富仕葡式美食

營業中

休息中

Walk in都幸好有位, 不過是對面巷的一個鋪仔, 佢地用嚟擺少少貨兼唔會有侍應生長駐, 要點菜或者他們送食物來都要行一段仔户外道路, 咁衛生就要做妥善點。今次三個人點了五個餸...乾免治牛肉飯MOP$38...不過不失, 如果濕少少或者洋葱再多少少就好送飯燒西洋腸 MOP$40...根本就唔係燒, 只不過切片去炸, 完全炸縮晒葡腸嘅韻味, 勁熱氣 我以為係原條放喺豬形兜上面加烈酒去燒鮮忌廉薯蓉焗馬介休 MOP$85...加晒價不過馬介休肉就少好多, 薯蓉唔夠濕亦少了鹹香味, 失望蝦多士 MOP$40...炸得唔夠透, 多士完全無索油, 入口乾柴, 比預期差馬介休炒椰菜 MOP$45...全餐最正, 椰菜吸收晒馬介休的鹹香, 椰菜本身很甜及嫩唔知半年後的今天再去, 會否有改進呢!? 正期待着......

今個聖誕節, 我哋一行五大一細會過馬交玩樂. 聖誕節一定多人啦, 所以事前做定功課, 買定本"天書"計劃一下. 呢本"天書" 有一part介紹澳門十大隱世食店, 富仕係其中一間. 今次老公醒呀, 打定長途電話過去book位, book咗18:30, 仲order埋炒蜆, 薯蓉, 豬頸肉同埋雞釀飯呢四款推介美食添.當晚18:35, 終於嚟到呢間隱蔽住家食店喇. 我哋被安排坐樓上, 坐低無耐, 之前order嘅四款推介美食已陸續送上, 果然有效率. 葡式炒蜆--辣辣地, 好鮮味. 正! 忌廉馬介休焗薯蓉-- 馬介休嘅咸香混入薯蓉中,質感軟綿, 真係好正! 燒雞釀飯--隻春雞係除咗翼位同肶位外, 成隻起骨, 內釀西炒飯. 雞皮脆, 雞肉嫩, 連胸位一啲都唔"鞋", 西炒飯夠爽身, 一流! 燒豬頸肉--陣陣燒烤香氣, 味道啱啱好, 正! 葡汁焗四蔬--葡汁香濃, 有蘭花三棵, 紅蘿蔔數件, 仲有椰菜, 西芹同埋青椒, 但青椒頗多, 攪到啲味怪怪地. 蒜蓉焗青口--有好多蒜蓉, 少少辣. 掂! 蒜蓉包--見仲有好多葡汁諗住唔好浪費, 就叫多個蒜蓉包點汁食. 一上枱蒜蓉包好香, 又夠熱, 可

去既時候我諗差不多落場，所以不用等位。一坐低即點招牌燒雞釀飯，本來想點葡式腸仔薯條，可惜售罄，咁只好點酒煮蜆，味道唔錯，但間中有砂。燒雞釀飯賣相一流，皮脆飯軟，不過老公唔鐘意西炒飯，所以覺得麻麻，但我就好鐘意食嘞！價錢比其他有名既葡菜平好多，燒雞飯都係MOP98左右，酒煮蜆約MOP38定MOP48，絕對值得一試！

我地二人成兩點八先到，間餐廳三點關門，以為佢地會唔做我地生意，點知任我地坐，仲完全唔駛等位！葡式炒蜆又大碟又好味，有白酒的香味！蜆肉焗飯，個汁好味，好濃味。芥茉羊架，好味，但太多芥茉，撥走部份芥茉之後味道就啱啱好。啲肉好嫰，唔羶。可能呢段時間唔多人，全部即整，好夠熱又唔會過火。我見隔離枱嗰隻釀雞飯漲卜卜，一啲都唔乾身。不過奉勸各位，冇三至四個人唔好叫釀雞飯，否則乜都唔駛食！每個人食左大約一百蚊，比起嗰啲懶係葡式裝修又冇冷氣的葡國餐廳，呢度實在又抵食又好味，仲有冷氣，下次一定要再來！

