晃記餅家

營業中

休息中

前兩天行過，因為剛剛開始落雨又想起有朋友説這裡的食物很好吃。我便在這家買一些食物吃（有肉切酥、雞仔餅、加蛋餅等等）因為買了多一點,則日吃不完，留一點再吃（買咗到再食差不到半日時間）。但問題來了。剛剛想開雞仔餅來吃，看到餅面滿滿都是白點,初初以為是一些調味料等等。近點來看便發現白點原來是滿滿霉菌。嚇到反轉背面一看便發現到期日竟是用箱頭筆畫去，即是這樣還作售買。是否太有問題，好在現在是我遇到可以棄掉,如果老人家吃左真是不敢想像後果。

平日走到官也街就算閒日都人山人海, 度度排長龍. 今日走過官也街, 居然見到晃記無人排, 所以即刻走入去買左三樣野.1. 杏仁餅 2. 雞仔餅 3. 肉切酥.杏仁餅比較薄. 裡面有少許杏仁. 咬落都算鬆軟但就感覺好以料唔多.至於雞仔餅, 由於童年回憶都忘得一乾二淨. 所以抱住試新野的感覺. 咬落去好煙韌, 韌到好似要扯開咁款. 而且可能我唔慣隻味, 覺得有少少'豬屎味", 其實雞仔餅係咪應該係咁的味?之前聽人講話佢地好出名係肉切酥, 所以抱住好期待的心情去食. 咬落的確係幾脆. 南乳未唔算好出. 無之前食過另一間咁咸個味咁濃. 呢個係淡淡的南乳味. 三個之中個人比較鐘意肉切酥. 好坦白要排長龍買, 個人未必會排, 但唔駛排係可以一試無防. 我每樣要左一包, 佢會比個盒你, 盒係唔駛錢, 膠袋就要加一蚊. 

疫情之前，很喜歡吃晃記的老婆餅 。餅皮鬆軟，冬瓜餡不太甜也不太膩。疫情後首次到澳門，本來懷着興奮的心情買了一盒老婆餅，可惜明顯餅底焗得太耐，餅皮有點硬，用微波爐也補救不了 。實在令人失望。

今次是有史以來澳門最凍嘅一日，但係當我們去了官也街，你會見到店舖門口，仍然都係好多人排隊！這是第二次幫襯買，我反而覺得佢哋嘅服務都比之前好，雖然好多人，但我覺得其實佢哋都好有耐心地奉上你要選購的貨品！還有一個值得一讚是👍🏼，他們的貨品非常新鮮，以至於今天拿出來時，感覺非常香氣撲鼻！真心推介中型size嘅杏仁餅⭐⭐⭐⭐⭐因為上次嘅經驗可以話俾你聽，中型size或大型size係最好食的，太細的杏仁餅欠缺杏仁碎冇咁好食！合桃酥⭐⭐⭐⭐⭐好多同事都特別喜歡食佢哋嘅合桃酥，佢話食咗桃花會好旺喎

幫襯過幾次，唔覺得特別好食又唔係難食，諗住支持吓啲老店，唔幫襯連鎖店，點知今次好失望。買咗：炒米餅、蟲仔餅、肉切餅、香蕉糕、加蛋餅、雞仔餅、合桃酥。返到嚟發現雞仔餅係燶黑嘅，食落非常燶臭味，要掉咗佢，其他未食唔知。知道慣例，極速向年輕女店員落order，女店員俾咗一個紙盒我入咗其中幾樣產品，然後問我要唔要膠袋，我話唔要了，可唔可以俾多個紙盒（因為我有印象以前買過話買三樣嘢先有紙盒）女店員話冇㗎啦，咁我就話：「咁唔緊要啦」就將啲嘢食放落自己個袋，亦冇唔好嘅氣氛。點知旁邊的中年男店員竟然出聲串我：「唔比$1膠袋錢就問人攞紙盒，哼！（冷笑）」我真係唔明，自己做錯啲乜嘢，點解要俾個店員咁樣出口傷人，嗰陣我老公排緊蛋撻，得我一個人，我就費事同呢啲人嘈，不過決定喺呢度講返件事出嚟，等大家唔好以為老店就是好的。

