船屋葡國餐廳

營業中

休息中

每次到澳門都一定要吃一餐葡菜，朋友介紹這間有名的葡菜餐廳由於冇訂台都已經做定心理準備要等。我们到的時候已經滿座，相當幸運的係近門口位置還有一張枱，諗都冇諗立即坐低本身對葡國菜冇研究，所以都係點些大路的菜式香蒜馬介休沙津, 馬介休對我黎講咸過頭，可能太大塊，似咸魚，沙律裡面有大量洋蔥、蒜、芫荽、用橄欖油、檸檬汁調味，酸酸咸咸都幾開胃葡式薯蓉青菜湯雖然簡單調味但味道非常濃郁，嘗到薯蓉幼滑的質感同薯仔的甜味葡式燴海鮮飯份量好大，我地2個人食極都食唔完。海鮮雖然細隻不過都夠足料，有蟹，青口、蝦。燴飯岩岩上的時候比較濕，慢慢之後飯會吸滿湯汁，飯粒會軟d但每一啖飯都有海鮮甜葡式蒜蓉炒蜆一上桌已經聞到陣陣蒜香，最香係仲有好多芫茜，個汁加上橄欖油真係好香，好吃得用麵包點哂所有的汁。蜆比較細隻，但蜆肉新鮮份量都幾多。對船屋的第一印象不錯。無論環境、食物、地點都好岩旅客，而且價錢都好合理，下次黎澳門可以再黎試下其他菜式。