影片
以上資料只供參考, 請與餐廳確認詳情
招牌菜
同事提議食日本嘢，最後決定到鯉景灣一趟。今天選了一客雜錦刺身拉麵定食。定食包括麵豉湯、中華沙律、日式蒸蛋、雜錦刺身及手打拉麵一碗。麵豉湯和中華沙律無乜特別；日式蒸蛋則唔夠滑；雜錦刺身有六款各兩件(三文魚、吞拿魚、油甘魚、北寄貝、甜蝦及帶子)，份量算多，質素一般，尤其是吞拿魚，表面唔知點解有D綠綠地色，肉質麻麻地；最後是手打拉麵，湯底都ok嘅，不過拉麵則腍了一點。
繼續閱讀
我地又一行３人黎食飯，又叫左一大堆野黎食：有三文魚壽司、三文魚籽手卷、劍魚腩壽司、廣島燒餅、滑蛋雞肉飯、滑蛋豬扒飯，仲有一個海鮮鍋烏冬添！我已經餓左一排無食三文魚籽啦，今次個手卷好新鮮呀，又圓又大粒，咬落去仲識彈走既，都係$３０一件，正！朋友既手卷都好得，見ｄ魚都係好彈牙啵！三文魚唔係頂級，不過都係抵食既；ｄ滑蛋飯就乾左ｄ，唔可以同”吉”去比既，價錢都相差好遠啦～我個烏冬就唔係手打既，所以就唔係太彈牙，不過ｄ料都好足，乜都齊晒架！食完就乖乖地返屋企啦，真係爽！
繼續閱讀
想請朋友食 toro lunch, 但又好 stupid 咁無 book 到位, 去到當然食閉門羹, 去函館又撞正太古坊 lunch hour 多人到入唔到去, 真 stupid... 朋友提議到鯉景灣碰運氣, 0黎到呢度, 點話點好啦. 如常一人一個 set lunch, 見二色刺身有優惠, 又叫個油甘魚 + 帶子 ($56 兩款) 試試.呢度上菜次序係亂七八糟, 第一樣0黎的係我份 set lunch 的一部份, 係有蒸蛋, 前菜, 麵豉湯及拉麵沙律的一盤0野. 好怕餐廳一次過 serve 晒 d 0野食, 食沙律先又怕蒸蛋凍晒, 食蒸蛋先過前菜又覺得怪怪0地, 真係人都癲... 前菜係現成的中華沙律, 好難會難食; 蒸蛋幾鮮甜, 配料有蟹柳, 日式魚蛋, 唔知乜0野菜 / 葉, 但就獨欠白果, 可惜; 拉麵沙律 d 沙律汁係粉紅色的, 食落甜多過酸, 配上腍腍0地又溫溫吞吞的拉麵, 味道實在唔多好食; 沙律菜嚴重出水, 加上粉紅色的醬汁, 勁倒胃, 食晒 d 麵後, 其他決定唔食; 麵豉湯就好少少, 味濃又唔過鹹, 仲有唔少昆布及好滑的粒粒豆腐, 唔錯.再0黎就係 share 食的油甘魚 + 帶子刺身... 三「磚」(!!) 油甘魚雖然爽口, 不過魚味一般, 而且實在切得太厚了, 一片片俾我0地唔得咩? 帶子就片得好薄, 可幸夠新鮮, 味道鮮甜. Wasabi 就香而不辣, 意料之外.食完刺身, 朋友的 set lunch 前菜麵豉湯蒸蛋終於都來, 仲有一碟跟餐的雜錦 tempura. 食了一件南瓜一隻蝦, 印象只有厚粉, 好脆同好油. 唉, 一日都係天扶良整得太好食啦, 食到我嘴都刁埋! 而我的雜錦壽司, 原來係跟了兩「磚」三文魚刺身的, 見到不禁皺眉, 不過既然朋友鍾意食, 算啦. 壽司飯握得好差, 形狀扁撻撻之餘一夾即散, 叫人點食? 熟蝦無味, 魷魚爽口無味, 吞拿及(魚立)魚算新鮮, 味道不過不失; 劍魚就最好食, 魚味濃又豐潤.最後就係朋友的 toro 蓉丼, 食了一啖覺得幾肥美又好漏, 最後朋友都食唔晒.環境係扮日本餐廳的港式日本餐廳, 衛生亦麻麻, 如果好的話我隻匙羹就唔會有豉油污漬啦; 招呼日本餐廳 standard 0黎講, 係好差的, 除0左人手唔夠, 唔收吉碗吉碟又唔加茶之外, 最有趣係店員 toro 丼 serve 時, 睇住我指住朋友向佢示意, 佢依然想放0係我面前, 搞到我要開口叫停「佢食0架!」, 真係頭都出煙.連加一每人約 $130, 唔算好貴, 但比起已經麻麻的銅鑼灣「竹八」(詳見 http://www.openrice.com/restaurant/commentdetail.htm?commentid=1925507), 呢度更唔得, 唔會再幫襯!