記得第一次到澳門旅遊，是因為一位朋友帶領下而開始的，這位朋友是一位馬交常客，在他的帶領下，一般都只會去澳門人才會到的食肆，或者小店，買手信亦只會到一些澳門人所共知的地方，而不是什麼名牌店鋪，吃的也是最地道的；話說回來，疫情後再次來臨氹仔舊城區，可能是疫情過後，很多國內同胞都會選擇澳門作為旅遊的地方，今天中午時間，官也街已經十分之多人，吃完午飯之後，趕緊走到晃記餅家，這時人龍不算太多，等了十分鐘已經可以買到我的心頭好，我至愛的肉切酥，和蛋黃杏仁餅，最後買了鳳凰卷，在這一提，這家老店的肉切酥相當之好吃，如果太遲來的話，就很快售罄，所以如果你想試試這裏的肉切酥，必須要在下午三時前到店，因為全部人手製造，每天售完即止，敬請留意😎

晃記餅家是氹仔必買手信，杏粒杏仁餅，肉切酥，雞仔餅，重有囡囡至愛的老婆餅。排隊半小時買得心頭好。疫情前買過老婆餅，一路念念不忘好味道，不過今次的老婆餅好似尋找不到當年味道，質感比較乾，無咁柔軟質感，杏粒杏仁餅略甜，肉切酥夠脆。老闆不喜歡客人問價錢，問食用日期，但他會花時間話吓客人，老闆話客人多，不便答咁多，要自己睇價錢牌，叫人唔好做站長所以比埋張價目表大家睇，排隊期間睇定先

會去晃記絕對係比同事燒本身自己都麻麻地杏仁餅試左之後真係愛上1號去澳門係因為睇泰仔💙，老公幫手買，果陣買左兩盒杏仁餅，兩盒蟲仔餅，自己同家人食。4號再同老公嚟，果然一去到就人山人海呀…第二轉買左五盒杏仁餅，一盒蟲仔盒。我自己同老公兩款都鍾意，杏仁餅唔太甜，迷你剛剛好，杏粒都多。蟲仔餅入口即溶，有蛋香牛油味重，好正姑姐，姑媽，大姑媽剩係對杏仁餅有興趣，佢地話蟲仔餅太粉，太乾唔啱老人家食，一盒請同事食幫同事問左兩轉都無芋蓉餅，店員話人手唔夠，短期內2～3個月都唔會有，直至另行通知，希望下次試到

買手信前在網上揾過下資料，就買了合桃酥試下。買了後第二天開黎食。雖然鬆脆度是可以的，但入口只食到燶味同油味，我覺得好難食，唔太啱我口味。好彩沒有在呢間鋪買太多手信，否則，我一定很後悔。如果店鋪有提供試味，我一定不會買這個。早幾年買過肉切酥，我只吃幾塊，就已經好熱氣了，所以今次沒有再買了。店舖的售賣區很細，有些人需要時間考慮買什麼，我排隊時前面得幾個人，但都等了一段時間。味道不合我心水，很失望，很失望，很失望，之後都不會再買了。

每次去澳門，必定會去氹仔晃記買伴手禮。最喜愛吃的是「香蕉糕」和「南乳牛耳」。一般買回來的香蕉糕都是死實的，香蕉味是食用精油味，味道很假，唯獨這兒的香蕉糕非常柔軟，味道也是天然的。這兒的南乳牛耳的南乳味也是最濃厚，香脆可口。很可惜，今天這兩款美食也售罄了，老闆娘說他們出名的「肉切酥」跟「南乳牛耳」差不多，所以我們唯有退而求其次，買了「肉切酥」和「蝦春卷」。「肉切酥」果然是由南乳和豬肉組合而成，可惜南乳味仍不夠牛耳這麼入味，個人來說也不太喜歡它的厚度，吃起來沒有牛耳的香脆感。估不到「蝦春卷」卻帶來驚喜，餡料微辣，外皮香脆，吃起來十分醒胃。希望下次有機會買到「香蕉糕」和「南乳牛耳」啦！

