ICHITAKI

唔講唔知原來我同Wen都好鍾意食日本野🍣我地去咗以日本料理為主既一瀧🍢出lift個吓已經穿越返咗去江戶時代😍餐廳選用江戶時代風格既裝潢 以木質為主🪵所有建築甚至庭園設計都有如置身日本一樣🎏我地有幸坐到榻榻米位置 感受日本風情同埋可以盡情打卡📸餐廳由兩位日本福岡總廚坐陣👨🏻‍🍳👨🏻‍🍳打造出不同款式既料理食材方面選用最新鮮既飛機空運材料✈️做到原汁原味🤤➷🪐 牛油果赤身他他本身係牛油果既fans🥑所以一定要order赤身油脂比較輕 配上軟滑既牛油果 可以中和腬既感覺👍🏼味道清新開胃 作為一個前菜完全合格✅§🪐 蟹味噲甲羅燒(磯燒)甲羅燒附上鵪鶉蛋 香蔥作調味 連埋三文魚籽😍蟹膏撈勻後配上烘多士食🍞蟹膏味香濃 加埋魚籽帶黎既脆口感🤤好滋味 不過多士size可以細塊d會更好😌§🪐 A4宮崎和牛舞茸卷本身以為佢係卷物 仲驚會太多飯🫣點知黎到原來唔係 和牛包住舞茸菇🤩店員會幫忙倒入昆布湯 分量可以自由控制睇住熱湯將和牛慢慢浸到想要既熟成度和牛肉質柔嫩 油脂會較重 配起味道較濃厚既舞茸菇🍄除咗可以令到味道多變化之外 亦令到和牛冇咁油膩😋§ 🪐 吞拿魚蓉松葉蟹肉卷壽司卷內層夾住啖啖鮮甜既松葉蟹肉🦀上層放滿軟滑肥美既吞拿魚蓉加幾粒魚籽😍口感豐富👍🏼一個卷物已經可以有3種享受 非常滿足🤤§🪐 日本海膽配火炙A4宮崎和牛壽司A4宮崎和牛輕輕燒過 再舖上大大舊日本海膽😍海膽超creamy 入口即溶😋甘香鮮甜同燒香過既和牛簡直係perfect match🫢食依個真係要不顧儀態一啖擺落口 咁先食到豐富既口感😆§ 🪐 烏魚子温泉蛋瀑布瀧麵又一必叫打卡菜式📸店員好細心等我地準備好鏡頭🤣然後加水去乾冰度 馬上變成仙境🤩連隔壁枱都忍唔住望多幾望🫢真係好吸睛瀧麵其實即係素麵 麵質比較幼滑同彈牙將掛係木棒上既素麵撈埋冷面汁同溫泉蛋一齊食🥚唔會太過有負擔 但又可以感受到個種特色👍🏼§🪐Bubble Iced Tea店員拎杯野過黎一樣會比時間我地準備拍片/影相🤣Set好晒位佢先會用泡泡煙槍打成bubble🫧又一吸睛item😆杯野係蜜桃加青森蘋果茶 嗅到水果既清香🍑入口蜜桃味比較重 甜度適中 但整體都係幾清新§ 🪐 一瀧布甸用上蛋殼造型 份量唔會太大 細細杯 好可愛🥰面層有塊脆薄焦糖 加上滑溜既布甸🍮食飽加杯的骰甜品 就剛剛好🫣➷如果仲未有機會去旅行 都可以同朋友黎一個偽日本旅行🧳除左有好多打卡位之外 食物水準都非常高 值得encore🤪➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼9️⃣🌟…Read More

來到520當然要推薦一間環境好靚好日式，充滿江戶時代風格既餐廳😌😍唔講唔知原來餐廳係由兩位日本福岡師傅主理，仿如置身係日本一樣🇯🇵-🎈日本海膽配火灸A4宮崎和牛壽司 $188 最欣賞最有驚喜係呢款❤️頂層係滿滿既海膽配上金箔，非常鮮甜，而外層用上火灸A4宮崎和牛包住，經火灸後食落去一啲都唔生，仲顯得牛肉味好濃郁，做到入口即溶既效果🤭💫-🎈鮪三味特盛 $368特盛包括赤身、中拖羅同大拖羅各兩片～個人覺得呢度既中拖羅比大拖羅更出色！