Shiro (已搬遷) 新店位置

約左同事係度食飯,但黎到之前見到好多劣評,有點猶豫,不過我一試無妨卦!一試之下,又未遇到其他食家咁唔好既待遇…我地一行七人,一人一個set lunch或便當,每個都好豐富,所以個個都食到好飽。我點左牛肉香味燒set lunch,果碟牛肉當然係主角,肉質淋,少筋,不過多肥膏,最好味係個燒味,甜甜地,唔辣,但係少少油;麵豉湯一般,都幾多紫菜同豆腐,唔會太鹹;白飯實在稍遜,我期望係日本珍珠米,但食落唔係,似普通米,好在有燒汁撈一撈;前菜好怪,兩件好以南瓜咁款既野再加一條條紫色絲,唔好味;沙律係生菜椰菜果d,十分一般,毫無特色可言;個生果比較差,主要係蘋果,有兩粒橙肉,但係全部浸晒落糖水,我覺得好唔得,甜到呢…服務方面又真係差少少,叫左添水可以唔理,要再叫同再三叫,仲要再等,先會有人理,不過可能因為多人,忙卦?如果以食物味道論,我呢個牛美味燒,又真係好食喎!其他同事既魚生呀,天婦羅呀,芥茉牛柳呀,便當呀,壽司呀,都獲好評呀!又唔係咁差啫!