青洲劉記美食 (已結業)

從論壇得知青洲劉記做埋今個月尾(政府收地)，所以點都要前來一試。係新馬路坐巴士前來，但不懂路的關係，所以找了一段時間，還搞到老公黑面(因我太為食)，原來它在蓮花巷轉入的地方.......坐滿晒人，不過唔使等好耐就有位看了一輪餐牌，點了豬扒包，豬扒撈麵＆一罐忌廉個職員還問我地個包是否要切開一半豬扒包：個包好細，塊豬扒味道可口很易咬開豬扒撈麵：幫你切開一件件，D汁好夠，唔會搞到D麵一D有味一D無味食完賣單，外於地方唔算大我就係出面等老公，等左陣未見佢出，以為俾錢個到出現了問題，到老公出黎時問佢仲乜咁耐，佢話D職員同佢講係facebook可以搵到佢地還叫我地可以去他們另一店到食

...特登搭車去食..因為它就嚟要搬..之後搬左就無左而家的風味了....星期一..1:30pm到達..要等左一陣位...之後叫左..雞翼豬排撈面....雞翼肉"un"..豬排一般..撈面偏咸..$22牛腩餐肉一丁...牛腩好廋但好"林"..出前一丁係正貨..味度對板...$22豬排包...夠"趣"..但無汁..好乾..$12.5菜心...大碟又新鮮....$4..好底食 總括就係"學生飯堂..食物普通"...搬舖前到此一遊吧了

又走左去青洲劉記食左一轉,今日試下食撈麵,點知一食就鐘意上,我叫左個豬排菜面,同學叫左豬排云吞麵雲吞就很普通,皮唔夠薄,但係豬排真係幾好,又唔硬,又夠味,次次去親都一定會叫佢ge豬排食.我戈陣叫ge豬排菜,好多菜,唔會話得2,3條菜比你.

位於青洲小學對的o既青洲劉記,如果唔識路轉入去,真係唔知果度會有間茶檔,仲要係鐵皮屋黎,仲要無冷氣,大熱天時去食,真係唔係小野~~~但因為佢好大可能就執,所以都要再黎食下,政府收地後就真係無咩機會了~~咖哩雞絲麵好濃o既咖哩香帶著一點洋蔥絲同雞絲送麵食一流,帶一點辣,不過我就覺得細碟左d ,可能因為食辣野開胃xd豬扒包普普通通唔算凸出,豬扒有骨,但即炸夠香口。同大利來比的話大利來真係可以輸足10條街西多士最令我吸引就係呢個西多士,有成寸半厚o既西多,外脆內軟,中間唔會有花生醬。表面塗上茶記牛油+糖漿，完全係絕配,呢d 先係西多士,真係好耐未食過了,香港果d 唔係炸定,又薄,中間又塗花生醬,糖漿又唔夠好味.........唉................所以我黎呢度都係為左個西多士xd.....炸魚蛋其實都係鯪魚肉球,一向澳門食鯪魚肉都有保証,夠彈牙,但魚味唔夠濃,加返d 咖哩汁食會好小小xd

青洲小學後面 一堆鐵皮屋之間 沿住香噴噴既豬扒味就搵到我同甜先生 一個要豬扒蛋撈麵 一個要餐肉水餃公仔麵豬扒果然名不虛傳 冇鬆肉粉既怪味 亦夠新鮮 唔會有陣up味總之好好味!撈麵夠彈 配埋太陽蛋 仲加惹味完全係滿分配搭水餃係佢地自己包 就響我地隔離枱包 哈都ok架餐肉就冇煎過 本人就唔多慣配公仔麵 粗身彈牙幾好味喎!外賣辣魚包 香港少有嘛 梗要試試拎到返香港 用煮飯寶整熱應該係罐頭魚(唔肯定) 鹹鹹辣辣 夠惹味一人一杯檸茶解下暑 天氣咁熱 飲果下一定好味啦當然豬扒撈麵係最抵讚啦!

