影片
以上資料只供參考, 請與餐廳確認詳情
突然病了，吃什麼也沒有味道似的，牙肉很腫，咬不到嘢，唯有食粥。蟹粥，特價$38，咁我無理由四十幾蚊食個肉丸粥唔食蟹粥啫？粥底很綿，都有蟹味的，出奇地蟹膏分量也不少!相公大人點了燒腩仔飯，嘩!不得了，點解d燒腩仔切成丁粒？太細粒了吧？咸肉糭，入面隻咸蛋黃勁乾，又無味。叉燒腸粉，這個對辦了，腸粉夠滑，叉燒又夠多，讚!
繼續閱讀
韓國朋友想吃廣東菜，加上有團購優惠，餐廳地點又方便，所以選了這一家。訂了位，坐下即奉上熱茶，服務不錯。餐廳裝修很中式，溫度和燈光配合恰當，座位也不太密，令人坐得舒服。未上菜前想調座位，調到卡位去，侍應很樂意幫你搬枱。點了個燒鵝炒飯，很香口，味濃，很惹味。叉燒拉面，叉燒很好味，拉面也很爽滑。還有一道腸粉，也很爽滑環境、食物和服務都令人滿意，會再去！
繼續閱讀
本身冇諗住慶祝老友生日食譽居，但因為老友唔多舒服，醒起譽居啲粥都唔錯，環境又乾淨，決定幫襯。話說我同個fd為左俾驚喜壽星女，決定提早出黎買蛋糕，去到譽居1835啦已經，諗住叫佢book 7點正，雪住蛋糕先，我地落去搵個壽星女點知個reception姐姐 ee哦哦，分明唔想留枱，仲話：下？得番半個鐘都冇我點留枱？咁我話不如雪住cake先啦，我落去接個fd，唔使你留枱，點知佢仲寸：冇得咁嫁wor，你要入黎食野先可以幫你雪！一係你依家入黎，依家有卡位，晏啲我就唔知啦算，為左個fd，我地唯有入去！點知最後成7點半先多人食飯囉你嚇鬼咩？講番食物質素，都仲keep到咸蛋蠔豉叉燒粥冬菇蠔豉粥加咸蛋呢2隻粥我冇試，友人既評價只係幾好味同埋蠔豉好硬waitress放低碗粥，淨係好細聲講粥字就走左，由於2碗粥都幾相似，我地再捉番個waitress問清楚係咩粥，有冇落咸蛋，佢話有，點知我地撩極都冇，唯有搵個西裝waiter問，點知佢仲寸：冇呀？加俾你囉！拎番隻匙羹先啦你！咩態度？一句道歉都冇！水蟹粥，我每次必點！粥底夠綿有蟹鮮味！粥入面冇碎骨，食得放心！但今次食完好口渇，明顯味精落多左！叉燒腸，膠粉皮夠薄，夠多餡，但入面放左我勁憎既元茜囉！！呢啲應該放喺面，至少我夾得走！strong smell唔係個個客都ok!沙薑雞腳，佢個汁係另上，客人可自行調節味道，但個汁一味死咸，冇咩薑味白勺菜心，菜心冇渣，清甜總結：黎過譽居幾次都未試過咁氣頂！最嬲既係個個態度都咁差！本身以為著西裝果啲senior少少，service會做得好啲，點知一樣咁差！譽居仲有幾間分店，isquare呢間？No Way!!
繼續閱讀
之前同朋友仔外食聚會, 揀左去食粥, 可能你地會問點解食粥啊, 夠飽咩?其實係咁既...我地其中一位岩岩koo左牙, 食唔到d咩, 咪走去食粥囉。iSquare入面有間譽居, 除左粥, 仲有炒粉麵飯, 同埋燒味飯添架。今次我地都食得好清淡, 有手撕雞, 估唔到佢有幾條雞絲咁多, 西芹多過雞, 咩料啊,有少少搵笨feel囉, 而且d雞絲仲有d鞋添, 麻麻地啊。皮蛋子薑, 皮蛋ok吖, 子薑爭d啊, 夠辣但薑好林, 如果爽口返d就好啦。花膠海螺粥, 又一搵笨之作, 我地搵左好耐先見到dd花膠, 收過百蚊一碗, 居然得咁少少花膠,唔係話要有好多花膠, 不過真係少得可憐吖嘛, 個粥底好淡, 唔好味。竹笙雞粥, 呢個正常d啦, 竹笙份量ok, 雞夠滑, 粥底夠味, 唔會好稀咁,呢個可以番兜既, 唔錯啦。干燒e麵, 呢碟野炒得幾好, 唔會少到變糊仔or 好油膩, 好味。咩咩粉飯, 唔記得咩名添, 不過都炒得幾乾身, 唔油膩啊, 點解炒粉麵飯好似好過粥類呢。咸肉稯, 不過不失啦, 唔係好好味, 又唔係唔好味, 食粥硬係好似要有稯咁囉 (笑)。油條, 又係因為食粥要有油條, 普通油條是也, 但都keep得脆, 唔係林pat pat既。
繼續閱讀
早前團購了買了優惠劵快到期，於是今天去用了。 中午來到人不多，很快可以進去，看看餐牌，有各式面類，粥類，炒飯，小食等，選擇不少。見餐牌有特別推介的蝦子撈面，糕蟹粥，雖然有特價，但團購不能用，只能以正價計算。 另外點了牛筋腩撈面。 蟹粥也算是綿，但比較杰，蟹像大閘蟹大小，連蟹蓋有七塊，蟹沒有鮮味，肉有點梅，應該不是新鮮蟹。牛根腩撈面的份量亦算正常，牛根腩也不少，味濃多汁蝦籽撈面的份量就比預期小了一點，蝦籽也不少，面上菜時變了面餅黏在一起，可能放得太久，要加點湯撈勻才能吃三樣東西埋單＄150，不算便宜，以質素來說不太值得了。服務真是要改善，有外國人來到，幾個侍應也不懂英語
繼續閱讀