Palette (已結業)

無意中上網見到呢間buffet有6折優惠，再上黎open rice度睇食評覺得可以一試所以早3日book左，好彩仲有位… 而聽電話嘅staff亦都好有禮貌夜晚buffet 6點至到10:30，比其他酒店buffet嘅時間長… 果日6點幾去到，都仲有好多吉位去到8點全場就full哂！食完之後總括黎講食物款式唔算多，不過想食嘅野都有齊哂個人認為長腳蟹不錯，但波士頓龍蝦就略遜一籌… 毫無龍蝦味，而生蠔質素參差…不過$360有得食波士頓龍蝦、長腳蟹、生蠔，法式寶雲酥燒羊架… 仲想點？另外睇到網友8月去果陣仲有加送一杯夏日特飲同埋佛跳牆或椰汁燉燕窩… 但我今次9月黎3樣都已經無供應了而甜品方面最吸引都係Häagen-Dazs杯裝雪糕… 其他甜品款式唔多… 9點果陣好多cake款已經無哂亦都無再refill...可能因為配合返PALETTE個名嘅關係，餐廳嘅燈都好cyber，係幾特別… 不過影相出黎就唔多靚個人黎講encore機會不大… 但都係果句，呢個價錢試到咁多野都算係抵，出面都無乜邊間酒店buffet做得到可以都可以一試。