東瀛十八番

營業中

休息中

同男朋友喺澳門威尼斯人個food court到搵嘢食，我揀左另一間，佢就揀左呢間。一嚟比較岩食，二嚟佢覺得呢個價錢感覺上無咁貴。😂佢就岩左個牛肉炒拉麵，配左個套餐，有個中華沙律同餃子，再加杯汽水，成個套餐$108。先講左主菜，姐係個炒拉麵，炒得幾好食，唔會炒到好腍，食落都有個煙韌嘅感覺。不過牛肉就炒得過熟，有部分就好硬同好乾。加左椰菜同少量洋蔥落去一齊炒，幾好味。成個牛肉炒拉麵勝在唔會好油，而且除左牛肉之外，其他都好有水準。至於傳說中嘅餃子...其實係炸春卷，不過就唔好食，炸完都係腍嘅，同埋勁勁勁多油。中華沙律就正正常常無特別。