油脂滿溢，好有口感🤤反而大拖羅比較多筋，有少少失望🥹-🎈磯燒並盛6款 $496我同朋友見到隔離枱有得玩又有得燒好似好開心咁所以就叫左嘻～呢個set包括六款海鮮，分別有蘇格蘭聖子皇、北海道活帆立貝、北海道真粒貝、活海蝦、北海道活北寄貝和紐西蘭象拔蚌～一黎到見到成盤海鮮都咁新鮮真係好開心🙆🏻‍♀️😝不過要留意係因為要自己親手燒所以要掌控好個火候(好尷尬係我地成日都唔知究竟熟未🤣，所以經常要麻煩個店員幫我地手睇下)～-🎈Bubble Iced Tea $88之前見出面好多餐廳都有類似呢款勁打卡既Bubble Iced Tea，但真係從未飲過🥹所以望住店員製作既過程真係好治癒😌飲落去感覺比較似濃縮左既蜜桃汁，散發住陣陣既蜜桃味～-🎈一瀧布甸 $38呢個透明玻璃呈出奇蛋形狀既布甸🍮真係極度得意😳其實就好似迷你版既焦糖燉蛋，上面燒焦左既焦糖真係好吸引！而個🍮好滑溜，蛋香味十足，推薦要試喔，作為飯後甜品真係好圓滿🥰-🔸一瀧📍銅鑼灣登龍街1號金朝陽中心2期Midtown 8樓…Read More

必試銅鑼灣高質日本菜🥰餐廳位於金朝陽中心2期,一上到去已經俾佢個裝修震撼到,成個設計係行江户時代風,好靚,亦都有榻榻米座位,Design得好舒適✨《日本海膽配火炙A4宮崎和牛壽司 $188》呢個和牛壽司真係大推👍🏻和牛好滑身,入口即溶 同海膽好夾,好好食!《日本海膽配豆腐皮 $158》呢個海膽豆腐皮又係好推薦,豆腐皮整得好滑身,腐皮份量亦都好多,而賣相又好吸睛,打卡一流,真係食得又睇得👍🏻《A4宮崎和牛壽喜燒 $488 加棉花糖+$40》呢個和牛壽喜燒都係餐廳既Signature之一,跟左三大片和牛,個和牛油脂分布好靚,食落又唔會太油膩,配埋個生蛋汁好夾,好好食!雖然平時既壽喜燒汁都係甜甜地,但可能因為我地加左棉花糖,會再甜少少🙈但個鍋都好足料,有好多菜啊豆腐啊金針菇啊蛙蛙菜之類,絕對夠飽肚✨《自家制豆乳松葉蟹肉餅 $98》呢個松葉蟹肉餅就相對冇咁大驚喜,不過味道都唔錯,蟹肉餅塞滿蟹肉,炸得好脆身,配小小沙律醬食好好味✨《烏魚子温泉蛋瀑布瀧麵 $98》呢個瀑布瀧麵又係必叫,首先賣相一流,好適合打卡,根本就係俾你影相😂成道菜太有氣派🤣當然味道都好重要啦,呢個係凍食既,佢個麵汁加左隻温泉蛋係入面,攪勻黎配個麵食好好味,有啲似蕎麥麵個隻汁,麵質係好幼身既,份量都係較細,唔怕食完會太飽食唔落😝《Bubble Iced Peach Tea $88》呢杯Bubble Iced Peach Tea係有小小酒精既,食落甜甜地但又唔就過甜,好易入口,飲落似果汁,幾好飲👍🏻《一瀧布甸 $38》布甸係送既🍮,加左少少焦糖係面,脆脆地又唔會過甜,份量偏細,但個人覺得啱啱好唔洗太飽,淺嘗即止🙈整體而言對呢間餐廳好滿意,個人覺得叫既每一道菜都做得好好,好高質👍🏻一瀧銅鑼灣登龍街1號金朝陽中心2期Midtown 8樓[⭐️5分為滿分]味道⭐️⭐️⭐️⭐️⭐️環境⭐️⭐️⭐️⭐️⭐️服務⭐️⭐️⭐️⭐️⭐️價錢⭐️⭐️⭐️⭐️推薦⭐️⭐️⭐️⭐️⭐️…Read More

