86
1
1
港鐵荔枝角站 D2 出口
繼續閱讀
電話號碼
27438055
開飯介紹
人氣中菜廳大公館的副線火鍋品牌，於餐廳內劃出特定區域享用火鍋，由行政總廚陳偉庭師傅主理，特別設計了八款各具特色的湯底選擇，如招牌極品佛跳牆湯鍋等。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
公眾假期
12:00 - 15:00
18:00 - 23:00
公眾假期前夕
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
招牌菜
食家推介
又是每月一餐的時候，Happy Friday，又好耐冇見，大家食好啲，友人揀左大公館/大公別館，中菜館，見好多人食小菜，但比手工火鍋吸引，一於齊齊打邊爐。門面，灰磚牆及紅門，中式之感。內堂面積頗大，裝潢古色古香之中帶有西式的風格，中西合璧，設有多間貴賓房，我地入其中一間，感覺雅緻，設有酒吧位，有空間感，坐得舒適。混醬又出現~都幾多款。油碟每位，$15。茶芥每位，$23。餐牌，初到貴境，就試下滋補養生的花膠濃湯雞鍋，及人氣推介。陳皮化梅梳打(瓶)，$88，酸酸甜甜清爽之感。花膠濃湯雞鍋，$298。金黃色的湯底，湯頭味道濃郁鮮甜，花膠爽滑，十分足料!鮮雞，肉質嫩滑。本地新鮮牛肉-牛頸脊，$268，肉質鮮嫩，口感爽滑牛味濃，美味。西班牙黑毛豬腩片，$208，擺盤精緻的玫瑰，黑毛豬腩片口感軟滑，味道甘香。招牌四寶丸，$128，自家製，有8粒共4款口味，脆骨烏雞丸、XO醬豬肉丸、芫荽牛肉丸及芝心墨魚丸，試了脆骨烏雞丸，口感札實，有粒粒的脆骨，都幾美味。新鮮紫淮山，$48，個賣相好靚，口感黏滑鲜爽。台灣鴨血，$58，口感滑溜。手打魚腐，$48，好大粒圓碌碌的手打魚腐，因為錄得太耐好大粒，食落口感軟腍得有點似梳乎厘。千層枝竹，$48， 味道濃厚，甘苦帶甜。即炸響鈴，$42，必食，十分吸湯。鮑魚雞粒餃，$68，餡料十足。順德魚麵，$68，魚麵粗身，彈牙又爽口，鮮香味郁，都幾飽肚。和牛雪葩，$58，煙霧瀰漫恍如仙境好夢幻，但煙務持續左好耐www~雪葩賣相堅好似和牛，好精緻!而味道，係回憶嘅味道，似士多啤梨藥水味= ="，打卡一流，味道一般。流心南瓜球，$45，賣相好可愛，外酥脆內煙韌，內餡是流心蛋黃，味道香甜。餐廳不論裝潢及食物味道都頗為出色，賣相精緻，服務態度有禮，價格略貴，但可接受，聚餐之選呢。
繼續閱讀
122 瀏覽
之前介紹左間好出名嘅任食，未必好多人好呢一類咁暴力嘅選擇，想食精啲嘅，今日就可以睇下食物質素高d嘅火鍋店啦。大公館你一定聽講過，原來佢都有火鍋，名為大公館手工火鍋別館。無諗過佢哋嘅質素都幾出色，先講個湯底，選了兩種湯底，花膠雞湯絕對有城中個間以花膠雞知名嘅連鎖火鍋咁出色，朋友們差唔多飲左大半先捨得加湯，不過我最愛佢嘅另一中國式麻辣，個種牛油香，絕對有成都嘅原本風味。特別要講下佢叫得手工火鍋，好多野都係自家制造，招牌四寶丸同鮑魚雞粒餃食完都會有深刻印象本地新鮮牛肉同牛頸脊當然無得輸，同平時出名食牛嘅火鍋店有過之而無不及，個人喜愛牛頸脊多好多，牛味太濃郁。