繼續閱讀
估不到在那麼短時間會再來西灣河, 也竟由事發人提議, 就是又在挑戰我傷痛康復的能力?很久也沒有在食評抒發自己的情感, 是由於之前寫了自己的感受反而被人挖苦諷刺, 傷得更重之下便避之則吉…愛一個人是可以令你將他的缺點接納甚至縮小, 接納是在伴侶相處之中十分重要的大前提. 你愛的那人, 不只是外貌, 表面, 也要接受他的性格內心, 這才是how to see an imperfect person perfectly.我真的很迷惘, 很不知所措, 面前的事和人都很虛無, 捉摸不到, 也看不清楚.章紅魚刺身–薄切, 肉爽清新.油甘魚刺身–厚而大片, 味較章紅魚濃, 肉則較腍.新鮮連殼北寄貝刺身–肉爽鮮味, 新鮮北寄貝是呈淺灰色的.帶子刺身–群邊爽, 肉身彈牙呈絲狀.深海池魚刺身–成了當晚至愛, 肉質爽脆, 魚味濃郁, 回味無窮.三文魚壽司, 墨魚壽司, 赤貝壽司, 魚子海膽壽司–全也美味, 尤以赤貝鮮甜不腥.今年是我最不想過, 最不快樂的聖誕節…
繼續閱讀
閒時路過都會偷偷的望進去, 看一下菜式/賣相, 不過每次都只局限於"眼看口勿動", 因為在門外翻一下餐牌, 看到價格便要止步, 不過屬於高級食肆, 水準應該會不俗, 希望能夠與板前看齊。托東亞信用卡優惠之鴻福, 終於有機會在此店用"合理價錢"享用晚餐前菜$10(是日:辣味大豆芽伴豬肉條)$380二人晚餐如下:炭燒木魚沙律(有大約6至7片木魚, 味道有一點點像煙燻過的吞拿魚刺身, 頗大片及厚身, 蘿蔔絲+菜等等)刺身併盤:牡丹蝦- 肉多味鮮, 味道是整個併盤仲最好的劍魚腩- 口感頗實有汁,不過幾凍帶子- 帶子味道有點像牡丹蝦,有少少入口溶的感覺三文魚籽- 三文魚籽有酒味,應該是浸過酒的油甘魚- 非常厚肉1.5~2cm,不過幾凍,味道沒什麼特別蒜香明太子壽司- 明太子+生蒜蓉放在已經火灸的三文魚壽司上, 生蒜蓉幾香+"拿"口, 三文魚肉厚, 不過沒什麼鮮味可言軟殼蟹卷- 鋪上鮮甜芒果+蟹籽, 口感清新一點, 軟殼蟹就沒什麼特別鐵板北海道鮮帶子- 底部是炒過的大豆芽, 上面是3粒帶子(幾鮮味), 加入炸蒜, 幾香口, 頗油~北海道蟹糕炒飯- 幾好, 可能之前冷盤較多, 有熱食感覺會特別好味, 蟹糕似唔鹹的咸蛋黃, 加入了蟹籽, 都有少少鑊氣蜆肉味噌汁- 兩隻蜆, 有沙, 都算鮮味, 味噌湯有豆腐海帶, 有蜆既鮮味, 算不俗甜品- 例牌兩粒維記香芋雪米茲(竟然覺得幾好味)好飽, 最後炒飯要外賣回家~整體來說, 份量是豪氣, 刺身的肉量很多, 一點也不吝惜, 很配合so"豪"的形象, 但味道就欠缺了驚喜...很平淡, 不是不好, 只是比預期的還差一點點招呼方面有時會不夠人手, 不過添茶都幾密, 不過不失menu是木造, 都幾重兩個人盛惠$429普通級數,高級消費總算是還一個心願, 如果這個水準, 我想$300左右會比較合理, 如非必要, 不會再來。
繼續閱讀