Video
4-min walk from Exit E2, Mong Kok MTR Station
continue reading
Telephone
59684809
Introduction
A Cantonese restaurant in Mongkok, with stylish décor and a touch of retro Hong Kong style. The restaurant specializes in dim sum with innovative elements.
continue reading
Opening Hours
Today
07:00 - 00:00
Mon - Sun
07:00 - 00:00
Public Holiday
07:00 - 00:00
Public Holiday Eve
07:00 - 00:00
Above information is for reference only. Please check details with the restaurant.
About Reward Scheme
今晚專登約咗個老友出旺角傾嘢，就打算搵間好坐啲嘅，地方又大啲嘅，可以坐耐少少嘅餐廳，結果就搵到「點心到 MIX 大排檔」。初時仲同老友講話食住點心傾，點知原來晚市無點心供應，主要喺食小菜，但既來之，則安之，反正我哋都無乜所謂。餐廳唔單止地方大，裝修光猛闊落，樓底亦相對高。因為都幾旺場，所以就未能夠坐晌近窗嘅卡位，但裏面都有好多大大細細嘅圓枱，比起大排檔當然舒服好坐好多啦，整晚客人絡繹不絕，出出入入人流不斷。雖然無機會試到佢哋嘅點心，但臨走時喺收銀度拎咗張點心紙，掃描出嚟俾大家當為參考。而晚市上文都講喺食小菜，翻一翻餐牌，確實有好多選擇，雞牛豬、海鮮、蔬菜、煲仔、小食、甜品一應俱全，而港式飲品、啤酒當然唔少得啦！另外仲有張海鮮專屬嘅餐牌，因為睇見餐廳都設有大大個魚缸養住各式海鮮，「筆直」多啲嘅就不防試啲海鮮菜式嘆下。呢度好似啲大排檔咁搵阿姐手寫落單，而全程有晒招呼，啲姐姐仲幾有禮貌。不過，就唔收加一，呢一點比較意外，又無收啲餐前小食費，只喺收番$5位茶錢而已。涼瓜肉碎煎蛋 $72呢個餸就貪佢有肉有菜又有蛋，煎得金黃完整，雖然加咗苦瓜粒，但食落苦味唔會太重，帶點點甘味，少少爽口感，又唔會冚咗啲蛋香，加上還有少少肉碎，口感確喺唔錯，並且唔會煎到好油膩。蝦醬骨 $82京都骨、蒜香骨就食過唔少，不過，蝦醬骨真喺第一次聽，加上餐牌列佢為推介菜式，更有一試嘅衝動。一客有5大件，炸得香噴噴，食落唔喺一般嘅豬扒位，而喺五花腩排，所以，確喺有啲肥膏，但無預期咁肥膩，仲滲出少少蝦醬鹹香味，無過鹹啱啱好，肉質咬落好鬆化。但老實講，如果講健康嘅人就唔太建議點呢道菜喇。乾炒肥牛腸粉 $78乾炒牛河算不時都有食啦，炒腸粉亦都唔喺咩新奇事，不過呢兩樣嘢走埋一齊就第一次試，與其叫兩碗白飯，不如整個炒粉麵仲好啦。入口好有大排檔嗰份鑊氣，夠晒香口，而且啲腸粉煎得有啲燶邊，好惹味，啲牛肉大大片，好嫩滑，加上料頭豐富，覺得揀啱咗。兩個人嗌兩個小炒加個炒粉麵，都夠晒飽，貪呢度地方大座位多，食完仲可以喺度飲住茶，繼續傾，阿姐都唔會點趕吓，以旺角嚟講算喺好唔錯，有機會嘅話下次嚟試下佢啲點心得唔得。
continue reading
♡◌ ◍ ◯ ⊙ ◌✐ 𝙍𝙚𝙫𝙞𝙚𝙬.📍 點心到MIX大排檔𝕃𝕠𝕔𝕒𝕥𝕚𝕠𝕟: #breadaholic_mongkok𝕋𝕪𝕡𝕖: #breadaholic_restaurant .❅ 𝐒𝐭𝐞𝐚𝐦𝐞𝐝 𝐄𝐠𝐠 𝐘𝐨𝐥𝐤 𝐁𝐮𝐧 黑金流沙包 ($10)❅ 𝐒𝐭𝐞𝐚𝐦𝐞𝐝 𝐓𝐚𝐫𝐨 𝐁𝐮𝐧卡通芋蓉包 ($10)❅ 𝐄𝐠𝐠 𝐘𝐨𝐥𝐤 𝐰𝐢𝐭𝐡 𝐕𝐞𝐠𝐞𝐭𝐚𝐛𝐥𝐞𝐬 𝐢𝐧 𝐒𝐨𝐮𝐩 金銀蛋浸時蔬 ($76)❅ 𝐃𝐞𝐞𝐩-𝐟𝐫𝐢𝐞𝐝 𝐆𝐚𝐫𝐥𝐢𝐜 𝐑𝐢𝐛𝐬 蒜香骨 ($82)❅ 𝐏𝐚𝐧-𝐟𝐫𝐢𝐞𝐝 𝐎𝐲𝐬𝐭𝐞𝐫 𝐎𝐦𝐞𝐥𝐞𝐭𝐭𝐞香煎蠔餅 ($88).