今日約朋友食飯，大家都想食好啲。網上見呢間評價都唔錯，就 book 咗枱嚟食飯。餐廳以日本江戶時代為設計背景，門口有庭園、石牆、楓葉等裝飾。聽聞餐廳2位大廚都係嚟自福岡，可能因為咁，環境都特別有日式氣氛🤣最近門口位置係吧枱，可以邊享用美食，邊欣賞師傅手藝。沿住走廊有一列私人廂房，每間房有一張6人長枱。進食期間可以關上趟門，大班人嚟食飯有更有私隱度。餐廳最盡頭有好多四人座位。我哋被安排坐榻榻米，需要除鞋，但枱底有空間可以放腳，唔使屈住坐咁辛苦🧘🏻‍♀️單點餐牌分為時令推介、恆常餐牌兩款。店員介紹指出，時令推介嘅菜式採用當造食材，用料會靚啲👍🏻 恆常餐牌就係常駐菜式。❝ 海藻帆立貝橘子醋沙律 | $88呢款沙律從時令餐牌度揀出嚟，帆立貝真係好鮮甜！配咗啲橘子醋，酸酸甜甜幾醒胃✨❝ 牛油果赤身他他 | $88牛油果赤身他他算係fusion菜式，紅綠交織，加上鮮艷嘅小黃花，賣相幾吸引。赤身較為軟腍，牛油果則為綿軟，口感有層次。同時亦食得出加咗唔少調味，味道幾豐富。❝ 一瀧極上活魚刺身丼 | $498刺身丼超級足料！多款魚料鋪得滿滿，刺身同飯比例幾乎係1:1，甚至刺身比飯更多。用料都好新鮮，個人認為當中海膽最為鮮甜。底下係醋飯，酸酸地咁幾開胃～呢款丼飯雖然價錢唔平，但係刺身份量好多，魚料都好新鮮，對得住個價錢嘅！🤓❝ 金星豬腩露筍串 | $38豚肉部分咬落有油脂香，包裹住嘅露筍幾爽脆。一串三件細細嚿，一啖一件啱啱好～❝ 一瀧布甸 | $38布甸口感滑溜，入口帶有淡淡蛋味🤎表面加咗一層焦糖脆片，相對上甜啲，不過幾鍾意呢種焦香～食到呢度發現餐廳超有心思，以花瓣造型底碟，承托蛋形碗及布甸。走和風路線嘅同時，亦都緊扣「蛋」嘅食物元素。套餐具好靚，差啲想拎埋佢哋返屋企🥺❤️❝ 雪糕天婦羅 | $78以天婦羅外層包住雪糕，餐牌寫有豆腐 / 抹茶雪糕。落單嗰陣店員話仲可以揀紅豆 / 芝麻🤣 我哋就揀咗芝麻雪糕～西日合璧嘅甜品幾有特色，不過放耐咗個皮可能會淋，需要盡快食用⏳❝ Bubble ice tea | $88店員上菜嗰陣，會即場用泡泡槍吹大泡泡，想錄片嘅話記得手機ready!📸✅味道方面，冰茶以果香為主，飲落甜甜地。尾韻先有淡淡茶香，整體幾清新，又唔會太甜。最後想讚黑色頭髮，扎馬尾嗰位女侍應～ 我哋睇menu揀嘢食揀咗好耐，佢都好有耐性咁推介菜式比我哋。同埋我哋想用公筷，問佢幾咗幾次餐具都冇唔耐煩，做嘢都好快手。3點鐘餐廳落場嗰陣，店員都冇打算趕我哋走，仲叫我哋慢慢，服務態度好難得👍🏻埋單我哋食咗每人$460左右（已計加一）。餐廳屬於中高價位，但係食物質素、環境、服務全部都好好。值得比呢個價錢，下次會再返嚟食！…Read More

銅鑼灣既登龍街真係好多野食呢間居酒屋就係Midtown既8樓,好易搵餐廳令人印象最深刻之一,就係佢既裝潢貴為高級日本菜,裝修自然落重本但是,比起其他,一瀧竟然將餐廳環境重現日本江戶時代風格,令人十分難忘大量既日本楓葉掛吊係天花上這些垂下的楓葉加上仿日本城堡的牆身設計,真係做到仿如置身日本的感覺此外,有些座位都用心配合埋日本風,用的是塌塌米的形式需要食客除鞋先可以座上去不過有樣更好既係,唔係屈腿而坐咁辛苦,係可以將腳伸入去枱下的設計如果想「欣賞」楓葉的話,都有一行幾張既座位係楓葉之下熱愛日本風既食客可以睇下訂位時,可不可特別order 