更多
2017-11-28
2168 瀏覽
今年收到嘅第一份生日禮物竟然係Smartone送嘅,老老實實用咗佢電訊服務十幾年,我都係第一年收生日禮物,平時續約送埋d唔等洗嘅,唔係話出機優惠就係咩咩禮券!今年佢都算唔話得,送咗一客細嘅Paul Lafayet Signature Crème brûlée 法式焦糖燉蛋。我一直都好想試,但其實又唔會無啦啦買嚟食。成日見佢哋嘅甜品櫃放咗幾十個法式焦糖燉蛋,一層疊一層咁整齊放喺度,見到都流晒口水!今次就憑住個SMS,可以直接去任何一間分店攞,咁啱經過K11分店,就決定攞咗先費事唔記得。我原本想帶返屋企食,但店員好細心,提醒最好要30 mins內食,可能果日天氣比較熱。因為店内嘅小貼士卡係提客人45 mins 內享用,以確保質素。最後就決定坐係鋪頭角落嘅bar枱仔食埋先走!事關所有法式焦糖燉蛋都你即叫即燒,香脆嘅焦糖糖衣,配上軟滑嘅吉士,食落仲有一粒粒黑色嘅雲喱拿籽,超好味!食完仲帶走埋個好靚嘅陶瓷兜,返屋企自己學整先。哈哈!
今年佢都算唔話得,送咗一客細嘅Paul Lafayet Signature Crème brûlée 法式焦糖燉蛋。我一直都好想試,但其實又唔會無啦啦買嚟食。成日見佢哋嘅甜品櫃放咗幾十個法式焦糖燉蛋,一層疊一層咁整齊放喺度,見到都流晒口水!
今次就憑住個SMS,可以直接去任何一間分店攞,咁啱經過K11分店,就決定攞咗先費事唔記得。
我原本想帶返屋企食,但店員好細心,提醒最好要30 mins內食,可能果日天氣比較熱。因為店内嘅小貼士卡係提客人45 mins 內享用,以確保質素。最後就決定坐係鋪頭角落嘅bar枱仔食埋先走!
事關所有法式焦糖燉蛋都你即叫即燒,香脆嘅焦糖糖衣,配上軟滑嘅吉士,食落仲有一粒粒黑色嘅雲喱拿籽,超好味!食完仲帶走埋個好靚嘅陶瓷兜,返屋企自己學整先。哈哈!
張貼