Burgerism (黃埔新村) (已結業)

呢間野都幾有趣，之前好地地D Burger又好食，竟然執咗轉咗做韓國野，今日經過竟然又轉返個招牌做Burgerism，個侍應仲係咁同我地D熟客打招呼，於是就入去幫襯了。佢地D Burger真係好食嘅，由當年出面紅磡寶石戲院轉灣嗰間舖仔已經幫襯開，不過佢地最正嘅其實係隻德國麥啤，好耐無飲今日終於可以再試到。就係呢個牌子，仲要係生啤，真開心。佢嘅麥味好香，而且唔苦好易入口，可以懷緬一下去德國旅行的感覺Burger就叫咗個French Burger，同普通Burger最大分別就係佢用咗羅馬生菜同埋落咗白色嗰隻法式沙律醬，另外除咗舊漢堡牛扒之外佢仲有一塊煙肉，回味無窮。唯一要挑剔嘅就係D薯條有D Hea麻麻地。Anyway難得一間好食嘅餐廳復活，一定會再黎幫襯。