到未吃先汗流浹背。各式各樣的燒物也有供應，其中芝士撈丁紙寫著...有別於坊間的一般芝士撈丁，加入藍芝士、巴馬臣芝士及車打芝士，只是看描述已覺得好吸引。實物的三重芝士撈丁/$44，賣相不錯，撈丁上鋪滿著濃郁稍燶的芝士，芝士呈奶白色，看起來其實有點像蛋白。把芝士混入撈丁後，撈丁變為挺身帶黏性，味道的確截然不同，濃郁得來又不會太膩，而稍燶的芝士更令撈丁格外鹹香，不過撈丁質感稍腍，如麵條硬身一點會更好。熱辣辣的天氣，先喝一口冰涼的啤酒解暑，我們分別點選了Strongbow Apple Cider/$35支及COEDO日製手工啤酒。先呷了友人點的Strongbow Apple Cider，蘋果味濃，甜甜帶清淡的啤酒味道，猶如喝香賓一樣，非常易入口。小妹一直想試COEDO日製手工啤酒/$36，聽聞有5款，而店內所供應是擁有柑橘芳香的Kyara（伽羅），起初冰凍的啤酒，入口尚算順口帶微苦，而麥味偏重，並帶有少量的白葡萄香，不過當放耐了，不知是否啤酒的溫度開始變暖，急速氧化，令苦澀味更出，呷最後一口時，更是特別的苦，所以建議盡快喝保持新鮮。燒韭菜/$18吸收過曬上的辣粉後更惹味，仍是爽口，醬汁亦足夠。串燒蜜糖燒賣/$15，蜜糖味尚可，而燒賣偏腍，看似燒得過火，如硬身一點會較好。另烤雞賢串/$23真的值得一試，雞賢完全沒有難咬、非常硬的感覺，入口爽身，味道不錯。一碟有4隻的香濃芝士燒扇貝/$47，每隻約手心般大，均鋪滿著濃濃的芝士，重點是要襯熱食，因熱食的時候，芝士還是黏黏的貼在扇貝上，一拉開，芝士變為長條狀，非常滋味。若然不襯熱吃，芝士會緊貼在殼，難以刮開。炙燒雙重芝心丸/$18，芝心丸厚身彈牙，咬開內裡的芝士徐徐流出。燒雞軟骨串/$25，軟硬度不過不失，不過略欠軟骨咬感。單看這碟惹味蜜汁串燒蠔/$52，每隻蠔也光身，明顯塗上滿滿蜜汁，味道雖帶甜，但不會搶去蠔的原味，加上蠔的表面燒得帶點微燶，令質感帶點脆口，非常出色。鹽燒多春魚/$34也是值得一試的串燒，魚魚不會太燶及乾身，味道微鹹及脆口，尤其是魚尾更脆口，脆得連帶細細的魚骨也輕易地嚥下去。整體串燒確實不俗，其中特別喜歡芝士系列，濃郁又不膩，值得再來。唯獨是冷氣不足，如加強冷氣，夏天就吃得更舒服了。…Read More

次次經過出面都有唔少人排隊，今日再經過，忍唔住入去試下。因爲同男朋友都算收得早，7點去到都仲有d位。但都不斷見到人原來一早book左位。係門口已經聞到既香味，一入去坐底就更重了！覺得自己好似去左bbq咁！好多唔同香料燒埋一齊既味真係幾正！ 餐牌上有好多選擇，淨係蠔都有好多種燒法！我同男朋友都用左d時間先揀到食咩。最正係佢有個有相既餐牌！岩哂我呢d鍾意睇圖多過睇字既人！見到d相仲令人更食指大動。首先叫左個好多人推介既三重芝士撈丁。真係好好好食！麵既質地唔會太林，好彈牙。三重芝士既味道超濃！店員仲好細心咁提我地要趁熱撈。d融左既芝士好均勻咁痴左係麵到，令每條麵都有豐富既芝士味！不過如果份量可以再多少少就好啦！係可以Encore既食物！之後再上既係呢個雞翼釀餃子，其實係覺得個名幾可愛所以先叫。黎到覺得好好食。