無論係約屋企人朋友定係另一半，出街食飯梗要訂枱是常識吧？嫌打電話好麻煩的話，OpenRice幫到你，只需用電話㩒一㩒、掃一掃，揀好時間人數即book到，方便之餘，好多餐廳都有折扣優惠，部分更低至半價！今次揀咗幾間設網上訂座服務嘅新餐廳，即使出面排晒大隊，你都可以唔使等位直入坐低！
旺角玩嘢fusion菜 街坊café
圖：呢間旺角café玩港式fusion菜式打響名堂，將燴河粉同東南亞或西式醬汁撈埋一齊，有皇牌卡邦尼、黑松露野菌、泰式冬蔭公及港式五香肉丁等，仲用砂鍋上枱，效果都幾有驚喜喎！仲有一系列雞蛋仔、特式飲品等選擇。
韓式雪濃湯專門店 雪龍湯
圖：韓國地道菜式雪濃湯，係以牛骨慢火熬製而成，湯頭呈奶白色，當地人通常加白飯，有醒酒及暖身功效。呢一間可能係全港首間主打雪濃湯烏冬嘅專門店，可加豚肉、蟹鉗、廣島蠔等配料，韓迷要試試！
自製炸物火鍋放題 稻八日式火鍋炸物放題
圖：呢間火鍋放題有6款牛肉、8款湯底可以揀，牛肉有美國穀飼牛、極上安格斯、澳洲M6和牛及日本和牛等選擇，$238以上可以任食刺身。最特別係可以自己製作炸串，有鮮蝦、冬菇、青椒、茄子、秋葵、番薯及芋頭魚餅十幾款食材可以揀，自己放入炸爐炮製，有得食有得玩！
鮮甜粥底火鍋 阿爺粥品手工涮涮鍋
圖：呢一間粥底火鍋除咗白粥之外，亦有花膠鮮雞、新鮮豬雜、花蟹及魚粥可選，重口味可以揀日本清酒黃蜆粥及韓式龍蝦泡菜粥鍋，粥底已經煲至綿滑入味，未打邊爐之前一定要先食一碗先！配料接近100款，海鮮、牛類亦新鮮，唔想單點可以叫套餐，已包龍蝦、花蟹、鮑魚等海鮮及自選配料。
首嚐意國手工啤 Pazzeria Italian Brewery
圖：總店設於意大利米蘭，有十多種生啤及50多款意式手工啤，啤酒迷一定喜歡！食物水準相當高，除了來自意大利的巴馬火腿及芝士，地道菜式如意式三文治、意粉及薄餅均做得正宗，甜品必吃Tiramisu。難得價錢唔算太貴，是中環區消費親民的餐廳。
更多餐廳訂座優惠：https://s.openrice.com/QrbK00G0000ka