這間小店坐位不多，唔訂位就要等餐死，最好訂位之餘，留定馳名的燒雞釀飯、忌廉薯蓉馬介休和羊鞍。除了以上三款美食之外，葡式炒蜆和芝士焗西蘭花也是美味之作。這裡雖然沒有華麗的裝修，但每道菜也是誠意之作，總好過去那些所謂人氣餐廳被劏~~

元宵節過澳門,到富仕葡式美食吃晚餐，要18：00才營業，我17：30就到了，只好到旁邊的雀仔園街市逛一逛。點了焗馬介休薯容, 烤雞飯(就係用烤雞包住的飯), 葡式炒雜菜，葡式炒花甲，消費250MOP，完全不行，沒有傳說中這麼好吃，但是也不算難吃。不值得再去。其間有人來，居然沒位置，大把空台據說給人定了，真是想不通，這麼差的餐廳居然没位置。

最好食馬介休薯容，個燒雞養飯有D失望無想像中好食，炒薯絲Ok，牛仔骨唔好食葡式雜菜好一般，葡式臘腸好Salty無人Like下次唔會返黎食無驚喜，唯一係呢間好家庭式去時要行D巷仔我問人係雀仔街点去有個澳門人帶埋我去我地六個人咁多乜照跟，去真係帶到我去係香港我睇無呢D好人羅

搵左好耐,原來就在大家熟悉的街道,再入小巷。幸好店員替我們留座到九點,仍要等一會。我地叫晒牆上相片既野咁滯。芝士中蝦e麵,同o係香港的酒家食既無分別,跟本係一碟廣東菜,可不吃。有葡式炒蜆,非常好食,佢唔係炒,而係用檸檬、酒、完茜等烚成,蜆肉雖然唔係大隻,但真正食到鮮味,我見有好多,都是合埋殼,用心打開佢,原來那海水味,keep得仲多!夾埋香純的湯汁,一吃難忘!燒雞釀飯,內釀西炒飯,茄汁飯沒有吸收雞味,而雞,比燒春雞,炸得更香,更脆到不得了!忌廉薯蓉馬介休,混入了馬介休,完全的薯蓉,帶咸香味,好食到,一個人都食得晒!燒牛肋骨,無特別,牛仔骨燒得過了火,鞋口。又一非葡國口味菜。蝦醬炒通菜,好咸,又韌。木康布甸,唔掂!好彩叫一份試試。好似雪葩咁,「木槺」又唔香,好似雪左好耐咁。建議要小心揀食物,如果唔係,山長水遠黎到,o徒左D「胃」置,就唔抵啦!

千辛萬苦終於找到這間葡式餐館,因為在碼頭取的免費地圖沒有顯示羅憲新街,四圍問人也沒有知道這條街在哪也沒有人聽過這食店,最後上網才找到--原來羅憲迎街是人位於著名食肆坤記餐廳及皇冠小館之間的小巷!吃後,覺得只是一般家庭式餐館,不覺得特別好吃,不值得專程去吃!兩個人點了馬介休炒通菜,雞釀飯,紙包牛仔肉及1枝大青島啤,共215.

