影片
港鐵尖沙咀/尖東站 P3 出口, 步行約4分鐘
繼續閱讀
電話號碼
23666072
開飯介紹
日式燒肉放題店，合共過百款食材及日式料理任君選擇，包括和牛及剌身。裝潢富現代感，更以清酒酒樽作裝飾；設有大量卡座，讓你舒適地用餐。
繼續閱讀
營業時間
今日營業
17:30 - 01:00
星期一至日
17:30 - 01:00
以上資料只供參考, 請與餐廳確認詳情
有關獎賞計劃
呢度有刺身、熟食同埋燒物,仲有飲品任飲。我叫左牛油粟米,好大碟,好香既牛油味,仲要用小獲上。pineapple同埋小甜薯好快就燒完,好好食,中意有焦糖香既pineapple.熟食方面,叫左一壺牛肉漬,好入味,呢個要燒得耐少少。其他牛既唔同部份都有得order,有d仲係蕃茄味添。單骨雞翼跟柚子汁,味道相當唔錯。因為今日唔太舒服,唔係食左好多野,但如果中意食壽司同熟食,呢度仲有好多選擇的,今次冇試到個菠羅炒飯添!
繼續閱讀
平時放題或者燒肉就食得多，同時食放題+燒肉就第一次試，一次過滿足晒兩個慾望。🤣睇睇menu, 選擇都有好多，基本上同平時放題一樣，都係有咁多花款。放題一定要食嘅都有，例如刺身、壽司、卷物款式都好足夠。甜蝦特別impress到我，好大隻、好鮮甜。基本壽司，火灸壽司都有點到，味道都唔錯。炸物都係必點，我地就encore咗天婦羅炸蝦。榴槤愛好者都一定要點榴槤炸彈。同時間我地一路食緊燒肉，唔會浪費任何時間🤣燒肉款式方面都好有心意。單骨雞翼易燒易熟，仲要有4種唔同味。有香茅味、柚子蜜薑味、孜然味同埋生薑味，所以我地都食咗好多👍🏼。牛都唔係hea，質素幾好。有安格斯牛粒、黑毛飛霜降和牛、牛舌等等。overall嚟講呢度好適合同一班朋友嚟食，可以試到多啲唔同款式。
繼續閱讀
食放題嘅時候成日都糾結究竟食燒肉定係日式放題好，今次搵到一間喺尖沙咀嘅放題可以滿足晒兩個願望😋🍣刺身三文魚同吞拿魚非常厚切，唔會有筋，而最有驚喜係甜蝦，比起其他餐廳一向食到嘅更加飽滿同肥美🥹 另外嗌咗一碟泰式生蝦沙律，泰式生蝦新鮮，上面嘅酸辣汁好開胃🤩🥩燒肉霜降和牛油脂分布平均，一咬落去啲牛嘅香味出晒嚟😚 牛𥚃肌就會有咬口一啲，調味最特別嘅係鮮蕃茄味，甜甜地中和返燒肉嘅油膩🤣 另外都嗌咗啲雞肉，好貼心嘅係雞中翼全部都係單骨上，唔怕燒到個皮燶晒入面都未熟😳 配菜都嗌咗雞髀菇同冬菇，冬菇上面搽咗啲香草牛油，食落就冇咁單調😛🍢天婦羅試咗天婦羅炸蝦，紫薯波波同埋榴槤炸彈，全部都炸得乾身，唔會好油，紫薯波波好煙靭，忍唔住encore咗一次🥰🥘一品料理試咗蒜爆通菜同蜆煲，通菜好有鑊氣同惹味，調味係偏辣，拍得喺大排檔食嘅水準😊 蜆就好新鮮，入面仲有啲好甜嘅蘿蔔😜野飲方面就有基本嘅烏龍茶、可樂、燒仙草爽等等，而有一款啤酒都係任飲㗎😋 整體嚟講，呢間款式好多，食物質素唔錯，燒肉期間店舖空氣都唔會好渾濁，枱同枱之間嘅空間好多，值得推薦🤣
繼續閱讀
如果又鍾意食燒肉，又鐘意食刺身，燒魂一定可以滿足你～唔單止任食任飲，款式又多又好食，仲有不同嘅熟食先講吓燒肉，本身有好多唔同款式嘅肉，包括雞翼、豚肉牛肉，而牛又有好多唔同嘅部位，例如牛舌、牛𥚃肌、霜降和牛等，總有一款啱你口味😋醃得好入味，肉質亦都好彈牙有口感，燒嚟食更加可以逼出肉同埋牛嘅油香～熟食方面都有好多選擇，包括炒雜菜、碗仔翅、粟米粒等。其中大力推介煮大蜆，又入味又大隻，鮮甜得嚟又好滑好有口感，而且任叫，好食到欲罷不能！我都叫咗好幾round，但係仲要留肚食刺身，所以先停咗冇繼續叫。刺身都好新鮮鮮甜，大大隻阿根廷牡丹蝦同埋馬刀貝好fresh～仲有好多不同款式嘅壽司選擇，咩都想試實在係眼闊肚窄😍大力推介泰式生蝦，平時喺泰國餐廳食都要$100先得六隻，今次如果咁計，淨係食生蝦都回本，超高CP!!總括而言，燒魂食物款式包羅萬有，如果想食好多唔同款式嘅食物，絕對係明智之選。而且放題任叫，性價比好高！平時小編要食到飽，無論燒肉定係刺身都起碼食五六百蚊，呢度仲有不同嘅煮物，連啤酒都有得飲飲，推介大家試吓～
繼續閱讀
今日跟朋友嚟尖沙咀食燒肉放題，每人三百幾蚊就可以食到壽司刺身同埋燒肉放題，仲要好高質，真係幾抵食！平時去開啲燒肉放題店，食嘅壽司刺身質素都麻麻地，今次原本都係抱住試吓嘅心態嗌咗少少，點知有驚喜！三文魚刺身食落好新鮮，油脂比例啱啱好，最有驚喜係佢哋嘅鮮蝦，同相入邊嘅一模一樣超級大條，而且好鮮甜，我哋都嗌咗兩round！牛肉質素一啲都唔差，肥瘦適中，入口嫩滑，牛味濃郁，肉汁仲要不停咁爆出嚟，絕對唔係平時放題食開低質素嘅牛肉！另外一定要大推呢度嘅雞翼，佢有四款唔同味嘅雞翼，款款都好惹味，一定要試吓！除咗豬牛雞，仲有好多唔同肉類丸類可以任嗌，炸物亦都好吸引，鍾意食榴槤嘅一定要試佢哋嘅榴槤炸彈，咬落流心，超香濃嘅榴槤味，真係好正！仲有唔同嘅罐裝飲品任飲！超級滿足！下次食燒肉一定再同朋友嚟，除咗燒肉仲有壽司刺身放題，一定唔會食到厭，超級抵食！
繼續閱讀