Cafe Mikoo (Metro City Plaza)

《 台灣野永遠都食唔厭 》自從帶左朋友入台灣菜嘅坑之後，每次見面都係食台灣野。但又真係無論食幾多次都唔會厭。🐮 三盛紅燒牛肉麵 $69三盛分別有牛腩，牛展同牛丸。紅燒湯 湯頭清甜但後勁帶辣。牛肉嘅份量比得較為大方，牛腩同牛展都煮得入味，入口軟爛牛味濃郁～ 麵底係台灣麵。🐥 鹽酥雞排滷肉飯 $59鹽酥雞排香味撲鼻。雞扒外皮好脆，不過有小小硬。滷肉飯新鮮出爐熱辣辣，另有加香菇係滷肉之中，入口淡淡菇味有助降低滷肉嘅油膩感。而最特別係肉燥入面有加蔥油，哩個係香港食咁耐第一次見，肉燥嘅香味亦都大大提升。🥟 麻辣紅油水餃 $28就咁睇以為平平無奇，但麻辣紅油絕對能令你驚豔。入口已經覺得辣味突出，麻辣後勁亦都不容忽視，自問都喜愛食麻辣。喜歡挑戰食麻辣嘅朋友唔好錯過。🌼 桂花雞翼 $26哩個組合非常新奇，係鹽酥雞翼，另外配上桂花糖漿俾你點雞翼。雞翼鮮嫩有肉汁，加上糖漿之後，味道鹹鹹甜甜，都幾有趣。🧋 鐵觀音珍珠鮮奶茶 $23鐵觀音配上濃濃的奶蓋，入口淡淡茶香，珍珠甜度合宜又大粒。🧋 黑白配珍珠豆乳 $19豆乳係固定甜度，加上珍珠亦都唔會過甜，豆乳味道同珍珠配合。而且珍珠份量都幾多，飲完豆乳仲有珍珠淨。味道同性價比唔錯，而麻辣紅油水餃會係我再次幫襯嘅原因。✨ 五點後外賣自取九折優惠😊…查看更多

最近受疫情影響，香港人都應該過得乏味同埋好攰，出街d舖頭又好早閂，公共場所又好多都封埋，可以去既地方少之有少。自己住既地方吾系將軍澳，不過都算近戈頭，記起自己好耐冇食台灣菜，原來將軍澳新都城二期有間文青台灣菜小店，真系有興趣試試。一進去已經感到滿滿既文青feel，以木造既環境，就好似一個小蝸居咁，仲有吾少書本在牆身旁邊既木架。現今真系好少可以搵到一d有書卷氣息既食店，多數既食店呢家都吾願花好多心思系環境上。數十張海天一色既相片盡現眼前，比人既感覺好舒服。晚市黎講，套餐會比較便宜，70幾至80蚊不等啦，晚市套餐仲有埋原盅燉湯，感覺幾健康，仲要系師傅4個中燉湯，款式日日吾同架。見到呢度都幾多人叫呢款三盛紅燒牛肉麵，自己都試下先。所謂三盛其實系指腱心牛肉、牛腩同埋牛丸，自己不嬲都幾中意食牛肉麵，所以叫呢款，腱心牛肉我諗就系平時我地食牛肉既牛板腱部分，質感較硬。牛腩個樣好似牛展，林林地又吾會肥，好味牛丸同牛腩一樣，牛肉味好明顯。次次去台式小店都一定會叫花枝丸，今次都吾例外，呢度既花枝丸真系不得了，每粒都超大粒比起平時食戈d既價錢爭好遠呀。入面既墨魚好多，成舊墨魚丸都好新鮮，好有口感男朋友話試下呢款台南手工餡餅，即管試試吧。佢外型我覺得都幾特別，成個豆沙鍋餅咁不過食落就一般，餡料有生菜同埋豬肉，豆沙鍋餅既質感林林地，裡面d餡既味道就似菜肉包。三杯雞定食我就真系好少食，因為冇太多既地方有呢度菜，食落口發覺原來味道吾錯。表面已經睇到好深色既醬油，證明雞肉好入味，聞既時候都覺得好香口，雞肉都嫩滑。另外定食包含燉湯，吾知系是咩湯，但冇乜味精，喺現今既飲食業黎講好難得。芝士奶蓋桂花烏龍茶 $23仙氣火龍果茶 $25見到呢兩款餐廳都有推介，一於試下先。我戈杯系芝士奶蓋桂花烏龍茶，芝士奶蓋既鹹香味雖然可重，但又幾creamy，甜甜地幾好飲桂花烏龍都有好香既茶味，又吾會好苦。另外仙氣火龍果茶都好正，火龍果本身就系一樣好健康既水果，近年好多茶飲店都用佢黎做茶底，新鮮美味。…查看更多