好開心第一次黎劉記^^唸住食豬扒飽既...之後問下店員有冇咖哩豬扒飽!我好開心師傅話冇問題...仲介紹我地試下豬扒撈麵添!啲菜真係好好味...食完仲想叫多一碟呀^^不過唔好食咁多唔係會肥架...哈哈!!!涷檸茶--->冇香港咁好飲--檸檬唔够靚--可以再好啲維他奶--->同香港既一樣樣-->哈哈-->好似仲好味咗添

久聞這裡的豬排包非常味美，即使搭的士品嚐也值得，果真名不虛傳！品嚐美食，享受的除了味道、環境和服務，還有……回憶。鐵皮大排檔，紙皮石牆壁，還有摺枱，時光倒流二十年，這些風味，香港真是買少見少。我們一行六人到達時已四時多，店內人客不少，但阿姐仍熱情地領我們到「貴賓房」，又推介招待食品，有點像幫襯屋企樓下的茶餐廳。 凍奶茶--夏日炎炎來一杯暑氣全消，有茶香有奶味，但不夠幼滑，不過不失。 炸魚蛋--用鯪魚肉做的炸魚蛋非常彈牙，又有鮮味，好吃。 豉油撈幼麵--麵條比香港的幼細，質地爽口彈牙，豉油帶甜，和幼麵是好拍擋。 豬排包--不愧為必食推介，豬仔包焗得外脆內軟，豬排邊微焦，很香口，但仍鬆軟富肉汁，正!

i went to macau with family ,my sis highly recommended 青州劉記,但比較難搵.係青州小學後面就係啦.大約15:13到.唔洗等有位.立即order最出名GE豬扒包,咖哩雞絲治,厚西多士. +油菜($4),牛腩($6),魚旦($10)豬扒包---正!!! 包有烘,外脆內軟. +豬扒=正($12)咖哩雞絲治少人order,咖哩好香又惹味($13)我最鐘意西多,一個字------正($12)mum 話牛腩好有牛味 唔"un"其他不過不失服務質素唔錯

食過幾次 "青洲劉記美食" 的豬扒包真係好好味. 所以今次都唔放過啦..炸魚旦 - 今次的魚旦唔夠彈牙, 而且有少許 "腥腥" 地....豬扒包 - 塊豬扒真係好好味, 夠林夠入味 不過個包就比較 "立" 口..咖哩雞絲包旦 - 呢個真係超難食, 好多油而且一pat pat. 真係好難入口凍檸茶 - 好好飲. 唔太甜而且啲檸檬又新鮮凍奶茶 - 朋友話好好飲. 好有茶味....正喎

搵呢間劉記都算難啦, 的士司機又唔識, 街名都唔識唯有叫佢o係青洲小學落啦,原來都要兜去後面d鐵皮屋先搵到三十幾度差d溶到步坐低, 都幾熱, 因為得風扇無冷氣因為只係食早上第一餐, 食唔落太多野只order左:1) 水餃撈粗 - 個汁味道唔錯, 水餃都唔錯, 但唔算好特別2) 豬扒牛腩撈粗 - 同上一樣差不多, 豬扒都唔"un"3) 咖哩雞絲包 - 不枉搭咁遠車, 搵咁耐, 個包好足餡, 洋蔥絲好香口, 咬落去d餡好易"必"出黎(我食到成手都係), 咖哩辣度適中4) 凍啡 - 正常茶餐廳咖啡啦凍天黎可能好d, 大熱天時真係有d熱咖哩雞絲包值得推介呢!!

看到青洲-劉記咖啡的食評那麼好，我和老公當然要嘗試一下啦!雖然，食店的位置都幾隱蔽，但看過地圖後老公大概瞭解到此食店應該離狗場不太遠，所以，尋找過程尚算順利‧這店舖的面積要比想像中大，雖然，只是早上十一時許，店舖已經有不少客人光顧‧ 我和老公點了以下: 1) 咖哩雞絲撈麵: 雖然，咖哩有點辣，但是味道卻十分討好，而且，薯仔粒和洋蔥粒十分多，配搭撈麵都幾特別‧2) 豬扒飽: 同樣是豬扒飽，但此店的飽比金馬倫咖啡餅店還要來得香脆鬆軟，雖然如此，但是豬扒淋得嚟卻又不及金馬倫咖啡餅店的豬扒咁入味‧3) 炸魚蛋: 好有魚味，認真唔錯!4) 涷檸茶: 茶味幾好;見鄰桌的涷奶茶都好似唔錯，下回再試‧