因為佢係用拆左骨既雞翼扮餃子皮，釀左d平時食餃子會食到既味道入去(好似係=P)。有菜仔同d肉。個雞翼燒得超軟，肉質好嫩滑！呢個完全係驚喜！之後黎左個白鱔！鱔肉一食就覺得好新鮮！好有咬口！$一咬落去仲見到好白，無骨唔使麻煩。$48得一串係有少少貴，但係真心好食既！田雞脾一向係我既摯愛！佢呢到既田雞脾好大隻！咬落去真係啖啖肉！加左麻辣醬令成個餸好入味！仲要$34有四隻！比我expectation多！因為依家真係唔係好多地方會整田雞。呢個蒜蠔係我覺得最好食既！d蒜泥好多！蠔又新鮮！加左少少蔥同辣就更加惹味！d汁仲留晒係個殼到，連汁咁食真心正！下次仲想再試下佢個朱古力蠔同芝士蠔！好有創意！總括而言，我最鍾意就係唔使自己燒都食到BBQ風味！佢既選擇有肉、菜、海鮮等類別，都算係幾多下！仲有最重要一點係：雖然係BBQ，但地方都唔會好熱，冷氣同風扇都好夠。…Read More

係旺角附近打完波肚餓去搵野食一直見到附近有間串燒想試好耐 就行左去染布房街都睇下有無位未行到已經聞到串燒香味 未食都肚餓呀入到去 都已經好多食客 好彩 7點幾 2位都唔洗等超多款串燒比你間 我覺得最好食都係燒韮菜 一食食左三碟韮菜唔會燒到過熟 燒剛剛好 夠香夠多汁 好惹味！另外蒜蓉牛油焗金菇同牛柳串都好推介其次去到必試係三重芝士撈丁芝士味夠濃 加埋公仔面 一齊真係充滿罪惡感食串燒如果怕唔飽 加埋依個三重芝士撈丁 一定包你飽到訓唔著…Read More

串燒加芝士撈丁依個組合，叫人如何拒絕安安燒位置雖較遠，但8點已經坐無虛席，門前企左唔少食客，聞住串燒既香氣，等左半個鐘終於入得，由於等時已經諗定食咩，一入去即可落單第一樣黎既係最期待既三重芝士撈丁，藍芝士&巴馬臣芝士&車打芝士混和下，加上面頭帶有燒焦既芝士膜，令我第一次試到如此香濃的芝士撈丁！第一口，即夾起微微燒焦的芝士部份，濃郁且帶咸香的芝士即帶來味蕾的衝擊，混和芝士與公仔面之後，每一條公仔面都被濃濃芝士汁包圍，作為芝士迷的筆者，每口都十分滿足扇貝上蒜蓉鋪得滿滿，加上少許蔥粒與辣椒粒，扇貝本身鮮味唔明顯，而且有2隻扇貝好細粒，有少少失望。筆者將過多的蒜蓉混和芝士撈丁同吃，又有另一番滋味與燒韭菜實在相逄恨晚既感覺孜然粉&辣椒粉均勻撒落韭菜串燒上，加上本身已燒得香甜juicy既韭菜，實在忍唔住一口接一口，十分之出色！！燒芝士餈飯係失望既，無特別，食唔出加左芝士燒牛小排，面頭燒得有點香脆，本身好有肉汁，肉味香濃，讚炸餃子雞翼，表面有大量蜜汁，對筆者而言太甜，內裡應該係豬肉餡料，食起來啖啖肉，算是不錯！燒鯖花魚唔腥，而且魚皮燒得脆脆，好香口鹽味加鯖花魚，是一種簡單的純粹的味道麻吉年糕串燒，外面似丸，比較有趣既係中間白色果層，口感少少煙韌，相信就係麻吉！在眾多美食中不算特別出色好食。生燒茄子係燒烤店是必點的吧！賣相唔錯，但食落口蒜味無想像中濃，不過不失！串燒獨有的燒烤香氣加上撈丁的濃郁香軟口感，永遠是筆者無法拒絕的最佳美食組合！…Read More

