0
2
1
以上資料只供參考, 請與餐廳確認詳情
唔係依間呀，我講既係關閘台山水佬榮呢，激死我喇！睇過依間既食評真係麻麻地，橫掂都到左都要照食啦。依間衰佬榮有眾多小菜小炒供應喎，關閘衰佬榮就主打火鍋。多謝阿倫幫我地訂檯，仲安排埋公司車接我地，雖然去錯餐廳，不過無緊要，同朋友們聚聚食餐開心飯都好滿足喇﹗我真係對拜仁完全無印象喎，真係識架咩？第一次見就同您大被同眠喇，好高興認識您，so sweet。花蛤蟹煲大，依度無湯底揀喎，亦無得揀大或細花蛤呢﹗只有獨孤一味蟹鍋湯底同一款花蛤，而且唔會好似關閘衰佬榮咁會攞隻活蟹出黎比食客過過目確保夠新鮮夠大隻先處理，好失望！並不是關閘水佬榮既辣蟹鍋囉，起初湯底好清淡，烚左一輪菜菜肉肉，開始有點起色，搞到我勁掛住關閘水佬榮個香辣蟹鍋添！花蛤細細隻又瘦猛猛，肥美欠奉，肉質削削，好慘呀！五個食家得三隻蟹，您地咁客氣又斯文，您推我讓！唯有我蝕底點，等我用力消滅晒去啦，唔客氣喇！雖然個湯底麻麻地，好采隻蟹夠新鮮，有肉又有膏。爆膏蟹蓋不得了，硬膏甘香鮮甜又嚥韌。鮮雞子，真正鮮雞子，唔係雪藏火雞子，lucky 有食神！蛋味勁濃，外層彈彈一咬爆開，裡面質感軟棉無比，好好味！只有我同阿倫兩個食，益晒我地，佢地認真唔識貨，搶呀！美國肥牛，只得一款牛無得揀！外觀十足五花腩喎，食落仲要無牛味，好可怕呀！肥滑唔知食緊咩。蔥爆雞珍，9 成都係雞腎來的，心膶腸都好難搵得到囉，蔥爆雞腎咩！免強都食到小小雞膶碎，裝飾下又吊下味啫。雞腎好爽口，濃厚豉油香，味道不錯，欠點鑊氣。手打鮮墨魚丸，比香港大粒好多，質地硬淨好多，夠彈牙鮮味，肉汁輕射，好野黎喎。芽菜底？文化差異，好大陸 feel 喎。酥炸游水烏魚，我真係從來未聽過依種魚架喎，烏魚係咪烏頭呀？入門口既時間見到係魚缸裡面好生猛，阿倫大力推介堅好味，必試！外皮炸得非常香脆，肉質超嫩滑又鮮味，啖啖肉無細骨，我地每人一條實在唔夠喉，真心無得輸好食好好味！最衰我唔食芫茜蔥，我諗如果夾埋一齊食的話，味道必定更清香更豐富。咸肉炒藕片，無叫菜食，最近黎碟蓮藕，同菜差好遠喎！藕片好爽脆，趙到索索卜卜聲，麵醬芡汁濃郁，併合味道還可以。蔥油雞一隻，無咩驚喜，普通無味白切雞，肉質腍劈劈偏乾，都總好過鞋烚烚既。靠晒您喇，豉油蔥油。
繼續閱讀
無可否認,水佬榮的膏蟹煲,鮮味一流,而手打墨魚丸, 也是一絶. 可惜店子給人不老實的感覺. 我們一行四人,點了一只膏蟹 ,$178一斤,伙記說膏蟹一定要兩斤才夠,, 但拿上手,連粗繩也絶不可能有兩斤. 我們想, , 不足兩也算了吧, 再加上花甲王煲,$180, 單是一個煲已經500多元了.味道是無可比擬的鮮, 我們還叫了墨魚丸和一碟菜, 味道都很滿意.埋單的時候,賬單是800多元,細看之下,共有三張單, 而花甲煲竟出現了兩次, 伙計還堅持花甲煲只是計了一次, 但總數計起來還是不符. 最後到櫃台查單,發覺原本只是六百元, 多計了二百多元.所以食客一定要留神,不要怕煩,一定要查單.
繼續閱讀
7月14日下午，我和親友一行四人到澳門遊玩。到晚上七時許，我們從金沙賭場搭了廿幾元的士去到了一間位於河邊新街的飯店食晚飯。此網站所刊登的照片正是我們去的那間分店，而並非位於美居花園的正店。樓下只有幾張檯，行上二樓才有十幾張檯。當晚樓上連我們在內只有兩檯客，店員聲稱平時都很旺，不知為何當天這麼少客。這是經朋友介紹的，看到菜牌內一般小菜的價格都是三、四十元一碟，所以當初是充滿信心的。我們叫了他們的所謂招牌菜「花甲蟹煲」、一隻所謂「當紅脆皮炸子雞」及一個「薑蔥魚頭煲」。當初問伙計「花甲蟹煲」點計，她說隻蟹138元再加鍋底。那隻肉蟹的確是新鮮而且厚肉的，但那些花甲（蜆）卻有很多沙，其他配料只是一些西芹和菇類等平價食品。那個湯底鹹又唔夠鹹，甜又唔夠甜，酸又唔夠酸，味道是怪怪的。現時澳門是可用活雞，但那隻雞似乎已放入雪櫃內很多小時後才拿出來炸，而且雞皮炸得唔夠脆，而138元一隻的售價都不算貴，如果人數多都可以考慮這個菜式。至於個「薑蔥魚頭煲」就最差，雖然個魚頭夠新鮮，但油太多，又唔夠乾身，而且煲底又燶哂！到最後埋單時，竟然要近八百元。原來隻蟹是138元一斤，那伙計在落單時沒有說明是一斤的價錢，亦無話隻蟹是幾重，若果是138元一兩，我們豈不是要成萬銀埋單，真是「豈有此理」！！！！後來，我們回港後將情況告訴給介紹人，她說當她去那時是在冬天，相信食這類火鍋比較適合，而且價錢亦不是這麼貴，可能是在這幾個月之間加了價。
繼續閱讀
您可能會有興趣的...