晃記相信大家不陌生，是傳統餅店，也是米芝蓮街頭小吃。以前十次有十次經過都大排長龍，清一色是買手信的隊伍。比起一般裝修精美餅店或手信店，我更喜歡晃記的磁磚、門口的拉閘和擺放好一包包餅的透明櫃，有一種傳統老店味道，好多不同種類的傳統餅食選擇，是來澳買手信好選擇之一，收藏起來先😎！.肉切酥 ($26)今次買了店舖最出名之一—肉切酥，是傳統的透明袋包裝，一打開不小心就會整包吃光😆，口感香脆，偏硬實的風格，豬肥肉香口帶點甜味，連續吃了幾塊也不膩，但喜好程度視乎個人口味！

是百多年歷史的老字號餅店，當日去時都有很多人排隊牆上貼了價目表，直接和店員說需要什麼便可～很快就執齊！首先會推薦大家買的是用炭燒的 - 蛋黃杏仁餅 (MOP 102/盒)一盒是三袋裝，所以想要盒子就要買夠三袋喔～這樣帶回家也較為方便不喜歡蛋黃也還有肉心、杏粒和素心，價錢相對會便宜些。但個人較喜歡吃那蛋黃的鹹香有杏粒那種杏仁餅則選了迷你款的 (MOP 36) 一啖一粒剛剛好喔而且確實能吃到杏仁粒～增加了的口感再加上炭燒香，好吃且味道十分濃郁！剛好看到這家有在賣 鳳凰卷 (MOP 38) - 椰絲如果可以再多一點就好！另外還幫朋友買了一盒 - 紫菜肉鬆蛋卷 (MOP 42)

27-7-2019 (Sat）晏晝，大哥拎大嫂遊澳門嘅手信嚟，當中有呢間嘅雞仔餅同牛耳，我喺29-7-2019（Mon）放工後，先試吓雞仔餅，雞仔餅一包有10件細細件，一食，唔係鹹，反而苦嘅，南乳味唔係好濃，口感就正常煙韌，不過我食完飯又口痕食多件時，又冇咗苦味，而係甜南乳味，我覺得唔好食。味道: 1分而牛耳呢？佢比香港餅店出嘅厚好多，食落，嗰種脆明顯唔同，有啲似曲奇餅，味道就同雞仔餅一樣，唔係鹹香，而係甜南乳，一樣係唔好食。味道:0.5分上次食評: https://www.openrice.com/zh/macau/review/%E7%82%92%E7%B1%B3%E9%A4%85feel-e3278798

官也街是遊客必到的手信點，我喜歡到這些小店買手信，老字號必有原因。 長長的人龍排隊，可見是多麼的受歡迎。我們等了大概5分鐘，老闆都好快手好有效率，問完客人要甚麼，好有效率就取好，然後入袋！我們點了肉切酥（好香南乳味，好脆口，一盒有3條獨立包裝，好方便又唔怕走氣）紫菜肉鬆蛋卷：好多滿滿肉鬆，好香好有口感，脆脆蛋味香的蛋卷，配上紫菜，是最好食的！金錢餅：最愛的金錢餅，之前在潘榮記買，可惜無了，見這裡有，就點了回家食！合桃酥：男朋友要了這個，一排的，細細個剛剛好，鬆化香脆，好正！

講到澳門數一數二的手信 怎可不提起晃記?這家店鋪有百年歷史 只有一間店鋪他們是以全人手製作 工場店鋪集合一身每一次來到澳門 我也必到這裡買手信一年後再來這裡買一點手信回港發現又加價了😂 物價上漲加價在所難免不打緊吧 反正好味道就要買來食而且是小店 我也會支持的·肉切酥(袋裝) MOP$25·椰絲鳳凰卷 MOP$36·雞蛋卷 MOP$36這三款食物也是推介手信之一來的而我就喜歡雞蛋卷和椰絲鳳凰卷🤤🤤你們又喜歡到那一間買手信食呢??