今晚同久違了的同學食個串燒吹下水，得知道有一間近旺東的燒烤頗有名氣，幾個朋友都吃過，特意來一趟!由旺角東走來在天橋樓梯間已見到一幅易拉架做宣傳。到達店門，人頭湧湧，等的人不少，幸好朋友早已入座，位置也不錯，他的格局是半開放式，得3面牆，向街那1邊是開放的，我們的餐桌也是放在一半店內一半街外。空氣比較流通。桌面上已擺放各款調味粉，鹽，胡椒粒等等，裝備好齊全。餐紙的選擇也多，淨看名字已經lamlam脷嘩!!有芝士撈麵一定必食，仲要前後加埋5款咁多，滿足哂我呢啲芝士怪!圖文並茂，有啲款式真係睇個名好難想像到，呢個膠書仔就幫到手，睇相食飯嘛👀👀講真叫哂咁多款真係食5到，今次同朋友叫左2款先，3重芝士是用了3種截然不同的高檔芝士：藍芝士、巴馬臣芝士、車打芝士，再加上秘製調味以人手方法逐少量混合而成，令到食落口的芝士麵不會好膩，好香濃且口感非常柔滑的醬汁。👅👅兩款之中更高層次是那個黑松露醬版本，吃下去菇香味好鮮，帶動了芝士味更出，整件事已經5似食緊芝公仔麵，而像意粉般享受。面頭被火槍燒過帶陣陣燒香味，應返安安燒個招牌。另外熱愛雞翼的友人叫了一份餃子雞翼，外面雞皮燒到好脆薄，油麵逼出了，不太肥。裡面脹鼓鼓的，釀滿了餃子肉即係調味過的豬肉，咬下去非常juicy,肉味混埋雞香味，肉味香濃，燒開的餃子好滋味😍😍呢個燒雞脾菇簡直估5到咁出色!味道好重，粉落得多，咬入口仲保留左菇汁，而裡面先食得出那是雞脾菇而不是，咁出色的做法岩哂素食朋友。食串燒必食的當然仲有韮菜，其實本人極度鍾意內地燒個種，因為真的好惹味水份好足。這裡燒了一樣的水準，每一條麵不是乾巴巴而是充滿水份，燒韮菜真的好講技巧，一1路燒一路搽水，先可以做到多汁軟腍的口感與辣香草味。食串燒一係就配涼茶，一係就啤酒，咁耐無見!當然釀啤啤佢🍻🍻一pint hogaadren,盛惠65蚊，泡不多，名碼實價夠冰凍!我們坐了近2小時有多，人流不絕，證明這裡受歡迎，位置又方便哂各區的朋友，下次暢談再來!…Read More

位於旺角染布房街一處，俏俏的開了好幾間有特色的餐廳，例如以腐乳芝士鍋聞名的酒吧餐廳Wolf。 這晚想麻甩一翻，於是便就到了吃川式風味小食，串燒的安安燒了。餐廳半開放式，坐最岀或是坐最入，基本上都唔會覺得有好大嘅冷氣吹著透心涼嘅感覺。 不過餐內設了很多的風扇，所以食完頭髮同衫都唔會吸曬燒烤味，用餐嘅時候都唔會熱到留曬汗，用餐環境尚算舒適。餐廳門口掛了幾個寫住安安燒的紅燈籠，有種港版深夜食堂的感覺。餐廳四周掛了橫壓，貼了餐牌，介紹店家的招牌食物。客人枱上放了點餐紙，主餐牌有2頁，大至是丸類，肉類，主食類，海鮮類，秘製麻辣類，蔬菜類，甜品類及飲品類。 另外餐紙就有店家掛曬 banner 大推的芝士撈丁，及一些特式小食。全部價錢一般$1x-$3x，部分海鮮是時價的，但值得一讚的是，我們一坐底就有店員明碼實價講明當日時價的海鮮價格為多少，所以孩子不用怕埋單先知食左嘅海鮮係幾錢。當日一共點了10款串燒左右，及一支酒精飲品。 食物基本上迅速送桌，未開始食，大部分食物已經奉上了。每桌都有孜然粉，梅粉及香辣粉，比重口味ge孩子自己加。Punk果味手工啤$36: 先來啤酒，入口帶少少果甜，但就無平時嘅啤酒咁重麥味，汽都無平時嘅多。三重芝士撈丁$44: 黎到見每枱都有一碗芝士撈丁，就知道要叫一碗試試。 