食物種類幾多,除了有固定的menu 牌,也有時令食物,係廚師特別推介以刺身類別較多,也有串燒﹑特色手卷等等睇menu相覺得有些用料特別吸引,好似鰻魚鵝肝墨汁卷咁,可惜今次同朋友一行兩人試唔晒咁多唯有等下次吧服務方面,普遍既侍應都係好好禮貌有一位女侍應想特別讚揚佢好健談,亦為主動為食客介紹一D適合當日天氣既食物,呢D 位都好細心好友善既態度,令我同朋友成餐飯都食得好舒服整體說,環境﹑服務及食物質素,都係一間優勝既高級日本菜事後上網睇返原來餐廳係有兩位日本福岡既師傅打理,所以可能咁,食物有如此水準吧值得推薦➽牛油果赤身他他 $78赤身肉切粒狀,比較有咬口配合牛油果係好好既組口➽一瀧極上活魚刺身丼 $498 想講呢間既刺身真係有質素除左呢個,其他叫既幾款帶刺身既食物都好鮮好甜好豐盛既刺身,有海膽﹑牡舟蝦﹑帆立貝等魚刺身質素高! 魚脂濃郁,入口快溶喜歡刺身既人,建議需要點店家既刺身一試➽一瀧布甸 $38好可愛既造型!用雞蛋形既訪透明玻璃器皿裝住甜度不過份量比較精小,如果可以再多D就更滿足了~~➽炸雪糕天婦羅 $78 天婦羅混合凍食甜品,起初聽到真係不抱期望但係,試過又覺得幾好佢有幾款味揀,好似紅豆﹑黑芝麻,而我地點了黑芝麻味首先,黑芝麻味係幾香幾濃店家為左唔想食客就咁食咁單調創意地加了一片天婦羅皮包係外層,估唔到又幾好食完全冇違和感,真係幾好食推薦!而且天婦羅皮雖然有微溫,但又唔會熱到個雪糕溶左呢個位做得幾好,讚➽金星豬腩露筍片 $58 露筍好爽好脆豬腩片燒既力度岩岩好,唔會乾整體好食!➽海藻帆立貝橘子醋沙律 $88  帆立貝好鮮好甜,口感特別滑橘子醋係微酸,唔會太過佢加左大量既海藻海藻係比較腥既食物,但店家可以做到冇腥,呢個位覺得好好海藻好爽,比較冇味,所以要夾埋軟腍既帆立貝一齊食,先好➽bubble iced tea $88 好「靚」既一款飲品店員會係你面前用機器吹起一個半圓的泡泡在飲品上岩晒打卡味道有點似「椰果」既味道少少甜甜地,我幾喜歡!…Read More

有着極似日本江戶時期嘅裝修，在香港少見，室內空間大，用餐非常舒適，坐位有普通同榻榻米揀，兩樣都坐得舒服。服務員態度亦非常好，照顧周到。📌燒窿摩魚餅魚餅口感彈牙，味道少咸烤香，配沙律醬味道更豐富📌雞全翼一夜干雞皮烤到金黃微焦香脆，但雞肉仍然嫩滑脂肪少，香口惹味非常📌料理長時令壽司這款壽司放在匙羹賣相出眾，用料亦非常豐富，有金箔、海膽、三文魚籽、魚子醬同拖羅蓉。入口先感受到海膽嘅鮮味，跟住有來自三文魚籽同魚子醬嘅鹹香，再來拖羅蓉嘅油香刺激味蕾，係口感豐富多層次嘅壽司📌料理長刺身盛2人前有5款最時令刺身，有牡丹蝦、帆立貝、拖羅、池魚同鯛魚，牡丹蝦又甜又大隻，帆立貝爽口，拖羅新鮮肥美，池魚同鯛魚肉質都結實📌A4宮崎和牛壽喜燒特別之處係加棉花糖，睇住嗰大大棉花糖慢慢溶化好療癒，嗰湯底加咗棉花糖增加甜度味道有昇華，材料以A4宮崎和牛為焦點，A4和牛油花分布平均，三大塊份量適中，入口嫩滑，牛肉味濃，其他配菜如蔬菜、豆腐、菇類，份量都多，而小編最喜歡有蒟蒻麵，好爽口，份量多啲會更好📌一瀧布甸用上玻璃蛋殼，賣相好靚，布甸入口軟滑，片焦糖亦燒得焦香，甜度剛好…Read More