剛走進這家餐，在座只有二個人，後來不到20分鐘就爆滿了，因為只有二個人所以只點了燒雞釀飯&忌廉馬介休焗薯蓉，二種都還蠻好吃的，份量也很夠把我們二個人餵的飽飽的，下次去澳門一定還要去吃

feb 28, 09,因諗唔到有咩心水,喺本"澳門聖經"度..........就選咗呢間晚飯..........誤打誤撞嚟到,等咗1陣枱...........4人叫咗 : 1) 芥末燒羊鞍-店員嘅推介-芥末好唔吝嗇唔搽上去,所以食落都略攻鼻-為咗要食吓羊嘅真味,所以撥開d芥末..........原來喺無嘜羊味,不過肉質燒得幾嫩,又唔乾,所以肉質同手技都合格有餘,獨欠羊味 2) 忌廉馬介休焗薯蓉-書仔有介紹,等緊位時見從廚房端出嚟..........所以1於叫-焗得熱辣辣..........1座小平山-馬介休肉沉底,但不會死鹹-個面挺挺的,食落好有薯味,濕度唔高,但絶不乾,因仲好軟綿-4人1致讚好..........我哋都以行動"筆"完又"筆"嚟証明 3) 燒雞釀飯-店員都話呢個喺該店嘅名菜-隻雞被填得漲卜卜,個皮就炸得小脆,但雞翼位置就微微乾咗少少,幸好影響不大-d飯保持到1粒粒,食到有茄汁同炒嘅味道,雞肉都幾嫩,只可惜材料不夠多4) 葡式煮蜆-都算大兜,滿滿的.......原來帶小辣-新鮮,不過蜆嘅鮮味唔強後記- 的士司機都唔知呢條羅憲新街喺邊..........所以致電店方教我去.

推介：焗薯蓉 <-- 好好味，超香牛油味，同埋個面焗到有少少脆可以不吃：雞釀飯 <-- 雞皮脆，份量大，但係入面個飯好似茄汁炒飯，失望芥末羊鞍 <-- 羊肉好乾唔新鮮，只食到芥末味，一d羊味都冇

經阿嫂介紹, 唔多就腳都特來一試.幸好有訂位,店子小小12時多已經坐滿人.焗馬介休薯蓉:又香又滑, 好像不大碟, 但愈吃愈漏, 又要留肚吃雞飯, 最後吃剩又沒有包走, 可惜可惜!燒沙甸:鮮夾滑, 一點腥味都沒有, 又夠大條, 眨眼已清碟蜆:很久前吃過已關門的紅鶴, 一直念念不忘, 今次無令我們失望,特別叫了豬仔飽來沾汁吃焗雞飯:最後上桌的一味, 皮脆, 飯是西炒飯的味道, 但雞是雪雞, 怎變也變不了鮮味來下次再到澳門可以再來!

阿蘇都話: 澳門既蜆特別好食, 唔知係咪d 水質好d? .. 冇錯! d 蜆真係好好食!仲有個一定要一定要一定要食既 焗薯 同燸米雞!! 一聽焗薯就好似好漏咁... 咁就錯晒!!!好味到一砵都唔夠! 我真係第一次食個會唔夠食既焗薯! 而燸米雞就夠梗係唔係香港酒樓0個d啦, 就係一隻雞, 而肚裡面釀滿糯米... d糯米吸晒雞既香..(即係油啦).. 我真係理得佢肥唔肥, 食左先講啦!!!... 最後一味又係必食既.. "燒豬頸肉" ..... ... 香港食唔到呢陣味架!!!菜就一定要食架啦, 不過就冇咩特別。地方係舊左d架, 就算我地早左成日book 位.. 去到都要等, 等左半個鐘..因為實在太多人...

起初看見旅遊書的介紹，我已經好想試~但另一半的興趣卻不大~食完之後，我地兩個都覺得: 下次去澳門，呢間一定要encore!早餐才吃完翅的我們，太飽了，只點了招牌的原隻釀雞，但絕對係誠意之作~雞的外層頗脆，一切開，內面還在霧煙，熱騰騰。最初，吃第1口，覺得ok 啦，不至於非常好味~但慢慢繼續吃，可能雞的肉汁已滲入飯中，越食越香~而佢地嘅燒雞，滑得黎幾有雞味。坊間好多地方釀雞燒雞，都整到"酶酶地"又無咩雞味，但佢地整得恰到好處~自問愛雞之人，更加不可以錯過~^^v