三重芝士即巴馬臣芝士，車打芝士及藍芝士，大量半溶芝士在岀前一丁上，再用火搶灼成半焦色。拌著，奶白的芝士滲到每束岀前一丁去。一口吃下，岀前一丁軟身，芝士並未有所想的濃味，只帶淡淡的奶芝香。吃到尾段，岀前一丁略感到有些乾身，建議店家可放少量的麻油或橄欖油在碗底，拌勻後可能無咁易變得乾身。惹味蒜蓉生燒茄子$38: 一客茄子開半，面頭放上大量蒜落辣椒吃下茄子濕潤綿腍，口中滲著濃濃蒜香，椒香，十分惹味，難怪這麼愛歡迎。燒韮菜$18: 這是我每次吃串燒必點的，每條韮菜翠綠，唔會參差不齊，食落有辣椒香及孜然粉的濃味，最後有韮菜本身嘅多汁，只係略嫌有少少過油。玉子燒$24: 一客有6塊，面頭有些兒焦色。 吃下，玉子燒軟熟香甜。食落有少少在吃海綿蛋糕的感覺呢，此款較岩女孩子食，男仔可能覺得太淡。燒蟶子皇$38: 面頭有大量蒜蓉，蟶子燒得岩岩好肉質不會太老變韌，食落仲係脆口爽口的，而且蟶子新鮮無沙，推介愛吃海鮮的孩子點這款。推介燒雞肉軟骨棒$20: 這是我到居酒屋必點的燒物，在日本餐廳，雞肉軟骨棒另會配上新鮮雞蛋或鵪鶉蛋，想起也流口水。港式食法，加上大量孜然粉，食落一樣唔輸蝕。雞肉棒中含大量軟骨，食落脆脆的，推介。燒一口午餐肉$16(右)及燒手打魚皮餃$26(左) 燒一口午餐肉$16: 午餐肉是一樣十分邪惡的食品，油脂含量很多，但又偏偏難令人抗拒。午餐肉是厚切的，配著青椒同燒，午餐肉外表帶些兒脆身，內裏的脂肪因燒過些兒的溶化，變得軟身油潤，加上辣椒的惹味，推介！燒手打魚皮餃$26(左): 燒魚皮餃也是第一次，外皮燒至脆脆的，帶些兒煙韌入面的豬肉餡豐盛，是頗特別的吃法，不過3粒$26，有些兒貴。美國牛小排$36: 入面還帶些兒粉紅，入口幾惹味，只遺肉質略嫌有些乾柴，有些失望。燒頂級墨魚丸$18: 一客5粒，但全部都切半了，所以是2粒半。 食落彈牙也入味，食味正常，沒有甚麼驚喜就是了。炙燒雙重芝心丸$18: 值得留意，店還有一款普通芝心丸版($15)，作為芝士迷的當然要點double的！ 一串三粒，一口咬下，魚丸部分比平時的較挺身，入面的芝士溢岀，很香濃，加埋辣粉呀之類的，十分惹味。甜蜜脆脆燒棉花糖夾餅$13: 最後吃些甜的！ 棉花糖夾餅，威化餅夾著棉花糖及朱古力醬按一下，朱古力醬係啲窿窿到溢岀。 吃下，威化餅微脆，帶些兒像麥芽糖的煙韌感，棉花糖半溶著，黏到滿咀也是，若然店家用有餡嘅棉花糖，效果必然更澎湃。整體而言，食物中上，串燒來說，定價不算是很平，但也屬於合理。當晚見到很多人一大班的來吃，大杯酒大口肉，每人的表情都是放鬆的，不是早上搭地鐵時看到的崩緊表情，間時放鬆下也應該吧，也許大家也要找過屬於你同朋友們，伴侶的深夜食堂。______________________________安安燒 On On BBQ旺角染布房街6號地舖…Read More