話說上網見到很多人推介這間去有良心的餐廳，當然我亦要親身去感受一下，看看這間「四季良晨」有何特別之處。因為我今晚要去將軍澳那邊，所以特意向朋友介紹這間。其實我去到新都城那邊都大約8點鐘左右，理應會少人一點。但不知大家是否看到網上推薦，餐廳8點鐘外面仍然有不少人在等候。沒關係，我們可以邊等邊看餐牌，看看兩個人可以食些什麼。 ⟳ 1. 三盛紅燒牛肉麵我本身就想食辣的，問了一下店員，原來地獄三盛牛肉麵辣的程度是非常高。店員還說，如果不是吃得很辣的，建議還是吃養生清湯比較好。清湯有清湯的好處，就是湯底有著非常濃厚的藥材味，配上腱心牛肉、牛腩和牛丸，味道更加配合。 ⟳ 2. 滷水豬手飯定食朋友比較喜歡食豬手，所以她就來個滷水豬手飯。豬手份量很足夠，一碟有四顆，可以互相share。豬手燜得很軟稔，一咬即溶，不用浪費牙力。 ⟳ 3. 煲仔塔香三杯雞其實我們兩個最想食的就是三杯雞，與其點其他小食，倒不如大貪一點，叫一個煲仔三杯雞。煲內有大量洋蔥，所以雞件煮得頗為入味，我和朋友吃到有點要爭吃的感覺。 ⟳ 4. 芝士奶蓋桂花烏龍茶因為太口乾的關係，我和朋友都是一人點一杯飲品。我就想嚐一下台式的芝士奶蓋，不過就比我想像之中，芝士的味道比較淡，而桂花的甜香味就比較濃，我個人認為如果兩個味道掉轉的話就會更好。 ⟳ 5. 仙氣火龍果茶朋友因為太有仙氣，所以自己挑了一款仙氣水果茶來飲。朋友給了我飲一口，感覺就不是很甜，而整杯水果茶都是火紅紅的，非常清新健康。到我們走的時候，餐廳外面還有少許人在等，十分受歡迎，台灣菜真是四季都岩食。…查看更多

今晚放左工同朋友仔約食飯，揀左呢間新開既餐廳。我地7點幾去到，等左5至10分鐘就入得。餐廳裝修有文青feel，側邊仲有花花打卡位，影相幾靚，座位闊落，環境幾舒服。我地點左鹽酥雞排雞肉飯、三盛紅燒牛肉麵、涼拌貓耳朵、滷水豆腐。朋友點既雞排飯係晚市套餐黎，配埋原盅雞湯，仲有娃娃菜食，好抵！我偷食左少少鹽酥雞排，新鮮即炸，唔太油膩，幾好至於我個紅燒牛肉麵可以話係份量十足麵條好有咬口，湯底清甜，應該冇點落味精，飲完唔會覺口乾，最正係有大大舊蘿蔔牛肉牛𦟌都煮得淋，不過，牛丸反而有驚喜，咬落好多肉汁。我地跟餐加配左兩樣小食，黑木耳（貓耳朵）幾爽口，酸酸地好開胃，不過滷水豆腐就少少鹹，但加6蚊就有好多粒，CP值高。一場黎到，梗係要試下特飲！跟餐冇得配特飲，要另外點，如果可以補差價叫埋特飲會好d呢我揀左芝士奶蓋桂花烏龍茶，就咁飲我覺得個芝士奶蓋唔夠重芝士味，但桂花烏龍茶飲完就有陣陣桂花清香，溝埋黎飲又幾夾，唔會太甜，岩岩好，推薦不過，扣分位係枝飲筒唔夠長，係拮唔到落底，最尾我要揭開個蓋黎飲，建議換一款長d既飲管。…查看更多