有朋友不吃牛，選了來自日本嘅薩摩和牛翼板肉，那種可愛攞設令我想起寬巷子，呢度價錢也相對平好多。西班牙黑毛豬腩片都不錯，係非牛人士好選擇。西班牙黑毛豬午餐肉炸得都幾好，就咁食同火鍋湯好嘅洗禮，都有各自嘅特色。相信呢到嘅海鮮新鮮好出色，我未食過咁好食嘅白鱔片，另外日本刺身級嘅帶子都令人回味。就算普通的食材如新鮮紫淮山，千層枝竹同順德魚麵都幾好，特別係千層枝竹，好吸湯。甜品就勁打卡，完全顯示到佢嘅手工特色風格，甜心都做得幾有心，和牛雪葩同流心南瓜球，前者特別靚，不過有人喜歡有人覺得甜，我自己就幾鐘意，主調係士多啤梨，應該你無乜諗過，南瓜球就同好多星級點心甜品一樣咁好。可惜個晚去到，客人唔多，下星期好似又凍番，可以考慮下再去食番晚。
繼續閱讀
放工最好嘅節目就當然係約埋三五知己，圍爐取暖，一齊聚一聚！朋友仔就介紹我哋今日去呢一間「大公別館」，一嚐佢哋既精緻又滋補嘅火鍋先！🥢火鍋醬料九宮格齊集各式各樣火鍋配料，如香蔥、芫荽、黃椒醬、沙嗲醬、蒜蓉、辣椒粒、乾蔥油及炸蒜，整齊地擺放於九宮格內，可以按自己嘅喜好調配心水醬料，好正！🥢自家製特飲食火鍋，點少得叫返啲解渴嘅飲品慢慢嘆！餐廳主打自家調製特飲，每款真材實料，自家研製！分別有竹蔗茅根、紫貝天葵酸梅湯及陳皮話梅梳打，每款大大渣，啱晒我哋一班人慢慢享用！我就特別推介陳皮話梅梳打，酸酸甜甜，上層仲加入陳皮絲，搭配解渴一流嘅梳打水，冰凍得來又散發着陳皮嘅甘香，飲落特別清涼潤喉！🥢花膠濃湯雞鍋 / 川蜀麻辣鍋 （鴛鴦鍋）我哋揀咗滋補嘅花膠濃湯雞煲同埋麻香味濃既川蜀麻辣鍋，照顧哂大家既口味～花膠濃湯雞鍋雞既湯底金光閃閃，用上鮮雞熬制再加入花膠、木耳及杞子等配料，先試一碗鮮雞湯及軟滑既花膠，夠哂滋補！川蜀麻辣鍋香氣撲鼻，辣度十足，食得好過癮！配料夠哂地道正宗，麻辣度調制得夠出色！🥢日本薩摩和牛翼板肉歎火鍋又點少得靚牛肉！呢度主打日本薩摩和牛，而且更引入翼板肉部位，呢個部位油脂分佈最均勻，牛味又夠濃郁，用黎打邊爐，超正！🥢本地新鮮牛頸脊再黎一碟本地新鮮牛頸脊，色澤粉嫩紅潤，雪花紋理突出，重點係輕輕淥制後，肉質嫩滑得黎，帶點咬口，好出色！🥢西班牙黑毛豬腩片呢度提供嘅肉類除咗牛肉之外，豬肉亦好高質！用上西班牙黑毛豬腩片，豬肉味及油香味十足，入口鬆軟，食肉嘅朋友仔必定要試！🥢日本刺身帶子餐廳選用既食材，夠高質而且新鮮！用上刺身級帶子，肉質夠厚身之餘，夠哂鮮甜，用黎打邊爐口感更佳，內層帶點半熟效果，層次感十足，必試！🥢招牌四寶丸包羅萬有，四款丸類由人手手打，口味創新！有齊脆骨烏雞丸、 XO醬豬肉丸、芫荽牛肉丸及芝心墨魚丸，我就最鐘意XO醬豬肉丸，咬落超juicy，用上半肥瘦豬肉加入XO醬再由人手手打，入口爽彈得黎滲透XO醬既咸香味，夠哂滿足！🥢白鱔片超高水準既白鱔片！係師父專業既處理下，白鱔片已去骨，啖啖肉！重點係白鱔既外皮入口Q彈，魚肉夠爽脆，係一道好高質既火鍋食材，抵讚！🥢鮑魚雞粒餃別出心裁既自家製餃子！餃子加入煙韌鮮甜既鮑魚粒，搭配爽滑既雞粒，兩者互相輝映，餃子飽滿多汁，入口鮮味十足，值得一試！🥢西班牙黑毛豬午餐肉食火鍋，午餐肉係我嘅最愛，尤其係將佢加入麻辣湯底！呢度用上西班牙黑毛豬午餐肉，先將佢炸一炸，外層帶點香脆！