好耐冇嚟過安安燒，今晚心血來潮收工同女朋友去食，十一點幾去到都仲有八成入座率，比兩年前初初開時多客左好多，今次首次點了佢招牌"三重芝士撈丁"，嚟到時比我想像中大碗好夠份量，芝士上用火槍燒左幾下，使賣相更好睇同更香！食落芝士味濃郁，食得出用左幾種芝士混合一齊，而麵亦不會煮過淋！但又其實冇其他人講到咁好食law ! "韮菜"串得好齊整，加上少少辣味粉一齊燒已經好好食！"雞翼釀餃子"依個我叫左兩客，我鐘意佢食落冇骨啖啖肉，外皮也燒到少少濃邊，很香口，味道甜甜的！"牛舌"有三大塊，肉質夠淋，完全不會有乾嘅感覺，唔錯唔錯！"燒茄子"非常大條，全條都係味粉，仲有蒜粒同辣椒粒響上面，非常野味！"蒜蓉燒元貝"燒得唔錯，不會太乾，元貝亦新鮮，最好食係佢上面啲蒜蓉帶點鮮甜嘅味道！"燒菠蘿"我揀左普通燒法，菠蘿好大塊同好多汁，簡單燒一燒已經好好食！總括嚟講安安燒各方面比以前進步左，希望佢哋繼續努力啦！…Read More

我是個芝士迷，不過我並不是喜歡單吃芝士，而是喜歡一切有芝士的食品。芝士波、芝士薯圈、芝士麵、芝士通心粉，想到已經流口水。上星期去了旺角的安安燒，一嚐它家只於星期六、日下午供應的三重芝士撈丁。其實芝士撈丁不是新事，我當然也試過不少，但大部分感覺像是把一塊芝士放上熱麵上。這次看見它寫三重芝士，還真有點期待。店舖面積小小的，位子不多，但座位之間尚算寬敞，也算乾淨企理。店內貼滿介紹餐廳的雜誌剪報，以及食品的相片，看來都很好吃的樣子。當然少不少今天主角 - 三重芝士撈丁的宣傳 Banner，掛在店內中央位置，很搶眼。我食量比較少，加上那天吃了早餐，所以先要了一份三重芝士撈丁套餐加飲品，另外多叫了一串年糕。下單後不久食物便來了，自選的兩款串燒、另外點的串燒年糕，還有芝士麵連湯一起送上。不愧為三重芝士撈丁，雖然看不出三重從何來，但麵上面的確有著份量不少的芝士醬汁。芝士醬汁是口味較淡的芝士，不會太咸，而醬汁的濃稠度也剛好，加少許湯再撈好後，芝士醬汁均勻地黏附在每束麵上。撈好後再吃，每口充滿著芝士的味道，麵的軟硬道也剛好合我心和男人的心意。因為我和男人分來吃，吃了半碗也未有覺得很膩很滯。可能我和男人對這三重芝士撈丁期望太高，吃完後是覺得還不錯啦，芝士味很足，麵也處理得不錯，兩者也算配合，但真的沒有驚為天人的感覺。個人認為芝士醬汁的味道未算獨特，層次感也可做得好一點。不過套餐內的自選串燒，還頗讓人驚喜，我選了脆肉瓜跟花枝丸；脆肉瓜夠新鮮，也燒得剛好，上面的串燒汁也不會搶味；花枝丸爽口彈牙，沒有粉感，內裡的花枝粒大小也剛好，豐富了口感，味道也恰到好處。而另外點的串燒年糕，想不到是由魚腐包著來燒，魚腐的爽彈配上年糕的煙韌，令本來可以很普通的年糕非常加分。最後我點了一份甜品 - 脆脆糖朱古力香蕉，脆糖的厚度和甜度都剛好，香蕉處於夠熟未到太軟爛的最美味期，配上份量適當的朱古力醬，是一道用料簡單但美味的甜點。總括而言，一份三重芝士撈丁套餐連飲品也只是五、六十元，有質素不錯的串燒，還有濃郁芝士撈丁一大碗，其實真的很化算。像我般屬於食量少的，一個人吃的話更未必能吃光，可以點些其他串燒與同行者共享，兩個人花費也不到一百，愛好芝士和串燒的，絕對可以去試試呢。** 三重芝士撈丁套餐連飲品由餐廳贊助，年糕和甜點為自付食品，本人只道出個人感想，不代表所有人口味。…Read More