新都城餐廳選擇好多，今晚同屋企人簡左黎食台式餐廳；環境佈置好有心思，留意到好多細節位，睇得出餐廳落左好多心機；除左環境靚，食物質素都好好三盛紅燒牛肉麵（腱心牛肉、牛腩、牛丸）$683款都牛試哂，湯底夠哂濃郁既牛香，牛丸夠哂彈牙，腱心牛肉、牛腩都炆得好入味；＋$6就有個上湯浸時菜，好抵食手工餡餅$48（4件）依款真係必食，咬落D汁流哂出黎，韭菜味香濃可以再叫多碟，但一定要熱辣辣食芝士奶蓋玫瑰茶$28芝士味好香加埋玫瑰茶包，而且依到飲品係自家茶真係好有心思呢 …查看更多

夜晚8點幾間餐廳都仲有好幾個人等位，入到去坐低要先去收銀買嘢食，之後再有人送餐。叫咗個三盛紅燒牛肉麵，有牛丸牛腩牛腱，都幾大碗同牛腩好淋，男朋友都話好飽。仲叫咗碗蕃茄雞扒麵，加咗滷水豆腐同椒鹽花枝丸。個雞扒炸得唔厚粉，皮脆亦有肉汁。豆腐都好食，唔會乾到有渣咁。而花枝丸係比我想像中大粒！都不錯！好可惜賣哂珍珠(下次要飲返珍珠奶茶！)，所以就叫咗杯紅豆抹茶同奶蓋白桃烏龍茶，抹茶味濃，而奶蓋好似雪糕忌廉咁，所以我覺得半甜烏龍飲落差不多啦。兩個人飲埋杯嘢都幾飽幾滿足哈哈呢間嘢裝修得幾靚，側面仲有一排書架，係令人感覺幾舒服。…查看更多

午飯時間又來到新都城中心覓食，最近新都城二期百佳對面的位置翻新完畢，開左好多新食肆，環境亦都相當唔錯，今次就試下呢間新開既台式食店～雞翅膀滷肉飯$48食物用小竹盤盛上，賣相討好，滷水雞翼好入味而且肉質嫩滑，四隻份量好足夠，滷肉飯不過不失，沒有太多肥肉，不會有肥膩感，仲附送一小碟手拍蒜蓉青瓜粒，整體味道不錯4/5三盛紅燒牛肉麵$68牛展肉同牛腩都好香好夠淋，牛丸正常無咩特別，台灣幼麵煮得剛剛好，軟硬適中夠彈牙，湯底甜甜地幾好味，飲左好多啖4/5…查看更多

🍜將軍澳新開文青台灣菜🇹🇼係寶琳嘅新都城2期 當時去超多人等位😨要自己出去比咗錢買完埋位等野食裝修都好有心思 又有花花牆書牆🌸📚同埋一啲文青心情句子 岩哂文青打卡🍚鹽酥雞排滷肉飯 配時菜燉湯$76鹽酥雞排炸得鬆脆 肉仲係juicy💦滷肉飯上滷肉都夠多 夠撈成個飯🍚味道唔錯唔會太咸 肥瘦均勻 我就揀咗有菜同湯嘅餐🥬有上湯浸娃娃菜 同埋舞茸蟲菜花燉腰果湯個湯非常足料同鮮甜 無味精 值得加嚟飲🍜三盛紅燒牛肉麵$68牛腱 牛腩 牛丸 同埋紅白蘿蔔🥕牛腩都有4件 大大件 有點瘦但入味個人比較喜歡牛腱 好淋入味🥩加埋個麵似係手造野 唔同粗幼幾有口感個紅燒湯有少少甜同幾香牛肉味🍗桂花雞翼(3隻)$23初頭以為係桂花煮雞翼 原來係炸雞翼～雞翼係加粉炸好脆口都唔會太厚粉雞翼都夠大隻 肉嫩多汁重點係配埋桂花糖 有淡淡桂花味同甜甜地 幾清新🥟煎餃子(4隻)$28煎餃子個皮做得夠脆 入面仲有肉汁…查看更多