//Discovered these super good steamed buns when I was just planning to order a few stir-fried dishes for dinner!! Served steaming hot, soft and fluffy, the black one was filled with salted egg yolk custard while the cute cartoon one was smooth sweetened taro paste (*¯︶¯*) Ordering is by piece so even solo-eater would be able to try both flavours!! A wide range of traditional Hong Kong style dishes on their menu perfect for sharing ( ´▽` )ﾉ.打算隨便吃個小炒當晚餐, 竟然發現他們的蒸包點超！好！吃！ 剛蒸好的包包超鬆軟, 帶淡淡的麵粉甜味和奶香(*¯︶¯*) 黑色的掰開是流心蛋黃醬, 而卡通造型的是幼滑的甜芋泥, 兩款都很出色! 包點全部都是逐顆單點, 就算是自己去也可以把兩款都吃看看( ´▽` )ﾉ 小菜選擇多而且味道都很不錯, 大部分都是傳統港式大排檔的菜式~ //.◌ ◍ ◯ ⊙ ◌
continue reading
好幾次經過旺角金雞都見到呢間餐廳好多人，有時仲要排隊等入座。有人排隊我唸都應該唔錯掛😬今日有時間，即管同朋友仔排下。我地兩點黎到，等左差不多15分鐘有位。叫咗六款嘢食都幾好食😋鮑汁鳳爪 （$32）我的最愛，飲茶必食！特製的鮑汁醬配花生，整到好入味但又唔會太腍。份量都多，推介大家可以一試😌原隻蝦燒賣 （2粒$17）好鍾意可以叫兩粒，就可以留肚食多D其他款式👍🏻豬肉新鮮，食到有原隻蝦，啖啖肉。黑金流沙包 （$26）新鮮滾熱辣，似啱啱蒸起。將包餡打開，超多奶黃流出黎！大家食果時都要小心D唔好辣親嘴🤭醬皇金錢肚 （$28）金錢肚好入味，彈牙有口感，醬汁都好好味，蘿卜吾會苦。點少少辣椒油仲惹味😌金沙脆皮銀蘿腸 （$29）俾個名吸引咗，想試下係咩😬原來係腸粉包住脆卜卜米網&蘿蔔絲，口感非常豐富。外脆內暖，好食！👍🏻籠仔鳳爪排骨飯 （$40）有驚喜 估唔到咁大份！熱辣辣，有荷葉味。排骨蒜香味濃郁，鳳爪都好入味。D汁撈埋飯一齊食🥰正呀食完呢餐飲茶系列總結都好滿意，下次再黎試下晚餐小菜再報告俾大家知😊
continue reading
星期四收工落雨濕濕，就喺旺角搵啲嘢食。雖然以前食過呢間「點心到」，但今次都再想試吓其他嘢。佢位於旺角金雞廣場隔離。今次我同朋友就叫咗啲小菜嚟食，又真係幾好。我哋叫咗兩樣：豉汁蒸大鱔啲膳佢切得好大嚿，雖然係厚切，但係蒸得熟，膳肉本身好肥美，佢蒸得啱啱好。加上用豉汁蒸，額外顯得更加鮮味濃郁。金銀蛋上湯浸菜苗皮蛋好足料，配起上湯浸菜苗真係好暖胃，食落真係好滋味。鹹味同埋鮮菜之間取得好好嘅平衡，絕對值得一試叫嚟食。
continue reading
位於旺角金雞廣場地下嘅點心到MIX大排檔，真係不同凡響，有別於其他點心店，呢度嘅點心材料新鮮，有獨特性又好食，唔係嗰啲中央廚房出品。**晶瑩鮮蝦餃**晶瑩鮮蝦餃皮薄透光，內餡鮮甜爽口，蝦肉彈牙，咬落去真係好滿足。**原隻蝦燒賣**原隻蝦燒賣每一粒都係大大隻蝦，肉質鮮嫩，配埋唔會過濃嘅豬肉餡，口感豐富。**沙律明蝦角**沙律明蝦角外層金黃酥脆，內餡蝦肉鮮甜，配上沙律醬，味道清新，唔會過膩，好啱夏天食。**豉汁蒸鳳爪**豉汁蒸鳳爪入味，鳳爪軟糯，豉汁香濃，啖啖都係豉香。**醬皇金錢肚**醬皇金錢肚煮得好腍，味道濃郁，醬汁滲透入牛肚，入口即化，非常滋味。**炭燒山楂鴨絲包**炭燒山楂鴨絲包外皮香脆，內餡鴨絲鮮嫩，配上山楂嘅酸甜，味道層次豐富，食完一個想再食。**金沙脆皮銀蘿腸**金沙脆皮銀蘿腸外層酥脆，內餡銀蘿清甜，口感獨特，好有驚喜。下次要再試下其他點心😋佢夜晚仲有大排檔食，有沙拉骨、冰鎮咕嚕肉，好想試下。
continue reading