最近在網上找來一間人氣日本料理，據了解由兩位來自日本福岡的師傅主理，圖片中感覺高尚、食物精美，便決定跟食評點菜去✏️位置: 9/10✏️環境: 10/10✏️衛生: 9/10✏️服務: 8/10✏️食物: 9/10餐廳位於登龍街商廈8樓，面積頗大，正如預期人氣旺盛，幾乎座無虛席。裝修帶有江戶風格，充滿日本風情，設有和席，環境極佳。食物擺碟精緻，味道亦出色🌟牛油果赤身他他 - $78以牛油果及赤身混合的前菜，牛油果香滑，赤身夠新鮮，整體清新而開胃🌟料理長刺身盛2人前 - $500二人前的刺身組合擺盤精美，含深海池魚、鰤魚、鰆魚、帆立貝及牡丹蝦五種海鮮。池魚、鰤魚及鰆魚肉質新鮮，厚切香滑，帆立貝及牡丹蝦則大件鮮味、肉質爽滑，味道不錯🌟料理長時令壽司2件 - $180金匙盛載精緻的時令壽司，以海膽、吞拿魚蓉及三文魚籽組合，加上魚籽醬及金箔作點綴，感覺高貴，幾種食材融合出加倍鮮味，讓人滿足🌟雞全翼一夜干 - $78餐廳的招牌菜，用一夜干方式處理日本地雞的雞全翼，肉質甚至骨架同樣結實，味道鮮中帶甜，同時是首次嘗到的口感🌟A4宮崎和牛壽喜燒 - $488(配棉花糖+$40)壽喜燒用鐵鍋，盛載豆腐、大蔥、香菇、金菇等多款蔬菜。然後侍應會幫忙放上加配的棉花糖，慢慢煮至和湯底融合，味道變得非常香甜主菜的A4宮崎和牛肉質上乘，油花色澤均勻，肉質嫩滑且充滿牛味，多多也不夠食呢🌟一瀧布甸 - $38用可愛雞蛋殼型的容器裝的焦糖雞蛋布甸，口感香滑，味道甜而不膩🌟雪糕 - $38一球芝麻味的雪糕，味道香濃並不算甜，食後油膩盡消🍽一瀧(銅鑼灣) 📬地址：銅鑼灣登龍街1號金朝陽中心2期Midtown 8樓…Read More

這晚跟先生慕名來到銅鑼灣登龍街 一瀧食飯，餐廳以江戶時代既日本福岡作為設計背景，地方超大，有房間，亦有榻榻米座位。餐牌上有壽司，刺身，爐端燒、串燒，鍋物，甜品等選擇，最特別係有2位日本福岡師傅坐鎮主理菜式，無論味道同環境都盡量還原江戶時代既日本料理，極具特色！🎯牛油果赤身他他 $78前菜選了牛油果赤身他他，鮮牛油果+角切吞拿魚，很開胃！🎯料理長刺身盛2人前 $500擺盆好靚，單看色澤已知魚生非常新鮮！ 呢日有帆立貝，牡丹蝦，深海池魚，鰆魚，鰤魚，當中牡丹蝦幾大隻，蝦肉甜美細滑，肉質爽脆中帶彈性，而深海池魚肉質細膩，魚油在口中化開，很美味！🎯料理長時令壽司2件 $180擺盆美得令人賞心悅目，料理長壽司以金匙上枱，壽司有吞拿魚蓉，海膽，三文魚子，再配上金箔和黑魚子醬，矜貴的配搭，造就完美的口感，很鮮美！🎯雞全翼一夜乾 $78一夜乾雞翼用上日本地雞，骨頭非常硬，皮脆肉嫩，果然係必點既招牌菜式！🎯A4宮崎和牛壽喜燒 $488 （ ＋棉花糖 $40 ）壽喜燒上枱後，店員會幫忙開爐和將棉花糖加入壽喜燒，望住棉花糖慢慢溶化，過程療癒！A4和牛雪花分布平均，輕輕滾幾秒已經食得，肉質柔軟順滑，肥美多汁，感覺超幸福！食完牛肉，鍋中仲有大蔥，豆腐，冬菇，洋蔥，蒟蒻等蔬菜，吸滿壽喜燒湯汁，蔬菜甜甜的特別有風味！🎯一瀧布甸 $38以玻璃雞蛋造型上枱，焦糖燒得香脆，布甸滑而蛋香味濃！🎯雪糕 $38有幾款口味選擇，我點的芝麻雪糕，芝麻味道香滑濃郁之餘，亦有脆脆的口感！🌸一瀧🌸銅鑼灣登龍街1號金朝陽中心2期8樓🌙月光太太…Read More

