Collegiate Caffè (已結業)

下午茶搵嘢食搵到入理工大學。見到Cafe habitu，無錯係Cafe habitu！呢間分店定價係出邊分店正價嘅大概七折左右啦！幾個女仔叫左四件蛋糕，分別係伯爵茶、士多啤梨、香蕉焦糖同埋咖啡朱古力。開頭都諗，咁平會唔會冇質素保證呢？點知呢度嘅食物同出邊一模一樣。蛋糕每一件都好精緻，睇得又食得！伯爵茶係我最鍾意嘅，有好香濃嘅earl grey味，士多啤梨係友人最愛！香蕉焦糖就略嫌重口味左少少，重口味嘅人一定好歡喜！咖啡朱古力我冇食過啊，不過朋友話都好好味呀。我哋仲叫埋野飲，我叫咗最好飲嘅玫瑰Latte。好香嘅咖啡味，裏面有人隱隱既玫瑰花香，一次過有兩種享受！！到底係呢度點樣先可以享受到折扣呢？答案係乜嘢都唔使做！雖然佢寫明係比理大教職員同學生專用，但係當我地買嘢嘅時候，都無人查我地證件。