影片
更多
2017-02-11
5126 瀏覽
之前食咗兩三次葡國菜，今日諗唔到食乜嘢，又想再試下葡國菜。之前經過呢條街都見到有兩三間唔同嘅口味，但係就唔知食邊一間。叫朋友介紹之下，就食咗呢一間新口岸。佢話呢一間嘅菜式就比較多啲，而對面嗰間威記食嘅會係快餐形式。4個人叫到成枱都係嘢，但都總算食得哂。叫咗五六個餸，有啲就唔係甘特別，只有一個餸係比較特別啲。就係同呢個葡式嘅血鴨。個名好似好恐怖咁，但係見佢張相做好似幾靚仔，好想試吓。整出嚟同張相個樣就差唔多，而個味道又幾好食喎。問吓佢係乜嘢叫做血鴨，原來係預先烹調左個鴨，之後呢就再撈埋鴨卹一齊煮。味道係好濃嘅鴨味，另外仲有少少類似豬紅嘅味道。鴨肉完全入晒味，其實就真係幾好食嘅，特別係撈埋佢個飯返嚟食，就倍加滋味。另外幾好嘅就係佢個煎牛仔骨，一份入邊有成三大條，而且整出嚟嘅火候剛好，入邊仲有少少輕微嘅紅色，剛好。食落去個牛味都幾好，而且好軟身，又唔會好油。個大蝦沙律啲芒果非常之甜，個沙律嘅味道都唔錯，入邊會有返菠蘿，薯仔，大蝦等等嘅配菜。而個蝦已經起咗蝦肉，肉都算爽身，有蝦味。仲有另外一個就係牛小排，講真我睇過顏色我就覺得佢係豬扒，但係我個朋友問我覺得呢一個係乜嘢嘅時候，我有少少質疑唔係豬
4個人叫到成枱都係嘢，但都總算食得哂。叫咗五六個餸，有啲就唔係甘特別，只有一個餸係比較特別啲。就係同呢個葡式嘅血鴨。個名好似好恐怖咁，但係見佢張相做好似幾靚仔，好想試吓。整出嚟同張相個樣就差唔多，而個味道又幾好食喎。
問吓佢係乜嘢叫做血鴨，原來係預先烹調左個鴨，之後呢就再撈埋鴨卹一齊煮。味道係好濃嘅鴨味，另外仲有少少類似豬紅嘅味道。鴨肉完全入晒味，其實就真係幾好食嘅，特別係撈埋佢個飯返嚟食，就倍加滋味。
另外幾好嘅就係佢個煎牛仔骨，一份入邊有成三大條，而且整出嚟嘅火候剛好，入邊仲有少少輕微嘅紅色，剛好。食落去個牛味都幾好，而且好軟身，又唔會好油。
個大蝦沙律啲芒果非常之甜，個沙律嘅味道都唔錯，入邊會有返菠蘿，薯仔，大蝦等等嘅配菜。而個蝦已經起咗蝦肉，肉都算爽身，有蝦味。
仲有另外一個就係牛小排，講真我睇過顏色我就覺得佢係豬扒，但係我個朋友問我覺得呢一個係乜嘢嘅時候，我有少少質疑唔係豬。。原來真係唔係豬，係牛。。但係又冇豬味，講真真係有啲怪。
椰青味道好甜，一個38蚊，飲下，下下火，好過飲汽水。
整體嚟講味道都不錯的，只有一兩樣麻麻。但有樣重要嘢我發現左嘅係除左個血鴨之外，其他嘢都似係廣東同西式菜。應該係個口味為左迎合呢到嘅人所以改變左，但呢到改變得太勁了，完全無左個本意，應該好好甘深究一下。
張貼