9月又係一眾好朋友的生日。早幾日見到呢間餐廳好日本風，岩哂我同朋友。一於邀請朋友黎慶祝生日。江户時代的餐廳，每個角落都靚到好似置身於日本當中🎎餐廳仲要有兩位日本福岡師傅坐陣。餐廳的座位闊落，又舒服的榻榻米，都又包箱的位置。適合一家大小、三五好友、情侶等人。MENU 的相片都好吸引，每一樣都好想試。今次我地係衝住壽喜燒而來的，當然必叫。最後我地選擇左以下的食物。1.汁煮白梅貝（$98）日式汁煮的白梅貝，食落新鮮鮮甜鮮嫩，爽口且帶嚼口。2. 空運時令五點--廚師發板（$500)包括太刀、中拖羅、新鮮帆立貝、真調和牡丹蝦。全部都非常新鮮，且每款都厚切，非常鮮甜！擺盤亦具心思。最愛牡丹蝦的彈性、爽口及鮮味！和原隻大大粒的新鮮鮮甜帆立貝。而魚方面，個人最愛太刀，肉身較厚，脂肪豐富，鮮度十足，口感極佳！3.一瀧極上一羹杯飯（$90/件）一羹杯飯岩哂唔太食飯的我😂但呢口飯亦是我覺得最特別最鮮味的一羹。飯上鋪左入口軟綿綿的吞拿魚蓉和新鮮鮮甜的日本海膽，配上粒粒的三文魚籽和曬上金箔，食落有一種幸福的感覺。4.三瀨雞全翼一夜干（$78）燒雞翼的火喉控制得不錯，皮脆肉嫩，鎖住肉汁。4.A4宮崎和牛壽喜燒（$488）最期待的壽喜燒，不但是打卡之選，味道亦非常好食。棉花糖加入壽喜燒湯。配上A4 級香濃的宮崎和牛，油脂雪花紋分布均勻。和牛在舌尖上慢慢溶化。配上日本蛋汁簡直是一大享受。壽喜燒鍋仲有好多蔬菜，鍋物仲有豆腐、粉絲、各種菇類同蔬菜，非常豐富🍲5.棉花糖（+$40 ）6.一瀧布甸（$38）雞蛋形狀器具裝著蛋香濃郁，又嫩又滑的布甸非常滿足的一餐，壽星亦非常滿意。…Read More

一瀧 (銅鑼灣)✨✨✨✨✨✨✨銅鑼灣食肆林立，有時候太多選擇要搵到好評又真係好食都會感到頭痛，今次又比小編搵到間高質日式料理餐廳😋餐廳裝潢是江戶時代作設計藍本，地方開揚又有紅葉🍁配襯裝飾，甚有日本舊街風情🇯🇵 餐廳特意請來兩位來自日本福崗的主廚料理菜式，無論賣相味道都相當別致出色😍😋✨✨✨✨✨✨✨評分：🍩🍩🍩🍩1/2 (out of 5🍩)1. 一瀧松露薯仔沙律 - 第一時間被餐牌圖片吸引，而且比較少有網友評論過，所以特意點來一試，果然，真人同上鏡一樣靚🤩溫泉蛋被薯片包圍加上小量薯條，並有薯蓉襯底，確係”薯不簡單”，但另一主角-松露太少，冇咗主角的味道⋯⋯2. 雞全翼一夜干 - 🎤燒雞翼我鍾意食🎤，這雞翼網上好評不絕，上菜時眼見金黃色澤的雞翼，賣相佳，外皮被燒得香脆，有淡淡的醬油味配襯雞皮油香，肉質嫩滑，簡簡單單的但出乎預期的好食🤤🤤3. 一瀧唐揚炸三瀨雞 - 又一網上好評必點之菜式，外層以墨汁調製，咬落少許脆，裡面雞肉肉質富彈性（近似有蝦膠釀入的彈牙)，配上特製的醬汁(類似蛋黃醬混入少許醋)，相當開胃可口。4. 燒京都油揚豆腐 - 豆腐有兩種口味，一邊是淡身一點的sake燒，另一邊是較濃味一點的醬油燒，餐廳職員特意提示客人要先吃淡身的然後到濃味的。