再放入濃濃嘅麻辣湯底，所有嘅麻辣湯底精華滲入午餐肉入邊，食起嚟辣到十足又Juicy，超讚！🥢鮮蝦魚皮餃魚皮餃大家又食得多啦，加入鮮蝦嘅魚皮餃，估唔到一樣出色！加入鮮蝦後，魚皮餃口感及層次感十足，入口爽彈，內餡咸鮮既魚香味突出！🥢自家製千層枝竹我既至愛，鐘意食辣既朋友仔必定要約佢加入麻辣鍋滾要滾，等佢索盡麻辣湯汁，食落惹味又過癮！千層枝竹豆味濃郁，層層分明，超推介！🥢新鮮紫淮山紫淮山入口寧舍清甜，營養價值高，幫助消化！輕輕淥一陣，質地帶點爽脆，口感一流！🥢時令蔬菜餐廳提供嘅蔬菜類選擇眾多，我哋就揀咗幾款時令蔬菜，包括皇帝菜、娃娃菜及唐生菜，蔬菜類新鮮爽脆，我就推介大家加入花膠濃湯淥制，各款蔬菜掛滿鮮味十足嘅濃雞湯，夠晒清甜！🥢順德魚麵意猶未盡嘅我哋，要試埋餐廳自家手打嘅順德魚麵，咁至夠滿足！魚麵採用魚肉製成，鮮味澎湃，麵條又掛湯，Q得又可以索盡湯底嘅精華，超滿足！🥢甜品 - 和牛雪葩 及 流心南瓜球賣相極度精緻打卡一流嘅和牛雪葩，上枱時加入乾冰效果，仙氣十足！口感軟糯，用上士多啤梨汁製成，微微酸，解膩一流！流心南瓜球，即叫即炸，外層口感煙靭，賣相可愛！上層加入薄荷葉及丁香，製作認真，內層流心嘅南瓜蛋黃醬，鹹鹹甜甜，為呢一餐畫上完美句號！大公別館 (荔枝角)地址：荔枝角長義街9號D2 Place ONE 10樓A1號舖
繼續閱讀
冬日最佳節目首選就係同班朋友一齊打邊爐🍲齊齊烚吓烚吓，傾足一晚，暖身又開心🥳食過幾次荔枝角大公別館🌟無論點心定係夜晚食中菜同樣出色👍🏻好友介紹試吓佢嘅火鍋，約齊人就出發啦😆😆🔹鴛鴦鍋 (川蜀麻辣鍋/ 花膠濃湯雞鍋)有鍾意食辣嘅朋友，又有鍾意食花膠雞嘅我，一於就叫鴛鴦鍋，咁就大家都滿足到💘未落雞件之前先試吓香濃嘅花膠雞湯，湯頭呈金黃色，鮮甜無味精、花膠片嫩滑軟腍，高質涉頭真材實料特別滋味～川蜀麻辣鍋嘅鮮紅色湯底熱辣又香麻，食得夠過癮，嚐辣人士必試～🔹招牌四寶丸有齊脆骨烏雞丸、 XO醬豬肉丸、芫荽牛肉丸、芝心墨魚丸，特別推薦芝心墨魚丸，彈牙爽滑包著芝心，雙重口感好過癮～🔹鮑魚雞粒餃採用新鮮鮑魚配上嫩滑雞粒，層次感豐富，餃皮厚薄適中。🔹本地新鮮牛頸脊超大碟牛頸脊，上枱好吸晴！！新鮮牛頸脊鮮紅柔嫩、佈滿雪白油花，肉味濃且甜、肉質鬆化易入口～🔹日本薩摩和牛翼板肉薩摩和牛試過唔少，第一次試翼板肉部位，肉質軟嫩多汁、紋理均勻飽滿，食落油花豐富、牛味濃郁，確係出色～🔹白鱔片無骨脆白鱔皮香肉脆、爽彈無比，味道鮮爽無腥味，大家都一致讚好～值得一試！🔹日本刺身帶子厚切刺身級帶子鮮甜甘香，口感豐腴具彈性，鮮甜味於口腔內久久不散～🔹新鮮紫淮山有營又健康嘅紫淮山甜糯飽滿，低卡而且具抗氧化功效，更可加強腸胃消化～🔹自家製千層枝竹淥一陣就食得～豆味突出，咬落仲好有層次感，索滿香甜花膠雞湯湯汁，令人回味無窮！🔹時令蔬菜叫咗幾款蔬菜籃，有齊皇帝菜、娃娃菜同埋唐生菜，同鮮甜十足嘅花膠雞湯特別夾，推薦皇帝菜，鮮脆細膩冇草青味～🔹順德魚麵用百分百魚肉製成，食落有濃郁清甜嘅魚香，啖啖爽滑Q彈好有咬口。🔹西班牙黑毛豬腩片鮮嫩軟滑嘅黑毛豬腩片夾雜著適量油花，肉質嫩滑多汁且爽口幼滑，油脂分佈均勻，帶來雙重口感。