影片
更多
2020-11-04
170 瀏覽
好耐之前食過一次晚市omakase 一直念念不忘 呢排終於去食多次！🥰叫左個金 set ($1380) - 有前菜 冷物 刺身7點 碗物 和食 天婦羅 壽司5件 前菜有 白雲燒 金鯛 章魚群邊 - 我第一次試白雲燒，個口感好特別，師傅既刀工切到d魚皮好有口感，好得意😍 金鯛同章魚群邊都好適合做前菜！凍豆腐都係前菜一部分，好有去左日本既感覺，好正🤤🤤特別想介紹刺物 - 有目鯛 Toro 象拔蚌 獅魚 梳子魚 - 黎到最重要既食TORO環節，返工咁辛苦都係為左呢個食TORO既時間🤣TORO真係入口即溶真係好正！目鯛都好有魚既鮮味，食落去都好有質感，而象拔蚌就好新鮮，食到海水既鮮味🥰 獅魚同梳子魚都係我地平時好少會有機會食到既魚，兩個都唔會話好重既味道，上面再加左塊好青香既葉，食落口個衝擊感好大😳食完刺身就有暖笠笠既蜆湯 🥣 - 蜆湯我地突登order左兩種，兩種既味道相差少少，但已經分到兩種味對食材有唔同既影響！然後上和食 和牛腩 - 呢真係不得了，應該係用左慢煮既方法先可以令到D肉可以咁淋身，又唔會冇左牛味，同埋日式既煮法其實仲會有少少甜味既感覺🤤之後到重頭戲天婦羅 - 呢碟天婦羅係驚為
叫左個金 set ($1380) - 有前菜 冷物 刺身7點 碗物 和食 天婦羅 壽司5件
前菜有 白雲燒 金鯛 章魚群邊 - 我第一次試白雲燒，個口感好特別，師傅既刀工切到d魚皮好有口感，好得意😍 金鯛同章魚群邊都好適合做前菜！
凍豆腐都係前菜一部分，好有去左日本既感覺，好正🤤🤤
特別想介紹刺物 - 有目鯛 Toro 象拔蚌 獅魚 梳子魚 - 黎到最重要既食TORO環節，返工咁辛苦都係為左呢個食TORO既時間🤣TORO真係入口即溶真係好正！目鯛都好有魚既鮮味，食落去都好有質感，而象拔蚌就好新鮮，食到海水既鮮味🥰 獅魚同梳子魚都係我地平時好少會有機會食到既魚，兩個都唔會話好重既味道，上面再加左塊好青香既葉，食落口個衝擊感好大😳
食完刺身就有暖笠笠既蜆湯 🥣 - 蜆湯我地突登order左兩種，兩種既味道相差少少，但已經分到兩種味對食材有唔同既影響！
然後上和食 和牛腩 - 呢真係不得了，應該係用左慢煮既方法先可以令到D肉可以咁淋身，又唔會冇左牛味，同埋日式既煮法其實仲會有少少甜味既感覺🤤
之後到重頭戲天婦羅 - 呢碟天婦羅係驚為天人！！炸衣1D都唔厚，食材都唔會煮得太熟，食物既鮮味完全鎖住左係天婦羅層衣裡面，好好味😭😭😭🥰
而壽司 🍣 當然要大推海膽😍 雖然細細份，但其實下面D飯係包埋左帶子粒，帶子粒痴住曬海膽既汁，索曬D味，真係正到不得了😋😋
張貼
