澳洲牛奶公司

營業中

休息中

黎到澳牛當然係食茶餐，出自朋友既口,我自己就無咩經驗喇,不過應該係澳牛最多人叫既一個餐。不過今次我無食到一個餐,只係夾埋朋友食佢D野,因為我唔肚餓, 佢個餐令我好好奇,，到底有咩咁好食,有咁多人黎食,所以個餐黎左就即刻去食個炒蛋同多士喇。食左一啖,個蛋都真係無得彈好滑好滑,好似一入口就吞得咁,好香蛋味,又唔係生蛋個隻,竟然覺得佢有少少甜，而且唔會太乾身，果然高級。多士真係超班，牛油成塊麵包都有，唔會得個少少,多士既邊又整得好脆，好香口加埋牛油一齊食,加埋一啖熱奶茶，奶同茶的份量岩岩好，一口多士一口奶茶, 應該係最好既享受,佢個通粉睇落真係唔錯,下次叫朋友同我黎食多次,我要一個人一個餐,不過今次真係無能為力。