🔹西班牙黑毛豬午餐肉即叫即炸香脆可口，選用黑毛豬，蛋白質相當豐富，食落鹹香惹味。🔹鮮蝦魚皮餃潔白鮮嫩嘅魚皮餃餃皮香滑爽口，食落有魚蝦鮮香，內餡蝦肉大大粒相當彈牙有嚼勁。🔹和牛雪葩賣相同創意都100分嘅和牛雪葩其實係士多啤梨雪葩，味道酸酸甜甜清新解膩，食落仲有啲山楂嘅味道，相當創新嘅甜品！🔹流心南瓜球即叫即炸熱辣辣上枱特別吸引，南瓜球外型傳神，切開仲流出香滑南瓜蓉，味道香甜可口，夠晒惹味。🔹自家製特飲餐廳有三款特色自家調飲品，一於叫齊哂黎試試～竹蔗茅根味道清甜，具潤燥止渴、利水袪濕，打邊爐飲一流！紫貝天葵酸梅湯呈紫紅色， 味道可口帶點酸酸甜甜，清熱又消膩～陳皮話梅梳打味道鹹鹹酸酸，解渴清新，令人胃口大開！大公別館✨📍荔枝角長義街9號D2 Place ONE 10樓A1號舖
繼續閱讀
放長假前夕想跟朋友聚一聚於是大家就約了去位於D2的大公別館吃火鍋大公別館就在大公館對面主打手工火鍋裡面除了主廳外，還有多間貴賓房裝潢高貴華麗, 貴賓房更有小型酒bar中西合璧，極具特色侍應服務十分貼心，適時會自行加火鍋湯底醬料具有多款可以自行選擇火鍋豉油、辣椒、蒜蓉、炸蒜蓉、蔥花、芫荽、麻油、沙嗲醬、蔥香醬、黃椒醬每位收費$15（另有茶芥每位$23）花膠濃湯雞鍋 $298-侍應送上火鍋時會提示大家可以先飲湯， 飲完後可以再加湯 湯底相當清甜，花膠軟腍 另外奉上半隻雞，個人很欣賞上時連薑帶蔥， 可以辟去腥味 雞肉相當嫩滑招牌四寶丸 $128-脆骨鳥雞丸、XO醬豬肉丸、芫荽牛肉丸、芝心墨魚丸 手工製作，只試了脆骨鳥雞丸， 口感相當有趣, 而且好食！ 另朋友提到芫荽牛肉丸芫荽味極濃！ 喜歡芫荽的話不要錯過！本地新鮮牛肉-牛頸脊 $268-本地牛頸脊，牛味很濃, 不用沾醬也很美味，而且厚度適中！西班牙黑毛豬腩片 $208-豬腩片卷成花形上碟，美感度大增， 而且非常嫩滑手打魚腐 $48-話說侍應送上枱時，魚腐可能太彈了，一整粒掉到枱上 侍應反應很快連忙說會再奉上兩粒給我們～ 第一次吃這種手打魚腐，放落湯後會發到好大 口感似梳乎里，入口即溶，個人感覺味道偏淡鮑魚雞粒餃 $68-餃子皮薄，鮑魚令到餃子很爽脆， 是少有的口感，這款必點！千層枝竹 $48-非常吸湯，而且猶如其名， 食落口也可以感受到滿滿的層次感炸響鈴 $42-秒放落湯再拎起就感受到響鈴的吸湯效果新鮮紫准山 $48 -紫准山即是紫心蕃薯 （紫心蕃薯=/=紫薯）， 亦比准山更有藥用價值 食落跟准山分別不大～台灣嫩鴨血 $58-鴨血軟腍滑身順德魚麵 $68-魚麵口感跟魚腐有點相似，但魚麵再結實一點及更有魚香， 而且因為呈條狀，更可以完全吸湯，吸湯後亦十分彈形 個人比較喜歡魚麵～和牛雪葩 $58-其實是士多啤梨味雪芭，但造型跟和牛十分相似 上枱時乾冰效果一流 （笑，差不多維持了最少2分鐘仙氣 因為我本來對士多啤梨味果醬類味道都不太喜好 所以對我來說這款是打卡一流的甜品～流心南瓜球 $45-造型十分可愛的一道甜品，但流心效果不算明顯～陳皮話梅梳打 $88/Jar-每杯都有一粒話梅，陳皮量也很多 酸酸咪咪，再加上梳打，相當開胃解渴大公別館 (荔枝角)長義街9號D2 Place ONE 10樓A1號舖
繼續閱讀
您可能會有興趣的...