21-5-2010某次 family gathering 時 A 提及呢度的豬扒包「幾好食」, 仲即場拎了個打包的出來「證明」有幾好食 , 是次同朋友又到梳打埠食嘢, 第一站就專程又 shuttle 又的士嚟試試.2 人 先叫了熱華田 ($7), 凍奶茶 ($9), 豬扒包 ($12) 及咖喱雞絲包 ($10); 食完發覺未夠飽又叫埋辣魚包 ($9) 及奶油包 ($7), 不過 round 2 就唔及 round 1 好了:-凍奶茶: 賣相「漸變色」的 , 仲以為會又稀又好甜, 但攪拌後茶味好香, 質地幾滑, 甜度亦剛好, 好飲喎 咖喱雞絲包: 包身脹卜卜, 烘 (炭爐?) 得十分鬆脆, 亦帶淡淡麵粉香, 正 熱辣辣「咖喱雞絲」餡料就以洋蔥及雞柳肉為主, 雞肉腍身, 洋蔥食落 sok sok 聲不過幾甜, 咖喱醬汁就大甜小辣, 椰汁味頗重, 加加埋埋夾味又好食, 值得試試.試了少少朋友的豬扒包: 包身一樣鬆脆, 豬扒就係「連骨」的, 無梳打痕跡, 醃得入味, 質地鬆化腍身亦有肉汁, 好食 感覺上咖喱雞絲包整體較出色, 不過呢個豬扒包一定好食過氹仔的人龍大排檔 (http:

來澳門當然少不了吃吃吃見青洲劉記食評不錯,於是一落船便從碼頭乘巴士來不好找呢,最後要問路,兜兜轉轉再找到,原來就在鐵皮屋村內急不及待就叫了個 炸魚旦、豬扒包、厚西多豬扒包 很普通炸魚旦 正,最好趁熱吃厚西多 好香呀,大大件,又不太甜.以前不太喜歡吃西多的,因為吃過的都太甜,吃完這個後有想再吃的衝動呢隱世美食值得再試

這裡絕不好找，地點就在青州小學的後面，走過停車場，你還不會輕易的見到這裡，因為在外邊看來，是不絕不容易看到這裡的招牌。見到有一緣色的排檔，時有人進出，內裡隱見人頭聳動的，就是青州劉記了。先來的是咖啡，這裡的做得很香濃，很甘香，非常不錯。還有要吃的當然是豬扒包，烘得夠熱之餘，邊位還要是脆脆的。豬扒鬆化，好吃。未必值得為一個區區的豬扒包來青州，但路經此地的，值得一試。想看足本食評及所有的食物相片，請參考下列網誌：http://gourmetkc.blogspot.com/2010/04/blog-post_03.html

過左黎澳門，首站黎左青洲，狗場附近。做定功課，知道劉記呢到豬扒出色，就一於黎試下。地址叫青洲小學側 ，個人覺得青洲小學後較為準確。環境係露天茶座feel，見好多澳門人渣車黎食早餐，如果怕塵多，可坐入面，不過可能就會熱一點。擺明車馬，黎試下個豬扒。上船前冇食太多，食個豬扒撈麵剛好，女友要了個豬扒飽。先講豬扒，豬扒大大塊，很入味，醃既功夫做得唔錯，煎得剛好，唔會燶燶的，最重要係冇火水味。麵夠彈牙爽口，吃不出鹼水味，水準很高，其實澳門整體黎講麵普遍都做得好好。豬扒飽夠熱，亦做得不錯。個奶茶都沖得很好，有好明顯既茶香味，很香濃。澳門好多地方都有豬扒飽，質素很參差。這裡做得很好，個人覺得比大利來那邊更好呢。這裡近狗場那邊，不算太就腳，不過亦值得黎試下。