日本大阪街頭會有不少街邊檔，他們會買一些充滿地道風味的小吃，例如他們的街頭會有牛腸鍋吃，香港其實也有不少這些風味小店，就如廟街的煲仔飯，或者是街頭的一些檔口買一些特色小吃的，而當中最特別和具香港特色的就是港制川式串燒燒烤。這些店鋪通常裝修簡單，隨心隨意，但有時這些小店的食物都有一點與別不同的感覺。承蒙食家朋友和公關的安排下，今天來到一間風格甚為相似日本街頭店的的鋪頭，他們買的卻是香港特色，最推介的必然是港式芝士麵和他們的串燒。今晚有幸有人邀請，可以來這裡試吃一下。位於旺角火車站附近，也是大街大卷的鋪頭，一點也不難找，外面的招牌很sharp很明顯，而且那些黃黃燈燈燈籠高高掛起，甚有日本街頭的異地風味。這裡其實有個安安秘制三重芝士撈丁餐，還會有串燒吃，串燒有很多選擇，如雞翼，豬切肉，芝士腸等等，像我這樣多心來吃餐就很難選擇了，不過我們多人可以試多一點。我地四個人吃，可試到多點在種類的串燒。我點了花枝丸和冬菇。其他食友就點了另外的燒物，我也吃了一點。 首先是花枝丸，花枝丸很爽，而且調味很濃，愛重囗味的必定不會錯過。冬菇是我吃燒是最愛吃的必點之品，這裡的冬菇亦絕不失禮，一啖吃下去的時候，非常juicy，有很多的菇汁從囗腔中滲出，而且冬菇的肉也是鮮嫩無比。冬菇是高難度的燒烤之物，我覺得這裡的質素可以說是不錯。另外三位食友也叫了燒青香翠玉瓜，如同一轍，這裡的燒蔬菜和菇類的技巧是不錯的，翠玉瓜清新可囗爽脆，沒有因為燒而變得乾，還有應有的蔬菜水份在裡面。牛丸也是我最喜歡的一個串燒之一，配了秘制的燒汁和七味粉，成粒牛丸的感覺也很入味，本身牛丸的質素也是十分爽口，而且濃濃的牛味十足，愛牛的人士必會十分喜歡。燒芝心丸又是推薦之作，配合燒汁味道濃烈，而且內含的芝士擁出來加上外面燒得脆脆的皮，是雙重口感滋味，我今次帶了一位差不多兩歲的妹妹也吃過不停。烤雞腿肉串就普通了一點，不過也是水準之作，只不過其他太好味，搶了風頭罷了。重頭戲是三重芝士撈丁，有三種味道不同，有濃有淡，我本身熱愛芝士撈麵，總覺得這些一個香港特色，所以都很期待這個三重芝士化為一種的味道。一上碟的時候，嘩，份量十足，全個麵的面也滿佈芝士，麵的份量多，應該有一個半出前一丁，，而且店方怕有些人怕麵乾，還細心地準備了出前一丁的湯給你讓麵質沒有那樣乾。要是你和我一樣又熱愛芝士又熱愛麵一定很滿足。不過可能味道是夾雜了不同種類芝士的關係，那個味道有點複雜，但愛芝士的一定喜歡，對我來說，可能串燒實在太令我驚喜了，相對芝士麵的出現較為失望了。特別一提惠顧這裡的餐加八元有加多寶飲，串燒吃完降火一流, 在這裡facebook打卡更送飲品一種。我突然想起一個諺語：妺仔大過主人婆！這個說話正正代表這餐飯，芝士麵雖然好，但其川式串燒在沒有期望的情況下反而令人極欣賞，下次找機會必定會試一晚串燒，看看可不可以勝過我最愛的重慶燒。 …Read More