Sake燒有輕輕米酒甜味但主要的味道來自其裝飾木魚花；醬油燒帶淡淡的醬油香，伴著少量日本豆苗花瓣，頗清新，而豆腐真的很香脆可口有豆香，豆腐有點似玉子豆腐實淨版，小編食的過程中曾一度以為自己食緊炸豆腐😝5. 一瀧布甸 - 是焦糖布甸，好滑，唔太甜，賣相亦好靚😍好味😋🌟餐廳主打菜是博多牛腸鍋，原本福崗主廚想帶來正宗福崗的牛腸鍋比香港食客，但正宗的牛腸鍋牛腸是很韌，日本人喝一口酒連牛腸一拼吞入肚，不經咀嚼，而香港人未習慣這飲食模式，所以主廚特意改造迎合香港人口味，現時是餐廳熱門菜之一，連香港名廚Ricky 都慕名而來。整體感，食物的賣相佳能吸引食欲，而食材用料配搭都講究，令味道大大提升，可見福崗師傅製作料理的認真和功架！絕對值得回頭😉…Read More

最近終於開返晚市，約咗兩位朋友食晚飯，喺OpenRice搵到呢一間新開嘅日式料理，一中我心頭好🧡即刻馬上起行～餐廳最主要由日本福岡兩位師傅坐鎮👨🏻‍🍳主要採用日本空運到港嘅新鮮食材供應各類sashimi🐟sushi🍣鍋物🥘燒物🍢可以大家taste一返鄉下嘅感覺～.*環境點評800尺裝修主要打造古色古香江戶時代氣氛，門口有石名牌、木棧道、燈籠🏮、日本浮世繪，整個餐廳搭配竹景🪟，一眼望去，大廳七八張臺子，sushi bar、VIP房間、榻榻米，唔同嘅座位都有足夠嘅空間，連榻榻米都有足夠嘅距離讓客人把腿放在墊上，坐得好舒服，木系枱櫈和周圍環境，真係好似處身於日本咁🎎～.*服務點評我哋坐喺榻榻米，點餐嘅時候侍應會半蹲在地上，同我哋一平嘅水平線高度點菜，侍應主動提出先食生嘅刺身然後再食熟食，💁🏻‍♂️主動介紹食材嘅特點、先後次序、食物簡介，侍應們都會加熱茶🍵加分～服務態度良好及有效率，亦都無限定用餐嘅時間，可以慢慢同朋友聚一聚🍻.*食物點評🥢日本海膽配豆腐皮豆腐皮係每日從日本空運到港，配以海膽，較為少眾既一道料理，但未算特別， 海膽有少腥味，有略失望☹️.🐟特上空運時令刺身8點盛味道由淡咪到濃味有鯛魚、油甘魚、深海池魚、野生赤身、野生大拖、北海道帆立貝、北海道海膽、牡丹蝦🦐全部都好鮮甜，用料十足，而且每刺身好厚身😍食完有滿滿嘅滿足感😚～.🍣Omakasa手握壽司7貫整體來講都好鮮甜，尤其係赤蝦、大拖、海膽等，想再來十件🌟～.🥢鰻魚鵝肝墨魚汁卷鰻魚肥美，但食唔到鵝肝既油香肉嫩，無入口即溶感，而且壽司飯墨汁後過濕，稍為遜色嘅一碟😢.🍗燒物-雞全翼一夜干燒到皮脆肉結實，唔需要加額外嘅調味料，但燒到 稍為有啲dry🤣.🍢燒物-澳洲和牛舌芯燒過後的表面帶點焦香，肉厚咬下去軟腍有嚼勁，中間粉粉嫩嫩的，燒得剛剛好，實在令人欲罷不能😚 .🍢燒物-月見免治雞肉棒將雞肉打成蓉，點埋月見蛋汁，略為普通，未算特出😢.🥘A4宮崎和牛壽喜燒+加棉花糖和牛賣相油脂分布均勻，牛味香濃🥩侍應推薦另外加棉花糖，將原本壽喜燒嘅甜味抽走，以棉花糖甜味取代壽喜燒汁甜味，視覺同味覺享受😎點埋個蛋漿，牛件滑口，配料有日本大蔥、娃娃菜、金菇豆腐等，仲另外加咗一個烏冬，完美～.🍮一瀧布甸布甸的時間有點過火，令到布甸有點老😖而且布丁裏面的氣泡，建議先過濾蛋液去除氣泡…Read More