芝士撈丁之前在尖沙咀..大埔都吃過..最新知道旺角有'三重芝士撈丁'..決定試試它究竟有多濃^^這個'三重芝士撈丁'只會在星期六日上午十一點半至四點半才有供應..是放假吃的食物..哈~套餐包括一碗三重芝士撈丁 + 兩串串燒 + 飲品..三重芝士撈丁..顧名思義是用三種芝士mix成的芝士醬啦..um..幾款芝士混在一起..似乎又沒我想像中那般濃味啊..弟弟是芝士狂..他說好味..但略嫌不夠濃..不過一定要趁熱快點吃..否則涼了醬汁就會開始乾..要刮來吃..而且開始'醬住個口'了..串燒選了​燒鮮冬菇和秘製醬燒雞中翼..面層灑上辣味粉去燒..吃到鮮冬菇的鮮味之餘帶點惹味..不會太乾..不錯..全都吃光了..但..雞中翼還未到..​um..當日太趕時間了..兩點到達即order..半小時後才上菜..四十分鐘秘製醬燒雞中翼仍未做好..唯有放棄了..…Read More

串燒與芝士撈丁有何關係? 得公關介紹, 令我能夠明白個中的微妙關係。 於旺角的安安燒, 他們最新研製出品芝士撈丁, 雖然還是不明白串燒與芝士撈丁的配搭有何特別, 抱著一試無壞的心態去擴闊眼界。當然我還想回味一下那 茄子, 吊片, 牛舌 …… 哈哈!! 三重芝士撈丁出場了 - 麵餅上給蓋上一大片白白的芝士醬, 份量相當十足, 加上還有一碗撈湯給撈麵時掍入而更順滑, 令人感到設計芝士撈丁時考慮得多麼細緻。當然串燒與芝士撈丁的關係在於在上菜時已經解開了, 因白白的芝士醬上有著一點一點燒蕉花紋, 這正是給燒香了的芝士醬, 而芝士醬混合了三種芝士包括了藍芝士,巴馬臣芝士及車打芝士, 雖然一向芝士給人一種重口味的印象, 可是, 安安燒的三重芝士撈丁卻巧妙的得到一個適中的味道, 香濃而不膩正好形容這口感覺。撈丁當然一題就是麵本身的質量, 雖然稱不上特別的麵條, 但相信於掌握煮沸麵條的時間相當不錯, 入口時仍然有一定彈牙, 值得一讚~~!!! 再來就是套餐所點的串燒, 由於與友人一同嘗餐, 因此我們可以點選各款套餐的串燒, 我們選了:燒鮮冬菇, 秘製醬燒雞中翼, 燒花枝丸, 燒清香翠玉瓜 及 燒四季豆, 當中最欣賞還是秘製醬燒雞中翼, 無他, 因為實在香濃 ^_^ 另外我們還點了很值得回味的惹味蒜蓉生燒茄子, 保持水準, 若要說店中必食推介惹味蒜蓉生燒茄子就是不二之選了。最後一讚就是價錢了, 以三重芝士撈丁套餐售價來說是相當超值, 兩串串燒加上三重芝士撈丁及軟品都只是50餘元實在是成本價!!! 正!!!…Read More

想不到安安燒那麼注重食家們的口味, 再次邀請我們品評新出品的芝士麵, 而我上次吃過它的串燒後印象也不錯, 所以也很想知道芝士麵配串燒下的食法又會有如何餐牌上有不同蔬菜串燒和肉類串燒供客人自行配搭點餐後不久, 服務員便遞上我們的串燒~ 燒翠肉瓜串燒:燒翠肉瓜加上七味粉, 惹味得來又翠肉瓜甜一口午餐肉串燒:午餐肉算厚, 但味道不夠, HEHE...要加上我最鐘意既孜然粉後才夠味呢 燒鮮冬菇串燒:燒鮮冬菇好好味, 很喜歡燒鮮冬菇那種香味秘製醬燒雞中翼:都OK, 都入味, 不過不失啦最後再來的就是這個期待己久的主菜!!三重芝士撈丁: 聽講這個撈丁之所以叫三重芝士撈丁,原來用藍芝士, 車打芝士及巴馬臣芝士三款芝士所組成, 很濃郁的芝士香味, 而且比較乾身能掛在麵上, 吃的時候可以每麵也有著濃郁的芝士呢, 唯一問題就是攪拌芝士和麵時比較要用力和吃到一半時開始比較乾, 不易夾起來吃, 但如果嫌乾的朋友也可以加少許安安燒提供的湯…Read More